الى ام اسيد1 وكل وحدة حاصلة واش الطيب

[آنثى آلمطر]

سلام وشراكم صفا توحشتكم

[*أم جابر*]

السلام عليكم لبنات لاباس .تعرفوا و الله هذا نهاية الاسبوع جبتها كامل تحواس و الحمد لله علابيها مابنتش

[*أم جابر*]

المشاركة الأصلية كتبت بواسطة آنثى آلمطر

سلام وشراكم صفا توحشتكم

السلام عليكم اختي رانا الحمد لله و انت واش احوالك

[ام حمزة22]

سلام
واش راكم لبنات توحشتكم
اليوم مساءا جيت طايبة من العرس رجلية ما قدرتس نوقف عليهم دخلت طول للمطبخ لتحضير العشاء
طيبت سلطة بطاطا تصيبوها في الصفحة 1 وطيبت معاها كبد الدجاج والقانزة او مثل ما يقوللها البعض الكانزة او بالاحرة معدة الدجاج
في السابق كنت نحط في للقدر الكبد والقانزة والقلب ونضيفلهم فلس او 2ثوم مقطع صغير ونضيف الزيت وفلفل اكحل
لاكن الان وملي كتشفت الساشي لي يدخل الفرن وليت نحمر فيه الكبد والقانزة ونحضر من جهة اخرى الصوس ولي متكونة من زيت وثوم و ملح وفلفل اكحل
بعد ما يتقلى الثوم نحط الكبد لي كنا حمرناه فالفور نضيف كاس ماء ونخليها طيب قبل ما نطفي عليها النار نضيفلها شوية معدنوس ونخليها تغلي غلية ونطفي عليها

[ام حمزة22]

بصحتك التحواس ام اسيد

عسلمتك انثى المطر واش حوالك

[ام هاديل وياسين]

احلى سلام ليكي ام حمزة كل شيء مبروك ولعقوبة لوليداتك ان شاء الله
الله يقويك وتعبك في ميزان حسناتك وحتى وانتي عيانة منسيتناش في الطبق هذي الاكلة نحبها
وتحضيرها ما يخضتس وقت احنا نسموها المقنصة انا مرات نزيدلها الشومبينيو

[ام هاديل وياسين]

المشاركة الأصلية كتبت بواسطة ام اسيد1

السلام عليكم لبنات لاباس .تعرفوا و الله هذا نهاية الاسبوع جبتها كامل تحواس و الحمد لله علابيها مابنتش

وعليكم السلام ام اسيد بصحتك التحويسة مليحة كي تغيري الجو تاع الدار

[صدفات]

مساؤكم سعيد لبنات كي راكم أنثى المطر كى راكي توحشناك
أم أسيد بصحتك التحويسة
أم هديل يا رب تكون معنوياتك أحسن
أم حمزة ربي يحفظك حتى و أنت تعبانه ما نسيتيش تحطي واش طيبي كي فات العرس
العقوبة لوليدك
كرونو حمدالله على السلامة

[روح مراد]

صباح الخير سؤالي على كل واحدة منكن إن شاء الله تكونوا كامل بألف خير (جميعا جميعا ما نسيت حتى واحدة)

[ام سوهيل]

صباح الخير للجميع وش راكم لباس وكي فوتو الوكند ان شاء الله تكونوريحتو شوية وبدية اسبوع موفقة للجميييييييييييييييييع

[*أم جابر*]

السلام عليكم ورحمة الله و بركاته
ام حمزة ربي يزين السعد العاقبة لوليدتك انشاء راكم بخير نسلم عليكم كل واحدة باسمها ربي يحفظكم و يحفظ حبابكم اميييييين

[hanane09]

مساء الخير على كل الاخوات بصحتك التحوسة ام السيد بارك الله فيك ام حمزة

[onedzone]

اتمنى لكم النجاح و بالتوفيق انشاء الله

[ام حمزة22]

سلامي الحار للجميع
يعطيكم الصحة لعقوبة لوليداتكم ان شاء الله تفرحو بيهم
والله يا خواتاتي كنت حاسة كان جبل على دهري وكي جاز العرس تنحلي هداك الجبل لان ابن خالي يتيم الام وكان لازم علينا حنا بنات عمتو نقومولو بالعرس حتى عرايسنا قامو بالواجب ربي يهنيهم
كنت حابة نصور الاطباق والحلويات ما كانش عندي الوقت حتى نبدل ملابسي
كي خلاص العرس ووليت البيتي قالي زوجي كامل لابسين القنادر الا انت قلتلو ما يهمنيش المهم يجوز العرس وخلاص
كنت لابسة ليكات وسروال خفاف باه نقدر نجري هههههههه مع اني شريت جبة او كيما تقولولها قندورة لبستها دقيقة لاقيت بيها العروسة من بعد نحيتها
ونهار اليوم كان شارجي مع الحوايج لي كانو يسناو فيا والمسيح والفطور وزادتلي بنتي مرضتلي ديتها لطبيب
اما طبق اليوم باه نسهلها على روحي درت pois casse والوصفة فالصفحة 58

[hanane09]

يعطيك الصحة ام حمزة لعقوبة لاولادك كي الساعة ان شاء الله