Mh47 الجزء الــــ84 من واش طيبتي اليوم

[ريتاج تيارتية]

السلام عليكم شيرات صح عشاكم

المشاركة الأصلية كتبت بواسطة أم ياسين الزهراء

لبنات تشفاو قلتلكم عندي صدر جاج وحصلت فيه لثذقيتلو الحل درت شوارما وراح نبد نطيب الخبز العربي ان شاء الله نتفكر ونصور

ريتاج امممممممممممممممم بردتلي قلبي هايل واش من وصفة

ام انس الله يعطيك الصحة سخفني ليبيني لكان غير كنت نلعب قدام دارك وربي يسهلك اختي

هههههههههه بصحتك حبيبة وصفة الهام اية ودرتو في مول تاع الموسكوتشو

المشاركة الأصلية كتبت بواسطة nari21

اختي ريتاج راني اديت باش نبراد روعة يعطيك الصحة
اختي سعيدة الله يسلمك ختي
ام ياسين الزهراء مشكورة حبيبتي

بصحتك حبيبة

المشاركة الأصلية كتبت بواسطة malek nour hane

سلااام... أم سهام مساءكل أحلى إن شاء الله
ام أنس شفتك قبيل رديتي على وحدة تاع الكوكا والله كنت حانقلك ادخلي توحشناك و حشمت بخخخخ امممم على هذوك الأطباق و القاطوات يردو تاعك يردو العبد مو كراش ذراااع.... بصحتك الكمونية عطر مسكينة عيات ضربت ضربت مع المنتدى اليوم و والو قاتلي بالاك كي بدلت الاسم مو قاتلي راسلي صفوة النفس إن شاء الله يلقاولها حل
لينا يا لينا وش درتي فينا وينك هذا؟؟؟ اممممم حطي الوصفات هبلونيييي يسلمو هذوك اليدين
شاوية حرة توحشتك وان شاء الله تكوني بالف خير وربي يشافيك حبوبة
ميميشة مبرووووك عليك وانتم لعقوبة لبنات لي مازالوا
ادرارية بصحتكم المثلجااات يهبلو
ماري راهي غايبة خلاص إن شاء الله راهي بخير

المشاركة الأصلية كتبت بواسطة malek nour hane

هههههه تيارتية ديما نغلط فيك هههه حانردك ادرارية ذراع ههههه سلامي الحااار للادرارية
أم ياسين بصحتك الشاورما اممممممم شحال توحشت الشاورما كي توجد خليلي شوي

ههههههههههههههههههخلاص رديتيني ادرارية تحية لكل ناس ادرار وقيلا مكتوبي غير في ادرار ههههه
هديك هي نتعلم لتاي نتاعهم

[ام سهام 02]

سلاااااااااااااااااااام تعشينا طعام باللبن والدلاع

ام ياسين بصحتكم الشورما مممممم وصلتني الريحة

حنان ما شاء الله عليك كلك نشاط والبيتزا توووووووب

[oum anas 69]

وصفة les beignets
هاذي المقادير تعملك 33 حبة









500 فرينة
4 ملاعق أكل سكر عادي
2 ملاعق أكل حليب مجفف بودرة
1 ملعقة أكل خميرة خبز فورية
1 ملعقة قهوة خميرة حلويات
1 بيضة ..
فانيليا أنا درت ملعقة أكل فانيليا بودرة
50 غ زبدة أو مارغارين ذائبة
1/4 ل ماء دافئ
1 ملعقة قهوة و نصف ملح
للتزيين سكر قلاصي و للحشو مربى لي تحبيه أو نوتيلا أو أي شيئ آخر مثل كريمة باتسيير
طريقة التحضير
ضعي كل المكونات بالتدريج في العجانة و أخلطي جيدا حتى الحصول على عجينة طرية ماهي جارية بزاف ماهي يابسة
كوريها خليها تخمر مليح حتى يتضاعف حجمها ثم حليها على سطح مرشوش بالفرينة بالحلال على سمك 1 سم و قطعي دوائر متوسطة الحجم أنا إستعملت كأس ثم حطيهم فوق طرشونة مرشوشة بشوية فرينة غطيهم يزيدو يخمرو حتى يتضاعفو ثم سخني زيت على نار هادئة في وعاء غامق .. إستعملت كسرول ... و أقلي بثلاث حبات أو أربعة حتى ينتفخو و أقلبيهم و هكذا حتى تكملي ثم أحشيهم من الجنب ثم رشي عليهم سكر قلاصي

[malek nour hane]

حنان حنا بيتزا تاع الدقيق هيا لي نديرو ها بزاااااف وتجي هايلة هاي ليك طريقتنا بالاك تعجبك
نصف كلية دقيق و نصف كيلة فرينة و فنجان زيت و ملح و خميرة الخبز و شوي سكر و عضمة و خميرة الحلويات وتلمي بماء دافي اعجنيها شوي وهي يابسة و من بعد ارخفيها شوي بالماء وادلكيها ديريها قرصات قيس البلاطو تاعك واطرحيها واثقبيها
صبي عليها لاصوص و الباقي باين... كي تخرجيها وهي سخونة رشيها بزيت زيتون أو زيت عادي

