همزة وصل بين المعلم والولي : في طبعته الثالثة

[~ حراير ~]

المشاركة الأصلية كتبت بواسطة آيات سرمدية

جزاك الله خيرا .....استاذ صابر....اين المشكل إذن؟؟؟؟؟

يعني ما نستنتجه ان السواد الأعظم من تلاميذنا......ذوي مستوى متوسط.......وهذا ربما يكون نتيجةً لذاك الاصلاح الذي اتى على الاخضر واليابس........مجرد مقارمة بسيطة بين ماكانت عليه نماذج امتحانات الشهادة سنوات المدرسة الاساسية ذات السنوات الست..... وبين مواضيع اليوم......وحتى مستوى تلاميذ اليوم. ......نجد هناك علامة استفهام كبيرة؟؟؟؟؟؟؟..


فمن هنا نقولكم ياامهات الهمزة ابناءكم راهم عداو الى بر الأمان......بمتابعتكم الجدية لهم طوال سنوات تمدرسهم الابتدائية....

والله هناك من التلاميذ من قرات اجاباتهم نقلا عن بعضهم هنا وهناك....انها لتدمي القلوب فعلا......والله يااخواتي ابناءكم راكم عيشتوهم في نعيم حرصكم وتفانيكم......وراكم قلة قليلة.....لان لامبلاة الاولياء في سنوات تمدرس ابناءهم الاولى....يجنيها غالباً الابناء......والله المستعان.....

ام سرمد يبدو من كلامك انك راح تايدي قرار الوزيرة الغاء الشهادة عكس الجميع هنا؟؟؟

[serine alger]

بصراحة ومهما كانت اجابات أبنائنا اليوم، إلا أن ليلة اليوم أحسن و أفضل من ليلة البارحة.
ليلة سعيدة للجميع.

[آيات سرمدية]

لا اختي حراير.....لست مع احد.......حتى وقت السنوات الست كان هناك امتحان للشهادة؟؟؟؟؟؟



هي مجرد اسئلة تختلجني كل عام ........خاصة مع انتهاء الامتحان وتصادم اراء الجميع....بين مطبل ومزمر.....وبين مهلل و متشاءم.......يعني نعود نخمم على اولادنا مساكن وين رايح بيهم الحال في وسط كل هذه التناقضات.....



علابالي وجعتلكم راسكم........ولكن لامفر!!!!!!!

[~ حراير ~]

اصبحي بخير ام عادل نوم الهنا

ام سرمد والله كنت متفائلة بزاف و منين شفت وضعية ابن الجيران تعرفي من فرحتي تحضنته و سلمت عليه حتان صار يجبد في روحه مني "زعم كبير"

لكن درك و هاد وين دخلت لمنتدى الخامسة و قريت الكوارث الي تكلمو عليها الاساتذة و قريت على استاذ "يندب" من الدمار مسكين والله قلبي وجعني

و تخيلي كون يصير الفحص في عوض شهادة حتى شهادة تتعلق برك
و يصير مجرد تقويم

و يخلو معدل العام الي يفصل

والله نموت و ما نروحش نحشم روحي مع معلم باش يزيدها نقطة في رسم و الا سبور
لا حول و لا قوة الا بالله

اما المستوى فشوفي اختنا ام سارة و بنتها ريم تعطيك الخبر

هاد الكلمة ديما تقولهالي اختي منين كانت تمتهن التدريس
البرنامج الدراسي تاع هاد الوقت الدراسة تكون في الدار بنسبة اكبر من القسم
و انت قلتيها شكون راه يهتم بولاده في الدار الا من رحم ربي

و حتى معلمة افنان قالتهالي و بصريح العبارة
ضميري مرتاح عندي 6 تلاميذ شعلة و لازمني نكمل البرنامج
و انت اقراي بين الجمل وش ما قالتش

[آيات سرمدية]

بارك الله فيك......اختي ام اريج........ ؟؟؟؟؟؟؟؟؟ هذا كان من ضمن تساؤلاتي بعد ماشفت وقريت وسمعت كل هذه التناقضات؟؟؟؟؟؟






في اااماااااان الله....سلااااااااام....

