الجزء 171 من واش طيبتي اليوم�� كوزينة اللمة والمحبة والبساطة �� - الصفحة 77

x ام رحاب x · 2016-10-27, 10:53

ام كامليا صباح الخيرات واش راكي والبنوتة الزينة واش راهي

صدق العطاء · 2016-10-27, 10:56

دخلت ديراكتمو على الصفحة الاخيرة
مممممممم جينواز تاعك ام كاميليا تهبببببببببل ههههههههههههههه
وشوارما ام رحاب رووووعه
وام كوثر روعه المادلان تاعك

احنا فطورنا ليوم المدقوقة اذا تعرفووها

أم ياسين الزهراء · 2016-10-27, 11:12

ام كامي هاتيلي وصفة الكريمة اللي من فوق

ام برهومي انا نطيب الشيفلولر في الماء والملح ومنبعد نقطرو ونعصرو ونهرسو بيدي برك ومن جهة ندير بيض حسب الكمية اللي عندي تقريبا دايما ربعة بيضات في زوج رسان شيفلور ومه الفلفل الاكحل والزنجبيل الملح وبودرة الثوم والمعدنوس ونخلط ونزيد الفريتة حتى يثقال الخليط بزاف ونزيد الشيفلور ونرفد بالمغرف ونحط في الزيت سخون وعلى حساب الحج وجامي يتفتتلي

ام رحاب ييييييييييي على الخبز العربي شاطرة الله يبارك

ام كوكو اهلا بيك في كوزينتنا والمادلان واوووووووووووو

لبنات الكل نعمة دايمة

chez biba · 2016-10-27, 12:25

السلام عليكم ورحمة الله وبركاته
صحة غداكم حباباتي
هذا غدايا تاع امس
بسم الله
ملوخية الوصفة تاع غاليتي دائمة الحمد تهبل تهبل بارك الله فيها

كسرة مطلوع

وكيعاد ما ياكلوش الملوخية اغتنمت الفرصة وطبقت اصابع البطاطا لحيوتة جاو بنان هايلين مبصح تفتحولي كي قليت اكيد نوعية البطاطا

ودي انتركوت مشويين

والحمد لله حمدا كثيرا مباركا فيه

انا هي رزيقة · 2016-10-27, 12:38

السلام عليكم نهاركم سعادة و سرور فحلاتي الجميلات مشاء الله و تبارك الرحمان راكم تجريوبالصفحات و الخيرات الزينة و البنينة اكيد ربي يباركلكم و يباركلنا في النعم و الرزق يا حراير الجلفة و يدمها عليكم و علينا يا رب
اكيد اكيد شفت كلشي وبصح اكيد و محال نقدر نعلق الصفحات بزاف يا مصايب ..... خخخخخ المهم فتحت على تارت ام كامي فحلة بلادي الجميلة ريب يباركلك في جوك اليدين حبيبة و اكيد بنيية بلا متقولي حنونة
و ابدا منقدرش نمر مرور الكرام امام شخشوخة الحلوة ام هدول مشاء الله عليك اختي فحلة و نص و 55 و الله شغل حراير تع الصح ربي يبارك في دوك اليدين يا ام هدول و يحفظ الفحلة لي علماتك هذاك الشغل الزين
ام ياسو و ام رحاب شكرا على وصفات الشوفلور اكيد مضمونة من شافات مثلكن بصح انا ثاني موالفة ندير كروكات الشفلور و عمرهم متحلولي بالعكس نفضلهم على كروكات البطاطا لي هما دي فوا يتحلولي . انا نطيب الشوفلور نورمال و ندير فيهم حشيش كشبر و معدنوس و ثوم و كمون و فلفل اكحل و بيض . السر فقط انك تكثري البيض فيهم و تمرمديهم في الفرينة و نرميهم في الزيت و الله جامي متحلولي و مكان اي مشكل
حقا ام رحاب الغالية يا ماي على دك الخبز العربي و الله هبال حنونة جد مغري و سخفتيني سخفة محصلتش ..... خخخخ ربي يحفظك من العين اختي
نهارك زين ليزاتي العسل و بصحتكم الدجاجة المحمرة الافونس
اختي ام هديل و ياسين و الله تطبيقات موفقة حبيبتي يسلمو
و حبيت انا ثاني نرحب بدخول مشرفتنا العزيزة ام كوثر كوزنيتك مربوحة يا حياة يا وجه الخير .حقا حويتة الصور راهم في تحسن كبير مشاء الله عليك باينة كنتي تلميذة مجتهدة في صغرك واصلي على هذا المنوال ..... خخخخخ و عجبتني دولما الكرم بصحتكم حنونة
زينب المبدعة يلمو على الخيرات لي حطيتهم اختي و الف حمدا لله على سلامة اختك
جازيا ام البنات يا عيني على الغراتان الجميل انا ثاني راني في انتظار الوصفة يا مبدعة
و تفكرت ثاني همبرغر مريومتي الزينة و الله انا ثاني سخفت حنونة كانت حطاتو ام برهوم و زادت زينب و دوك انتي يا مامي وين الهربة منكم ...... خخخخخ

