الاعلان عن افتتاح الطبعة العاشرة من دورة الرقي

[وفاء سعاد]

المشاركة الأصلية كتبت بواسطة ام مريم الجزائرية

السلام عليكم واش راكم انتما هنا وانا لاخبر
راكم دايرين حالة ربي يوفقنا للخير
انا راني مع البنات راهم يمرضو بالوحدة ربي يشفيهم ويقدرني
الى قدرت نبدا معاكم والا حتى يرتاحو راني عييت من السهرة

اختي ام مريم ربي يشفيلك البنات راهو موسم الفيروسات انا تاني مارقدتش البارح من السخانة تاع الاولاد ولازم نستحفضو بيهم من البرد والهواء المفاجئ يعني يكونو سخونين ويخرجو للهواء البارد

[Minnnaaa]

اللهم بك اصبحنا وبك لمسينا وبك نحيا وبك نموت واليك النشور
اصبحنا واصبح الملك لله
ما شاء الله الدعوة راها ناشطة رانا كامل نقارعو في هلال العيد يبان بصح على حساب الشوفة غادي نكملو الصيام30 يوم حتى لغدوة نعيدو هاهاها
ام مريم ووفاءسعاد ربي يشافيلكم الصغار امين رب العالمين
اتي مي ما شاء الله الله يبارك في قوايمك انا الحنيفيات تاني عجبوني بصح عمري ما جربتهم نخاف ما يخرجوليش ملاح وبانولي شوية صاعبين راكي غيرتيني بالاك نجي الخطرة الجاية نقصر عندك بصح حطيلي شا حطيتي لعزوجتك
ام ملاك لا باس عليك حبيبتي وربي يشافيك بصح يليقلك تفوتي ما تخليش روحك هاك
ام اريج ولا اريج؟المهم شكرا وبارك الله فيك على الوصفات نتاع الدوا انا تاني ولدي دايمن مريض بالحلاقم ومادرت حتى وحدة من هادو ندير غير الخل والتقاشر للحمة نافعتني2000في ال100ونقليله البيض وندرري عليه الكمون بزاف ونعطيهله للعشا حاشاك يطرطقوهادوك الحلاقم ويتقيا كامل واش كان اداخل ومبعد نعطيه حليب دافي والله يلا يصبح خير
ملاحظة يا ام اريج ولا اريج راني سهلتهالك اليوم راني هدرت باللهجة نتاعي الحقيقية ايا اجبديني يا الشاطرة هاهاها
مريومتي عسى المانع خير يلا كان هاك ماعليش نقلرعو ليوم وغدوة المهم تطلي علينا وانت مريحة حبيبتي ممممووووااااححححح

[it's me]

المشاركة الأصلية كتبت بواسطة minnnaaa;[size=5

[/size]

اتي مي ما شاء الله الله يبارك في قوايمك انا الحنيفيات تاني عجبوني بصح عمري ما جربتهم نخاف ما يخرجوليش ملاح وبانولي شوية صاعبين راكي غيرتيني بالاك نجي الخطرة الجاية نقصر عندك بصح حطيلي شا حطيتي لعزوجتك

اهلا و سهلا و مرحبا بيك و على الحنيفيات ساهليييييين خلاص بصح لازمك فرينة نوعية مليحة
ارواحي نحطلك وش يحب خاطرك و اكثر بصح من هدرتك ماكيش بعيدة على جوايه بسكرة/المسيلة /باتنة قولي الصح ربي يخليك هههه
مانقدرش نصبر

[~ حراير ~]

