وصفات حراير الكوزينة الجزء الثاني - الصفحة 79

idron0 · 2015-10-06, 18:32

رولي بالطن والفرماج دائمة الحمد

الوصفة
500غ فرينة
4 معالق كبار زيت
معلقة كبيرة خميرة الخبز
1خميرة الحلويات
معلقة كبيرة حليب غبرة 1ياوورت طبيعي
شوية الملح
معلقة كبيرة سكر
نجمعها بالماء دافئ وتكون مثل عجينة الخبز نعجنها مليح ونحطها في صحفة ونغطيا ونخليها تخمر ثم نحضر الحشو تقطعي ففل وطماطم رقاق وتقليهم مع شوي ملح وزيت وثوم لما يذبالو زيدي كمية تاع طن مصفية مليح من الزيت وخليها تبرد حلي العجينة مربع كبير وادهنيه بالمايونيز وحطي الحشو حليه في الوسط ورجعي عليه الجيهة التحتانية تاع العجينة حطي قطع فرماج ورجعي الجيهة الاخرى فوقها اغلقي بيها قطعيها مستطيلات بجرارة البيتزا وادهنيها بالبيض اعملي عليها الجلجلانية وخليها تطلع وطيبيها في فور سخون لما تخرجيها وتبرد زينيها بالمايونيز.

idron0 · 2015-10-06, 18:35

زرير التمر ام ساجد

تاخذي كمية من التمر تفتي كل حبة وتنزعي النواة وتحطيه في كسرونة وتضيفي عليه القليل من الماء وتحطي على النار وتحركي دقائق فقط وثم تضربيه بالبرا ميكسور يترحى تضيفي القليل من الزبدة والقليل من زيت الزيتون وترجعه على النار وتحركي وتفرغي في الصحن وتزيني كيما تحبي ممكن تستعملي الغرس مكان التمر.

إضغط هنا لرؤية الصورة بحجمها الطبيعي.

idron0 · 2015-10-07, 18:14

شطيطحة اللحم باسم و بيسان

احنا نديرو فى البرمة اللحم ولا جاج ولا فى زوج كما تحبى وترابى بصلة صغيرة حبة طماطم ودير التوم وتكترى التوم وفلفل اسود انا منديرش بزاف التوابل وكى طيب اللحم نحيها وصفى المرقة وزيدى حطى الطماطم تاع لبايط انا هنا درت غير شوية تاع الطماطم باه ماتجنيش ميدمة اخاطر درت فيها اللحم بزاف وبعد جبى المقلة حطى فيها شوية مرقة حوالى فنجال وحطى شوية زبدة حوالى نصف مغرف وخليها كى تخلى فلقى لعظام وانت وعايلتك انا درت غير 4 عضمات ليا وراجلى برك وملحى وحطى الفلفل اسود وديرى نقب فى الح لصفر تاع لعضام بصح بلا ماتخلطيهم وخطيهم وخليهم يطيبووووو وفى تقديم اعصرى شوية قارص وشهية طيبة .

[IMG]

[/IMG]
G]

[/IMG]

idron0 · 2015-10-07, 19:36

المسكوتشو زهرة الريف

2 بيض ......علبة ياوورت بنفس العلبة عبري ......علبتين سكر....نص علبة زيت. ...فإني. ...ساشي خميرة. ...ثلاث علب فرينة.

إضغط هنا لرؤية الصورة بحجمها الطبيعي.

البحر الصافي · 2015-10-07, 22:58

وصفة الخبز شوفي راني هزيتها على ليزا ودبرت راسي انا نكيل بعلبة الطماطم فارغة نص فرينة ونص سميد نوعية مليحة ونظيف مغرف سكر ومغرف خميرة الخبز وزوج مغارف زيت والملح عينك ميزانك وزوج مغارف حليب غبرة ونحك الزيت مليح بيدي ونظيف الماء دافي ونلين العجينة شوي ونخليه يخمر راهو ما يطولش ومبعد نعجنو مليح وندهن لبلاطو بالمرغرين ونشكل ستة كرات ونبعدهم شوي على بعظاهم ونقرصهم بالمرقرين يعني ندوبها في ايدي ونقرص ونخليهم حتان يتنفخو مبعد نطيب من فوق ومن تحت كي يحمار نخرجو وندهنو بالبانسو بشوية زيت ويجي خفيف يهبل

