الجزء الثالث من وصفات حراير واش طيبتي اليوم

[idron0]

غراتان اللوبيا طيور الجنان


نقلي الماشطو في الزبدة و نديرلها ثوم و ملح و فلفل اسود وكي يتبدل لونها نحطها تتقلى مع اللحم و طيب معاه تكون مرقة قليلة برك و نكون قليت بطاطا نحط الماشطو و البطاطا و نفتت اللحم و نصب هاذيك لاصوص و نكسر البيض و نحطها تتجمر في الفور و المرق نديرو احمر و ساعات نديرلها تاني لاصوص طومات من فوق و نكسر فوقها البيض.

[idron0]

طريقة طبخ اللفت تاع الورق بالكسكس البدرية


نقطع الأوراق قطع صغيرة مع الأغصان التي تكون رقيقة ونغسلها جيدا وبعدا نتركها تتقطر ونحضر قدر مع الكسكاس نملا القدر بالماء لما يبدأ في الغليان نضع الأوراق في الكسكاس تفور وبعدها نقيو اللفت ونغسلها جيدا و نقطعها مربعات صغيرة وبعدها نرى ان كانت اغصان الاوراق اصبحت طرية نضع اللفت فوق الأوراق تفور ونضع قليلا من الملح فوقها ونتركها تفور حتى تصبح طرية


ولما تنضج الاوراق واللفت نحطها تقطر قليلا وبعدها نفورو الطعام بالطريقة العادية الي كل واحدة تعرفها ولما يوجد الطعام اضع معه أوراق اللفت واللفت وونضيف زيت زيتون و نخلطهم جيدا تصبح جاهزة للأكل وبصحة وعافية ومعهم كأس لبن هذه اللفت بنينة وحلوة وأكلة صحية وتقليدية


هذه اللفت نشتريها من الريف لأنها غير معروفة كثيرا .

[idron0]

صابلي خفييييف ضريف واقتصادي ملاك ملاكي


غ زبدة لابال+5مغارف كبار سكر قلاصي+باطة ياؤورت نكهة قارص امممم ولو تارتولات+برش ليمونة ياااامي يااااامي ورفعة ملح وشيحي بالفرينة
وانت اتفنني بلي مول نتاعك والتزيين سامبل برك هاهاهاها .








إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[idron0]

الكسكس باللفت القبائلية


أنا عندي زوج طرق تقليدية بحتة نتاع عهد الاستعمار و ما قبل عهد الاستعمار كانو القدامى في الجبال يحضروهم
نقطعو أوراق اللفت فقط قطع صغار يتغشلو مليح و يقطرو و بعدها نغوهم حتى يطراو و نصفوهم
من جهة أخرى نحضرو فول يابس يكون منقي و مشمخ من قبل محطوه في كاسرونة و نزيدو عليه ثوم و حبة بطاطا و حبة لفت مقطعين رقيق و فلف أحمر حار و زيت زيتون و نحطوه يطب لما يطب الفول المرق يكون قيس كاس فقط أو اقل نرمو فوقه أوراق اللفت المغلاة و نقصو للنار و نخلو اللفت يتشرب المرق حتى ينشف تماما نزيدو عليه زيت الزيتون نقلوه مليح حوالى 5 دقايق و نطفو عليه صدقوني مذاقو هايل خاصة إذا كان الفول طايب مليح مليح ممممممممممممممممم
الطبق الثاني بنفس الوصفة و لكن يكون فيها مرقة زيادة نحطو اللفت و فوقه البركوكس و نقصو للنار و نخلو البركوكس يطيب في عقله نحركو فقط طبقة البركوكس من فوق بدون ما نحرك اللفت حتى نشوفو أن البركوكس تشرب كامل المرقة و طاب نفرغوه في جفنة و ندهنوه بزيت الزيتون هذا يجي أحسن من الأول و صحي و اقتصادي يليق لزمن التقشف ههه .

[idron0]

محمر الزيتون بي اللوبيا ام فاطمة


انا اللوبيا ما نغليهاش باش متفقدش المعادن ليفيها نطيبها ديراكت
والزيتون باش يمشيله الملوحة نبدله الماء عدة مرات. ونطيب بيه باش تبقا فيه بنة الزيتون

ربي البصل حبة مع حبة طماطم مغرفة صغيرة تاع طماطم المصبرة واللحم او الدجاج الي عندك والزبدة مغرفة مع قليل من الزيت وتركيه يتقلى مليح ثم ضفيله الزعفران حنا منتخلوش عليه والملح الفلفل اللسود. وحركي مليح ادا كنتي مطيبا باللحم تاع الخروف مرقي وبلعي الككوط وتركيه يطيب نص طياب. وضفي اللوبيا والزيتون وادا بي الدجاج ضفي
اللوبيا والزيتون مع بعض وتركيهم يطبو في الكوكوة حتى يتجمرو حنا نقلو محمر الزيتون بي اللوبيااتمنى يعجبك وتجربيه .