[ام سوسو*]

المشاركة الأصلية كتبت بواسطة zizi11

اشكر تفهمك ام سوسو و الله يا اختي معناة ابنتي اراها كبيرة خاصة لما يقولولها زملائها و الاولاد في الخارج عمياء فانها تتحسر الى درجة البكاء و امنية ابنتي ان تصير طبيبة مختصة في جراحة العيون
ربي يوفقها و يوفق كل ابنائنا

يارب يوفقها وتشوفيها طبيبة عيون مشهورة لكني اعملي على ثقتها بنفسها انا اشتريت كتاب صناعة الطفل الواثق سأعمل به على ابني و سانزل لك صورته

المشاركة الأصلية كتبت بواسطة ~ حراير ~

اهلا اخي اغيلاس
و ثان ام سوسو امس و انا نوصي في ام عادل على التلاميذ يعتمدو على رواحهم و ما يسمعو لحتى حد حتى الاستاذ الي يحرس لكن ماعليهش الخيرة فيما اختاره الله
قولي لعبد الحميد هاد درس اعتمد على نفسك باش ماتندمش و تقول يا ريت

يا اختي حتى انا منبهاتوا على هذا الشئ هو الحارس مقالوش على الاجابة هو قال راك خاطئ في الاعراب وخلاص يشك في روحوا بالرغم منبهاتوا قبل ودائما نقول له كون واثق بنفس لما تكون متاكد من اجابتك متخليش احد يغير لك رأيك لكن الله غالب ابني تخصوا الثقة بالنفس وسأعمل عليها حتى الاخصائي النفساني قال لي اعملي عليها هو امس كل ما يتفكر واش صرا له في اللغة يبكي وغايضوا الحال من الاستاذ وزميلوا لي خوفوا وطيرلوا التركيز فقلت عادي ستعوض في الاولى متوسط وتجيب احسن المعدلات المهم ثق في نفسك

المشاركة الأصلية كتبت بواسطة صابر 2008

نعم أختي أم عبد الحميد
المميز عبد الحميد كان على قد التحدي، فارس عزم وتحدى وكان في المكان المناسب
وعقبال الفرحة بنتيجته _ إن شاء الله
ورانا عارفين مستواه والإمتحان طبعا ليس معيار
وبخصوص الحارس وعبد الحميد مشكلة فعلا اعتقد لم يكن قاصدا ذلك
ولكنها مشكلة وحدث مثلها اليوم في المركز الذي حرسنا به مع الاسف ولكن في نطاق ضيق

الحمدلله وهو فرحان حتى انه اليوم صباحا نهض يضحك قال لي راني فرحان با متحان امس
أما بخصوص الحارس لا اعلم قصده هو خلاه دايخ واش يدير الاعراب لي غايضني انه دارها صحيحة ومحاها ولو تشوف المسودة المكان كي دوخوا الحارس اعربها بكل الطرق ههههههه فكانت حال و خبر ههههه

[نورالدين سطيف]

المشاركة الأصلية كتبت بواسطة zizi11

اهلا بك استاد و الله انا لم استطع غض النظر و لهذا اخدت اوراق المسودة و شفتهم في الحقيقة ردينة كانت رائعة في الرياضيات سوى خطا صغير انها لم تكتب المثلث قائم في b ة انما كتبت قائم فقط
اما في اللغة اجابتها صحيحة سوى في التوظيف بدل ما توظف هنيهة نسات كتبت لحظات اما الوضعية فكانت رائعة تتبعت كل ما طلب منها استفهام و الصفة الفاصلة النقطة النصائح
اما الفرنسية الوضعية معليهاش و الاسئلة 4اجابات صحيحة

المثلث قائم فقط صحيح واين الخطأ؟؟؟

[ام سوسو*]

المشاركة الأصلية كتبت بواسطة عطوفة

ربي يفرحك يا ام عبد الحميد بنجاح أولادك بتحقيق أحلامهم
فليواصلواالمسيربنفس العزيمة و الثقة بالنفس
ربي معاهم حبايبي
سلمي لي على عبد الحميد وعلى طبيبة العيون المستقبليةاخبريها بانني ساحجزمن الان موعدا عندها
ربي يحفظكم وليداتنا

i

ربي يفرحك بأبنائك اختي وربي يشفي ابنتك
اما بخصوص الثقة بالنفس فلازمها خدمة باش نقويها عندو
يبلغ السلام
ويحفظلك أولادك وتشوفيهم في اعلى المراكز

[عبد الناصر أمازيغ]

المشاركة الأصلية كتبت بواسطة آيات سرمدية

جزاك الله خيرا......استاذ عبد الناصر......مبارك لك التقاعد المبكر......الحمد لله في كل الأحوال.....يعني مازالهم صغار حتى على جو الشهادة؟؟؟؟؟؟ام لا؟؟؟؟؟......يعني نفس السؤال يتبادر الى الاذهان .....هل التلميذ إلي يقرا ست سنوات.....ربما يكون عندو استعداد اكثر نوعا ما بسبب السن؟؟؟....او......او......او........؟؟؟؟؟؟
ااااااسفة ربما ليس وقتها..... لكنها اسئلة دائما تدور في مخي ونحاول نلقالها أجوبة. ......

