مشاكل ماكينة الخياطة - الصفحة 8

هندة السوفية · 2013-01-06, 22:06

الله ايخليك أختي
شوفي البورت كانت ساعات الخيط ايكون مش امسرح فيها
يعني ايكون ساعات داير فيها دورة اخرى البرى
ونقصي شدة الخيط من الميزان

الصمت حكمة · 2013-01-07, 11:09

ربي يسهل لك في طريقك وين تروحي و يفتح في وجهك البيبان كيما راكي فاتحة لنا قلبك و يجعلها في ميزان حسناتك انشاء الله و كامل واش ندعو لك راه قليل عليك، و حبيت نسألك على الماشينة اللي كيما في الصورة اللي راكي دايرتها اسمها super zig zag واش رايك فيها بصراحة

هندة السوفية · 2013-01-07, 15:56

الله ايخليك حبيبتي والله يجازيك كل خير على الدعاء
اتصدقيني لو بيدي اقدماكم اكثر
والله اختي احس بالتقصير خاصة في موضوع الدورة
اما الماشينة انا صراحة معنديش وحدة لكن انفكر نشريها
لكن هي نوعية مليحة خاصة ان كل قطعها حديد اوزيد نفس البورت كانت تاع الماشينات العادية

**افنان** · 2013-01-08, 09:40

السلام عليكم اختي مشينتي اسمها برنينا مشكلتها تقطع الخيط كلما تمشي شوي تعاود تقطع نحاول دايمانريقلها لكن نفس الشيئ سوالي هل بياسه تاع الريقلاج تفسد ماهو الحل وشكرا

هندة السوفية · 2013-01-08, 21:33

وعليكم السلام ورحمة الله وبركاته
اختي ممكن اتكون ناشفة (ناقصةزيت)
والا الخيط مزير
ويلا فيها خيوط اللتحت عالقة
والا الابرة مش راكبة قدقد

ام لؤي2 · 2013-01-08, 22:28

السلام عليكم اخواتي

اشتريت الة خياطة من نوع تويوتا 2700g
لكني لا اجيد استعمالها فارجو منكم مساعدتي في طريقة عملها

أخواتي غدا انشاء الله نزل صور للماكنة

ام لؤي2 · 2013-01-09, 11:19

السلام عليكم اخوات

وهذي الصور انتاع الماكنة

والآن مع صور الاكسسوارات لجاو معاها :

أتمنى من كل واحدة تعرف كل جزء من أجزاء الماكنة واش دير لا تبخل عليا وأجرها على الله

اللهم ارحم أمي وجميع موتى المسلمين -آمين -

الصمت حكمة · 2013-01-09, 11:48

أختي هندة، راني جربت كيما قلتي لي، و أعطتني نتيجة أفضل و كي زدت جربت شديت و زيرت القماش بيدي من الجهتين تلاشى المشكل نهائيا، ألف شكر مرة أخرى و ربي يجعل تعبك في ميزان حسناتك، ما كي لا مقصرة لا والو راه كل واحدة منا مجربة الظروف اللي تخلي الواحد حاب يدير كلش و ما يدير والو.

**افنان** · 2013-01-09, 13:25

شكرا علي الجواب ربي يحفظك

هندة السوفية · 2013-01-10, 15:53

اقتباس:

المشاركة الأصلية كتبت بواسطة ام لؤي2

السلام عليكم اخوات

وهذي الصور انتاع الماكنة

والآن مع صور الاكسسوارات لجاو معاها :

أتمنى من كل واحدة تعرف كل جزء من أجزاء الماكنة واش دير لا تبخل عليا وأجرها على الله

اللهم ارحم أمي وجميع موتى المسلمين -آمين -

والله لوكنت قريبة كنت جيت لعندك وفهمتك لكن الله غالب
المهم أختي انحاول انفهمك حتى هكة
شوفي الاكسسوارات هذوا لميهم كلهم اوخبيهم لانها فيها تاع الفارمتير والازرار ومكان الازرار
والثنيات لذلك خبيهم واستعملي غير الدواسة اللي راكبة في الالة
وابدي استعملي الخياطة العادية وشفي على مكان ضبطها
ثم الطرز كل مرة غرزة وكذلك اشفي عليها
وهكا بشوي حتى توالفي عليها
وتركيب الخيط عادتا ايكون فيها خيط راكب ايدلك على طريق الخيط اعقدي فيه واسحبي
دون ان تنسي تعمير الكانيت في الاسفل
وحظ موفق
اتمنى أن ساعدتك ولو بالقليل

