|
قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الطبعة العاشرة لدورة الرقي بمدبرة منزل مثالية
|
أدوات الموضوع | انواع عرض الموضوع |
2012-11-20, 12:56 | رقم المشاركة : 106 | ||||
|
السلام عليكم و رحمة الله تعالى و بركاته
هاني تغديت و جيتكم اليوم طيبت أكلة بسكرية شعبية هي تشيشة فريك و هي كيما الشخشوخة رقاق و نسقوها بالمرقة الي تكون لحم وحمص و فول نداووها طماطم حب مكرفج و طماطم باطة و الثوم ياااااااااسر و راس الحانوت و فلفل حار أخضر مهرس و فلفل أحمر حار و كي يطيب اللحم نلوحولها الفريك خشين كي يطيب نديرولها بزاف دبشة و نسقوها على الرقاق و حطيت معاها حمود و مندرينة .. و الحمد لله على نعمته درك منين نبدا ؟؟؟؟ هيهيهيه منين نبداك يا شحمة لوراك أولا في وجه السوق الي مافهمتوهاش معناها راكي واجدة للخطبة يعني مثلا عندنا في الدار 3 بنات الكبيرة نقولولها راكي في وجه السوق على هك لازم تحط الحطة و توري رويحتها بالنسبة للتليتلي فأنا نفورو زوج تفويرات يعني عادي كي يطيب نشرحو في سينية حتان يبرد امليح و امبعد انديرو في ساشيات كل ساشي قدر طبسي و نخبيه كي نحتاج نجبدو و ننصب البرمة ما تجي اطيب يكون هو تحل لا ميكرو اند لا والو نجمرو و فرات يعني ساعات يا ربي 20 دقيقة يكون واجد .... و حتى شخشوخة الظفر تاني انديرلها هكاك بصح التريدة ما جربتهاش حاجة أخرى على اللوبيا أنا راني نلوح كلش مع بعضاه و نطيبها يعني مش انطيب اللوبيا وحدها و امبعد انداويها لا... راني نلوح كلشي مع بعض مرة وحدة و تجي بننننننننننينة أختي أم أمجد وليدك الي سنة ثانية ننصحك توقفي معاه لأن الثانية تمهيد للثالثة و الرابعة خاصة خاصة في الرياضيات و اللغة و راني وضعت تمرينات في ركن همزة وصل حمليهم و اطبعيهم و ما تلوميش روحك كي راكي لاتية بخوه الكبير لأن فترة المتوسطة واعرة بزاف دراسيا و نفسيا و هي فترة مراهقة و أنا كي عجبتك والدتي ننصحك نصيحتها راهي ديما تقولنا صاحبيه و ما تغانيهش يعني ما تقوليلو ش ما ديرش هك لأنه هاداك الوقت راح يلصق فيها "كل ممنوع مرغوب" بل وريلو الطريق الصحيح و فهميه في عواقب الأخطاء و ماعليهش تعطيلو تجربتك و تحكيلو كيفاش كنت اديري في هاديك الفترة و تبينيلو بلي الإنسان الي يخطأ في صغرو يقعد نادم عليها على طول حياته خاصة لما يكبر يصير حاير كيفاش يقابل ربي بهاداك الخطأ و بشوية و بحب و انت ماسكتلو يديه و جالسة معاه و ربي يصلحلك وليداتك راني عارفاتك أم مثالية أما العصبية الله غالب التعب يدير كلشي و إلا نسيتي حكاية عمر ابن الخطاب و هو امير المؤمنين كي جا واحد يشكيلو من مرتو تعيط اعليه لقاها مرت عمر بن الخطاب تعيط اعليه مالي مالزمش نلومو رويحاتنا بزاف و نتفكرو امليح امليح بلي "لا يكلف الله نفسا إلا وسعها" أختي العزيزة أم مريم أولا شكرا على النصيحة و أنا احيي فيك امرك للمعروف و نهيك عن المنكر ربي يبارك فيك و في ميزان حسناتك و لكن حبيت انقولك أني ماكنتش نسمع في الغناء و عمري ماسمعتو مادرتو في داري و الحمدلله و لكني كنت نسمع في الإذاعة و هي جد مفيدة مثل الأنترنت و أفضل بكثير من التلفاز و لما تجي أغنية ممكن مانركزش في كلامها و لكني ننهض نهز يدي معاها ترويحا على النفس فقط لاغير و كيما قاتلك نبض الفؤاد أما بالنسبة لزيارة القبور فأنا نقولك في حياتي كلها رحت للجبانة أربع مرات و لكني سمعت هاداك الكلام من مفتي مدينة بسكرة في الإذاعة في حصة فتاوي .... و في الحقيقة مافهمتش وعلاش حبيتي تشككي في كلامي ... أنا يا أختي ماكنتش نفتي و علابالي مليح بلي أقربكم للفتوة أقربكم للنار و أنا ماعنديش الجرأة باش انزيد الذنوب على روحي و نكذب على لدين أو انقول كلام مش متأكدة منه ... و عليه عزيزتي انحب انقولك أنا صحيح مش قايمة بديني على أكمل وجه و في نفس الوقت مانيش مفرطة فيه و راني مانحبش التشدد و عندي قاعدة نمشي اعليها "لاكان تخلطت لديان استحفظ على دينك" و درك نروحو لمريومة وينك يا لمعلمة واش هاد الغيبة رحتي و خليتينا وحدنا كي اليتامي
