الجزء 30من واش طيبتي اليوم؟؟للفحلات تاع المنتدى - الصفحة 78

islam1aya · 2013-10-05, 14:14

اقتباس:

المشاركة الأصلية كتبت بواسطة إلهام07

شكرا ام إسلام حقة درتيه بلابوش ؟ شكيت يجي غير بالمحقن مايفوتش في لابوش

لالا الهام درتو في لابوش اجوز واجي هايل لالان العجينة خفييييفة مرفودة شوية فقط على الكريمة والمحقن من النوع المتوسط تع النحاس

غير جربيه احسن وصفة جربتها

إلهام07 · 2013-10-05, 14:14

اقتباس:

المشاركة الأصلية كتبت بواسطة أم ماجد

الهام بعثتلي زوجة اخي باذنجان
اعطني طريقة الفوكاشيا تاعك غدا اذا قدرني ربي نديرها

وصفة العجين ولا غير اللي من فوق ؟

إلهام07 · 2013-10-05, 14:17

اقتباس:

المشاركة الأصلية كتبت بواسطة islam1aya

لالا الهام درتو في لابوش اجوز واجي هايل لالان العجينة خفييييفة مرفودة شوية فقط على الكريمة والمحقن من النوع المتوسط تع النحاس

غير جربيه احسن وصفة جربتها

خلاص على ضمانتك بصح بعد العيد ضرك يا ربي نكمل القاطو ونصومو
راني شريت منذ أسبوع المحقن اللي راكي تهدري عليه كيما نتاع ام انس شريتو على جال البتي فور وشريت بوش جوطابل صوليد على بالك لا بوش العادية مايدخلش فيها هذاك المحقن كبير شوية

islam1aya · 2013-10-05, 14:18

ايناس بصحتك حنونة البطاطا المسروقة حتى انا جربتها هايييييييييلة
البتيفور رائع
وبصحتكم وطريقة التقديم فننننننن
بشرى امممم الارز يشبه تع المطاعم بصحتك

ام ماجد واش راكي حبيبتي

أم ماجد · 2013-10-05, 14:19

اقتباس:

المشاركة الأصلية كتبت بواسطة إلهام07

وصفة العجين ولا غير اللي من فوق ؟

كل شئ بالتفصيل رايحة نتعبك لكن ماعندكش حل غدا عندي غير الباذنجان في الثلاجة

أم ماجد · 2013-10-05, 14:20

السوال عليك ام اسلام تقدري تنعتيلي البلا اللي درت فيه مسكوتة سماح كنت رايحة نديرها البارح وخفت من البلاطو

kiya · 2013-10-05, 14:22

سلام لبنات توحشتكممممممممممممممممممممممممممم مووووووووووووووووووووووووووت

islam1aya · 2013-10-05, 14:24

اقتباس:

المشاركة الأصلية كتبت بواسطة إلهام07

خلاص على ضمانتك بصح بعد العيد ضرك يا ربي نكمل القاطو ونصومو
راني شريت منذ أسبوع المحقن اللي راكي تهدري عليه كيما نتاع ام انس شريتو على جال البتي فور وشريت بوش جوطابل صوليد على بالك لا بوش العادية مايدخلش فيها هذاك المحقن كبير شوية

ان شاء الله الهام ربي يقدرك
انا راني مع النتواياج اليوم نظفت غرفة النوم انتاعي وفي المساء نعمل شوية تنظيفات في المطبخ ونغسل الريدوات لان الماء اجينا في المساء تعرفي

وقتاش تبداو الصوم

ولابوش اناعندي تع القماش عندها سنوات عندي راااااائعة

نسيت باش نقولك النقاش جاك هايل وفوكاشيا البتنجال اتشهي الهامو دائما عند الجديييد

islam1aya · 2013-10-05, 14:27

اقتباس:

المشاركة الأصلية كتبت بواسطة أم ماجد

السوال عليك ام اسلام تقدري تنعتيلي البلا اللي درت فيه مسكوتة سماح كنت رايحة نديرها البارح وخفت من البلاطو

ام ماجد درتها في مول الجنواز تع قطر 25سم لكن ننصحك ادريها في مول المسكوتة هذاك المبرج ومثقوب في الوسط اذا عندك ضرك نصورهولك

إلهام07 · 2013-10-05, 14:33

اقتباس:

المشاركة الأصلية كتبت بواسطة أم ماجد

كل شئ بالتفصيل رايحة نتعبك لكن ماعندكش حل غدا عندي غير الباذنجان في الثلاجة

بسم الله :
- العجينة هذي المقادير ديلك قرصة كيما اللي في الصورة :

2 كيسان فرينة
ملح
2 م ص سكر عادي
2 م ص خميرة
2 م ك زيت زيتون
ماء دافئ للعجن
تبليها بالماء تكون جارية شوية كيما البيتزا ماشي يابسة وتخليها تخمر حوالي 1-2 ساعة انا نخليها من 1 و30د ختى 2ساعتين
في هذا الوقت تروحي تقطعي الباذنجان شرائح متوسطة في الخشن وتملحيه وتخليه يطلق الماء نتاعو وتوجدي صوية صلصة طماطم ماشي بزاف باش مايبقاش العجين مبلل حبة طماطم تكفي لقرصة .
كي يقطر الباذنجان تقليه وتخليه بجهة
كي تخمر العجينة تقرصيها في مول مدهون وتقرصي القرصة نتاعك وتدهنيها بصلصة الطماطم تعرفي هي في الحق نحطو طماطم شرائح بصح ماطيبش هكذا خير .
زيدي حطي شرائح الباذنجان من فوق وشرائح زيتون أخضر وزيتونات سوداء ورشي كي تحبي بشوية نتاع زعيترة وخلاص هو المفروض تزيدي من فوق زيت زيتون بصح بزاف القليان راهو مدسم
انا نزيد شوية قطع فرماج من فوق
خليها تخمر مرة ثانية وسخني الفرن وطيبيها راهي الخمرة الثانية ماطولش حوالي 20-30د وجخليها طيب

والله هشوشة جدا جدا جدا وخفيفة كوجبة وزيد اقتصادية خلاص وتتهناي ماتعجنيش خخخخخخخخخخخ:d

~~أميــرة الجزائر~~ · 2013-10-05, 14:35

تحياتي لكم يا شاطرات الجزائر

إلهام07 · 2013-10-05, 14:37

اقتباس:

المشاركة الأصلية كتبت بواسطة kiya

سلام لبنات توحشتكممممممممممممممممممممممممممم مووووووووووووووووووووووووووت

أهلين كيا ليك ياوحشة يا موصيبة

كاش جديد ؟

ام ماجد ياخي جربتي من قبل جينواز نوكيا ( سماح ) ؟ علاه تتحيري على المول راهي جي شوية صغيرة بصح هايلة

أم ماجد · 2013-10-05, 14:45

شكرا الهام
غدا نديرها اذا كنت من الاحياء
لا مانديرش طاطم حب ماياكلوهاش
هكذا وشاكة ماياكلوهاش خلي نشبع فيها وحدي ويقتلهم الشر
بشرى كي شافها قال هكذاك من بعد كلا وشبع قالي الشكل صح تاع الجامعة لكن البنة حاجة اخرى هههههههه
لكن شكيتو يجامل لانه مايحبش ننزعج ولو بكلمة ربي يكبرو في طاعة ربي
روح قدامك خضرا ومن وراك خضرا عارف فعلا قيمة الوالدين حبيبي
هاهي الصور تاع الغدا
الهام صورتلك علبة الفلان في رمضان سألتيني عليه وكنت رميتها دارته روزا قبل اليوم درته انا
ام اسلام ماتعبيش روحك حنونة فهمت

وهاذو دونات درتهم البارح تلقاهم صلاة في المساء كي ترجع من دراسة القران لازم القاطو او السفنج او اي حاجة

وحفيظ تعود يصور امام الاكل ولا يبدا يعيط ويخبط مالقيتلوش حل

ويقولي حطيني معاهم هههههههههه

islam1aya · 2013-10-05, 14:47

ام ماجد انا طيبت في هذا قطره 25سم

ننصحك اطيبيها في هذا اجي طالعة شوية

الهام هاهو القمع الذي استعملته في البتي فور

وهذا يخرجهم كما البتيفور تع ايناس فيهم بزاف خطوط

أم ماجد · 2013-10-05, 14:52

شكرا ام اسلام تعبتك
اشريت واحد كيما الثاني منين طيبت فيه اول مرة الصبغة خرجت مع القاطو رميته مباشرة
عندي واحد اخر المنيم طيبت فيه الاسبوع اللي فات لكن الكيكة لصقت
الهام لا مادتش قبل تاع سماح ربي يذكرها بخير وربي يوفقها في الدراسة