وصفات حراير الكوزينة الجزء الثاني

[idron0]

الرفيس القسنطيني ام ثازيري

اشري باطة رفيس قسنطيني لونها زرقا
نحيه من الباطة ديريه طوووول في الكسكاس و فوريه

كي يفور نحيه و سقيه بنص كاس ماء زهر مخلط بنص كاس حليب
خليه ينشف
رجعيه يفور
عاودي نحيه و ديريلو ماء زهر وحليب و خليه ينشف
عاودي رجعيه يفور
نحيه زيديلو مكسرات جوز و بيسطاش مدقدقين
في مرميطة كبيييييرة ديري زبدة و عسل يذوبو
اذا تحبيه حلو غلبي كمية العسل
جمري الرفيس في خليط العسل و الزبدة
و من بعد ديريه في صحون التقديم
و زينيه
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[أمَةُ الرحمان]

يعطيك الصَّحة شكراََ لكِ
(لكن ملاحظة مايجيش ميدَّم بزَّاف ؟)

[idron0]

حلوة الهندي janah

المقادير
500 غ فرينة
كاس ماشي معمر زيت ولا زبدة
فاني
2 ملاعق سكر
خميرة الخبز
ماء الزهر لجمع العجينة
في صحن كبير وعميق نخلط جميع المقادير مع بعض ونخلطهم ونضيف لدام ونخلط مليح ونجمع ب ماء الزهر
ونشكل كويرات حوالي 20 غ ثم نشكلهم ب لالوش نتاع الكسكس ولا الغراف لي نهزو بيه كسكس نحط الكويرة ونجبدو بيدنا من الفوق للتحت تتشكل علي شكل الهندي وتكون فارغة من داخل
منخلوهاش تخمر غير نخلصو تشكيل كامل العجينة تكون خمرت غير شوية ونقليوها في زيت ثم نعسلوها.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[soltanabelkiis]

مشكورة

[زينب 83]

حلوى مول الشاش ...om-hadil


المقادير:

250 غ زبدة

3 صفار بيض

كاس سكر رطب

كأسين مايزينة

ملعقة صغيرة خمارة كميائية

فرينة

للتزيين:

معجون مشمش
نواة كوكو
قليلا من السكر الرطب
حب الملوك مصبر



طريقة التحضير:

اخلطي الزبدة مع السكر و البيض ثم أضيفي المايزينة و الخمارة و الفرينة لازم تكون العجينة طرية ليسهل عملها باللمبوط نتاع la poche á douille
ضعي قليلا من العجينة في اللمبوط و شكلي أصابع طويلة ثم دوري كل أصبع حول نفسه حتى تتحصلي على شكل حلزون
اطهي الحبات على نار هادئة ( ما تحمريهمش )



بعد الطهي الصقي حبتين و مرريهم في نواة كوكو و زيني بالكرز المصبر ... ثم ذرذري فوقها السكر الرطب

]

[idron0]

الحلة دائمة الحمد

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

نهزو طراف صغار مسلي لانو الحلة راهي نوع من الشوربات ومعاه شوية ايدام مانكثروش
إضغط هنا لرؤية الصورة بحجمها الطبيعي.

ونزيدو لفاح مرحي مع الثوم و3او4مغارف فرينة وطماطم مصبرة وملح ونحلوهم بشوي ماء

إضغط هنا لرؤية الصورة بحجمها الطبيعي.





إضغط هنا لرؤية الصورة بحجمها الطبيعي.



م نزيدو الماء ونحركو ونحطوها على نار قليلة مع التحريك حتى تثقال وتولي تبرق نرمو ورقات كرافس ونطفو عليها

إضغط هنا لرؤية الصورة بحجمها الطبيعي.

