انوي بوقالة على العضو اللي يجي بعدك

[roy najma]

الالبنت الزينة اللي جات

باش أنكافيها

باللوز والسكر

نحلي فم غاشيها

وبالزهر والعطر

نرش تواقيها

ونطلب ربي العزيز

للحبيب يدّيها

[mima12]

يا مولاة القلب الكبيرربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك مادريت من حيلة ندير باش نكون مثلك

[تاج المنتدى]

واوووووووووووووووو ما خلات فيا والو
امّنت بالله ، و المنام رؤية من عند الله ، حمامة بيضا جات ترفرف عليّ ، معاها حصان توقّف بين يديّ
اللي بعدي

[تاج المنتدى]

جزت على جنية ، قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت قولي لي يلا مر قوليله نبيلة ولات
نهديها خصيصا لمجيد .نتمنى ما نسيتش أم اللغاز مع تحياتي توحشتكم بزاف

[مجيد 88]

شكرا جزيلا واسف على الغياب كنت في حالة امتحانات الدنيا هاذي راح تهبلني مالقرايا للبحث على الخدمة والله كرهة

[abdou1994]

وردة في الكاس انا نسقيها وواش راحلي في الناس

[kawo]

رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

[فاطم76]

بسم الله بديت وعلى النبي صليت وعلى الصحابة رضيت يا ربي كمللي ما تمنيت

أحمد يا أحمد
يا اللياسمك غالي
دير روحك طبيب
وأرواح متوالي

[samo30]

.............................................

[lara_croft]

انا فالحقيقة منعرفش بزاف بوقالات
عييت من الوقوف وعييت ما نشوف، عييت مالمسيد واقف عند بابو، إذا انت قريت أنل هجيت ةالحروف اللي نسيت نعطيك وجابوا

[ابو عامر77]

الوردة بالوردة صيفتك تبهر وريحتك تعطر,ندخل لجنانك وانا بالبرنوس أمستر,أنديرك في بستاني وأنكون اخديمك طول أزماني.

[حكاية قلب]

حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .

[مجيد 88]

انت جوهرة ماكسبوها سلاطين ربي يحفضك من العين ويبعد عليك الحاسدين بجاه ربي العالي وبجاه الاولياء الصالحين

[مجيد 88]

للرفع...................

[amora dz]

السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها .