التحدي الاول- تغليف علبة - من مسابقة ابداعاتي في التزيين

[ميمي ناصر 22]

السلام عليكم و رحمة الله تعالى و بركاته
يا بنات راجعو مليح موضوع التحدي لانو الشروط راهي واضحة

التحدي الاول

******تزيين علبة*******



كما سبق الطرح فالتحدي الاول فكرته عبارة عن تزيين علبة وفيما ياتي شرح بسيط للاخوات حتى تتوضح الصورة اكثر

اشكال العلب عندنا متنوعة وكثيرة . كذلك استعمالات هذه العلب تختلف لذا بدل رمي هذه العلب كل مرة قررنا انو التحدي يقوم على اساس استغلال اشياء بسيطة عندنا بالمنزل

هذه العلب يختلف شكلها بين الاسطوانية مثل علب الحليب والطماطم واخرى مربعة او مستطيلة وكاين حتى السداسية يعني كل علبة تعطينا فكرة وابداع في تزيينها

الاساس في فكرة التحدي هو تغليف العلبة يعني ممكن نستعملوقماش او ورق مزين وملون

بعدين لا بد من تزيين هاذ العلبة وهنا كاين الالاف من الافكار والادوات ممكن مثلا استعمال ورود او رسومات او اشكال ونلصقوها كيما ممكن نستعملو دونتال او احجار ...............كل شيء واي شيء نقدرو نزينو بيه مسموح العمل بيه







لحد الان ماهو مطلوب التغليف والتزيين الكل قادرات عليه نعرف اخواتي شاطرات ماشاء الله

لكن الامر لي راح يكون فاصل فعلا هو الابتكار في استغلال العلبة



يعني ماراحش نتوقفو عند تزيين العلبة وخلاص باه من بعد نرميوها في اي ركن في المنزل ....لااااااااااااااااااااااااااااا

عملنا هو تغليف و تزيين العلبة لاستغلالها في شيء مفيد

مممممم مافهمتونيش؟؟؟؟؟؟؟؟؟؟؟؟؟؟؟؟؟



معليش نزيد نشرحلكم

يعني اختي قبل ما تفكري في تزيين العلبة لازم تفكري هاذ العلبة بشكلها وطريقة تزيينها في واه راح تستغليها

ممكن تكون حاملة اقلام او تكون علبة اكسسوارات او.....او......او........

هنا نخليكم انتم وشطارتكم وابداعكم


يعني هذا التحدي راح يمشي بهاذ الخطوات

جيبي علبة : غلفيها.........زينيها........استغليها في شيء مفيد

والان نجيو للاهم
اكيد لازمنا نشوفو العمل وكذلك عندكم مدة محددة باه تعرضو اعمالكم وهي اسبوع من طرح هاذ الموضوع

يعني طريقة العرض راح تكون عن طريق تصوير العمل مع وضع ورقة بجانبو مكتوب عليه اسم العضوة

هنا لابد من تصوير العمل من عدة جوانب قبل ان تستغليه وبعد ان استغليتيه تكفينا صورة واحدة

مثلا اخت صنعت علبة لحفظ الاكسسوارات

تصورلنا هاذ العلبة مفتوحة ومغلقة بجانبها ورقة مكتوب عليها اسم هاذ العضوة ثم تصورلنا العلبة وبها الاكسسوارات واكيد كل ماكانت طريقة التصوير وعرض الاعمال اجمل كل ما كان راح تجلب الانتباه الى العمل


واكيد المشرفات....المؤطرة و الاخت نهال وطاطا ام سفيان راح يساعدوكم بالافكار وكل استفساراتكم في الموضوع وحتى لو توضعو صور اولية للاعمال هنا وتخلوهم يمدولكم الملاحظات حتى تساعدكم على انجاز افضل الاعمال

اتمنى اني نكون وفقت ولو في جزء بسيط من شرح هاذ التحدي

بالتوفيق للجميع

[ميمي ناصر 22]

السلام عليكم و رحمة الله تعالى و بركاته
جمعة مباركة للجميع
اسعد الله صباحكم / مسائكم
نتمنالكم يوم جميل
فيما سبق راني وضحت كل الامور الملتبسة عليكم
واكيد اي استفسار راني هنا
بالتوفيق للجميع

[لحن الحياة.]

المشاركة الأصلية كتبت بواسطة نهال13

جيل وشراكى وين عدتى العفو اختى سميرة 135واى استفسار انا في الخدمة

سلام نهال
راني حاصلة المرة الاولى خدمت علبة و كي شفت مستلزمات تاع فرولة كرهت
عاودت خدمت وحدة جديدة ..........جات ام اية خلعتني راني نخمم نخدم وحدة اخرى
او نبعثلك تشوفيها فالخاص و قوليلي رايك

[لحن الحياة.]

المشاركة الأصلية كتبت بواسطة ميمي ناصر 22

السلام عليكم و رحمة الله تعالى و بركاته
جمعة مباركة للجميع
اسعد الله صباحكم / مسائكم
نتمنالكم يوم جميل
فيما سبق راني وضحت كل الامور الملتبسة عليكم
واكيد اي استفسار راني هنا
بالتوفيق للجميع

صباح النوووووووووووووووووووووووووور شكرا ميمي

[لحن الحياة.]

رحمة من المولى وين راكييييي؟؟؟؟؟؟

المتسابقات كل اختفاو يادرا
وش موجديننا
ام اية علباتك روووووووووووووووعة بصحتك

[OM AYA]

صباح الخير عليكم بالكل شكرا اختي ميمي ناصر بصح راني خيرت العلبة الخضرة درت عنوان الرد كيما قالوا برك راني نستنا المشرفات يقولولي اذا العمل نتاعي سليم قانونيا هههه باه اذا لا نعاود نحط اخري مادام كاين الوقت جيل علااااااه تنخلعي صوريها كاشما ندبر عليك ولا تعاوديها او لا

[ام فاروق...]

السلام عليكم جمعة مباركة و فاتحة خير لاول اسبوع في المسابقة
انا مازال مابديت لانه اسبوع الاختبارات و راني نحفظ في ولادي لكن ان شاء الله رايحة نكون في الموعد يوم الثلاثاء اتمنى لكن و لي التوفيق

[لحن الحياة.]

لبناااااااااااات سؤال هل نقدر نحط علبتي نهار الثلاثاء؟؟؟ لاني غدا عندي حراسة تع مسابقة التوظيف و الايام الاخرى خدامة ماعدا يوم الثلاثاء ما نخدمش

[لحن الحياة.]

ام اية لحقتك الرسالة؟؟؟؟

[ام مهدي 03]

صباح الخير للجميع. ميمى رانا فهمنا الدرس مليح. ان شاء الله نتوفقو فى التطبيق

[ام مهدي 03]

سؤال للاخوات. انا عندما نحب نحط صورة مع الرد ماتجينيش مباشرة يعنى تجينى مخفية مع الصورة المرفقة ما فهمتش وعلاش. ممكن لانو النقاط نتاعى ماتكفيش؟
اذا صحيح نهار الثلاثاء يجونى الصور نتاع العمل هكذا؟

[ام مهدي 03]

هدية للاخوات

[OM AYA]

جيل ما لحقني والو

[OM AYA]

اسمحيلي جيل هذا وين شفتها موالفة يجيني تنبيه راني راح نبعتلك رسالة

[ميمي ناصر 22]

المشاركة الأصلية كتبت بواسطة om aya

صباح الخير عليكم بالكل شكرا اختي ميمي ناصر بصح راني خيرت العلبة الخضرة درت عنوان الرد كيما قالوا برك راني نستنا المشرفات يقولولي اذا العمل نتاعي سليم قانونيا هههه باه اذا لا نعاود نحط اخري مادام كاين الوقت جيل علااااااه تنخلعي صوريها كاشما ندبر عليك ولا تعاوديها او لا

صباح الانوار حبيبتي ام اية
ايه راني شفتها
مي كاين تصاور مايبانش فيهم الاسم
بالتوفيق