[idron0]

البغرير عازفة الناي

500 غ سميد
بيضة
ملعقة كبيرة خميرة خبز
ملعقة زيت
ملعقة صغيرة سكر
ملح
1/2 ل ماء دافئ
التحضير:
نحط الكل في صحن غارق ونخلط بالميكسور مليح مليح مدة 10 - 15 د ممكن تزيدي القليل من الماء اذا شفتي الخليط ثقيل
ونخلط حتى نتحصل على خليط خفيف نتركه يخمر و نطيبه عادي راح يجي مثقب و خفيف بونج
بالصحة والهناء .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[أم إناس]

بشرى2008
ا كيكة القارص والبرتقال رووووووووووووعة هاهي الوصفة

3 حبات بيض كبار كاس ناقص شوية سكر عادي خلطتهم مليييييح كاس ناقص شوية زيت وقشور وعصير حبة قارص وقشور وعصير حبة تشينة وباكي خميرة و2 ونص كاس فرينة ممكن تنقصي شوية فى كمية الفرينة
أممممممممممممممممممممممممممممم

[idron0]

طاجين الزيتون بالجاج و الشمبنيون lyzzabel

في كوكوطة او طاجين ديري شوية مارغرين حوالي ملعقتين و حبة بصل صغيرة رابي و اللحم تاع الجاج و قليهم على نار هادية ضيفيلهم الفلفل الأسود و عود قرفة ،، ما تديريش الملح خاطرش الزيتون مالح
من بعد مرقي قيس ما يتغطى الجاج برك ما تكثريش الماء راه يطيب بلخف و أغلقي الكوكوطة ولا الطاجين و خليه يطيب على نار متوسطة
من جهة اخرى تكوني حضرتي الزيتون يعني تغليه مع عصرة ليمون مرتين او ثلاثة حسب الملح لي فيه ،، من بعد صفيه و قطريه تقدري تقطعيه ايفيلي ولا تخليه حبات كاملين
لاكان درتي زيتون ايفيلي ديري الشمبنيون ايفيلي تاني ،، و لا كان خليتي الزيتون حب ديري الشمبنيون أنصاف على حسب حجم الزيتون ادا كبير ،، و ادا صغير خليه بدون ما تقطعيه
مين يطيب الجاج نحيه و صفيه و ملحيه و خليه بجهة يبرد شوية ،، و في هديك المرقة لي طاب فيها ارمي الزيتون و الشمبنيون و اذا خص الماء زيدي على حساب لي يطيبو و تبقى صلصة قليلة شوية ،، و مين يطيبو ديري ملعقة صغيرة تاع مايزينة او فرينة في شوييية ماء و حليها مليح و زيديها للصلصة و خليها تغلي على نار هادية وحد العشر دقائق غادي تجي عاقدة و بنينة ممممم
و في نفس الوقت حطي الجاج تاعك يتحمر في الفرن اشعلي الشواية مشي من تحت خاطرش راه طايب ،، و تقدري تاني تحمريه في مقلة مع شوية زيت و مارغرين و ما تنسييييش تذوقي الملح تاع الصلصة ،، و الف هنا و شفا

[idron0]

شطيطحة جاج scorpionoir

الشطيطحة ندير اللحم والا الدجاج في كوكوت مع راس بصل كبير وزيت وسمن انا نطيب بالمدينة بنين .واكيد ملح وفلفل كحل برك هذا ما ندير في المرقة البيضا نقلي مليح ونمرق حتى يطيب الجاج .اذا تحبي الحمص زيدي انا مانديروش ندير زيتون .وشونبينيون نقليه في الزبدة ونلوحو على اللخر
كي يطيب الجاج نحيه ونديرلو زبدة وموتارد وملح وفلفل كحل وفلفل حمر حار ونحمرو .
هذيك المرقة ماتكونش بزااااف قيس 2 كيسان نحكم في مقلة نحط حوالي كاس كي يغلي نقس للنار ونفقس فيه العضام بالوحدة . كل واحد بعظمة ولا 2 .نملحهم من فوق شوي ونغطي عليهم يطيبو
في التقديم حطي العضام مع الصوص وزيدي ملي خليتيه مع الزيتون مع قارص ومعدنوس ممممممممممم .