صباحكم بالخير و الهناء
والله يا مينة غير دخلتيني بالدراع عليا أولا راني أختك ليلى ، أم أريج و ياريت تقعدي تهدري معانا هك عجبتني بزاف هدرتك ....و راني اليوم متقلقة شوية و حاسة بالدموع ماليين عيني ... والله غير نتكلم امعاكم و بدراع ماني حابستهم مانيش حابة انبين قدام لبنات برك
المهم خلينا من الغم و ياله نروحو للتمسخير أول حاجة ماراكيش من الشرق و لا من الوسط و لا من الصحراء.... صح و إلا لا ؟؟؟ و تانيك ماضنيتش إذا راكي من تلمسان
شوفي هاد قوايمي سمعتها في مليانة و الشلف أما الحلاقم فأول مرة نسمعها و راني راح انموت بالضحك اعليها عجبتني بززززززززززززززززززززززززززززززززززززززززززززززززز زززززززززززاف
أما يليقلك اتفوتي فسمعتها في وهران و في مستغانم و في معسكر ..... و في الحقيقة هاد هوما برك بلدان الغرب الي نعرفهم إذا كنت منهم قوليلي....... و إذا ما كنتيش منهم راني راح نرفع الراية البيضاء mad:
و ما عليهش المهم ربي يحفظلنا الجزاير الحبيبة و و يبعد عليها الظلام و ولاد الحرام و ربي يمتعنا بالهناء و الرخاء في بلادنا آمين:
أختي سعاد إن شاء الله يكونو الإمتحانات خرجولك و راني مستعدة نعاودهملك كان ما خرجولكش
بالنسبة للحلاقم على راي مينة فأنا نعرف الزعتر و القارص و الليمون كيما قلتي .... و انحب انقولك راهوم بناتي في الصغر كانو تقريبا كل شهر عند الطبيب حتان قاتلي هاد الطبيبة الروسية بلي الزكام سواء عالجتيه أو خليتيه راح ياخذ تقريبا أسبوع باش يرتاح على هك ما عدتش ناخذهم للطبيب و نخلي جسمهم يعتمد على نفسه و على مناعته و إنما انساعدهم بالتيزانة يوميا حتى بدون مرض في الشتاء يوميا تيزانة أو شراب حليب بالشيكولا و العصائر تاع الدار فقط
مثلا درك راهو القارص رخيص و مازال يرخص ... وش اندير نشري بززززززززززززززززاف نغسلو و انحي منه 3 حوايج

أولا الزاست يعني نبرش القشرة و نحطها في علبة و على المجمد كي نحب اندير قاطو حتى في الصيف نلقى الزاست ينفعني بزاف راكي علابالك بلي قارص الصيف غالي و ما تنحي منه والو
ثانيا نعصرو
شوية انفرغهم في علبة المجمد الي نعملو بيها حبات لقلاص "عرفتيها و إلا لا" و كي يجمدو نعاود انحطهم مربعات مربعات في ساشي الكونجيلاصيون و انخبيه في المجمد نلقاه في الصيف للماكلة البيضاء روعة
و الباقي ندير بيه عصير القارص مع النعناع فايدة و بنة و نظافة

و ثاني الزرودية يعني الجزر انفورو و نرحيه مع علبة ياغورت و شوية عسل و حليب يجي عصير هيلولة كبيرة و خاثر
و ما ننساوش الشينة طبعا
لأنه المشروبات و خاصة السخونة منها مفيدة للزكام

أختي أم ملاك يعطيك الصحة على التصبيحة روووووووعة ربي يجيبلك الشفاء راكي قتلتيني بلضحك على الطابلية الي لبستيها للميكرو ... راكي فكرتيني في والدتي ربي يشفيها و يحفظها راهي أول ماتدخل للكوزينة و قبل ما تلقى وش اطيب تشعل على الطابونة و تقعد اتخمم

إتزمي يعطيك الصحة على العرضة و لكن قوليلي وش معنها الضحكة الي ضحكتيها كي قلتي عجبتها عجوزتي و تعيشي أختي أعطيني رابط هاد الحنيفيات خليني نجربهم و نحي الدمار و الغش بالقضية

مريم ياله تقولينا على البرنامج و إلا انديرو انقلاب عليك هيهيهيه

[oummalak]