البحر الصافي · 2015-10-08, 10:04

ام ساجد العدس الحمر راو زاكي كيلو يقعدلي مدة طويلة
ندير نص كاس عدس نغسلو مليح ونحط في الكوكو ط ونزيد معاه حبة جريوات كبيرة مقظغة وحبة جزر وحبة
بطاطا ومغرفة ارز وبصلة وحبة طماطم ونصف نغرفة طماطم علب وكمون حب وحبات ثوم وشوي راس الحانوت ونضيف عليهم الماء ونغلق عليهم 15دقيقة نحل نلقاها طابت نرحيها ونضيف عليها زيت زيتون وكمون مرحي
وشوي قارص وبالصحة هاذي تجيك كمية مليحة

idron0 · 2015-10-08, 11:40

كسرة اسمهان 79

نحط دقيق ملح وشوية خميرة الخبز مابين صباعك برك زيت ونبللهابالملء الدافئ عمري لا نبل الكسرة او الرخسيس بالبارد تعلمتها على جدة المهم نرنخها ونخليها ترتاح ساعة كي نجي نعجنها والله نلقاها وحدها معجونة غير نلوح فيها يدي اذا كان رخسيس نزيدلها طْرٓيٓفْ نتاع زبدة لابال طرية وندخلها فيها نلمها ونقرص ونطيب على طول حنا نحبوها رقيقة والله تقولي تاكلي في القاطو .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-10-08, 12:04

اللحم المفور دائمة الحمد

فوحيه في الليل
ديري في صحن كبير كمية مليحة ثوم مرحي مع توابل وملح وكليل يابس فتيه راهو هوسر البنة تاعو
و1طماطم كعب قطعيها رقيقة وكمية قليلة زيت حلي بيها الماريناد وزيدي شوي موتارد وخلطي مليح ديري اللحم فيهم وديريلو فتحات بالموس ودخلي التوابل غطيه وبيتيه في الفريجيدار
الصباح حطيه يفور وغطيه وثقلي الغطى مليح ساعة لا ساعة قلبيه حتى تشوفيه طاب وخلاص.

idron0 · 2015-10-08, 20:31

كروكي ام عبدو و ملاك

6 بيضات و2 كيسان ونص زيت و 2 كيسان سكر وزوج كيسان نشاء ونص كاس لحظة و باطة ياوورت اي دوق تحبي و شوية فاني و 3 خميرة تاع القاطو وتشيحي بالفرينة ما تيبسيهش بزاف باه يجي طري
تطيبي من التحت ومن بعد نحمرو من الفوق و نخرجو وندهن بالكونفيتيير وندري النواة كوكو ونقطع نخليه يبرد شوي و نخبيه في بواطة
الكاس اللي نستعملو هو كاس القازوز تاع الزجاج العادي.

إضغط هنا لرؤية الصورة بحجمها الطبيعي.

idron0 · 2015-10-08, 20:36

قااتوو خفييف و ساااهل lyzzabel

200 غ مارغريين طرية ،، كااس تااع شااي مشي معمر زييت ،، كااس تااع شااي سكر عااديي ،، كااس تااع شااي ماايزيينة ،، 2 حباات بيض ،، م ص لاافاانيي ،، ضربي مليييييح بالباتوور حتى تتحصليي على خلييط كيما المايونيييز و نشفيي بالفريينة مغربلة و نصف م ص خمييرة الحلوياات ،، تتحصلي على عجيينة طرية كيما تااع الصاابلي ،، شكلي كويراات الحجم لي تبغيي و اطبعيي فالوسط بصبعك و حطييهم في صيينية الفرن حتى تكنلييهم قااع ،، من بعد عمريي هدووك الحفر بالمعجوون و دخلييهم يطييبو في فرن مسخن من قبل حتى تشوفييهم حماارو شوية من تحت ،، لاازم يطييبو ملييح ما تخلييهمش خضريين من فووق ،، كي تخرجييهم خلييهم يبردوو و شوفي لااكاان خصهم شوية معجوون زيدييلهم و حطيي حبة بيستااش فالوسط و قدمييهم مع القهوة بالصحة و الهناااا.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-10-09, 15:47

حلوى اقتصادية ام اماني و عبدو

4حبات بيض 1كاس زيت 1كاس سكر قشور الليمون 1 خمارة تخلطي المقادير وتزيديلها 3كيسان فرينة وتفرغيها في المول تجي كيما المسكوتشة الثقيلة تدهنيها بالمعجون اللي عندك وتديري فوقها الكوكاو ايفيلي حمرتو شوية وممبعد درتو لها ودخلتها للفرن وهذا شكلها كي طابت.

