إلى من وصلهم إستدعاء janvier 2015 - الصفحة 8

tchippet · 2015-01-02, 14:58

slm 3likom khawti
ana neskon f tipaza bousmail f lawal kont nrouh lbab el oued ndir sourci mais dok darou kazirna ftipaza esk nrouh lbab el oued wala ltipaza ?????? li yeskon f tipaza ygouli kifech ndir w barak allah fikomk

tchippet · 2015-01-02, 15:07

لمح اللواء علي عكروم، المدير المركزي للعتاد بوزارة الدفاع الوطني، إلى إمكانية تقليص مشروع الخدمة الوطنية إلى 9 أشهر موضحا ان المشروع قيد الدراسة ،وسيعرض على البرلمان فور الإنتهاء منه

وجاء رد اللواء على هامش اليوم البرلماني الذي نظمته لجنة الدفاع الوطني نهاية الاسبوع الماضي حول "دور البحث العلمي في تطوير وعصرنة الجيوش" حيث أعطى إشارات قوية حول تقليص مدة الخدمة الوطنية التي أثارت الكثير من النقاش وأسالت الكثير من الحبر في وقت سابق، سواء على مستوى البرلمان أو في مقترحات الطبقة السياسية، حيث قال في رد على سؤال حول إمكانية تقليص الخدمة إلى 9 أشهر" نعم من الممكن حيث ان مشروع تقليص الخدمة هو قيد الدراسة ،وسيحال للمناقشة فور الإنتهاء من دراسته وسيمر على البرلمان ليدخل بعدها حيز التنفيذ ،وأشار إلى أن دراسة هذا المقترح يندرج في سياق تطبيق برنامج احترافية الجيش الذي شرع فيه منذ عدة سنوات،وتماشيا مع سياسة احترافية الجيش غير أن الملف لا يزال قيد الدراسة والنقاش ولم يفصل فيه لحدّ الآن، بالنظر إلى تداخل وتحكم العديد من المعطيات القانونية والسياسية به.

DINAMOU · 2015-01-02, 16:13

هل الفائض يعفى ام يؤجل؟؟؟

men12dz · 2015-01-09, 15:57

اقتباس:

المشاركة الأصلية كتبت بواسطة dinamou

هل الفائض يعفى ام يؤجل؟؟؟

يكتبوا معها عبارة - مؤهل لا يجند -
يعني تستفيد من بطاقة الاعفاء + تنفعك في كل المسابقات ..لانك معفى من غير سبب طبي

موفق ان شاء الله

hocine2015 · 2015-01-02, 16:16

سلام انا خلاصلي السورسي في 30/10/2014 و مزال ما جانيش الاستدعاء و عندي ماستر هندسة مدنية . نقدر نروح متطوع في دفعة جانفي ولا راح الحال عاونوني يا جماعة انا من بسكرة و ماهي المدارس الملاح للتطوع و شكرااا

azzoun abdelouahab · 2015-01-04, 18:55

اقتباس:

المشاركة الأصلية كتبت بواسطة hocine2015

سلام انا خلاصلي السورسي في 30/10/2014 و مزال ما جانيش الاستدعاء و عندي ماستر هندسة مدنية . نقدر نروح متطوع في دفعة جانفي ولا راح الحال عاونوني يا جماعة انا من بسكرة و ماهي المدارس الملاح للتطوع و شكرااا

rouh lihom had neharar balak yediroulk ordre d'apelle

hmeda · 2015-01-02, 20:33

من فضلكم
انا لا ادرس وفي عمري 18 سنة و لم اقوم بتسجيل في البلدية
وانا انتضر ان اسجل في التكوين المهني في شهر فيفري .
مع العلم ان ادا اتت عندي لوردبال الاولى شهر جانفي وانا لايوجد عندي دليل دراسة في التكوين ..مدا افعل من فضلك اريد جواب على هدا السؤال اخي
مع علم ان اريد ان اعمل سورسي اخوتي

azzoun abdelouahab · 2015-01-04, 18:57

اقتباس:

المشاركة الأصلية كتبت بواسطة hmeda

من فضلكم
انا لا ادرس وفي عمري 18 سنة و لم اقوم بتسجيل في البلدية
وانا انتضر ان اسجل في التكوين المهني في شهر فيفري .
مع العلم ان ادا اتت عندي لوردبال الاولى شهر جانفي وانا لايوجد عندي دليل دراسة في التكوين ..مدا افعل من فضلك اريد جواب على هدا السؤال اخي
مع علم ان اريد ان اعمل سورسي اخوتي

rouh le3andhom chouf bah yediroulek la visite omba3d sahal

bob000 · 2015-01-03, 09:45

اسلام عليكم ساعدوني ربي يجازيكم راني رايح نهبل انا من مواليد 1988 كملت قرايتي 2012(تقني سامي) ما درتش فحص طبي لحقتني استدعاء واحد باش ندخل في 15 سبتمبر 2013 ما رحتش ... عندي اذني اليمنى ما نسمعش بيها و عندي سماعة + ملف طبي مليح + شهادة طبية من المستشفى العسكري واش رايكم خاوتي لوكان ندخل للثكنة يتلقوني? حاب نروح في 15 جانفي 2015 بارك الله فيكم

ahmed reb · 2015-01-03, 14:22

السلام عليكم ورحمة الله. انا عندي الاستدعاء للخدمة الوطنية في جانفي وراني رايح ان شاء الله. ومشارك في كونكور ويوصلني الاستدعاء في فيفري( على ما اظن) حبيت نسقسيكم الا نقدر نخرج من الثكنة ونشارك في الكونكور ولا لا؟ الله يحفضكم جاوبوني

سطايفي1986 · 2015-01-05, 20:39

اقتباس:

المشاركة الأصلية كتبت بواسطة ahmed reb

السلام عليكم ورحمة الله. انا عندي الاستدعاء للخدمة الوطنية في جانفي وراني رايح ان شاء الله. ومشارك في كونكور ويوصلني الاستدعاء في فيفري( على ما اظن) حبيت نسقسيكم الا نقدر نخرج من الثكنة ونشارك في الكونكور ولا لا؟ الله يحفضكم جاوبوني

مستحيل يا اخي العسكر ما يسطعرف لا بالكونكور لا بوالديك الهاتف الي هو وسيلة الاتصال بالخارج و قطعوه

hocine2015 · 2015-01-03, 16:38

سلام جماعة انا خلاصلي السورسي في 30/10/2014 و تخرجت في جوان ماستر هندسة مدنية و راني حاب نروح في جانفي بصح ماوصلنيش الاستدعاء . كيفاش ندير ياالخاوة هل مازال الوقت للتطوع ؟؟ راني حاير وحاب نروح في جانفي ؟؟؟

علي مخاطة · 2015-01-04, 11:51

هل من معلومات بخصوص المدرسة العليا للطيران طفراوي

علي مخاطة · 2015-01-04, 11:52

هل من معلومات بخصوص المدرسة العليا للطيران طفراوي من فضلكم
الرتبة ضابط احتياط

30AK · 2015-01-04, 13:44

سلام عليكم
انا جاني استعاد في الحراش 15/01/2015
عندي سؤاليين
1-نقدر نروح روطار يعني في 18 ولا 19 جانفي؟
2-عندي صبعي في يدي اليمنة (سبابة) منقدرش نطبقها درت عليه عملية كي كنت صغير..هل يرجعوني عليه؟
شكرا ارجوا الاجابة