المشاركة الأصلية كتبت بواسطة minnnaaa

اللهم بك اصبحنا وبك لمسينا وبك نحيا وبك نموت واليك النشور
اصبحنا واصبح الملك لله
ما شاء الله الدعوة راها ناشطة رانا كامل نقارعو في هلال العيد يبان بصح على حساب الشوفة غادي نكملو الصيام30 يوم حتى لغدوة نعيدو هاهاها
ام مريم ووفاءسعاد ربي يشافيلكم الصغار امين رب العالمين
اتي مي ما شاء الله الله يبارك في قوايمك انا الحنيفيات تاني عجبوني بصح عمري ما جربتهم نخاف ما يخرجوليش ملاح وبانولي شوية صاعبين راكي غيرتيني بالاك نجي الخطرة الجاية نقصر عندك بصح حطيلي شا حطيتي لعزوجتك
ام ملاك لا باس عليك حبيبتي وربي يشافيك بصح يليقلك تفوتي ما تخليش روحك هاك
ام اريج ولا اريج؟المهم شكرا وبارك الله فيك على الوصفات نتاع الدوا انا تاني ولدي دايمن مريض بالحلاقم ومادرت حتى وحدة من هادو ندير غير الخل والتقاشر للحمة نافعتني2000في ال100ونقليله البيض وندرري عليه الكمون بزاف ونعطيهله للعشا حاشاك يطرطقوهادوك الحلاقم ويتقيا كامل واش كان اداخل ومبعد نعطيه حليب دافي والله يلا يصبح خير
ملاحظة يا ام اريج ولا اريج راني سهلتهالك اليوم راني هدرت باللهجة نتاعي الحقيقية ايا اجبديني يا الشاطرة هاهاها
مريومتي عسى المانع خير يلا كان هاك ماعليش نقلرعو ليوم وغدوة المهم تطلي علينا وانت مريحة حبيبتي ممممووووااااححححح

ان شاء الله رانى عرفتك راك من اقصى الغرب نيشان هههههههههههههههههههههههههه

[Minnnaaa]

المشاركة الأصلية كتبت بواسطة oummalak

ان شاء الله رانى عرفتك راك من اقصى الغرب نيشان هههههههههههههههههههههههههه

هاهاها شاره صاري هادا كامل باش نقوللكم انا مين امالي خلي الشاطرة ليلى تجبدني هاهاها
والله غير نيشان راني مالغرب بصح وييييييييين؟؟؟؟
مرحبا بناس الغزوات خيار الناس

[ام مريم الجزائرية]

اللهم امين اختي مينة بارك الله فيك راهم بالدواء ومازال مابراوش

[ام مريم الجزائرية]

يعطيك الصحة اختي اريج عندهم القراجم والحمى القئ تطلع بزاف مانفعش دواء العرب انا فان نستعمله لكن كي ماينفعش نديهم للطبيب
ربي يشافيهم
قوليلي بغيتك تعطيني تمارين للسنة اولى الفصل الاول باه نديرهم لبناتي اليوم ضربت تحويسة في التعليم

[~ حراير ~]

المشاركة الأصلية كتبت بواسطة ام مريم الجزائرية

يعطيك الصحة اختي اريج عندهم القراجم والحمى القئ تطلع بزاف مانفعش دواء العرب انا فان نستعمله لكن كي ماينفعش نديهم للطبيب
ربي يشافيهم
قوليلي بغيتك تعطيني تمارين للسنة اولى الفصل الاول باه نديرهم لبناتي اليوم ضربت تحويسة في التعليم

السلام عليكم و رحمة الله تعالى و بركاته
أختي أم مريم ربي يشفي وليداتك و يمتعهم بالصحة و الراحة و ربي يهنيك و يرزقك برهم اللهم آمين
بالنسبة للقيئ فهو عادة يجي مع القراجم لأنه الأولاد ما يعرفوش يخرجو الخماج حاشاكم على هك كي يسرطوه يديرلهم الميكروب و يوجعلهم كرشهم
نصيحتي المجربة لهذا الأمر هو أنك تعطيهم في الليل و هوما في بلاصتهم كاس حليب اسخون محلي بالعسل و معاه شوية زبدة و على راس المغرف بيكربونات و تغطيهم امليح راح تشوفي هاداك الخماج حاشاك يعود مُمَيَه و يخرج وحدو .... و هاد الطريقة نعطوها للي تضبط صدرو ثاني نافعة و عن تجربة
أما القيئ و لأي سبب تقسمي سنة ثوم على زوج و تحطيها تترنخ في شوية ماء "حتى ربع ساعة برك" و امبعد تعطيها للصغير بالمغرف راح تشوفي يزيد يرجع مرة و يحبس بقدرة الله تعالى
و هاد الطرق في زوج عطاتهملي طبيبة روسية