|
||||
2012-11-20, 14:11 | رقم المشاركة : 107 | |||
|
البسملة1 |
|||
2012-11-20, 14:21 | رقم المشاركة : 108 | |||
|
اختي ليلى ام اريج الله يعطيك الصحة تطبيقاتك روعة وطابعتهم الهدرة شانقولك تحسبي راني نتفرج في مسلسل جزايري هاهاها (راهم قريب حطوتطبيقاتك مصورة في هادا رمضان ) |
|||
2012-11-20, 14:24 | رقم المشاركة : 109 | |||
|
لوليتا الغاليا عاش من شافك هادي غيبة |
|||
2012-11-20, 14:27 | رقم المشاركة : 110 | |||
|
حبيبتي ايتس مي (ولا تحبي نلغالك باسمك ماعليش؟) |
|||
2012-11-20, 14:31 | رقم المشاركة : 111 | |||
|
حبيباتي ام امجد وفاء سعاد وام مريم الجزائرية كيراكم وكيراهم لوليدات ؟ |
|||
2012-11-20, 14:35 | رقم المشاركة : 112 | |||
|
جارتي ام ملوكة واش ماراكيش ناوية تعرضيني نفطر عندك بصح نشرط عليك حاجة حطيلي غير الحوت ياك انتوما بلاد الحوت ولا شاقلتي خيتي؟ |
|||
2012-11-20, 14:36 | رقم المشاركة : 113 | |||
|
مساء الخير عليكم واش راكم يالبنات انا راي غير مع الضياف بصح راني كملت البرنامج انتاع الكوزينة راني كنت مدايرة الفريجيدار والكونجيلاتو ر بقاتلي الكويزينيار درتها من الداخل ومن البرا لقيتها ساهلة ماهيش كيما كانت بكري نقعد معاها ساعتين ومسحت لروبو والبايط تاع البهارات ومسحت الخزائن من الداخل الى الخارج وكي خلصتهم جريت الفايونس ودرت نضاف في جهة الليدام بزاف وشللتو مليح ودرت الخل مع الماء كي جات عندى اختي قالتلي واش هدا ريحة الخل قاوية راكي تنحي في السحر قتلتلني بالضحك قلتلها راني حي في اللي عايش معايا الدهو ن الخل ضربة بضربة للدهون ومطهر هادى اختي زعمة مثقفة وكي خلصت كنت موجدة لبات تاع البيتزا كملتا وحطيتها تطيب مع الموناد والسلاطة انتاع الريش تغدينا وكي خلصنا غسلت الماعن ورايحة اندير بيت لامة فيها حوايج مانسحقهمش ونفرزها وبلاكش نطيشهم او نصدقهم ونشوف لواش نستغل هديك البيت حقى اختي اريج راني نعرف قصة منين نبداك ياشحمة لوداك كانت ماما تحكيهالنا كي كنا صغار ماشى قصة صغرونة والغولة |
|||
2012-11-20, 14:38 | رقم المشاركة : 114 | |||
|
حبيبة الكل حبيبة زارتنا البركة حبيبتي شرفتي هاد الدورة بطلتك |
|||
2012-11-20, 14:44 | رقم المشاركة : 115 | |||
|
حبيبتي سمراء الدنيا والله يشرفنا انك تشاركي معانا |
|||
2012-11-20, 14:50 | رقم المشاركة : 116 | |||
|
يسقسي عليك الخير اختي مينة راهو الطفل الصغير ماعليهش بصح خاوتو مازالو مراض وعندهم الفروض اليوم تاع الرياضيات راني حاطة يدى على قلبي وخايفة مايركزوش من المرض
|
|||
2012-11-20, 14:50 | رقم المشاركة : 117 | |||
|
اخواتي نبض الفؤاد وcherilety وفاطمة بشار نتمنالكم اخواتي اقامة طيبة بيناتنا |
|||
2012-11-20, 14:57 | رقم المشاركة : 118 | |||
|
اختي بنت خليل الله يرحم الوالد والله يبدل محبته بالصبر |
|||
2012-11-20, 15:02 | رقم المشاركة : 119 | |||
|
مريومة يا مريومة وين راكي ؟ |
|||
2012-11-20, 15:05 | رقم المشاركة : 120 | ||||
|
اقتباس:
وربي يشافيهملك ويعافيلك الكتكوت |
||||
الكلمات الدلالية (Tags) |
مثالية, لدورة, أوسم, الرقي, العاشرة, الطبعة, بمدبرة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc