|
|
|
|||||||
| الحوار الأكاديمي والطلابي ساحة حوار عامة لمناقشة القضايا الاكاديمية وكذا طرح الأسئلة والاستفسارات والمشاكل الطلابية والاجتماعية والبحث عن الحلول والارشادات المناسبة لها.... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
|
|
2015-07-03, 22:16
|
رقم المشاركة : 1 | ||||||
|
اقتباس:
اي سوال تفضلي بيه اقتباس:
صح فطوركم اخي + مشكلتك كيما مشكلة الاخ ماجد راجع ردي السابق باش تكون في الصورة + بداية وشا تخصصك الجامعي + وشا هي سنة الباك تاعك ورايحة نجاوبك بالقانون مبدئيا اقرا الرد لي قبل هذا
|
||||||
|
|
2015-07-04, 02:16
|
رقم المشاركة : 2 | |||
|
سطـايفية بكل فخر |
|||
|
|
|
2015-07-04, 23:04
|
رقم المشاركة : 3 | ||||
|
اقتباس:
وعلاش مستجلش ماستر عدنا في سطيف راهو مليح وزيد تضاعف فرصة دخول ماستر حط فيهم في زوج دير الجي ثاني مليح في باب الزوار وحط في قسنطينة + نصيحتي اخي مد الاولوية للماستر ومن بعد فكر في الباك الثاني + دير التسجيلات الاولية في النت ومن بعد روح شوف الحالة كيفاش مدايرة في التسجيل لقيتهم يعقبو هكاك برك ويليكيديو فالغاشي فوت دوسيك في نصهم بلا ميفيقو لقيتهم الحالة مزيرة ويفيريفيو اذا عندك باك ثاني او لا متمدش باكك لانو كي يفيقولك يقولولك ياتسحبو ويكاشيولك فيه ياتحط الليسانس ومتقدرش تسجل ماستر لذلك كون ذكي شوية وشوف الحالة كيفاش قبل وان شاء الله ميفيقولكش لا تقدر تبلوكي عام فقط والعام الثاني يتحسب عليك مي نورمال يتضرب في 0,4 احسن ميتظرب في ها مرتين + نعم ظرف عائلي او ملف طبي + ماهو ضيق مالو وسعها توسع كيما قتلك اخي انت اولا مد اولوية للماستر وان شاء الله تسهلك في الباك الثاني وتحطو بلا ميفيقولك وكي تديه ان شاء الله نزيدو نتناقشو |
||||
|
|
|
2015-07-04, 17:30
|
رقم المشاركة : 4 | |||
|
الله يوفق لكل من جد و تعب لنيل ما يريد. الحاجة التي تقلقني في الدراسات الجامعية هي البحوث لأنني لا أستطيع إلقائها بسبب التعب في الكلام و ذلك بسبب حالة مرضية أعاني منها لكني متمكن جدا في حل الإمتحانات و التطبيقات النظرية هل يمكنني النجاح في الجامعة و حتى في المدرسة العليا؟ آخر تعديل المانجيكيو 2015-07-04 في 17:33.
|
|||
|
|
|
2015-07-04, 23:07
|
رقم المشاركة : 5 | ||||
|
اقتباس:
+ قولي اخي وشا من تخصص انت + المدرسة عليا معلاباليش سيستامها اخي لكن بما انك ستصبح استاد اكيد رايح تتعب في الكلام بسبب حالتك لذلك خمم مليح فالاستاذ يهدر بزاف + اذا كانت فترة فقط اخي وتفوت من المرض متبنيش عليها مستقبلك وربي يشافيك ان شاء الله وخير بالعقل ورانا هنا نتشاورو معاك اخي |
||||
|
|
|
2015-07-05, 09:02
|
رقم المشاركة : 6 | |||
|
أختي المتميزة الله يجازيك خير أنا تخصصي الحالي علوم المادة سنة 1 سمعت بأن كل شهادات الليسانس تتم عبر مذكرات لذا أنا مضطر لتوقيف السنة الدراسية للخضوع إلى العلاج و ربي يشافينا و يشافي كل مرضى المسلمين أنا أريد الدراسة في المدارس العليا أختي و لا أدري ماذا أفعل |
|||
|
|
|
2015-07-05, 23:20
|
رقم المشاركة : 7 | ||||
|
اقتباس:
ليس كيما التيكنو فيها بزاف + كاينين جامعات اخي ميطلبوش مذكرة في الليسانس ويكتفيو بسطاج لكن اخي متخافش منها رايح يكون معاك بينوم يهز عليك شوية وزيد كاينين جامعة يكتفيو بوضع المذكرة دون القائها وحتى لو لحق ولقيتها قدم شهادة فقط يتفهمو الوضع متخليش مستقبلك الدراسي يتاثر بهذي النقطة كاينين اشخاص معاقين لكنهم تحداو وقراو ماستر وانت راك غير مريض وان شاء الله تشفى + نصيحتي ليك اذا مكنتش متاثر بزاف بالمرض وتقدر تقاوم مجمدش السنة وعالج في نفس الوقت هكا تربح سنوات واذا شفت صحتك ماثرة فيك اخي هذيك الساعة الصحة اولا تعالج ولقراية مش رايحة تهرب وربي يسهلك اخي وتشفى + انش اء الله تكتبلك المدارس العليا تاع الاساتذة لانهم ملاح وعملهم مضمون |
||||
|
|
|
2015-07-06, 18:47
|
رقم المشاركة : 8 | ||||
|
لو سمحت ...ماهو تعرفي علوم المادة عندك
اقتباس:
بارك الله فيك اختي سطايفيةعلى الاجابات القيمة جدا...
