لنتشارك للتحضير بهدوء للشهر الفضيل

[حورية الحر]

حنونة حبيت نسقسيك لما تغليه بالقشور ما يجيش مر لانو جربتو مرة بالقشور وجاني مر
[color="purبالفعل الجي انتاع الشينةه الطايبه اتعود فيه مرارة بدرجات يعني على حسب نوع الشينة الي عندك
نتمنى انكون افدتك اختيple"]اسمحيلي عزيزتي انجاوبك اعلى استفسارك[/color]

[رتاج علي]

السلام عليكم، أختي mereyoucef اعتذر عن التأخير لم ادخل النت،اما عن طريقة حفظ المشمش فااكد لك انها طريقة ممتازة، وقد جربتها بنفسي و هي طريقة سهلة جدا، تنزعين النواة (العلفة) وتضعية في الكسكاس افور مدة 5 دقائق الى اكثر بقليل المهم يصبح طري، بيدك تعرفي،تخليه يبرد ثم ترحيه بالمولينكس أو رحاية اليد، انا درتوا بالمولينكس، كل 8 ملاعق ديريهم في صاشي، او علب بلاستيكية، و خبيهم والله ذوقها رائع خاصة في رمضان و منعش، الوصفة تقول 8 ملاعق لكل لترين ولكني درتو لكل لتر، ان شاء الله تكوني استفدتي، انا مزتلوش الليمون اذا تحبي زيديلوا و تصبحين على خير أخية.

[barka61]

المشاركة الأصلية كتبت بواسطة غزة في عيوني

حنونة حبيت نسقسيك لما تغليه بالقشور ما يجيش مر لانو جربتو مرة بالقشور وجاني مر

انا مجربة هذيى الطريقة ذوق المرارة يكون خفيف كيما العصير اللى يتباع برا فقط كثرى الماء فى الكوكوط وطيبيه مليح راكى متندميش انشاء الله جربى 1كغ وشربيه مع ولادك راح يجيك 5او4 لترات زيديلهم السكر و حمض السيتريك كى يعجبك ديرى كمية اخرى ودسيها

[amina nourhanne]

و الله فكرة هايلة هكدا كل واحدة تخبي بغرضها انا عن نفسي هادا هو عامي الأول في داري خبيت الحميصة، الليمون و الرفيس و حبيت لوكان نعرف كيفاه ندير للتين les figues و المشماش عندي 3 شجركرمات و واحدة مشماش في داري bien sur نمد لكامل la famille و ندير شوية للمعجون حبيت نعرف كيفاه ننشفو باش يجي كيما لي يتباع و شكرا على الموضوع المفيد

[ام ظافر]

اخواتي الي سالت على تجميد الفرولة والمشمش نعطيكم طريقتي وهي مجربة لعدة اعوام و هذه الطريقة تصلح للعصير او سلطة الفواكه او لتزيين الطرطات والله على ما اقول شهيد
تنظفي الفرولة تاعك عادي وتمسحيها جيدا كل حبة كاملة لوحدها ثم تضعيهم فوق بلا او سني ودخليهم للمجمد وبعد ما تجمد ضعيها في علب والغرض من وضعها فوق سني تجمد لوحدها حتى لما تجمعيها في العلب ما تلصقش وتحافظ على شكلها ولما تحبي تستعمليها تقدري تستعملي العدد الي تحبيه بدون ما يكون لاصق في بعضاه
ولكن تستعملي هذه الفرولة مباشرة من المجمد للطبق يعني ما تخليهاش تقعد حتى تذوب وتولي طرية يصعب عليك استخدامها في حين لما تكون باردة تقدري تقطعيها بالسكين
مثلا لما نوجد سلطة الفواكه اخر شيء نقطع حبات الفراز المجمد وهو في سائل السلطة راح يتجانس
اما المشمش اغسليه جيدا و انزعي النوى ومباشرة حطي مقدار رطل في كل كيس لا تغليه ولا تطيبيه وحطيه في المجمد
لما تحبي تستعمليه في سلطة الفواكه استعملي نفس طريقة الفراز اما اذا تحبي تستعمليه عصير اجبدي كيس واحد وحطيه في رطل ماء يغلي معاه مدة 15دقيقة ثم ارحيه وزيديلو السكر والماء حسب الذوق وكذلك علبة ياؤورت ذوق مشماش وحطيه يبرد مليح
رطل مشماش يعملي تقريبا 2لترات عصير
والله عندي الان في المجمد مشماش باقي من العام الي فات ولونو زاهي ونعمل بيه العصير احيانا او في السلطة او نزين بيه الترطات
ملاحظة
شيء مهم ما تكثريش من فتح المجمد لانو راح تفقد الفواكه لونها وممكن تسود مثل ما حدث مع امي اصبح مشماشها لونو برتقالي داكن يعني تفاعل مع الهواء وتاكسد لانها دار العائلة وكل واحد يفتح المجمد عكس مشماشي انا بقى برتقالي زاهي لاني يد واحدة في الدار ماشي بزاف


هذه

صورة مثلجات كنت عملتها بمشماش وفراز مجمد ولونهم يدل على ذلك

[منى ابراهيم]

