الجزء 82من واش طيبتي اليوم**تحضيرات العيد**

[دائمة الحمد]

صباح الخيرات ونهاركم مبروك ان شاءالله تكونو ريحتو شوي من الجري والتعب
كل الي ماعيدتش عليهم امس تعيدو بالصحة والهناء
ليزا منصف كيما قاتلك الامنيات رقيه باش يهدى وحلوياتك توب
سارة كوين كالعادة راكي44444444444444بحلوياتك الانيقة
ام رياض على سلامتك رمضنتي وحدك وما طلتيش عليناخلاص عيد سعيد ليك ولكل الاسرة وا ن شاءالله تكوني صبحت لباس من ضرستك
ام ابراهيم رانا ندعولك ليل مع نهار ربي يسلكك بلا تعب
غدايا بحول الله دويدة مفورة اسينات راهي هنا واسينات الصغيرة مبيتتنا نوي بلونش حابة تسهر وتحلق
مازال ما بانش شكون راح يجيني اليوم ثاني للغدا رايح نطيب بزايد ومرحبا بلي يجي

[Simassim]

صباح الخير عليكم ونهاركم مبروك ان شاء الله تكونو بخير ربي يبارك فيكم ويديم جمعتكم
فطوري ان شاء الله مرقه جلبانة والسلاطة

[nihale89]

صباح الخير حبيباتي

[oum ibrahim]

صباح الخيرات عليكم ياالحراي
ام اسينات نهال ام رياض بشرى و كاااااااامل الشاطرات عيدكن مبارك و كل عام و انتن الى الله اقرب
ام اسينات ربي يعينك مع اسينيتا الصغيرونة هاذو هما الاولا الصغار ربي يحفظها و يكبرها في طاعتو يا رب و يخليك على الدعاء
غدايا كسكس باللحم و الخضر قريب يطيب

[oum anas 69]

السلام عليكم خياتي
عيدكم مبارك حبيباتي كل وحدة بإسمها دون أن ننسى الأخوات لي وراء الكواليس أو حتى الزائرات
إن شاء الله تعيدو و تزيدو و لعقوبة لعام الجاي تعيدو مع والديكم و أزواجكم و أطفالكم و كل أحبابكم يارب
هاذي مجموعة حلويات لي عملت هاذا العام بسيطة متواضعة كيما قالت أم ماجد قاطو الذكريات مافي أحلى منو
عملت تشاراك نقاش قاطو باتيلا تاع بلكابريس ممممم زاكي و يذوب في الفم و بنتو يهبل لي مجرباتوش راحت عليها
و الجلجلانية للعمة أموني و القريوش للعزيزة القبطية مممم يذوب في الفم من الهشاشة
و أصابع البقلاوة بعجينة الفيلو الجاهزة باللوز روعة و زاكية نصف باكي عجينة عملي بلاطو




هذا الصحن لي بعثت لجاراتي هكذا

نهديه لكل أخت في منتدى الجلفة

[R I A D]

صباح الخيرات و البركات على جميع الحبيبات الحاضرات و الغايبات

عيدكن سعيد و مبارك

صباح الخير دائمة الحمد سلمي على اسينات و امها و قولي لهم عيد سعيد و بصحتكم الغداء
و سماسم صباحك خير وعيدك مبارك
و نهال صباح الخير و بصحتك الة في دار باباك و في دار عجوزتك
و ام ابراهيم صح عيدك و ربي يسلكك بخير و على خير و ناكلو الزرير "الطمينة"
ليزا و ام اناس و ام تاجو و شاوية حرة و سميحة و ام ماجد و ام ساجد و ام اسلام اية و ام انس و ام رحاب و المازة و ام امنية وساندي
و ام سهام و صبرينتي و بشرايا ووووو
كلكم صباح الخير و عيدكن سعيد و مبارك و ربي يتقبل منا و منكم صالح الاعمال امين يا رب

اللهم ما اصبح بي من نعمة او باحد من خلقك , فمنك وحدك لا شريك , فلك الحمد و لك الشكر

[awladi]

صباح الخير عليكم
صحة عيدكم مرة ثانية يمكن البارح كنت مانبانش
ام انس بصحتك الحلويات روعة وبصحتها جارتك محظوظة بجارة بحالك
رياض على سلامتك وصحة عيدك
ليزا وام ياسو صحة عيدكم الظاهر بنت غير عندكم البارح

[أم ماجد]

يكثر خيرك ام انس راهو وصل
ام برهوم ربي يسهلك حبيباتي ليزا وام رياض نهال وووووووووووووووووووو اولادي وكل لبنات اسمحولي اللي ماذكرتهاش كامل كلما ربي يهنيكم
ام برهوم امانة كي تزيدي طمنيا مباشرة باه مانبقاوش متحيرين

[R I A D]

اولادي الله يسلمك و يحفظك
صباح الخير و صحة عيدك و تعيدي و تزيدي و العقوبة للعام الجاي مع اهلك و اولادك

[Aya69]

السلام عليكم وصح عيدكم ولعقوبة للعام الجاي ان شاء الله
لكامل حراير جلفة

[kaouka]

السلام عليكم ورحمة الله وبركاته عيد سعيد كل عام وانتم بخير ربي يتقبل منا ومنكم صالح الأعمال كل وحد به مننساش كلش يهبل رنا شمينا ريحة لبلاد يعطيكم صح و العافية صح غداكوم

[أم ياسين الزهراء]

صباح الانوار على الكل

من البارح والضياف داخلين خارجين وكل مرة ندوروهم في الدار يشوفوها الله يبارك كبيرة وعيت حتى ولينا نقولو ليايسين واميرة ادوهم انتم هههههههههههههههههه

واليوم جاوني الضياف هدا وين دوشت وتغديت وريحت شوي استراحة محارب

وراهو غاضني الحال وحدة ماداقت من حلويات خسارة خسارة

رياض اهلا بيك معانا وعودة مباركة

ام ابراهيم طمنينا عليك

غدايا بربوشة بالجاج والحميصة والقليشة جات اممممممممممممممممم كيما حبها الخاطر والحمد لله ودرت حساب العشاء طعام بالبن وجدت اللبن البارح شفتو شاطرة قلت ادا دخلو الضياف كاين كلش

سلامي

فدولة قتلتني الغيرة الله يحفظ من العين تهبل

[طالبة الجامعة]

السلام عليكم
صحا عيدكم ان شاء الله ريجتو من تعب تاع الحلوى
وتاع الضياف
الحلويات الي حطيتوهملنا يبينو التعب ديالكم
بصح ما عليش مخلوفة ان شاء الله

[أم ياسين الزهراء]

ام ماجد والهام جاوبو الاخت

https://www.djelfa.info/vb/showthread.php?t=1639276

[ام ايمان 11]

مساء الانوار اخواتي كيف الحال
هذي صور حلوياتي حتى و هي متأخرة

وصفة الاخت ام اسلام و اية خرج هايل شوية برك الديكور خربطتو خانني القلاساج و الشوكولاطة



و درت تاني مقروط الكوشة و حلوى النمر للاخت ام ساجد بصح العجينة هبلتني و خرج الديكور ناقص على هذاك ما حطيتش الصورة باش ماتضحكوش عليا
ان شاء الله يعجبوكم .