نحب نبه الى نقطة مهمة ...عندما تقولين علوم المادة فيها غير فيزياء وكيمياء ...أختي ..هل تعرفين كم يوجد من تخصص في الفيزياء وكم يوجد من تخصص في الكيميا تتيحه هذه الشعبة انت ظلمت هذا التخصص بكلامك هذا....ارجوا ان تجبيبي عن هذا السؤال و بعدها ساعقب على كلامك ان شاء الله.. بارك الله فيك |
||||
|
|
|
2015-07-05, 23:44
|
رقم المشاركة : 9 | |||
|
نعم كلامك صح حقا التميز ليس له حدود صح رمضانك |
|||
|
|
|
2015-07-05, 23:46
|
رقم المشاركة : 10 | |||
|
ما رأيكم في تخصص العلوم السياسية؟ |
|||
|
|
|
2015-07-05, 23:51
|
رقم المشاركة : 11 | ||||
|
اقتباس:
ولي نعرفهم كامل قراوها راهم يعانيو ومش في مجالهم الا واحد فيه صحتلو وراح للخليج وراهو صحفي مش في المجال السياسي للاسف وانا حسب رايي في بلادنا العلوم الاجتماعية والعلوم الانسانية احسن منها بكثير |
||||
|
|
|
2015-07-06, 21:42
|
رقم المشاركة : 12 | |||
|
اخي من فضلك صاحبتي عندها باك 2014 ولما بعتولها توجيه ماخرجتوش من النت وماسجلتش قولي اخي كيفاه الحل واش دير؟؟؟ |
|||
|
|
|
2015-07-06, 22:51
|
رقم المشاركة : 13 | |||||
|
اقتباس:
+ علوم المادة تخصص تقني اخي وقريب جدا لدراستي وكلهم عندهم اصل واحد وانا نعرف التخصص جيدا اخي نعم علوم المادة فيها كلها زوج ديبارتومن وحدة في فيزياء وحدة كيمياء وكاي ديبارتومن في اي تخصص كل وحدة عندها تخصصات اخرى وكل تخصص يزيد يتفرع في الماستر والدكتوراه في بعض التخصصات المهم اخي انت في بلاك منعرفهاش جيدا واني حكم عليها حكم مطلق لكن نطمنك اخي نعرفها جيدا ونعرف تخصصاتها وكاين بزاف على حساب كل جامعة ولذلك اجبت اخي نصهم راهم يعانيو واصحاب التيكنو احسن منهم ونص الطلبة يكرهو منها ويبدلو خاصة لي وجهو فيزياء لانهم معظهم اما يكرهو فيزياء في صغرهم يعني في الثانوي او لانهم يعرفو بلي صحاب الفيزياء يروحو يقريو في بلادنا ولافونطاج شوية طالع عند صحاب الكيمياء بالنبسة للكمياء نمشي معاك ونقلك ممكن في تخصصاها يقدرو يخدمو خدمات مختلفة لي قاري شيمي فارماسوتيك مش كيما لي قاري شيمي اورقانيك مش كيما لي قاري شيمي جينيرال لكن في الفيزياء سوءا قاري الكتريسيتي او اينارجيتيك او لازاراو فيزياء جينيرال كلهم يعانيو في ايجاد عمل اما يكملو دراسات عليا ويقريو في الجامعات او لابو دوروشارش او يلجوون للتعليم ولي تصحلو الفرصة يروح للصحراء يخدم اذا كان قاري انارجيتيك او حاجة في ليلكتريسيتي بلادنا مهيش بلاد فيزياء رغم انو الفيزياء هي لاباس تاع العلوم اخي اناايضا تخصصي برونش من الفيزياء وكنت نكره الفيزياء وحبيتها في الجامعة لكن للاسف بلادنا مهيش مادة المستقبل لاي تخصص ربي يجيب لخير ولحين تولي الفيزياء لاباس بيها يومها ننصحو الطلبة بيها حتى تخصصي وراني نقلهم بعدو عليه لانو مستقبلو مجهول انا مننصح بحتى تخصص يكون مستقبلو مجهول اخي واي اضافات تضيفهم مرحبا بيه بلاك رانا غالطين ورايك صحيح راناهنا نتناقشو باش نكونو على حق بالحجة والدليل وباسلوب حضاري فهات ما عندك اخي وياريت تقلنا وشا تخصصك الجامعي احتراماتي اقتباس:
المهم اختي الان هي ليبر ومعندها حتى تخصص تنتمي ليه تروح لمعدلات السنة لي فاتت وتخير التخصص لي يناسبها ويناسب معدلها وتلقا روحها فيه وتروح لديبارتومون تاع هذاك التخصص في الجامعة ودير طلب ليهم مصحوب بفوطوكوبي تاع الباك وتبينلهم في الطلب اسباب لي خلاتها متسجلش المهم هوما يدرسو الطلب ويردو عليها ان شاء الله بالموافقة وتكمل دوسي تاعها واش يطلبو منها وتقرا هذا العام بالتوفيق اي سوال اخر تفضلي بيه |
|||||
|
|
|
2015-07-06, 23:46
|
رقم المشاركة : 14 | ||||
|
لابدان نراعي حالات الناس قبل ان نحكم عليهم
اقتباس:
انا و لله الحمد استاذ جامعي و احضر للدكتوراه في الكيمياء الصيدلانية ....
اولا قضية نصفهم يعانون اواغلبهم يعانون او ان اصحاب تخصصات علوم و تقنيات هم يعتبرون احسن ممنهم...هذا كلام غير منطقي اطلاقا وخال تماما من الصحة و الحقيقة... اذا كنت انت مررت بتجربة سيئة او ظروفك لم تسمح لك بالعمل فلا تحكمي على كل التخصصصات هكذا او ان تحكمي على هذا المجال انه غير صالح و غير مجدي ... اختي كوني منصفة هناك طلبة ماشاء الله تخرجوا من خلال هذه التخصصات سواء في الفيزياء او في الكيمياء ..ونحب نذكرك و نذكر اخواني و اخواتي بأهم تخصصات علوم المادة.. أهم فروع الكيمياء : -الكيمياء التحليلية -الكيمياء الصيدلانية (كيمياء الأدوية في بعض الجامعات) -الكيمياء الأساسية. -الكيمياء العضوية -الكيمياء غير العضوية -كيمياء المواد -الكيمياء النووية -الكيمياء الإشعاعية (الراديوية) -كيمياء السطوح - كيمياء البوليميرات -الحركية الكيميائية -الكيمياء الصناعية -كيمياء المادة المكثفة (كيمياء الحالة الصلبة في بعض الجامعات) -هندسة المبلورات -كيمياء البيئة أهم فروع الفيزياء: -فيزياء المواد -الفيزياء النظرية -الفيزياء النووية -الفيزياء التجريبية -الفيزياء الذرية -فيزياء الكم -الفيزياء الطاقوية -الفيزياء الكهربائية و المغناطيسية -الفيزياء الجزيئية -فيزياء الحالة الصلبة -فيزياء الضوء -علم الفلك -الفيزياء الأساسية -فيزياء المواد الناقلة و العازلة و فيزياء أنصاف النواقل -ميكانيكا السوائل الفروع المشتركة بين الفيزياء و الكيمياء: -فيزياء-كيمياء (physico-chimie) -كيمياء الكم (chimie quantique) الفروع المشتركة بين الكيمياء و الإعلام الآلي: -كيمياء حسابية ( -كيمياء حاسوبية (chimie informatique) الفروع المشتركة بين الفيزياء و الإعلام الآلي: -فيزياء و نمذجة رقمية (physique et simulation numérique) -فيزياء طبية -فيزياء و هندسة المعلومة البيوطبية الحمد لله هناك..نعرف كثير من اصدقاي ممن تخرحوا في الفيزياء الطبية او غيرها هم الان اطارات في مخابر خاصة و مستشفيات كذلك .... وكذلك في تخصصي انا الذي هو كيمياء صيدلانية ...هم الان ؤرساء اقسم في العديد من شركات الادوية و المخابر على غرار صيدال... انا ضربت امثلة فقط والا فكل تخصص له مجالات العمل الخاصة به.... و ايضا اريد التعليق على نقطة انه معظم الطلبة يكهروا الفيزياء ....سبحان الله من اين تاتين بهذا الكلام...... كل تخصص و له من يعشقه و يبدع فيه و من لا يناسبه..رجاءا لا نحكم على جميع الناس بمقياس واحد ...او نعمم الكلام ...فنقول هذا تخصص لا يحبه الناس و هذا تخصص يحبه الناس.....سبحان الله...هذا لا يصح اطلاقا ... وملاحظة اخيرة اختي..انت تكتبين باللهجة العامية و تكتبين مصطحات الفرنسية باللغة العربية...احترم رايك ...لكن ادعوك لإحترام اللغة العربية .. اكتبي بلغةعلمية دقيقة ...المصطلحات اذا لم تستطعي ترجمتها فاكتبيها باللغة الفرنسية ..... بارك الله في لرأيك وشكر الله لك لكل مجهوداتك |
||||
|
|
|
2015-07-07, 15:46
|
رقم المشاركة : 15 | ||||
|
اقتباس:
الله يبارك متشرفين بيك استاذنا وان شاء الله تفيد طلبة هذا الصرح في مجال تخصصك لانو تخصص مليح يجمع بين المجال الطبي والمجال التقني + تخصصك اخي في علوم المادة ولا في التيكنو لانو التخصص تابع ليهم في زوج حسب كل جامعة مثلا جامعة سطيف شيمي فارماسوتيك تابعة للتيكنو ومكانش في علوم المادة + نرجعو الان لردك اخي ورايحة نعلق على ما لو بالاحمر وقبل ذلك نوضحلك فكرة فقط انا لست ضد اي تخصص او لدي حقد او كره لاي مجال لانو كل التخصصات الجامعية ما شاء الله ودراستها ممتعة وجميلة لكل من يحب مجال دراسته لكن اخي لكن واقعين مجال الدراسة في شور والمستقبل في شور اخر ومعظم الطلبة الجامعيين مهمش يعملو في مجال اختصاصهم الا بعض المجالات التي تعد على الاصابع وهذا راجع لسياسة البلاد وهذا موضوع وحدو اخي يجي نهار ونتناقشو فيه ايضا اخي انا هنا اعطي معلومات عن التخصصات بكل موضوعية وشفافية ولست هنا لامدح تخصص على حساب الاخر او اذم تخصص على حسا بالاخر ومرات نمد رايي حول التخصص كما فعلت مع علوم المادة بناء على حجج وتجارب عايشتها من خلال تواجدي بالجامعات واختلاطي بفئات الطلبة وايضا متطلبات مجال العمل و يبقى في الاخير رايي ولا الزم به احد فقط قلت ما املاه علي ضميري وماراته عيني نعود الان لما لون بالاحمر اولا اخي قضية نصف اصحاب علوم المادة يعانون هذا مش رايي فقط هذي حقيقة ومنقدروش نتغاضاو عليها اخي فقط لانك تحب التخصص لانو التخصص هذا منذ ان دخل لل ل م د وهو مهمش وهذا واقع وكما سبق وقتلك اخي انو الفيزياء في بلادنا مهمش عاطيينها حقها ونزيدلك معلومة عندي تقريبا خمس سنوات وانا في الجامعة ولقيت بزاف ناس يعانيو في هذا التخصص ومعظم لي نعرفهم اما حولو او اعادو السنة او اعادو الباكالوريا واختارو تخصص اخر ولاذبت صحة كلامي راجع مواضيع علوم المادة تلقا ناس بزاف تعاني ثانيا اخي اصحاب التيكنو عندهم افونطاج في الخدمة بسبب انو المجالات لي بقات في التيكنو اكثر من لي راهي في علوم المادة واذا حبيت تتاكد روح للوظيف العمومي واطلب منهم شهادة المعادلة لكلا التخصصين ورايح تلقا اصحاب االتيكنو عندهم حظوظ اوفر في العمل من اصحاب sm وعلوم المادة في حذ ذاتها اصحاب الكيمياء عندهم فرص اكبر من اصحاب الفيزياء روح اسال فقط في لانام في لاداس في تاع الوظيف العمومي في سوق العمل وشوف وشا راهو مطلوب اخي ثالثا ما لون