& معاً لجمع وتنقيح موروثنا الشعبي وكنزنا الوطني من الأمثال الشعبية &

[sidali75]

موضوع ائع ولكني أسأل عن صاحبه فأين غبت أخي أمير جزائري حر ؟؟؟ وإني أترقب عودتك حفظك الله ويسر الله أمرك

[تشرين11]

المشاركة الأصلية كتبت بواسطة sidali75

موضوع ائع ولكني أسأل عن صاحبه فأين غبت أخي أمير جزائري حر ؟؟؟ وإني أترقب عودتك حفظك الله ويسر الله أمرك

صاحب الموضوع ينطبق عليه مثل
راح وقال عدولي

[walae80]

موضوع رائع.

يا اللي تعيط قدام الباب عيط وكون فاهم ما يخسر بين الرجال غير النسا و الدراهم.

عندما أتذكر أمثال أخرى سأعود.

[الدر الكامن]

احب ان اشارككم بمثل جميل هاالحنة عن الحضري ها الما في الواد

[الطيب الشريف]

ومن الأمثال الصينية لا تضع البيض في سلة واحدة

[taleb2011]

اذا كان حبيبك عسل ماتلحسوش قع

[nana47]

المرا الخايبة تقول سحروني جيراني

الي عملتو في الرجال استناه والي عملتو في النسا ماتنساه

و يقولو تاني
إذا حلف عليك الراجل بات هاني و إذا حلفت عليك المرا بات واقف

الي حب يروح بابانا مفتوح ما راح نموتو على جالو ما تطلع الروح

طريق السد لي تدي ما ترد






و يقولو الماكلة كي النار و الجهد كي الفار
و يقولو تاني
الفم ماضي و الجهد فاضي
و يقولو تاني
الفم موس واليدين حبوس
و يقولو
الاسم غالي والمربط خالي

اخدم على الروح حتى تروح

[nana47]

السلام عليكم
ساحاول الشرح حسب فهمي المتواضع لكل مثل

المشاركة الأصلية كتبت بواسطة أمير جزائري حر

شكرا نانا على هذه الباقة من الأمثال ..

العفو


المرا الخايبة تقول سحروني جيراني ..

الي عملتو في الرجال استناه والي عملتو في النسا ماتنساه

و يقولو تاني

إذا حلف عليك الراجل بات هاني و إذا حلفت عليك المرا بات واقف

أمير : هذين المثلين يشبهان قولهم : " الراجل يسامح و ما ينساش و المرا تنسى و ما تسامحش "


نعم و هو كذلك


الي حب يروح بابنا مفتوح ما راح نموتو على جالو ما تطلع الروح

طريق السد لي تدي ما ترد ..

أمير : أتمنى لو تشرحين لنا الجزء الأول (الملون )


طريق السد على حسابي انا انو الطريق الي يديها الماء كي يتفتح السد يكون الما في اشد قوتو و يكون طريقو يدي و ما يجيبش و هذا يرجع لقوة الماء و ساسال الكبار في العيلة و اصحح المفهوم ان كان خاطئا



و يقولو الماكلة كي النار و الجهد كي الفار ..

أمير : أرجو شرحه ..
هذا المثل ينقال اكثر حاجة للانسان الفنيان و زيد ثاني للانسان كي يولي يقضي في حاجة ساهلة و ما يقدرش يديرها لذلك يقولولو الماكلة كي النار يعني ياكل الله يبارك بصح كي يسحقوه جهدو جهد فار
كاين مناطق في الجزائر يقولوا الماكلة كي السوسة و الصحة مدسوسة
و يقولو تاني
الفم ماضي و الجهد فاضي ..

أمير : أظن معناه يقصد من يقول ولا يفعل مثل المثل العربي: " مالي أرى جعجعة ولا أرى طحينا " ..
و هو كذلك
و يقولو تاني
الفم موس واليدين حبوس ..