بالنسبة للسنة الأولى أول حاجة تزوري ركن همزة وصل راني وضعت فيه نسخة على التقييم التشخيصي الي يجيهم في مكان الإمتحان الأول و وضعت امتحانات الفصل الثاني باش تهزو فكرة للي مش مجرب كما أن الشيخ عبد الناصر وضع بعض الإمتحانات راح تستفادي منها المهم باش ما نكثرش عليك هاد هو الرابط
https://www.djelfa.info/vb/showthread.php?t=1080102
و إذا قريتي كل الردود تأكدي أنك راح تستفادي ... أما الإمتحانات الي قتلك عليهم تجديهم في
الصفحة 25 المشاركة 366
الصفحة 26 المشاركة 383 و 385
و الصفحة 27 المشاركة 404
و كما قتلك اضربي طلة على باقي الصفحات راح تستفادي
و بالتوفيق

و يا سعاد راني حطيتلك الفرنسي روحي شوفي

[oummalak]

صباح الخير والربح والخبز ديال لقمح
كيراكم يا لبنات يا درا الدورة بدات ولا ما زال
عجبتك اريج هده التصبيحة ولا لالا
سندوستي ان شاء الله راك بخير وكامل لبنات الي معانا نتمنالهم كامل الصحة والراحة

[oummalak]

ما زال ما نهضتو رانى نستنى فالبرنامج ههههههههههههه لبست الطابلي وقعدت فالميكرو زعم شاطرة ههههههههه

[oummalak]

راكم حشمتوني حتى وحدة ما دخلت

[وفاء سعاد]

صباحكم بالخير واش راكم معليكمش يارب تكونو لاباس انا البارح والله غير بت ساهرة مع التعب تاع النهار غير ربي هبلت ولدى عمره 3سنوات دارتلو السخانة وقراجمو ملتهبين وكي غير واين خلص الدواء وزادت اختو تاني كيفو عمرها9سنوات بلاكش البارح الدار سخونة وانا حليت الدنيا بكل وطلقت الماء وبقاو هوما في البالكو يفناو عل الما وزيد النهار البارح كامل راحلي مع الدار وماقريتهمش واولادي من النوع اللي لازم نقعد معاهم باش يقراو والفتهم الضمير انتاعي راهو من الصباح وهو يوجع في

[oummalak]

المشاركة الأصلية كتبت بواسطة وفاء سعاد

صباحكم بالخير واش راكم معليكمش يارب تكونو لاباس انا البارح والله غير بت ساهرة مع التعب تاع النهار غير ربي هبلت ولدى عمره 3سنوات دارتلو السخانة وقراجمو ملتهبين وكي غير واين خلص الدواء وزادت اختو تاني كيفو عمرها9سنوات بلاكش البارح الدار سخونة وانا حليت الدنيا بكل وطلقت الماء وبقاو هوما في البالكو يفناو عل الما وزيد النهار البارح كامل راحلي مع الدار وماقريتهمش واولادي من النوع اللي لازم نقعد معاهم باش يقراو والفتهم الضمير انتاعي راهو من الصباح وهو يوجع في

ربي يشافيلك وليداتك ولا باس عليهم ويشافيك حتى انت كامل رانا مرضانين وزيد البرنامج تاخر ما نعرفش كي ندير

[وفاء سعاد]

المشاركة الأصلية كتبت بواسطة oummalak

راكم حشمتوني حتى وحدة ما دخلت

ام ملاك واش راكي معليكش رتحت من رقبتك ولا مازلت ورانا بكل نستاو في البرنامج ربي يجيب فيه الخير خاصة راهي فترة فروض واختبارات وانا حكمني وسواس النضافة