حبيت فكرتكم حتى ومزلت في دارنا عرسي قريب بالصح راني درت عليك ام راضية شريت حصالة وحطيتها في جهازي كامل بداو يضحكو عليا قلتلهم ههههههههههههههه باش الصرف الي يجيبو راجلي نحطو هنا وبديت من ضركة نحط فيها باش كيجي رمضان يلقاني مصمدة شوية نشرو بيها كاشما حوايج خاصيني في داري الجديدة واما الحوايج الاخرين قررت كنروح لداري في هذا ماي نكون مخبية شوية المهم حبيباتي ادعولي تولي هذي الدار عتبتها عتبة خير عليا انا وراجلي وتكون دايما عامرة

[رحيق الايمان]

يعطيك الصحة ام راضية وللاخوات انا المنطقة الي راني فيها ما يوجدوش مانكذبش عليكم انا بدبت نوجد لرمضان من ضرك و كي نعيط لماما تقولي واش دارت نتشجع بديت بالجلبانة و الثوم لانهم جابو تاع الجنان رخيس نقيتهم و حطيتهم في الكونجيلاتور و التمر ربي يخليلي بابا بعثلي كرتونة خبيت منها في الكونجيلاتور تعرفو يغلى في رمضان و يولي نادر
برك حبيت نخبي القرنون ما عرفتش كيفاش نديرلو؟

[رحيق الايمان]

المشاركة الأصلية كتبت بواسطة ام ظافر

اخواتي الي سالت على تجميد الفرولة والمشمش نعطيكم طريقتي وهي مجربة لعدة اعوام و هذه الطريقة تصلح للعصير او سلطة الفواكه او لتزيين الطرطات والله على ما اقول شهيد
تنظفي الفرولة تاعك عادي وتمسحيها جيدا كل حبة كاملة لوحدها ثم تضعيهم فوق بلا او سني ودخليهم للمجمد وبعد ما تجمد ضعيها في علب والغرض من وضعها فوق سني تجمد لوحدها حتى لما تجمعيها في العلب ما تلصقش وتحافظ على شكلها ولما تحبي تستعمليها تقدري تستعملي العدد الي تحبيه بدون ما يكون لاصق في بعضاه
ولكن تستعملي هذه الفرولة مباشرة من المجمد للطبق يعني ما تخليهاش تقعد حتى تذوب وتولي طرية يصعب عليك استخدامها في حين لما تكون باردة تقدري تقطعيها بالسكين
مثلا لما نوجد سلطة الفواكه اخر شيء نقطع حبات الفراز المجمد وهو في سائل السلطة راح يتجانس
اما المشمش اغسليه جيدا و انزعي النوى ومباشرة حطي مقدار رطل في كل كيس لا تغليه ولا تطيبيه وحطيه في المجمد
لما تحبي تستعمليه في سلطة الفواكه استعملي نفس طريقة الفراز اما اذا تحبي تستعمليه عصير اجبدي كيس واحد وحطيه في رطل ماء يغلي معاه مدة 15دقيقة ثم ارحيه وزيديلو السكر والماء حسب الذوق وكذلك علبة ياؤورت ذوق مشماش وحطيه يبرد مليح
رطل مشماش يعملي تقريبا 2لترات عصير
والله عندي الان في المجمد مشماش باقي من العام الي فات ولونو زاهي ونعمل بيه العصير احيانا او في السلطة او نزين بيه الترطات
ملاحظة
شيء مهم ما تكثريش من فتح المجمد لانو راح تفقد الفواكه لونها وممكن تسود مثل ما حدث مع امي اصبح مشماشها لونو برتقالي داكن يعني تفاعل مع الهواء وتاكسد لانها دار العائلة وكل واحد يفتح المجمد عكس مشماشي انا بقى برتقالي زاهي لاني يد واحدة في الدار ماشي بزاف


هذه

صورة مثلجات كنت عملتها بمشماش وفراز مجمد ولونهم يدل على ذلك

يعطيك الصحة راني جربت الفريز و ادعيتلك على الفكرة

[رحيق الايمان]

المشاركة الأصلية كتبت بواسطة ام راضية

شكرا جزيلا لكل الاخوات علي التفاعل معي في هدا الموضوع البسيط الدي اتمن ان يكون مفيد
راح ابدا باول فكرة وان شاء الله تعجبكم وما تستغربوش
اولا تخزين الدراهم ههه
يجب ان تكون معك دائما حصالة نقود خاصة بك ربما الاخوات اللي ربي موسعها عليهم راح تضحكهم الفكرة لكن معليش اضحكو واشروا وحدة راح نقلكم واش ديرو بيها
اختي ادا كنت عاملة اشتري واحدة وكل شهرية نحي مبلغ ارميه فيها وانسيه
المراة الماكثة في البيت كحالتي حاولي تفضلي كل يوم من مصروف البيت وارميه في الحصالة وانسيه طبعا اقل شيء 100دينار وشوفي من هنا لرمضان ان شاء الله راح تجدي عندك مبلغ من المال يفيدك في قضاء بعض الاشياء كلما تقشفت سيكبر المبلغ
كدلك تحايلي علي زوجك كي يخلص ونحيلو شوية من الشهرية ارميه فيها معليش حتي مائة الف انت ودكائك معه ههه
اما الاخوات المتيسرات كل يوم يضعن في الحصالة مبلغ فائض عليهن وعندما يقرب رمضان تتصدقن به لعائلة فقيرة ما رايكن في الفكرة نكمل افكاري البسييييييييييييطة والا نحبس
هده حصالتي