هندة السوفية · 2013-01-10, 15:54

[quote=الصمت حكمة;12674756]أختي هندة، راني جربت كيما قلتي لي، و أعطتني نتيجة أفضل و كي زدت جربت شديت و زيرت القماش بيد

الله ايسلمك اختي والله فرحت بردك
أختي تفكريني بدعوة خير

ام لؤي2 · 2013-01-10, 18:21

السلام عليكم
بارك الله فيك أختي وجزاك الله خير الجزاء
اختي أنا كانت عندي بكري ماكنة سانجر العادية السوداء ، يعني نعرف نخيط ونعرف نعمر الكانيت
وانا حبيت نعرف هادوك الاكسسوارات كيفاش نخدم بيهم
سؤال1 : اختي كنحب نطرز هل نستعمل الدواسة لجات راكبة فيها ولا هناك طرزات تستوجب تغيير الدواسة ؟
السؤال2: أختي العزيزة في هذي الصورة ، المسننة لمن الفوق لأمام عمود تعمار الكانيت ياك هي لنبدل بيها أنواع الطرز ، يعني نبدل للطرزات لفي اللون الأزرق للطرزات لفي اللون الأحمر وهكدا
إدا كانت الاجابة بنعم ، أنا هديك المسننة تدور من رقم 2 إلى الرقم 4 وتروحش S1،S2 لي باللون الأحمر والأزرق لمرسومة في الماكنة
هل المشكلة في الماكنة ؟

اسمحيلي راني طولت عليك بزاف
وبارك الله فيك

طيبة نفس · 2013-01-10, 18:46

سلام شكراااعلى المجهود لي راكي قاعدة ديري فيه في ميزان حسناتك ان شاء الله حبيتك اذاتقدرتفيديني انا ماشينتنا سانجار سوداء عادية هاد ليامات خربت فيها رجعت تمشي ماشاريال ..............ولقدام ماتحبش ماعرفتش واش لازم نديوها عند لي يصلح ولا نقدرو نخربشو فيها في الدار وتتعدل شكرااااااااااااا مسبقاااااااااااااااااااااا

هندة السوفية · 2013-01-10, 22:12

اقتباس:

المشاركة الأصلية كتبت بواسطة ام لؤي2

السلام عليكم
بارك الله فيك أختي وجزاك الله خير الجزاء
اختي أنا كانت عندي بكري ماكنة سانجر العادية السوداء ، يعني نعرف نخيط ونعرف نعمر الكانيت
وانا حبيت نعرف هادوك الاكسسوارات كيفاش نخدم بيهم
سؤال1 : اختي كنحب نطرز هل نستعمل الدواسة لجات راكبة فيها ولا هناك طرزات تستوجب تغيير الدواسة ؟
السؤال2: أختي العزيزة في هذي الصورة ، المسننة لمن الفوق لأمام عمود تعمار الكانيت ياك هي لنبدل بيها أنواع الطرز ، يعني نبدل للطرزات لفي اللون الأزرق للطرزات لفي اللون الأحمر وهكدا
إدا كانت الاجابة بنعم ، أنا هديك المسننة تدور من رقم 2 إلى الرقم 4 وتروحش s1،s2 لي باللون الأحمر والأزرق لمرسومة في الماكنة
هل المشكلة في الماكنة ؟

اسمحيلي راني طولت عليك بزاف
وبارك الله فيك

أختي مكان حتى مشكل أنا هنا باش انساعدكم
أختي بالنسبة لدواسة متغيرهاش
لانها فيهاشق عريض مكان مرور الابرة
اما السؤال الثاني منقدرش انجاوبك الا كي انشوف بعيني

هندة السوفية · 2013-01-10, 22:46

اقتباس:

المشاركة الأصلية كتبت بواسطة طيبة نفس

سلام شكراااعلى المجهود لي راكي قاعدة ديري فيه في ميزان حسناتك ان شاء الله حبيتك اذاتقدرتفيديني انا ماشينتنا سانجار سوداء عادية هاد ليامات خربت فيها رجعت تمشي ماشاريال ..............ولقدام ماتحبش ماعرفتش واش لازم نديوها عند لي يصلح ولا نقدرو نخربشو فيها في الدار وتتعدل شكرااااااااااااا مسبقاااااااااااااااااااااا

الله ايسلمك حبيبتي
مشكلتك بسسسسسسسسسسسسسسسسسسسسسسسسيطة جدا
شوفي الصورة اونزلي القضيب اللي في الدائرة الصفراء اللي اينظم الغرزة
وإذن واحد أحد راح ترجع كيف قبل

تذكريني أوخيتي بالدعاء

اللهم صلي على محمد وأل محمد