الجزء 107 من واش طيبتي اليوم ; العين تاكل قبل الفم

[Omrihem]

تصبحي علي خير زهرة نوم العوافي

[ام ساجد]

السلام عليكم وضح عشاكم كامل
ام هبوبة بصحتك كلشي هايل
عطورة بصحتك الشربة والرخساس وواش داير فيكم الثلج
ام تاجو الرولي يشهي يعطيك الصحة
زينب بصحتك المحاجب
زهرة يعطيك الصحة يا الفحلة راكي تخصص شخشوخة ههههه
ام نسرين بصحتك السردين لي فيالفوروالمقلي امممممممم
لهنا بصحتك العشاء وربي يفرحك بلي جاك وطل عليك
عازفة الناي بصحتك العشاء يا الفحلة
النرجوسة اختي بصحتك لتارت
ليزا واش راكي اختي حبيت نقلك راني طبقت البرانية تاعك وجات اممممممممموامممممممم يعطيك الصحة
مياسم بصحتك البيتزا
توتة وكاوكا واش راكم وواش اخباركم

هدا كان غدانا في يوم من الايام ههههههه ومعاهم طمينة عملتها العشية للقهوة

شيفلور وسلطة الورود وماندرين والحمد لله

[Omrihem]

ام ياسين ماعليش الالوان المهم ما يكونش خطوط فيهم الدوري الا ارجونتي وثاني ردي بالك تحطي ورق الالمنيوم يعني طبسي مغلف بالالمنيوم واي حاجة حديد

[أم هبوبة]

ام ساجد روعة و السلاطة لوحة فنية
ز ينب الحمد الله على وصول الزوج بالسلامة
ليزا شفت المواعن يهبلوا وان شاء الله لحاجة اكثر من هادوك
و الكل الي حطوا طيابتهم نقلهم يعطيكم الصحة كل طبق يقول لاخوه وخر
تصبحون بالف خير لبيل خلاصولي راني من الصباح واقفة

[Omrihem]

ام ساجد بصحتكم وسلطة الورود تهبل

ام هبوبة تصبحي علي خير وربي يكون في عونك

[touta2010]

اهلين ام ساجد والله الحمد الله
الورود روعة تسلم يديك

[ام طيري الجنة]

اممممممممممم ام ساجد روااااااااااااااااائع الله يبارك

[ام ساجد]

يعطيك الصحة ام ريهام على الرابط كنت نقرعج على مشتريات ليزا

ليزا بصحتك واش شريتي ولعقوبة لحوايج اخرين

ام هبوبة تسلمي اختي الله يخليك

زينب الحمد لله كي تهنيتي على زوجك

ام ياسو جامي ديري حاجة مغلوقة في المكرووند راي تنفجر

[ام ساجد]

الله يسلمكم اخواتي توتة وام نسرين وام ريهام الله يحفظكم

[lyzzabel]

شكرا حبيباتي ربي يخليكم و يحفظلكم أحبابكم
زينب الحمد لله على سلامة الزوج ربي يحفظكم من كل شر امين
ام سااااجد روووووعة سلطة الورود تسلم الأيادي و بصحتكم البرانية يا الحبيبة و مزية عجباتك هههههه ماكووووول الهنا عزيزتي و الطمينة ممممممم
زهرتي يا سلااااام لوكان تكون صح شكون كيفي بعدا منامي مشي كذاب هههههههه ربي يجمعنا فالحرم الشريف اميييييين و حقا الصور لي تحطيهم دايما يقتلوني بالضحك هههههه مسكينة القطة راهي كيفي مين نكمل المراجعة نلقى روحي فشلت وما نقدش نكتب ردود هههههه بصح الأحباب يستاهلو كل خير
ام هبوبة و سكرتي الحلوة و قاع لي راحو يرقدو نوم العوافي
انا تاني نقوللكم تصبحن على الف خير و في رعاية المولى ،، الى الملتقى يا أغلى الحبايب

اللهم اني أسالك خير ما في هذه الليلة و خير ما بعدها و أعوذ بك من شر ما في هذه الليلة و شر ما بعدها ،، اللهم اني أعوذ بك من الكسل و سوء الكبر و أعوذ بك من عذاب في النار و عذاب في القبر
لا اله الا الله وحده لا شريك له له الملك و له الحمد و هو على كل شيء قدير
اللهم صل و سلم على محمد و على ال محمد كما صَلَّيْتَ و سلمت على ابراهيم و على ال ابراهيم ،، اللهم بارك على محمد و على ال محمد كما بَارَكْتَ على ابراهيم و على ال ابراهيم في العالمين انك حميد مَجِيدٌ

[Simassim]

البنات راني ماشية للسبيطار درك ماتنساونيش بالدعاء

[lyzzabel]

يا عمرييييي سمسوووووومة كيفاش راكي رايحة للسبيطار دروك ياك ما زلتي ،، يا حبيبتي ما يكون غير الخير و ربي يسلك وحلك و ترجعي لدارك و لينا بألف سلامة يااااااارب

[Omrihem]

ليزا كلامك ينقط عسل بل انت العسل كلو تصبحي علي الف خير ابنات تصبحون علي خير الي الملتقي

[دائمة الحمد]

صحة عشاكم حبيباتي
كلش يشهي
ملوخية وماقرونات وسلايط وقواطو ومحاجب ربي يبارك في صحايحكم
انا راني نطيب غير في الساهل ما عرفتش علاه ههههه
واقيلا تفنيين اكيد هو
عشايا دويدة بالحليب والغريب انهم تعشو وما علقوش
وبحول السميع العليم غدايا غدوة دوبارة نقفل الكوكوط ونتهنى
ام يس راني في انتظار الحلقة القادمة من مسلسل ام يس والميكرواوند

[Omrihem]

المشاركة الأصلية كتبت بواسطة simassim

البنات راني ماشية للسبيطار درك ماتنساونيش بالدعاء

سيماسيم ربي معاك حنونة ربي يسلك وحلك وترجعيلنا مع المولود الجديد يا رب يا رب.
يارب ساعد اختنا سيماسيم يارب
سماسيم ما تنسايش تدعيلنا حنونة ربي يفرج علينا ويجعل لنا من كل ضيق مخرجا