إضغط هنا لرؤية الصورة بحجمها الطبيعي.

[idron0]

بيني شفلور لينا 11

نقي شفلور تاعك مليح وغليه في ماء وملح كي يطيب مليح هرسيه مليح وزيديلو توابل وبيض وخلطي مليح وبداي تزيدي فالفرينة وتخلطي وشوية خميرة قاطو مهم تخليهولك خفيف بزاف وفرينة زيدي وخلطي حتى يحكم خليط شوية روحو وسخني مقلاة فيها زيت واقليهم عسيهم يطيبو ليه ليه.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

شوربة فريك شاوية حرة 05

نحط الدجاج واللحم ولا واحد فيهم على حسب الامكانيات ونرابي حبة بصل وثوم بزيادة ونرابي حبة طماطم ونضيف الطماطم تاع الباطة وندير توابل فلفل اسود وشوية كمون ورقة رند وزيت وطبعا الملح ونقلي على نار هادئة ومن بعد نمرق بنصف لتر ماء ونحكم الفريك تاعي نغسلو الكمية على حسب افراد العائلة ساعات ندير 3 مغارف نغسلو مليح والفريك تاني راه يلعب دور كبير في الشوربة كي يكون من النوعية الجيدة المهم نلوح الفريك يزيد يتقلى مليح ونمرق قيس ما يطيب اللحم والفريك وكي قريب طيب الشوربة تاعي نلوح فيها فلفل حار ونرابيلها الثوم ونزيدلها ورقة رند ودبشة اممممممممممممممممممممم وساعات راني نضيف الزيتون الاخضر ولا حبات كفتة صدقني تخرج هايلة .

[idron0]

كريمة الزبدة المورانغي ryhem 16

كريمة الزبدة الموانغي مقاديرها
123 يعني وزن بياض البيض ضعفه سكر عادي و 3 أضعاف زبدة
مثلا ديري

• 2 بياض بيض
• 60 غ سكر عادي
• 120 غ زبدة أو مارغرين طرية بدرجة حرارة المطبخ
  
• ملون و عطر حسب الدوق أو لافاني
  

التحضير

• بواسطة الخلاط الكهربائي ضربي الزبدة حتى تولي كالمرهم و خليها بجيه
• وجدي حمام مائي يعني ديري كسرونة فيها ماء و حطيها تغلي
• في و عاء أخر يكون من حديد حطي فيه السكر و البيض و خلطي بالمضرب اليدوي ماشي الباتور و حطي البيض و السكر ألي في الوعاء فوق حمام مائي و واصلي التحريك بالمضرب اليدوي حتى تتأكدي بليك السكر داب تماما و أصبح عندك خليط لزج نحيه من فوق االحمام المائي
• و ابداي ضربي بالباتور على أقصى سرعة حتى تتشكلك المورانغ و واصلي الضرب حتي تبردلك المورانغ تماما

• 
  
  
• ابداي تزيدي الزبدة و لا المارغارين الطرية ألي ضربتيها من قبل كمرهم بكميات قليلة مع مواصلة الخفق بالباتور دائما حتى تكملي كمية الزبدة
• في الأخير ضيفيلها ملون + عطر مرافق أنا زدتلها نوتيلا مع شوكولا غبرة و خلطت
• حطيها في الثلاجة و زيني بيها كما تحبي مرات نخبيها في الكوجيلاتور و نجبدها نهار نستعملها .

[مارية الجيجلية]

امم لذيذذذذذذذذذذذذذذذذذذذذذذذذذذذذذذذذذذذذذذذذذذذذذذذ ذذذذذذذذذذذذذذذذذذذذذذذذذذذذذذ

[sara74]

الله يبارك يعطيكم الصحة