الجزء 96 من واش طيبتي ,,,,ابداع حراير الجلفة تفضلوا غالياتي - الصفحة 79

Simassim · 2014-11-10, 09:14

:صباح الخير عليكم راني هاك.
وقتاش راه يتحل المنتدى انا لعشية كاملة حاكمة الفراش ونسيي اذا نحلت صفحة يحبس ساعة باش يحل الزاوجة
البارح فطور السي سيد ماجاش بكري فطرت بواقي شوية عدس وشوية بطراف وشوي بطاطا مسلوقة مع السبانخ وزدت عليهم فرماج
فرحت قلت مانطيبش جاني سي سيد على زوج نص بلا فطور وجدت سلاطة ودرتلو فيلي شويتو بالزربة وخلاص
والعشا كنت عيانة جبدت بات فويتي من كونجيلاتور وجبدت صوص تومان بالكفته تاني كانت فكونجلاتور ودرتها كي بيتزا. جات خفيييييييييييييييفة

دعيولنا معاكم حاسة روحي عيانة هاد اليامات وزادولي ضروس العقل راهم عاد يخرجولي كرهوني
الغدا واه تالف خصني حاجة ساهلة على حسب الجهد

ام سراج وملاك · 2014-11-10, 09:21

صباح الخير عليكم كامل
اولادي يعطيك الصحةواش طيبتي ضك نحط الوصفة جربيه ومتندميش نص القاطو كلاوه دارنا راني محطيتوش للعروس كامل ههههههه ان شاء الله متكونش عضوة معانا برك وتقول وينهو باقي القاطو
ام سهام حبيبتي شكراااااا بصح ميجيش قدام خبز نتاعك نتي ثاني خرجلك روووووووعة
الامنيات بصحتك واش طيبتي ويعطيك الصحة
ام ياسو حبيبتي شكرااا ربي يخليك دايما منورة علينا البارح كي جربت الخبز تفكرتك زدت شوي طيبتو في الطاجين تقلقت منو طول شوي في الطياب خطراه درتو في الكوشة كاين حبات جاويني يابسين تبالي من السميد المرة الجاية كي نجربو منديروش بالسميد
ام تاج خرجلك الخبز روعة بصحتكم
ام ابراهيم لحقت عند الملفاي نتاعك وقعدت نتفرج ربي يبارك اي حاجة تحطيها روووووووعة سلمت يداك وبصحتكم
سكربيونوار بصحتك واش شريتي راكي سخفتني
ام وسيم شفت واش حطيتي ربي يحفظلك امك ويرزقك بمنزل وحدك وان شاء الله ربي يهديهم وتولي امك تجيك دايما وتفرحي بيها مكانش اعز من الام حسيت بيك صح من قلبي
ام رجا+ دائمة الحمد +ام باسم وبيسان+ سارة صباح الانوار حبيباتي نهار موفق للجميع

ام سراج وملاك · 2014-11-10, 09:24

اقتباس:

المشاركة الأصلية كتبت بواسطة أم محمد تاج

الله يخليك ام برهووووم ويعطيك ماتتمناي يارب
ام سراج حنونتي كلش كلش رووووعة الله يعطيك صحتك يالحبيببة ويتمم بخير لاخوك يارب
دائمة الحمد حنونة والله بلاصتك باينة يالحبيبة
ام ريمة حنونتي مانديش زيرو بصح ندي خمسة على عشرة هههههههههههه
الاستاذة ام الجووووود واقيلا كي دخلت وشافت تحريفي للكروكي دارت هك

وماعلقتش :d:d:d
زهوووورة الهرة روحي الله يعينك ويساعدك يارب

ان شاء الله حبيبتي ربي يبارك فيك كلامك حلو دايما كيما نتي

ام سراج وملاك · 2014-11-10, 09:25

سماسم حبيبتي بالشفا ليك الضروس واعرين
لبنات نخليكم نكمل اشغالي ونولي نكتبلكم الوصفة

أم ماجد · 2014-11-10, 09:31

صباح الخير لبنات
ساندريلا صار انا لصقت فيكم صنعة هههههههههههههههه
يخي صنعة مليحة على الاقل نشلة عينينا ههههههه
بقداه شريت كاندر جاندر ؟الاسماء تتخلطلي هههههههههههه

اسماء47 · 2014-11-10, 09:31

احلى صباح ليكم يا احلى عضوات
ان شاء الله صبحتو بخير
يعطيكم الصحة على واش حطيتو
البارح درت ارز

اللهم ادمها نعمة علينا و عليكم و احفظها من الزوال

scorpionoir · 2014-11-10, 09:35

يا حراير اللفور تاع الكويزينيار تاعي ماحبش يشعل وااااااااااااااااااااااااااع
تشعل النار بصح كي نطلق تطفى.راني 3 ايام وانا معاه ؟ شكون تفهم في هذي الامور ؟

scorpionoir · 2014-11-10, 09:39

اقتباس:

المشاركة الأصلية كتبت بواسطة أم ماجد

صباح الخير لبنات
ساندريلا صار انا لصقت فيكم صنعة هههههههههههههههه
يخي صنعة مليحة على الاقل نشلة عينينا ههههههه
بقداه شريت كاندر جاندر ؟الاسماء تتخلطلي هههههههههههه

هههههههههه ام الجووووووود .ديما تعجيبني كي تصوريلنا القضيان .ولا بروف راني عدت نعاند ههههههههه .نايسر دايسر شريتها ب 120 الف .بقداه عندكم ؟ واقيلا كلحني ههههههههه

scorpionoir · 2014-11-10, 09:42

اقتباس:

المشاركة الأصلية كتبت بواسطة اسماء47

احلى صباح ليكم يا احلى عضوات
ان شاء الله صبحتو بخير
يعطيكم الصحة على واش حطيتو
البارح درت ارز

اللهم ادمها نعمة علينا و عليكم و احفظها من الزوال

اممممممممممممممممم اسماء تعيشي ندي الصحن هذا برك تغدى بيه .راني كي نشوف الروز تقول راهم يطبلولي

الأمنيات · 2014-11-10, 09:45

اقتباس:

المشاركة الأصلية كتبت بواسطة scorpionoir

يا حراير اللفور تاع الكويزينيار تاعي ماحبش يشعل وااااااااااااااااااااااااااع
تشعل النار بصح كي نطلق تطفى.راني 3 ايام وانا معاه ؟ شكون تفهم في هذي الامور ؟

اختي السكوربيو الفور تاعك نظن خسرت له تارموستا تاعه تتخدم عادي لوكان ما تبقيش شاده مايشعلش هاك دار لي تاعي

scorpionoir · 2014-11-10, 09:47

اقتباس:

المشاركة الأصلية كتبت بواسطة الأمنيات

اختي السكوربيو الفور تاعك نظن خسرت له تارموستا تاعه تتخدم عادي لوكان ما تبقيش شاده مايشعلش هاك دار لي تاعي

التارموستا هي لي نشعل منها ؟ ولا تجي لداخل .؟

أم فاطيمة · 2014-11-10, 09:53

السلام عليكم اسعد الله صباحكم
بصحتكم واش حطيتو
غدايا غراتا بالبطاطت و الطن
لام رامي الله يذكرها بخير

اسماء47 · 2014-11-10, 09:59

اقتباس:

المشاركة الأصلية كتبت بواسطة scorpionoir

اممممممممممممممممم اسماء تعيشي ندي الصحن هذا برك تغدى بيه .راني كي نشوف الروز تقول راهم يطبلولي

بصحتك يالزينة ادي على روحك

أم ياسين الزهراء · 2014-11-10, 10:03

الاخت وهيبة نقلك الصح انا البريوش مايصلحليش بيدي ادا عندك بيترا افضل وزيد نصيحتي خلي العجين طري بزاف يعني يلصق في يديك وكيتجي تكوريه بلي يديك اما بالزيت واو كيما ندير انا بماء الزهر هكى نربح زوج الريحة ومايلصقش واي عجينة ديريها زيديلها خميرة الحلوى راهي تخفف البريوش وخليه يخمر مليح المرة الولى والمرة والثانية وتدهنيهش بعد مايطلع راح يطيحلك الافضل مع تكويريه ادهنيه وسخنيلو الفور مليح

سندريلا بصحتك المشتريات وربي يخليلك زوجك وتجيبيلنا احلى الرجال كيما وليدي ياسين الفور انتاعك صراتلو كيما انتاعي لازم يتخدم

ام برهومي صحيتي يالفحلى نسيتيني معليش لازم ديريلي حاجة سبيسيال لي والميلفاي واووووووووووووووووووووووووووو الله يبارك في صحتك

ام ماجد قاعدة كيمودير المدرسة تخلي تعلقي وتخرجي وين راكي ياخي اليوم راحة ليك الله يهنيك

ام محمد خبزك يبان مليح عرف واش بيه ضربو كوروندار معليش عاوديه

ام سراج واش ديتو للعروسة كادو تقرعيج عزايز

زهرة الله يعطيك الصحة تراجعي كيما تاع الابتيدائي هههههههههههههههههه واش راهي بنتك من السعلة

غدايا بكبوكة راهي تفحح في الدار والحيص والمطلوع راهو يطلع ونستنى زوجي ع واش راح يزيد يجيب اكيد سردينة توحشناها

أم ياسين الزهراء · 2014-11-10, 10:05

سماسيم وام فطيمة واسماء الله يبارك فيكم

ان شاء الله مانسيتش أي وحدة وادا نسيت قولو كبرت ام ياسين وامسحوها في مخي ههههههههههههههههههههه

اسماء سندريلا تدي الروز وانا الجاج يسخف امممممممممممممممممممممم