انا هي رزيقة · 2016-10-27, 12:40

يا عمري اهلين حبيبتي بيبة و بصحتكم الكروكات و الملوخية و و االانتركوت و ركزيلي على هذوك الانتركوت ..... خخخخ و الله طيابك مغري حبيبتي ربي يباركلك في النعم يا رب

انا هي رزيقة · 2016-10-27, 12:54

هذا عشانا البارح درت شكشوكة اللحم مع بينيي القرعة او الكورجيت و فريت وسلاطة و الحمد لله حمدا كثيرا مباركا فيه و هذ الطبسي اليوم خص نص لمريومتي الزينة هي علابالها وعلاه ........... خخخخخخخ

um alaa · 2016-10-27, 13:29

دخلت مباشرة نحط فطوري هادي المرة الرائعة اللي نعاود الرد أن شاء الله يدخل
درت بطاطا سوتي تع ام وليد روووعة

و هادي يد لؤلؤة انا نصور و هي تاكل ههههه

و بما أن البوم الخميس راكم عارفين الروغرام هههه نروح عند عجوزتي و البوم عيدميلاد لوستي درتلها تارت دوك كي نكملها نحطهالكم

كوثر التائبة · 2016-10-27, 13:34

سلام هدا فطوري اليوم حمص على الطريقة التركية للاخت زينب جى روعة

وهدو ليكراب دارتوهم صباح بياتة انوم بيهم كي شفت البارح تاع زينب

أم ياسين الزهراء · 2016-10-27, 13:43

لبنات هديك الورقة تاع ليتارت تتنحى يعني نفصلها ونحطها مافهمتش راح انتحر ولى نحطها قبالى على ليتارت جاني طعمتها كالقفريط غاولولي بالاجابة

omhadil · 2016-10-27, 13:48

صح فطورىكم اخوتتى مالقيت علمن نعلق راكم فوووووور وابداع ورا ابداع
مساء الله عليكم كلشى من ايدكم روعة
دخلت للثفحة الاخيرة لقييت ليكراب تاع ام كوثر اممممم شهتينى يعطيك الصحة
وشفت تانى اطباق رزيقة بصحتكم اختى حتى انتى اكباقك لا يعلى عليها

وشخشوخة ام هدول يعطيها الف صحة
ومدلاتن المشرفة ام كوثر يهبل فى انتضار اطباقك الاخرى
وبيبا تانى شفت اطباقك رائعة تسلم ايدك
هذا واش تفكرت الله غالب سلااامى للجميع

ام سارة18 · 2016-10-27, 13:48

السلام عليكم
بصحتكم واش طيبتو ويعطيكم الصحة على الخيرات اللي حطيتوهم بدون ذكر الاسامي راكم زهيتو الكوزينة حتى ولو كاس ماء كيما تقول محبوبتنا حيوتة معاكم الواحد يبات يحلم بالآطايب اللي تشهي

فطوري اليوم

تطبيقي للبينيي

من أرشيفي

um alaa · 2016-10-27, 13:50

أم كوكو الكوزينة منورة بحضورك و المادلان يهبل
رزيقة على سلامتك البارح ما بنتيش و بصحتكم للعشا
ام كامي التارت روووعة
ام رحابو الشاورما تهبل و الخبز ما خلاش فيا عمري ما جربتو راني حطيتو فلاليست تع التطبيقات أن شاء الله
كوتر النائبة بصحتك التطبيقات جاوك روووعة
ام سارة صح فطوركم و الارشيف روووعة
شفتت ام هديل و ياسمين حطت تطبيق عصير التفاح بصحتك حبيبتي
ام هدول يعطيك الصحة على الشرح المفصل تع الشخشوخة
بيبا الكروكات هايلين و الملوخية جامي كليتها كاش نهار نجربها

omhadil · 2016-10-27, 13:52

حبييت نطبق لبني واش من وصفة تنصحونى بيها تكون مليحة

omhadil · 2016-10-27, 13:57

ايه تفكرت تارت ام كاميليايعطيك الف صحة ياجارتى
وتانى شاورما تاع ام رحاب والمحاحب ولا ارووع تسلم الايادى

ام سارة تطبيق موفق وطيابك هايل
ام الاء صح فطورك