~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام متين]

[ام متين]

يوم موفق للجميع مع اشراقة هذا الصباح الجميل مع الصفصاف الشامخ والحياة الي كلها امال جميلة محققة باذن الله

[حياتي كلها امل]

احلى فنجان قهوة لاغلى الاحباب.

[omelbanin]

اصبحنا واصبح الملك لله.

[حياتي كلها امل]

صباحك سعيد ام متين وكل الغوالي يارب اجعل كل ايامنا سعادة وامل وشكرا على فنجان القهوة وياربي تعجبك قهوتي.

[omelbanin]

ام متين ،يعطيك الصحة على الدعاء ،دايما طلعينا الموغال بالادعية نتاوعك ،شكرا حياتي كلها امل على القهييييييوة السخوووووونة.

[حياتي كلها امل]

اختى سرور راكي الله يبارك فحلة ونص ربي يعاونك ويعطيك الف صحة وعافية

[hanamohamed]

اللهم إني أستغفرك لكل ذنبٍ يمحقُ الحسناتِ ويضاعف السيئات ويُحلُّ النَّقماتِ وَيغضبكَ ياربَّ السمواتِ ، فَصَلِّ ياربِّ وسلِّم وبارك على سيِّدنا محمدٍ وعلى آل سيدنا محمد واغفِرْه لي ياخيرَ الغافرين.

[hanamohamed]

صباحكن سعيد موفق انشاء الله

[جهينة اليقين]

السلام عليكم برك الله فيك ام متين وحياتي امل على القهيوة نقطة ضعفي ربي يفرح جميع المومنين فيهذا اليوم المبارك في هذا الشهر المبارك

[سرور2]

صباح النور لبنات وش صبحتو

الله يسلمكم لبنات ويعطكم الصحة حتى انتم

اليوم نضت درت سبور ومن بعد تنضيف خفيف وطيبت القهوةوحليب للفطور وفقط لان صبحت تعبانة من البارح وزيدمع الصيام

ودرت الغدى مزال الخبزمن بعدنطيبو


بلاك العشوةنغسل البلارات الخاصين بالتوابل ونتهنة منهم كل مرةنخدم جهة حتان نكمل

يوم موفق للجميع

[فراشات العمر]

السلام عليكم ورحمة الله وبركاته

[فراشات العمر]

هنيئا لكي اختي سرير حقا اشمن سبور راكي تبعي فيه افيدينا جزاك الله خيرا
صباحكن اسعد ام متين وحياتي كلها امل وام البنين مادامكم حاضرات تعرفي كنت نقري اسمك ام لبان لي يبيع لحليب ههههههه
انا صايمة لوم ثاني

[omelbanin]

سلامي جميع ،اليوم نضت على 6 درت كوات تتشمخ ،و كوفيرطات خفاف ،وغسلتهم .

[سيرين 5]

صباح الخير جميعا ان شاء الله تكونو بخير و على خير

جهينة اليقين : الله يسلمك العفو أختي ، شفتي والله غلاوه ما خلاوناش ناكلو الحوت و حنا عندنا ساحل 1200 شفيت عليها من الجغرافيا ههههههههه
يا اختي حنا نشرو الكونجلي هذا الميغلون نقطعو مكعبات كبار شويا و هو جامد و كي قريب طيب لاصوص نرميه فيها و يجي بنين مي أكيد ماشي كيما الفريشكا :d

أم صفصف : الغنمي ممنوع لأنو ميدم أكثر بكثير من البقري أو الدجاج أو الداند أو الحوت لمن استطاع إليه سبيلا ؟ أنا كنت تبعت عند أخصائية طبيبة قاتلي ممنوع و بعدها تبعت عند أخصائي رجل و أيضا قالي ممنوع

فرشات العمر : ههههههههههه يا أختي أنا كنت صارمة و نقصت 6 كلغ في شهرين و الآن فشلت؟ تعانديني في الحاجة المليحة و لا في الحاجة العيانة ؟ راني نسيي قد ما نقدر نتجنب القليان و الخبز بزاف لكن الحلو ضعيفة شويا قدامو خاصة لما كنت صايمة لكن راني نرجع بالشوية للطريق الصحيحة شجعوني و نشجعكم
الحوت كاين كونجلي يجي مقطع كيما فيلي د صول ولا المغلون ... رانا عايشين بقدرة ربي مع الناس لي ما تخافش ربي راهم يوكلو فينا الرهج ؟
هههههههه لالا البيتزا حتى البارح باش استبنيتها مع الشربة علاجال كانو واجدين ههههههههههههه أنت وحدك قلبتيها بالخبابز هههههههه شحال مازل للعيد لكبير ؟ و بصحتكم الخبز ممم راكم تشهو فيا و أنا صايمة

أم البنين مممم بصحتكم السردين شهيتيني و يعطيك الصحة

سرور : ما شاء الله عليك راكي امرأة و نص الله يبارك