بالازرق اخي لن اعلق عليه فقط اقول لك انا احترم رايك فاحترم رايي ايضا ولا تتهمني بما لا افعله لاني لست ممن يتكلمون دون دليل ا و حجة والايام سوف تثبت لك ذلك رابعا اخي لمعلوماتك صحيح انا ممن لم يسعفهم الحظ في دخول مجال كانو يحبونه رغم ان معدلي جيد لكن هذا لم يقف حاجزا امامي وجعلني اتخلى عن الدراسة او اخفق فيها بل بالعكس رغم ان مجالي همشته الدولة ولم تعطيه حقه وهو جديد ومستقبله مجهول لكنني درسته بكل تفاني واخلاص وانا من الاوائل في تخصصي والحمد لله لاني انسانة مومنة بمكتوب ربي وربي كتبلي وسخرني نقرا هذا المجال ونزيدلك كل من درسو معي هو خيرة طلبة التخصص والاخير فينا كان عندو في الباك 14 وكون نبدا نهدرلك على تخصصي نقدر نقنعك ونقنع الجميع بدخوله ودراسته لانو من اروع المجالات في الجزائر لكني انا انسانة واقعية وانسانة موضوعية ومنخليش عواطفي ورغباتي وحبي لمجالي يتحكمو في تفكري انا منقدرش نكون السبب في دخول طلبة حاربو باش يجيبو الباك باحسن المعدلات لمجال دراسته جيدة ومستقبله مجهول في النهاية الجميع يقرا باش يطور نفسو وباش يعمل فكيف لي ان انصحهم بمجال العمل فيه مكانش او محدود منذ سنين وحاليا التخصصات لي راهو في مستقبل مجهول هوما بصريات وميكانيك الضبط هندسة بيوطبية هندسة المبلورات ومن بين التخصصات لي العمل فيها محدود هي مجال الفيزياء وانا سابقى على رايي حتى يحل مشاكلهم وانا متفائلة خيرا ان شاء الله تحل مشاكلهم منذ عامين كانت المدارس التحضيرية تخصص مجهول لكن الان لما عطاتو الدولة حقو صار مليح ورانا ننصحو الطلبة بيه نتمى تكون وصلاتك فكرتي وان شاء الله تحتارمها حتى لو تكون ضدها فاختلاف الراي لا يفسد للود قضية مدام الاحترام سائد خامسا شكرا للمعلومالت المقدمة وان شاء الله تفيد الطلبة سادسا الامثلة التي طرحتها ي كلها تتعلق بالكيمياء او داخلة فيها الكيمياء وانا قلت سابقا الكيمياء اوفر حظا من الفيزياء ونظن انو اصدقائك كانو نظام كلاسيكي اليس كذلك اخي وهذا ايضا مشكل اخر يواجه طلبة ال ل مد انهم مزالو معتارفوش بينا وليسانس تاعنا منديرو بيه والو ان شاء الله هذا ثاين مشكل ينحل سابعا بخصوص نقطة كره الطلبة للفيزياء انا نقصد بيها مرحلة الثانوي او السيام جل التلاميذ يعانون من الفيزياء واخص باتلذكر الجيل الجديد من المنظومة الجديدة لي بدات مني يعني راني نحكيلك من قلب الواقع من تجاربنا حنا عانينا مع الفيزياء لانو النظام الجديد فيه دروس كثيرة ومرات تكون مش متسلسلة واحيانا يحكمونا اساتذة جدد مزالو معندهمش خبرة في النظام الجديد وصعب عليهم يتاقلمو معانا وكون انو المادة صعبة وجديدة على اطوار مثل المتوسط والثانوي يجد الطالب نفسه امام مشكلة ومرات يكره المادة ولعلمك مكانش تلميذ علمي او تقني مهوش مداير ليكور في المادة يعني مرغم اخاك لا بطل على فهمها لانها لاباز تاعنا وفي الجامعة تلقانا نرجعو ليها ربما لانو الفناها ومعدناش نخافو منها او لاننا نتعمقو فيها فالتعمق في الفيزياء يزيدنا فهامة واول سنة في الجامعة الكثير يعاني منها ونضربلك مثال البرومو