اقتباس:
المشاركة الأصلية كتبت بواسطة OM AYA
سلاااااااااام لبناااات سطووووف قريوووولة روزا بيبا جوجو سارة دودا جيل والجمااااعة كبيرة من قسم لخياطة ومن الاعمال الفنية توحشتكم حبيباتي وربي يوفقكم جميعا والسلام موصول للجميع اللي كتبت اسمها واللي ما كتبتش اللي تعرفني واللي ما تعرفنيش وللي نعرفها وللي ما نعرفهاش بلا ما ننسا كرونو وفيفي .....
|
اهليم ام ايووش والله غيبه واشبيك واشمن ظروف لي داوك قريب عام ؟؟؟. ياختي غير طلي برك ليك وحشه
اقتباس:
المشاركة الأصلية كتبت بواسطة جلفااوية
بسم الله السلام عليكم اذا حبيت نغير القماش نقدر ولا لا وثاني المودال الي ارسلتو راني حابة نغير فيه من حيث الاكمام والاكسسوارات واش رايكم
|
اقتباس:
المشاركة الأصلية كتبت بواسطة جلفااوية
فيما يخص الاكمام حابة تروا كاري يا اما يكونوا اكمام في الفستان او بوليروا هذا من جهة و من جهة اخرى اللون انا اشتريت قماش اسود هذاك الي ارسلتو ما نعرفش اسمه نظن دونتيل لاسق في قماش يشبه للبيزو بيزو راني نخمم ندخل عليه لون اخر الي هو يا اما ازرق داكن او احمر ويكون يلمع و طول الفستان بالاك نعملو قصير واش رايكم ![Confused](images/smilies/confused.gif)
|
راني فهمت نوع لقماش لي راكي تهدري عليه جلفاويه شوفي بالنسبه للبياسه لي راكي تهدري عليها ممكن تخدميها بالقماش لمعدس الرقيق فيه الوان بزاف
![](https://imagizer.imageshack.com/img901/8774/FuBXjI.jpg)
الفستان ادا حابه تعمليه قصير ديريلو لي مونش و اذا حابه تخليه طويل من الاحسن ديريلو بوليرو
هذا حسب راي و نتي زيدي خمي
اقتباس:
المشاركة الأصلية كتبت بواسطة faiza2008
و انا واش رايكم فالموديل واش انديرلو باش مايبانش كيما القفطان كنت حابة انغير الموديل الصباح ،الله غالب النت كان مقطوع،معليش المهم انا قلت مانديرش الgalon وانعوضه بشيء
آخر des strasses مثلا وانزيد قطعة من الفوق كيما la cap بالموسلين ولا l'organzaولا تول ، درك نبعثلك صورة للقطعة على الخاص و انصحوني لاني مبتدئة ومعرفتي قليلة فالقماش والاكسسورات
|
فايزه ابعثيلي نشوف نوع القماش تراش نزيدو نخمو فيه انا كي نشرحلك لقماش راح نحطلك صورتو باش ما تحيرلكش هههه
اقتباس:
المشاركة الأصلية كتبت بواسطة تقوى اماني
لم استطع ارسال الصورة
|
صغري حجم الصوره و ابعثي. تقوى مزال عند نفس المشكل. كاين مواضيع بزاف يوريولك كيفاش تنقصي في حجم الصوره و كيفاش تبعثيهاهيا حبيبتي اتعبي شوي باش تحسي بطعم النجاح
اقتباس:
المشاركة الأصلية كتبت بواسطة biba04
مساء الخير للجميع
للاسف النات كانت عندي مقطوع بسبب الهاتف نهار لي سجلت فيه راحت النات وهدا وين رجعت جيت لهنا لقيت فاتني بزاف بففففف
ادا تقبل مشاركتي اخ عمرنبعث وش يلزم
الله غالب حبيبتي كنت حابه تنظمي للبنات. علابالي بيك مبدعه ماشاء الله معليش مخلوفه دائماً النت ديرها بينا
|
اقتباس:
المشاركة الأصلية كتبت بواسطة حسناء القمر
للاىسف شكرا لكم على اي حال والرجاء الشرحاكثر حتى يفهموا الجدد
|
حسناء ماوصل حتى عمل من تاعك للاسف ما تأهلتيش حبيبتي كلشي كان واضح حنا لي ما قريناش مليح انا وحدة من العضوات ما تولهتش للشروط الله غالب
اقتباس:
المشاركة الأصلية كتبت بواسطة rachaz
اسفةاخي راني قتلك اذا قبلتولي هذاك الموديل الجديد واما ساكمل بموديل تاعي الاول الوردي سامحوني على التاخير والله راه عندي مشكل في الانترنيت ارجوكم اقبلو ني نكمل معاكم
|
رشا انت مع المشتركات ارساي على موديل فقط باش نعطيوك الافكار. بسرعه
اقتباس:
المشاركة الأصلية كتبت بواسطة rachaz
ااولا اود اناشكركم نتمنى اذ قبلتوني نكمل معاكم بالموديل تاعي انا راني حابة نعملو بتيسي موسلين احمر والطرف المحرج نديرو بالكتان تاع العدس لي راهم يديرو بيه لي روب سواري ويكون اسود ارجوكم قولولي قداه نحتاج لقماش باش نروح نشري
|
شوفي رشا نتي تحوسي على المودال الاول و تحوسي تخدمي الفوقاني بالقماش كيما لي حطيتو ل جلفاويه هكذا و من اسفل تحوسي عليه اونفورم ولا كيفاش اذا راني غالطه قوليلي و ابعثيلي نوع لقماش لي تحوسي عليه ا باش نقلك قداش يرفدلك لقماش
اقتباس:
المشاركة الأصلية كتبت بواسطة طموحة لابعد حد
السلام عليكم
اولا يعطيكم الصحا الكل واخيرا بدا الجد راني متحمسة بزاف
ادا المودال اللي خيرتو ما عنديش ليه تصميم الظهر مادابيا تنفعوني بصور للظهر
وتانيا حبيت نسقسيكم على القماش الاسفل نديرو ساتان وادا نعم وش من نوع من الساتان راني ناقصة بزاف في انواع القماش ما نعرفلوش
واللون وشرايكم بالاصفر والا البيج وشحال من ميترا نشري نتاع القماش الاسسفل
والبروشات او الاكسسوارات حبيت نشريهم عسلي ولا دهبي وش قولكم
وشكرا على وسع صدركم
|
هو مودالك الظهر مافيه والو البروتالات ممكن يهبطو درابي على الظهر او يلصقو عادي كي البيستيي
من رايي تخدمي ساتان و فوقو دونتال مثال ساتان اصفر فوقو دونتال. نوار و الطرف لي فوق الصدر مع لبروتالات يجي موسلين شونجونت سوداء
اقتباس:
المشاركة الأصلية كتبت بواسطة جلفااوية
سلااااااااااااام وينكم يا سطايفية فريولة لبنات ويييييييييييينكم الوقت يمر
|
راني هنا البارح روحت ميته بالعيا ماقدرتش ندخل
اقتباس:
المشاركة الأصلية كتبت بواسطة جلفااوية
![Mh31](images/smilies/mh31.gif) مساء النور واش راكي انا الحمدلله راني خايفة ما نعرفش نخيط ولا نحصل ربي يستر انشاء الله راني خايفة من الوقت و امتحانات اولادي
|
ماتخافيش راني شفت ابداعلتك نتكل عليك جلفاويه تحمريلي وجهي
اقتباس:
المشاركة الأصلية كتبت بواسطة racha2010
ما تخافيش يا بنت الجلفة ما يكون غير الخير و السر هو الصبر لازم تمشي خطوة خطوة بلا ما تزربي روحك ...و انا ثاني اولادي عندهم الامتحانات يوم الثلاثاء ربي ينجح وليدتنا ....و باركولنا يا بنات بابا و يما خرجو في القرعة انتاع الحج ربي يحفظهم ان شاء الله ...بارك الله فيك اخ عمر و سوف اعيد وضع سؤالي ان شاء الله .
|
ايوا مليحه التفاعل بيناتكم. و هاذي فايده المسابقه انكم تتعرفو على بعضان في جو اسري و تستفادو من خبرات بعضاكم
مبروك عليكم حبيبتي
اقتباس:
المشاركة الأصلية كتبت بواسطة طموحة لابعد حد
شكرا جزيلا على الرد
مادابيا تقوقولي وش من نوع من الساتان يخرج مع الفولار نتاعي راه خفيف بزاف نتاعي وانا حابة واحد يكون رهيف ماشي واقف واما التول لالا ما ندييروش ندير في بلاصتو ساتان انا واللون وشرايكم ما جابوتونيش عليه وش من لون ولون الاكسسوارات اللي فيه
|
راني عطيتك رايي من قبل بصح ابعثيلي نشوف القماش مع المشرف
اقتباس:
المشاركة الأصلية كتبت بواسطة racha2010
بغيت نصقصي على الفستان في الحقيقة هو لبنتي و هي الي اختارتو مند مدة و هي مولوعة به فقط مانيش عارفة اذا يناسب سنها عندها 15 سنة و هل اللون الاسود مليح و حبيت نعرف واش ممكن نضيفلو او نخليه كيما راهو ...بارك الله فيكم على مجهودتكم
|
مناسب جدا انا جاني و اذا تخدميلو مونشات صغيرين يجي باهي و ديريق ميدي ميش طويل اللون الاسود رائع بصح ممكن يكبرها شوي تقدري تخيري الوان بارده. و اذا رسيتي على الفولار الاسود. من نظري ديريلو قالو دوري يجي مليح
اقتباس:
المشاركة الأصلية كتبت بواسطة طموحة لابعد حد
وتصميم الظهر كيما قلتلكم ما عنديش مادابيا صور للظهر ربي يخليكم
|
راني قتلك واذا تحبي نرسملك اوكي