يعطيك الصحة انا درتها رغم انه خدامة تحرقت و طحت مريضة اوروزمو لقيتها حليتها رحت بيها للطبيبة و شريت الدواء ضرك رجعت اي فرنك زايد طول ليها راجلي يقولي سبونج بوب ياندى واش عامل ههههههههههههههه

[أم أدم يحي]

المشاركة الأصلية كتبت بواسطة الوهرانية 1

حبيبتي اولا انا خلاص بديت نحضر وادا حبيبتي تضحكي عليا شريت بعض االلوازم للعيد لانو تعرفي بعد شهرين النتائج المدرسية تظهر و اسعار لوازم الحلويات تلتهب
هاد المرة شريت 3 كغ كاوكاو ابيض درته في المجمد و 4 اكياس سكر قلاصي ومازال نزيد وكل عام ندير هكدا مسبقا وفي العيد نشري غير البيض هههههه
واما في مايخص تحضيرات رمضان ان شاء الله
رانا شرينا الدجاج لانو راه رخيص ومعروف انو الدجاج كل ما طول في الثلاجة كان احسن والريحة المزفرة اكرمكم الله
فكرة الدجاج المرة الجاية نصورلكم الطريقة انشاء الله بعد ادن صاحبة الموضوع
لانو الدجاج نستعملوه محمر ومحشي واسكالوب الدجاج وبوراك و.... و......
المهم راني معاكم واي تحضير راح نكون معاكم

ما شااء الله ولكن اخيتي كيف الكوكاو تديريه في الكونجيلاتور؟
فهميني تعيشي

[ام نسمة]

شريت برتقال وليمون غسلتهم ونشفتهم ومن بعد حكمت 3حبات ليمون وحكيتهم يعني اخذت منهم الزاست ودرته في البلاستيك الغذائي على شكل كموسات صغار حوالي ملعقتين صغار وتاني البرتقال نفس الشي ومن بعد عصرت الحبات اللي بشرتهم تاع الليمون وعمرتهم في علبة مكعبات الثلج الخاصة بالمجمد وكي جمدو نحيتهم وغلقت عليهم في صاشي وخبيتهم وقطعت البرتقال والليمون دوائر او شرائح وحطيتها في طبق تجمد ومن بعد خبيتها تاني هي في صاشي دوائر البرتقال نحتاجوهم لتزيين سلاطة فواكه او طارت او كما انا نحضر بهم البسبوسة نحبها بذوق البرتقال نضع المبشور في العجينة تاعها والعصير نحضر به السيرو اللي نسقس بيه وتاني راح من بعد نقطع نصف دوائر وانا عملت تجربة من بعد ماجمدو نحيت وحدة وخليتها ديكونجلات وذقتها بقات هي هي من حيث الشكل والمذاق والان اترككم مع الصور واتمنى ان تفيدونا انتن ايضا بافكار اخرى

ها الكموسات تاع البرتقال والليمون.





.





.

[رتاج علي]

ما شاء الله عليكم، ابداعات المشتركات تفيدنا و الأجر و الثواب لأم راضية، نحبوك بلا ما نشوفوك ، ربي يحفظك...

[ام نسمة]

ملاحظة انا كي حطيت دوائر البرتقال والليمون في الصحن كي جمدو لصقو في بعضاهم لو كانتنحوهم بالغصب يتكسرو امالا انا كنت حابة نجمدهم غير قيس مايشدو رواحهم لكن نسيتهم ومع الفجر في بلاصتي تفكرتهم نضت جبدتهم ولقيتهم لا صقين مع الطبسي شعلت الكانون تاع الكوشة وحطيت الطبسي 5 ثواني يعني ينحل غير الثلج اللي كان ملاصق في الطبسي ومن بعد تنحيهم بكل سهولة بلا ما يصرالهم والو اما انتوما حطوهم في بلا تاع بلاستيك مفرش بالبلاستيك الغذائي وحطيهم وبعدي بيناتهم وما تحطيش وحدة على وحدة راح يجيك نزعهم ساهل

[أم أدم يحي]

بارك الله فيكي اخيتي يا صاحبة الفكرة والله شوقتونا في رمضاان وناس الغربة مساكن ما عندهم بنة والله
الهم بلغنا رمضاان

[oum radja]

السلام عليكم
بالنسبة لينا كي يقرب رمضان نوجدو التوابل اللي نحتاجوها,التشيشة تاع الحريرة
و نصنع كمية من التارتولات و الباركات و الكورنيات المالحين و ندسهم فارغين في المجمد باش كي نسحقهم نجبد الكمية اللي نبغيها و نوجد الحشو برك
و اذا تفكرت كاش حاجة نقولهالكم