السلام عليكم و رحمة الله و بركاته
نهاركم سعيد ، لم أنتظر أمس لأرى الرد فقد استسلمت للنوم .

أنا لم أقصد أن التلاميذ ما زالوا صغارا على الشهادة ، لكن كل طفل له مستوى معين ، و ليس لكل التلاميذ نفس المستوى . مهما كانت التمارين تبدو لنا نحن الكبار سهلة ، فإن نسبة تقبلها و استيعابها من طرف الأطفال تكون متفاوتة ، و نحن نعرف أن القدرات العقلية تختلف من طفل لآخر ، هناك من يتعلم مفهوما مرة واحدة يطبقه و لا ينساه أبدا ، و هناك من يحتاج للتذكير مرات و مرات ، و هناك من لا يتقبلها ذهنه نهائيا مهما حاولنا ، هذه الفئة الأخيرة تحتاج إلى الوقت كي تصبح عقولها قادرة على تقبل مستوى معين من التعلمات ، و هو ما يسمى بإعادة السنة .
لكن الآن لست أدري الكل يلهث وراء تحقيق نسبة مئة بالمئة و حتى الوزارة تعمل من أجل هذا ، و نحن نعلم كلنا مصير اﻷطفال الذين ينتقلون بالإنقاذ ، يفشلون في أول سنة في المتوسطة و هناك من لا يتعداها أبدا حتى يطرد .
السؤال المطروح ، لماذا في السنوات قبل الخامسة نجد في الأقسام تلاميذ لم يحصلوا على المعدل و يعيدون السنة ، و في الخامسة أضعف معدل لا يقل عن سبعة أو أكثر ، و بماذا نفسر ظاهرة التلاميذ الذين يكون معدلهم السنوي فوق ثمانية و في الشهادة لم يتجاوزوا ثلاثة من عشرة ؟
المسألة ليست مسألة عمر ، و لكن هي مسألة قدرات ، الطفل الذي لا يقدر أن يحصل على المعدل في الشهادة لا يجب أن ينتقل للمتوسطة لأننا نحكم على دراسته بالإعدام ، تماما مثلما نقول في السنة الأولى أن الطفل الذي لم يتمكن من تعلم جميع الحروف و لم يتمكن من القراءة لا يجب أن ينتقل إلى الثانية.

[ZIZI11]

المشاركة الأصلية كتبت بواسطة نورالدين سطيف

المثلث قائم فقط صحيح واين الخطأ؟؟؟

طمانتني استاذ الله يهنيك و يرزقك العافية قال لهم المعلم تاعها ان الدي لم يكتب ان المثلث قائم في (ب) اجابته خطا
شكرا استاذ

[*أم سارة*]

المشاركة الأصلية كتبت بواسطة ~ حراير ~

لكن درك و هاد وين دخلت لمنتدى الخامسة و قريت الكوارث الي تكلمو عليها الاساتذة و قريت على استاذ "يندب" من الدمار مسكين والله قلبي وجعني


قريت وتفاجأت يعني مهما سهلوا الامتحان المستوى راه في النازل

و تخيلي كون يصير الفحص في عوض شهادة حتى شهادة تتعلق برك
و يصير مجرد تقويم

و يخلو معدل العام الي يفصل

والله نموت و ما نروحش نحشم روحي مع معلم باش يزيدها نقطة في رسم و الا سبور
لا حول و لا قوة الا بالله

نفس الكلام قلتو لزوجي يولو الاولياء يحللو على النقطة ان شاء الله عمري مانديرها

اما المستوى فشوفي اختنا ام سارة و بنتها ريم تعطيك الخبر

خايفة نكون مافهمتش مليح هنا واش تقصدي بمستواها

هاد الكلمة ديما تقولهالي اختي منين كانت تمتهن التدريس
البرنامج الدراسي تاع هاد الوقت الدراسة تكون في الدار بنسبة اكبر من القسم
و انت قلتيها شكون راه يهتم بولاده في الدار الا من رحم ربي

نؤيد كلامك جدا رانا نشوفو فيهم يظلوا يلعبو ومن بعد يقول الاولياء ربي وكيلهم المعلمين ماراهمش قايمين بالواجب

و حتى معلمة افنان قالتهالي و بصريح العبارة
ضميري مرتاح عندي 6 تلاميذ شعلة و لازمني نكمل البرنامج
و انت اقراي بين الجمل وش ما قالتش