تاعي بالذات في عامي الاول في الفيزياء 2 الخاصة بالكهرباء خرجو حوالي ثلاثين طالب من اصل 300 امتحان الفيزياء نتائج كارثية بكل المقاييس والامر ميختلفش كثيرا عن اصحاب التيكنو في هذاك العام ومنحكيلكش على نتائج الفيزياء 3 الخاصة بالاهتزازات فبعد كل ما حكيت متقليش راكي تعمي وتتهمني مرة اخى بافعال منديرهاش لانو منيش نعمم فالتعميم من صفة الجهلاء ولو تلاحظ في كلامي جامي استعملت كل لاني اعلم انو كاينني لي يبرعو فيها ويحبوها وانا شخصيا بعد ما كرهتها عاودت رجعت حبيتها وزيد نقطة مليحة حكيت عليها لكل منا مجال يعشقه وهنا ننصحو الطلبة انو يقراو مجالات يحبوها باش يقدرو يمدو الكثير فيه واذا مساعفهمش الحظ في دخوله ميعتابروهاش نهاية العالم ويرفعو التحدي ويقراو اي مجال لانو ربي يعين العبد لي يسبب الاسباب وربي يوفقنا كامل ثامنا غريب امرك اخي اول مرة نتصادف مع واحد يوقولي غيري اسلوبك هدرت مع اساتذة محاضرين ودي بروفيسار كبار وطلبة وعاملين هنا في المنتدى ولا واحد تدخل في اسلوبي ااو وجد معه مشكل اخي نظن لكل منا اسلوبو في الكلام وهذا الشيء شخصي جدا ومع ذلك رايحة نوضحلك وجهة نظري في هذه النقطة رغم اني منيش ملزمة بذلك لاني احترمك اخي شوف اخي نقدر نكتب اللغات الثالثة انجليزية فرنسية عربية لكن انا منستعملهمش ببساطة لاني اعتبر المنتدى بيتي الثاني واعضائو عايلتي وانا انسانة بسيطة كيما نتعامل في الواقع نتعامل هنا وفي بيتنا نهدر بالعامية وهنا ايضا نهدر بيها وزيد على هذا حنا ليجان نكتبو بلغة اsms لكن بما انو المنتدى يمنع هذا انا راني نهدر بالعامية بحروف عربية وهكا نكون براحتي في الاجابات والاعضاء يكونو براحتهم وميلقاوش معايا مشكل في التواصل فماني مدايرتلهم حتى مشكل بخصوص اللغة يعني هوما يهدو بواش يناسبهم ببساطة وانا نرد ببساطة هكا تكون المعلومة خفيفية ضريفة ويستوعبوها وزيد اخي مجتمعنا الجزائري لا يتعامل بالعربية واللغات عموما الا في الجامعات او الملتقيات او المحاضرات او المدارس المتوسطات والثانويات فعلاش نتحدث بيهم وانا وسط اخوتي  وبالنسبة للمصطلحات العلمية منديش مشكلة في ترجمتها و راهم يفهوني هكا واذا مفهمونيش مش مشكل نكتبهملهم باللغات الثالثة وحتى انت اخي اذا شفت روحك مش مستسيغ هدرتي او متحبش لي يهدر معاك بالعامية عادي نهدر معاك بالعربية او الفرنسية او الانجليزية كيما تحب اخي انت فصل وانا نلبس كيما يقولو في الاخير يبقى لكل منا رايه وانا احترم رايك وسررت بالنقاش معاك وان شاء الله نتلاقاو في نقاشات اخرى واعذرني على اطالة الرد فقط وضحت لك وجهات نظري رغم اني اخالفك الراي لكني احترم ارائك صح رمضانكم احتراماتي استاذنا ربي يوفقك في دراستك وفي عملك وربي يفك جميع مشاكل التخصصات الجامعية احتراماتي للجميع |
||||
|
|
|
| الكلمات الدلالية (Tags) |
| متحصل متخصل |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
•« متحصل (ة) على الباكالوريا؟,,, طالب (ة) جامعي (ة) جديد(ة) ؟,,,, عرجوا من هنا للاستفادة من خبرة من سبقوكم »•
العرض المتطور