[ريتاج تيارتية]

شيرات بغيت نسقسيكم راني باغية نخدم هدا القاطو تاع ام اماني باغية نديرو في ليباني بصح هو الحشو نتاعو كريمي يعندي بالمرغرين اسكو نورمال نديرو راني خايفة كي يطول شوي يدير ريحة مش مليحة كاش ماتنصحوني

[malek nour hane]

وعليكم السلام ريتاج ههه ظاهرة مكتوبك لتم اييييي ياسعدك مع لاتاي تاعهم
أم انس شكرا بزاااف عالوصفة هايليييين الله يبارك
أم سهام بصحتك لعشا

[سعيدة8888]

بنات حبيت نسقسيكم على البيتزا
وشحال درجة الحرارة نتاع الفرن والمدة نتاع الطهي و الرف اللي نحط فيه الصينية

[سعيدة8888]

شفت مرة البنات شراو صينية قالو نتاع البيتزا
اللي مجربتها تقولي هي خير ولا الصينية نتاع الفرن العادية
و السعر نتاعها وشحال

[ريتاج تيارتية]

المشاركة الأصلية كتبت بواسطة سعيدة8888

بنات حبيت نسقسيكم على البيتزا
وشحال درجة الحرارة نتاع الفرن والمدة نتاع الطهي و الرف اللي نحط فيه الصينية

انا البيتزا نطيبها على اقصى درجة حراة ماعندهاش بزاف وقت طياب انا نحطها في الرف الوسط

[oum anas 69]

أم سهام على سلامتك قريت تعليقك قبيل و الله ياأختي حتى أكلك لايعلى عليه و يعجبني بزاااااف صراحة و هذا من تواضعك عزيزتي
ملاك نورهان ترجعو دفينيتيف للبلاد ؟؟وعلاه ماتقعدوش تجبيبو كاش بيبي ولا زوج في إنجليز على الجنسية
حنان نعرفك شاطرة الله يبارك
التيارتية الفحلة بصحتك لي قلاص جاوك روووووعة
سعيدة هاهي وصفة عطورة للكمونية أنا زدتلها ملعقة هريسة ياااااااي غدوة نعاودها ههههههه

كمونية عطر الذهب عطورة الزينة على لسانها الحلو





الكمونية ندير كرشة ومصارن وشوي كبدة وقلب نبيتهم في ما وملح وخل وفرينة باش بخرجو بيض يبرقو
ومن بعد نغسلهم مليح ونقطعهم ونحطهم في الكوكوط بلا والو ونحطهم فوق النار هوما يطلقو في الماء وانا نبزعو وكي ينشفو نزيدلهم شوي زيت يتقلو شوي ونزيد حاشاك لبصل قيس نص بصلو رابي و5 او 6 سنات ثوم ونقلي ونزيد كميشة حمص ونص مغرفة طماطم مصبرة وشوي حشيش وملعقة افاح ونمرق بزيادة شوي ونغلق عليهم الكوكوط قيش 45 دقيقة وكي نحل اذا لقيتها مازالت المرق خفيف نخليها تخثار وقبل مانطفي نزيد مغرفة صغيرة كمون اخضر مرحي راهي تجي قاوية تدوخ وجدي معاها المطلوع وكاس تاي باش ينحي القوة نتاعهاوكوليها بالصحة ولهنا

[malek nour hane]

ريتاج والله جامي جربتو ضرك يفيدوك لبنات إن شاء الله
سعيدة البيتزا انا نطيبها على أقصى درجة الحرارة ماتديش الوقت حوالي 7 دقايق وكل وحدة والفرن تاعها و نديرها فالرف الأوسط ... الصينية الله أعلم يفيدوك لبنات إن شاء الله
ليزا ظاهرة حتئ هي حاوزها المنتدى كي طير و عطر....

[أم ياسين الزهراء]

لبنات شكرا ربي يخليكم

غدوة ان شاء الله نقلك حبي لامي

[oum anas 69]

لبنات تصبحون على خير خلاص راني غلبت نروح نرقد باااااااي

[malek nour hane]

امممم على كمونية صاحبتي عطورة لعزيزة دارها بيها المنتدى اليوم... أمممم زيد من يدين أم انس تجي هبال مالقري مانحبش الكرشة
هيه نروحو طول طووول... ههههه هو قالي لاشتا فشهركن الأخير نبعثك تجيبيه فبلادنا قالي باه كي يكبر يروح و يخلينا ههههه

[oum malek]

مساء النور صح عشاكم انا عشايا اليوم من مطبخ لييزا طيبت البرانيه جات تهبل يعطيك الصحه أختيhttps://