[عائشة أم حسن]

المقادير

1 جزرة صغيرة مفرومة
1 عصا كرفس مفرومة
1 بصلة صغيرة مفرومة
حمص مطبوخ : 400 غرام
1 إسفين من اليقطين (حوالي200 غرام)، مقشر ومكعبات
1-2 بطاطس متوسطة، مقشرة ومكعبات
سبانخ 1 : حفنة صغيرة مقصوصة
ماء : 4 أكواب (1 لتر)
ملح وفلفل حسب الذوق
زيت الزيتون البكر الممتاز
خبز محمص يفرك مع الثوم(اختياري)

الطريقة

ضعي زيت الزيتون في مقلاة كبيرة القاع على على نار هادئة، ثم أضيفي الجزر والكرفس والبصل، أضيفي الملح و اطهي لمدة 10 دقيقة قبل أن يتغير لون الخضر كليا.
أضيفي الحمص المطبوخ مع كوب من الماء. أطبخي 15 دقيقة حولي نصف الخليط إلى عجينة ناعمة ثم أعيديه إلى القدر أو المقلاة.
أضيفي اليقطين والبطاطس والسبانخ و ما يكفي من الماء ( 4 أكواب أو 1 لتر). إكشفي الغطاء وإطهى لمدة 30 دقيقة تقريبا على نار هادئة.
يقدم مع مسحوق الفلفل الأسود، و زيت الزيتون، والخبز المحمص مفروك مع الثوم .

[hamdiza3]

شكراً لكل من شاركنا بالمعلومات في هذا المنتدى الرائع و المليء بالمعلومات القيمة و المفيدة جداً و اتمنى من الجميع الا يبخلوا علينا بمعارفهم و خاصة وصفات المطبخ
فأنا أحب الطبخ كثيراً.
موقع بفبوف .

[idron0]

قاطو الفلسطينية إسمهان 79

[idron0]

معمول بالزبيب و المكسرات ام فاطمة

[idron0]

طاجين الخرشف بالزيتون حياة نور الدين

[idron0]

حريرتي امنية غفران

[idron0]

مفشش في حجر يماه امنية غفران

[idron0]

ترقيد الفلفل الحار بطريقة ساهلة امنية غفران

[idron0]

طريقتي في تحضير الثوم المجفف oum islem

بعدما تقشريه خليه ليلة تحت المدفأة حتى ينشف ثم اقسميه الحبة على 4 وزيدي خليه ينشف ليلة أخرى ما تنسايش تغطيه بقماش وفي الغد شعلي الفرن من تحت حتى يسخن مليح طفي عليه ودخلي الثوم في أعلى رف غير تحسيه نشف وخلاص ما ياخذ لون ما يطيب غير ينشف يبرد شوية وارحيه في رحيوة القهوة واستعمليه في الصلصات وفي المملحات وخاصة في عجينة البيتزا .


هنا كي قسمتو ثاني يوم والسر في أنك تنشفيه باه يبقى محافظ على ريحتو




إضغط هنا لرؤية الصورة بحجمها الطبيعي.

[idron0]

غراتان تع البطاطا انا هي رزيقة




هذ لغراتان تع البطاطا خفوفي خفة محصلتش .... بما اني منحبش البيشاميل .... جربت هذ الوصفة و نجحتلي و الحمد لله صحية بكل المقاييس و زيد بنينة ...... تحطي البطاطا تاعك مقطعة شرائح تفور مع شوية ملح و فلفل اسود ثم فرغيها في مول مدهون بمرغارين و زيدي فرغي عليها كاس معمر حليب مخلط مع بيضة مع ملح و حوالي 100 غرام جبن ابيض فروماج عادي يعني .... ثم رابي عليها جبن و زيدي حطي قطع من المرغارين فوقها و حطيها في الفور حتى تاخذ لون جميل و استمتعي بالذ بطاطا خفوفي ريشة .....من المستحسن ترافقيها باي نوع من اللحوم
إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.