إضغط هنا لرؤية الصورة بحجمها الطبيعي.

idron0 · 2015-10-09, 18:13

القاطو المشقق سماح 94

زوج بيضات و نص كاس زيت و باكي فلون و رشة ملحضرووووووري و نص باكي خميرة و لميها بالفرينة
شكليها كريات رمديها في السكر رطب ملييح تكون كمية كبيرة و طيبيه عاادي.

idron0 · 2015-10-09, 18:22

خبز lyzzabel

ديري كييلة سمييد رطب و كييلة فريينة ،، بيين زووج رطل تقرييباا و زييدي م ص ملح و م ص سكر و 2 م ك حلييب غبرة و خلطي كلشيي و من بعد ضييفي م ك خمييرة الخبز و حواالي 2 م ك زييت و ابداااي تضييفي فالماء دااافييئ و اعجنييي شوية رااه السمييد يبغي العجيين مشي كييما الفرييينة وحدهاا حتى تتحصلي على عجيينة ملساااء و تلصق فاليد يعني خلييها مطلووقة مشي نااشفة ،، غطييها و خلييها تخمر ،، من بعد هبطييلها الخموور بلاا ما تعجنييهاا و ادهني يدييك بالزييت و شكلي خبييزااات و قرصييهم فالسني بعدما تكووني دهنتييه بالماارغرييييين ضروووريي بااش الخبز يجييك طرييي ،، و غطييها بسني آخر و فووقه طرشووونة هااكا تضمنيي بلي العجيينة ما تلصقلكش فالطرشوونة ،، و خليي الخبيزاات يطلعوو مليييح و طيبييهم في فرن مسخن من قبل على 200 درجة بالتقريييب و حمرييهم من فووووق ،، حقاا تنجميي تديرييه غيير بالفريينة وحدهاا بصح ما تعجنييهاااش بزااف مجرد قد ما تتجاانس المقااديير و خلااص و البااقي نفس الشييئ.

إضغط هنا لرؤية الصورة بحجمها الطبيعي.

idron0 · 2015-10-09, 19:12

لي بابا بالاناناس yasmalak

الوصفة ساهلة ماهلة وتقدري تديريها في مول كبير انا نحبها فلي غامكان صغار تجي بريزونتابل
تسحقي علبة ياغورت طبيعي 3 حبات بيض 3/4 كاس سكر 1/2 كاس زيت 1 و 1/2 كاس فرينة مغربلة ملعقة خميرة الحلويات رشة فاني
تخلطي المقادير السائله بالخلاط الكهربائي مع الفانيليا وتديريهم على الفرينة وتخلطي مليح اومباعد زيدي الخميرة و خلطي شوية برك
وادا شفتي الخليط ديالك تقيل شوية زيديلو شويية حليب باش يجوك خفاف ماشي تقال

والكاراميل ساهل في مقلاة حطي سكر و خليه على نار قليلة حتى يدوب و يرجع لونو دهبي ما تغفليش عليه باش ما يتحرقش
وجدي لي غامكان ديالك و حطي زوج مغارف والا تلاتة كراميل و فوقة الاناناس تقدري تديري حبة سوغيز في النص

إضغط هنا لرؤية الصورة بحجمها الطبيعي.

و ديري الخليط من فوق انا درت قيس زوج مغارف و دخليه يطيبو يشدولك وحد نص ساعة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

تقدري تقدمييهم مع الايسكرييم يجو بناااان

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-10-09, 19:47

المتقبة yasmalak

ديري رطل سميد موايان قرصة ملح و حوالي نص كاس زييت والا قيسما يتبسس السميد وحكييييهم ملييييييييح و ديري شوية ماء زهر انا اليوم درت ماء زهر البرتقال و لمي بماا دافي واهم حاجة ما تعجنييهاش لمييها برك و قطعيها مقروطااات واقليييها و كي تخرجييها لوحيها في عسل دافي والا كاين اللي يحبوها بلا عسل .
ملاحظة : المتقبة ديرييها خشينة حوالي 2 سم باش تجي ملحمة من داخل.

إضغط هنا لرؤية الصورة بحجمها الطبيعي.