الجزء 151 من مطبخ واش طيبتي اليوم اتفضلووو عنديي مرحباا

[Oum yousra]

المشاركة الأصلية كتبت بواسطة الرجاء الاماني المجد

ام جوجوسلمت راسها ودرري يجويجو
ام يسرا اكلك روعة يعطيك الصحة ندي هدا الطبسي
ازبيل بصحتك العطلة في داركم

يسلمك حنونة هاذا من لطفك وانتي الأروع حبيبتي

[lyzzabel]

بعض طيابااتي بسم الله

[lyzzabel]

ام يسرى يعطييك الف عاافية كلشي يشهي بصحتكم حبييبتيي

النت ضعييييفة بغييت نحطلكم شوية طياباات و حلو باش تسهروو خخخخخخ

غدوة ان شااء الله نزييد نحااول ان شااء الله و ياااااااربي ما ترووووحش النت

تصبحن بالف خيير حبييبااتيي و الى الملتقى بحول المولى


اللهم لا إله إلا أنت سبحانك إني كنت من الظالمين

[الرجاء الاماني المجد]

ازبيل وعلاه راكي تشهي فيا دركي انجيك الدار ونتعش معك

[ذات النورين]

[iساء الانوار على الكل
اسمحولي قبيلات راحت الكونيكسيون على غفلة وتبخرت معاها بلا احم ولا دستورههههههههههه
ام جوجو ماعندنا ما نديرو نتبعو الزوج والخبزة حتى يفرج ربي ايه انا من الغرب وراجلي صحراوي
توبة شكرا حبيبتي بصح راكي دخلتيها علينا دخلت الروس كيما يول راجلي طياب سمانة الكل درتيه ضربة وحدة هههههههه
ام روضة بلا جميل حبيبتي اذا تحتاجي وصفات اخرى للرضع راني هنا قوليلي برك شحال في عمرو باش نعطيك قد قد
ليزابال هاذيك مرقة بطاطا غير انا صغرتها قلت مريقة ههههه
ام رحاب ايه انا سعيدة=ذات النورين
درت ليزابا قليتهم برك راجلي يحبهم هكذا بدون اضافات

[um alaa]

المشاركة الأصلية كتبت بواسطة oum yousra

امممممم نموت على التين حنونة يا ريت تقوليلي كفاه اخدمتيه

تفضلي حبيبتي انا مخليتوش طاب بزاف باش يقعد شاد روحو جربيه و ما تندميش عجوزتي ماتت عليه

https://www.djelfa.info/vb/showthread.php?t=1852477

[ذات النورين]

ام جوجو ربي يعوضها ان شاء الله وقوليلها ما تياسش
اختي اللي زوجها مريض ربي يشافيه ان شاء الله
راني شفت طياباتكم بسرعة صحا عشاكم كامل وكلشي يشهي كي العادة الكونيكسيون عاودت راحت راني غير بالمفتاح السحري ههههههههه
تصبحون على خير غدا ان شاء الله

[الرجاء الاماني المجد]

هدا السرفيس لقيتو في الفيسبوك عجبني جبتلكم تشوفوه

[ام و ابنة]

ام جوجو ياخي اذا ما رانيش غالطة اختك ما عندهاش بزاف زواج شوفي قولي لها صرااااحة الاجهاض رحمة من الله بش ما يكونش البيبي مريض او فيه عيب خلقي ربي يعوضها خير

لبنات حرام عليكم قتلتوني بالماعن حابة نعاود كااامل ماعني و نشري بزاف حوايج بصح الاولويات ما يخلاصوش و الخير بره كاين و كلش يهبببل بصح غاليين ناااار سيرتو حاجة كاليتي

ليزا انا بطبعي مسخافة بزاااف

اسمهان مبروك عليك الفيزا و العاقبة لبنتك و ربي يسهل لك امورك و يشفيك

الجمان ربي يشفي راجلك و ما تخافيش الرجال هكذا ما عندهمش كوراج في المرض

ام الاء تشريلها لالاء وش تشريلها العاب تخليهم و غير الماعن اللي تلعب بيهم يعشقوهم من عند ربي

ذات النورين حنا من مقبيل التريسيتي تجي و تروح و كي ترجع النت تكون عيانة شوية بالسيف بش تقوى ربي يعيننا برك و الصورة راهي ما خرجتش

اهلا ام نور الهدى هذي غيبة

[um alaa]

ام جوجو ربي يعوضك اختك ان شاء الله

ليزا حليلي

[ذات النورين]

ايه نسيت قبل مانروح اسمهان ربي يشفيك ان شاء الله حبوبة
وام الاء راني شفت يدو الحلوة بنتك في الصور ههههههههه فكرتني ببنتي عندها نفس الكرسي
وراني ديت لاغوسات تاع معجون التين وراح نجربو ما يخرجليش مليح نجي ليك ههههههههه

[الرجاء الاماني المجد]

مساء النور روضة
اموابنة انا شريت اماعن بزاف بصح مرنيش نستعمل يهم دستهم حتان ندخل داري الجديدة

[ذات النورين]

هذا درتو ليا بالبصل والطماطم والذي منو

[ذات النورين]

اوووووووووه لسفة ماخرجوش الصور لانني نخدم بالمفتاح برك غدوة ان شاء الله كي تجي الكونيكسيون راني نعاودهم وعد

[Oum Habouba]

مسااااء الخيرااات والبركاات حبيبااات
على بالي راني مخسرة معاكم بصح والله راكم في بالي ونقعد نحكي عليكم في دارنا نبغيكم ونموت عليكم اصبرو عليا يامات ونولي نهبلكم
رحنا اليوم وقضينا في غليزان ما صبت ما نخلي كلللل شيئ يسخففف مع انو مش من الاولويات بصح نلقى حاجة نفس عمل اللي عندي بصح مودال مبدل المهم انا شديت روحي على بعض الاشياء غير ضرورية وفرحتي اكتملت مين لقيت طابع نتاع المقروظ ولكنننن للاسففففف يا فرحة ما تمت البانيي اللي كان فيه بعض مشترياتي نسيييته عند بائع لي ناب والستائر ياااويلي المشكل انو ما فقتش حتى وصلنا للدار
المهم عيطنا لنسيبنا زوج اختي ووصيناه يروح يجيبه على امل يلقا صوالحي
اشريت حاجيات لبناتي وليا والفطور كلينا برا الكباب بلا ما ننسى السخايف والسقايط تفكرت ام وابنة السخافة عداتني بطبايعها خخخخ
بصح الخرجة خرجت فيا ظهري وجعنييييي البرود دخلني كنت دافئة ونحيت حوايجي راني نكتب ومعوجة
نراجع شتا درتو ونولي