ماتهمهاش البقية لانها ايضا مالقاتش مساعدة من الاولياء المعلم وحدو مايحققش المعجزات اذا كان الولي لامبالي والتلميذ مهمل رانا نشوفو تلاميذ في الابتدائي دايرين دروس خصوصية في المواد الثلاث وامهاتهم ماكثات في البيت وكاين اللي عندهم حتى اخوة جامعيين او والديهم لكنهم يبعثوهم للدروس ومايقريوهمش نعرف ولد مسجل في 3 مدارس دروس خصوصية وامه قادرة تقريه ورغم ذلك معدلاته هي هي العكس شوية نقصت ضغط بلا فائدة

[*أم سارة*]

الاستاذة ايمان وفاء ننتظروك تدخلي تعطيلنا رأيك في موضوع الفرنسية وأول سؤال من عندي ........هل الموضوع يعتبر من ضمن البرنامج الدراسي للسنة الخامسة أو هو خارج البرنامج

[ZIZI11]

[QUOTE=عطوفة;3993563825]
ابنتي مازالها مريضة وحيرتي عليها أثرت علي راني كي التايهة أدخل هنا معكم فاحس بشيء من الراحة
دمتم لي احبتي وما تنسوني بالدعاء
استاذة ابنتك دائما بالبا ل و انا دائمة الدعاء لها و لو كان بيدي شيء لما تاخرت عزيزتي
ربي يشفيها لك و يسترها و يحميها يارب

[~ حراير ~]

السلام عليكم و رحمة الله تعالى و بركاته
ام سوسو خلاص فات الي فات قولي لعبد الحميد راك بطل واعضاء الهمزة كلهم فارحين بيك مهما كانت النتيجة و مهما كان المعدل رانا نحبوك و المهم و الفايدة انك تفكر في العام الجاي و انت رايح للمتوسطة ماشاء الله عاد عندك راجل في الدار يا ام سوسو لعقوبة ليا يارب

المشاركة الأصلية كتبت بواسطة *أم سارة*

ماتهمهاش البقية لانها ايضا مالقاتش مساعدة من الاولياء المعلم وحدو مايحققش المعجزات اذا كان الولي لامبالي والتلميذ مهمل رانا نشوفو تلاميذ في الابتدائي دايرين دروس خصوصية في المواد الثلاث وامهاتهم ماكثات في البيت وكاين اللي عندهم حتى اخوة جامعيين او والديهم لكنهم يبعثوهم للدروس ومايقريوهمش نعرف ولد مسجل في 3 مدارس دروس خصوصية وامه قادرة تقريه ورغم ذلك معدلاته هي هي العكس شوية نقصت ضغط بلا فائدة

لالالالالا ما نقبلش ابدا تفهميني غالط ام ريم راكي اخت عزيزة و حبيبة و اسحيلي حتى انا قلت عندك على تفهمني غالط

انا عضربت بريم المثل لانها فعلا درست في الدار خاصة الفرونسي
يعني لو نجيبو ريم و تلميذ اوخر والديه مش واقفين عليه اكيد نلقاو ريم متفوقة عليه مش لانه مستوها مليح من المدرسة و لكن من امها الي وقفت عليها
هاد قصدي يا لحبيبة و شكرا على عدم التسرع
ياخاه راني مساااااالمة

اما على مستوى التلاميذ فعجبني راي الشيخ عبد الناصر اليوم
في الحق والله مانحب لوح المسؤولية المعلم يقلك الاولياء الاولياء يشكو من المعلمين
في قعدات نسائية يبيضو صحيفة الوزيرة من كثرة التمنشير فيها بداية من اصلها للغتها المبتكرة لقراراتها الي تحسيهم كيما قرارات عادل امام يقولهم و هو مش في وعيه و ينوض الصباح يحير وش صرا و وش عمل

و التلميذ مسكين حد ما خمم فيه و لا في قدراته

انا ماصرتش نحب نتكلم على المعدل و لا نحب نتكلم على تلميذ ممتاز نحب نسمع غير مجتهد و ربي عطالو على قد تعبه او كيما تقول والدتي "من كد وجد" قصدها يكدد روحو كيما يتكدد اللحم من العظم

كيما معلمة افنان انا شوفها معلمة ممتازة و لكن لو جات في ظروف افضل و مع برنامج افضل و بطريقة تدريس احسن من الطرق الي راهم يتبعوهم درك

[wahibaazel]

اليوم هالة شبعت رقاد من غير تخمام ،وكي نهضت شربت خليبها واتجهت مباشرة للمسجد .ادعو الله عزوجل ان يوفقها واخواتها لحفظ كتاب الله.امين.