الجزء 101 من ركن واش طيبتي اليوم - الصفحة 78

أم هبوبة · 2014-12-04, 21:15

سلام على حبيبات قلبي
ام اماني يعطيك الصحة والله طيابك يهبل ووثفاتك رائعة راني معولة غدوة ان شاء الله نجرب كيكتك الرهيبة
ام سهام لاباس عليك و بعد عليك المرض و طيابك ممممممممممممم كالعادة
توتة الله يعطيك الربح و اش هدي خفة الدم ربي يخليك و يحفظك و الله راك تنحي علينا الغمة و الخرجات الي تخرجيهم روعة
دائمة الحمد واش راك و بصحتك واش حطيتي
ام تاجو و الله ما نقدظرو على زعافك و بلاصتك مين تخو تبان راك غالية يا الحنونة حبيت نبعتلك على الخاص بصح ما نقدرش ما زال ما وصلتش للمشاركات الي تسمحلي بهدا
ام رحاب شفتي ولفوك البوبون و داوهلك
سطايفية تطبيقاتك روعة ربي يهنيك
اسماء الصور نتاوعك ما طلعوليش
مرام واش راك لاباس دايما واجدة و حاضرة باش تساعدي ربي يشفيك و يعطيك صحتك
ام يسرى و بشرى بصحتكم الكيكة
ام ابراهيم و زينب واش راكم
ام سراج ان شاء الله تكوني بخير
و الي نسيتها تسمحلي والله راجعت تقريبا 30 صفحة و ما نجيت نرد نسيت النص بصح عارفتكم فحلات و طيابكم يشهي

دائمة الحمد · 2014-12-04, 21:16

رووعة والاوزان اصبحت لا تتحمل

مرام 1987 · 2014-12-04, 21:16

اقتباس:

المشاركة الأصلية كتبت بواسطة nabila222

بنات ممكن تمدولي رابط انتاع الأرز ام اماني الله يذكرها بخير ،وسمعت وحدة قالت بلي ام اماني صغيرة في السن راه التطفل كلاني شحال في عمرها يا تراااااااااا باش نزيدو تقولو الله يبارك يا عمري ولا نعود نقولها البوبونة انتاعنا،:d:d

تفضلي درتلك كوبيي كولي

الروز

في طنجرة حطي قطع الدجاج +بصل+ثوم+توابل انا عملت فلفل اسود كروية كصبر ملح طماطم معلبة وشوية زيت قليهم على نار هادئة من بعد زيدي شوية جلبانة ومربعات من الجزر

بعد ماتقليها مليح مرقي بالماء ماتكثريش

من جهة طيبي الروز ثلاثة ارباع الاستواء من بعد فوريه حتى يطيب ادهنيه بالزبدة وحطي نصف كمية الروز في المول من بعد فتتي شوية من الجاج حطيه فوقه مع الفرماج ثم كمية الروز ونسقي بالصوص لازم تكون عاااااقدة وحمرا وندخله للفرن يتحمر مع الدجاج وبالصحة والهناء

دائمة الحمد · 2014-12-04, 21:16

مرام يعطيك الخير حتى انا راني ساعة وانا نحوس باش لقيتها

عطرالذهب · 2014-12-04, 21:18

ام رحاب راني رحت منين قلتي لام سهام روحي للصفحة 14 ومالقيت والو غير لكتيبة برك والصور بحححححح

أم التوأم · 2014-12-04, 21:18

اقتباس:

المشاركة الأصلية كتبت بواسطة دائمة الحمد

رووعة والاوزان اصبحت لا تتحمل

الله يسلمك أختي دائمة الحمد كيف حالك أختي ان شاء الله تكوني لاباس

مرام 1987 · 2014-12-04, 21:21

ربي يخليكم يا أحبابي والله كي نلقاكم تدعيولي يزيد فيا الحماس أكثر وأكثر ونحب نساعد بالشي لي نقدر عليه ربي يحفظكم ياااارب
أم هبوبة على سلامتك والفناك من الليل لليل تطلي علينا بمايدتك ربي يخليك ويحفظلك سمية يااااارب
سطايفية الله يبارك تطبيقات موفقة بارك الله فيك
البقية سهرية سعيدة ياااارب إنا ضرستي قتلتني

دائمة الحمد · 2014-12-04, 21:22

الحمد لله ام التوام ربي يخليك عزيزتي

Simassim · 2014-12-04, 21:22

مرامو بصحتك الرووز وربي يبارك فاختك ويعطيها ماتتمنى يارب
راني راجعت بسرعة شفت الخير والخمير كيما تقولوا

ام يسرى اختي تبارك الله ربي يخليهملك ويحفظهملك يارب. حبيت نسقسيك كيفاش تديري معاهم فالمدرسة باش مايكلوش اللحم. والتربية وووو. راني من اليوم نخمم على ولدي راه عندو عامين برك

مرام 1987 · 2014-12-04, 21:23

أم التوأم البيتزا واااااااااااااو تهبللللللل بصحتكم
البقية راني شفت كلشييييي وعجبني كلشييييييي من الألف للياء بارك الله فيكم

أم التوأم · 2014-12-04, 21:25

وهذا خبز الفيسال تطبيقي لأختي أم روميساء ربي يحفظها شفت شحال من أخت ربي يحفظها دارتو اليوم فطرنا بيه بشربة العدس الأحمر الوصفة للغالية أم ماجد ربي يفرحها بأولادها هايل وخبز الفيسال روعة ربي يحفظكم أخواتي وعلى كل ما تقدموه لخياتكم يارب

مرام 1987 · 2014-12-04, 21:26

الله يسلمك سيماسيم وأنت زادا بصحتك العشا
وربي يبارك فيك على الدعوة الشابة ولك بالمثل وربي يعطيك وقفة ساهلة يااااارب
نسيت نبارك للإخت الدنيا كي لقات خدمة إن شاء الله ألف مبرووووووك لعاقبة للراجل ياااارب
أم ياسو وأم الجود غايبات اليوم إن شاء الله يكونو بخير
سلامي للجميع

أم التوأم · 2014-12-04, 21:26

اقتباس:

المشاركة الأصلية كتبت بواسطة مرام 1987

أم التوأم البيتزا واااااااااااااو تهبللللللل بصحتكم
البقية راني شفت كلشييييي وعجبني كلشييييييي من الألف للياء بارك الله فيكم

الله يسلمك أختي مرام وربي يفتحها في وجهك ويسهلهالك كيما راكي تسهليها علينا

staifia · 2014-12-04, 21:33

شكرا لكم بناااات انتن الاروع

ام فضيلة · 2014-12-04, 21:36

سيدتي الغالية دائمة الحمد يخليك اسمحيلي كنت راح نرد عليك قبيل جا زوجي ان شا الله كي نخرج نشريه مع انو الأسعار عندنا عالية شوي تسلمي لحبيبة والمحاجب امممممم يسخفو