أمير : أرجو شرحه ؟؟
له نفس المعنى مع سابقه على حساب ما يستعملوه
و يقولو
الاسم غالي والمربط خالي

أمير : هل يشبه قولهم : " يا المزوق من برا .. واش حالك من الداخل "

تماما

اخدم على الروح حتى تروح ..

أمير : أرجو شرحه ..


و الله هذا جايني بسيط و ما عرفتش كيفاه نشرحو

[nana47]

الي بقاني ما كساني و الي كرهني ما عراني لي حبني نضحكلو بقلبي ماشي بسناني و الي راح طريق السلامة راه هناني

كيد النسا كيدين من كيدهم قديت جافي يتحزمو بالحنش حي و يتخلو بالعقارب


الي ما يخلي من قداه لعشاه تستشفى فيه عداه


قول كلام الخير ولا اسكت خير


خوك يمضقك بصح ما يسرطكش
خوك خوك لا يغرك صاحبك

[sara_ji]

الخو خو مرتو وإدا مات يغيض اختو..
خوك خوك وإدا تزوج يولي عدوك..

[صبرينة لوتس]

السلام عليكم

وانا أيضا لم أنتبه انها مرتبة بأبجديتها ، دربت طلة شفت القوائم هربت ( ابتسام )
الحمد لله أن المثل الأخير لم يدرج .

[أمير جزائري حر]

المشاركة الأصلية كتبت بواسطة هدى11

اهلا
الي عينها في خوها تصحب مرتو
تحياتي

مثل جميل أعجبني وفيه معنيين

معنى ظاهر و معنى خفي ..

وهو يشير إلى ذكاء المرأة .. ؟

أريد أن أعرف تفسيرك أختي هدى قبل أن أعلق عليه ..

المشاركة الأصلية كتبت بواسطة sara_ji

الخو خو مرتو وإدا مات يغيض اختو..

خوك خوك وإدا تزوج يولي عدوك..

شكرا على المثلين سارة ..

أرجو أن تشرحي لنا المثل الأول ..

تحياتي ..

المشاركة الأصلية كتبت بواسطة صبرينة لوتس

السلام عليكم

وانا أيضا لم أنتبه انها مرتبة بأبجديتها ، دربت طلة شفت القوائم هربت ( ابتسام )
الحمد لله أن المثل الأخير لم يدرج .

لا تستعجلي ..

بل استمتعي بقراءة الفهرس ثم ادرجي لنا ما جادت به نفسك ..

دومي وفية لموضوعنا التراثي ..

تحياتي ..

[راجية رحمة ربي]

لا يعجبك نوار الدفلة في الواد داير الظلال ولا يعجبك زين الطفلة حتى نشوف الافعال.
الانسان بافعاله و ليس بمظهره

[أمير جزائري حر]

ذكرني مثل الأخت سارة عن الأخ بمثل في نفس السياق ..

يقول المثل :

يَكَّبْرُو الخَاوَا ويْوَلُّو عْمُومِيَه ..

ويقصدون أنهم بعد أن يكبروا ويتزوجون ويستقلون تجف وتضعف بينهم صلة الرحك وكأنهم لم يكونو غخوة بل أبناء عمومة فقط ..

[تشرين11]

السلام عليكم اخي
هذه الامثال لست من وضعتها هي من التراث أكانت سلبية او إجابية
بنت ااخيمة مقصود بها بنت التي تربت على الفضيلة ولاخلاق النبيلة لما تقع في مشكلة لاتتسرع وتغلط دائما ترجع لتربيتها
شد ولدك هذا
المثل يدرج في الام تترك ابنها او بنتها تكثر المبيت في غير بيتها او بيته ولايستطيع ان يستقر في اسرته
الي يدور على الزين هذالمثل للخاطب يخطب لايخطب من والا شاع عليه زواج فليتزوج من إمراة جميلة ويتحمل تكاليفها
تحياتي