الجزء 179 من كوزينة احلى رفقه كوزينة الحراير - الصفحة 79

zokhrofa · 2017-05-11, 21:12

سلاااام لبنات ربي يستركم على الدعوات مالا راني طفرت وين ندير رمضان هذا العام هههه

والله شيء يفرح يكون عندكم ترحيب بالضيف لي في هذا الزمان اصبح هو و السكتة القلبية نفس الشيء هههه خاصة اذا قال راح نفطر عندك

نتمنى يرجعو يامات زمان و يولو العرضات مايخلاصوش و الجود بالموجود

يعني كل واحد يدير واش يقدر لكن يكرم ضيفو و الابتسامة ماتفارقش وجهو

قولو امين

صحيتو على الاطباق والله كامل يشهو و متنوعين تشوفي طبق تنساي لي قبلو

mosta*limoges · 2017-05-11, 21:53

السلام عليكم ورحمة الله وبركاته
أولا ألف ألف مبروك أختي حياة إسمحيلي ماكانش عندي خبر بللي زيدتي حتى شفت ردود الأخوات فألف مبروك يتربى في عزكم .
و صحا عشاكم والله يبارك أطباقكم كلها رائعة بدون إستثناء يعطيكم الصحة
إيه زخرفة عندك لصح ياحصراه على يامات الزمان

حياة نور الدين · 2017-05-11, 22:01

السلام عليكم
جبتلكم عشايا تارت الشوفلور

امل ام الاولاد · 2017-05-11, 22:11

مساء الانوار الله يبارك كلش يشهي ربي يباركلنا في مارزقنا
اليوم درت جلبانة للعشا

mosta*limoges · 2017-05-11, 22:16

عشايا نتع ليوم محاجب حاريين و زدت معاهم لحريرة ما صورتهاش

بيان 5 · 2017-05-11, 22:29

امم ماشاء الله دخلت على طارط حياة تعيشي مديلي الطريقة وجلبانة امل ومحاجب موستا ربي يبارك فيكن

بيان 5 · 2017-05-12, 07:43

السلام عليكم جمعة مباركة ويوم سعيد لكن

بيان 5 · 2017-05-12, 08:15

[url=https://up./][img]https://e.

بيان 5 · 2017-05-12, 08:15

[url=https://up./][img]https://e./p_497bsabk0.j

حياة نور الدين · 2017-05-12, 09:46

صباح الانوار خياتي وجمعة مباركة
تفضلوا سفنج او خفاف راه وجد للقهوة اممممم كليت حتى شبعت الحمد الله عبلى النعمة

اختي بيان تفضلي رابط وصفة الشوفلور

https://www.djelfa.info/vb/showthread.php?t=2066913

حياة نور الدين · 2017-05-12, 09:50

اهلااا بيان صباح النور الصور تع البارح رووعة الله يبارك بصح تع اليوم مظهروش حنونة

امل عشاك يشهي اختي بصحتكم خاصة السلطة

زخرفة اهعلاا واش راكي كاش طياب هههه

موستا اهلااا حبيبتي ماعليش ابمهم تكوني بخير وشكرااا لك واطايبك كالعادة روووعة الله يبارك

بيان 5 · 2017-05-12, 12:49

اممممم اختي حياة السفنج يشهي والتارت ولا اروع راح نجربها ان شاء الله انا غدايا في هلذ السخانة لووووبيا بطلب من الزوج يموت عليها انا ماكليتش عندي بواقي والحمد لله

om obaida · 2017-05-12, 12:51

مساء النور والافراح على وجوه الخير كيما تقول ملوكة ربي يسمعنا عليها اخبار مليحة توحشناها تقول درت شنوفة كبيييييرة نسيتوني وحدة مراهي متفكرتني وسقسات عليا استناو كي نولي تشوفو وش ندير فيكم وراكم والزمن طويييييل

توحشتكم وربي شاهد راني حاسة حاجة ناقصة في نهاراتي بصح معليش راني نعوضها هه

فراشتنا وشراه الجبوني كبر شوية

حبيت فقط نقلكم قبل منروح انتلاو في وليداتكم راهم هوما فرح الدار وهدية من عند ربي

البارح رحت لجنازة نتاع واحد من العايلة ماتت بنتو 5سنيين مسكينة رجع عليها بالطونوبيل نتاعو ماتت في البلاسة ربي لا يشوف اي مومن في هدا الشي حبيت نقلكم برك ردو بالكم

يلا نتلاو في رواحكم سلااااام

بيلسان91 · 2017-05-12, 14:39

مسلخير
وش راكم
كشما توجدو لرمضان ووش راكم توجدو
هدا غدانا تع ليوم

هبلني موقع التحميل هدا واين طلعت التصويرة من الساعتين وانا معاها

zokhrofa · 2017-05-12, 19:58

لا حول و لا قوة الا بالله العلي العظيم الله يرحم هذيك الطفلة و يصبر اهلها

حيوتة انا درت البارح فالليل بيتزا بدون بيض جات هايلة من بعد نحطهالك اليوم درت مسفوف بالزبيب و فليل مانعرف واش ندير عندي شوية لحم مرحي و بطاطا و بصل مزال ماقضيتش واش تقتارحو عليا؟