~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام متين]

السلام عليكم ومساءكم طيب بالنسبة للدجاج اكيد كل ماقيل صحيح ولكن هناك ناس تخاف ربي وتربي بطرق صحيحة وهناك اماكن مخصصة لبيع الدجاج معروف المصدر والوقت الي لازم يتذبح فيه وهذا الاماكن تلقايها معروفة عند الناس الي عندهم خبرة في هذا المجال وهي على ما اضن تابعة للدولة يعني الدجاج لازم يصفى من الادوية تماما حتى يتم الذبح
انا شخصيا مانحبش الاجنحة ولا الرقبة وفي معظم المرات نحطهم في المجمد ومن بعد نرميهم ومؤخرا اذا اشرينا الدجاج يكون افخاذ لان الزوج والاولاد يحبوهم اما انا نفضل الصدر

[حياتي كلها امل]

تقبل الله صيام الجميع صح فطوركم

[جهينة اليقين]

الحمد لله كي راه النقاش يدور على الدجاج راني غير نهدر ونعاود في سبيل الله لبنات قلت لكم ديرو في قوقل محمد الفايد والله راه يمنع النساء خصوصا من اكل الدجاج لان السمنة والسكر والقواتر يصيبو الاكثرية النساء يوقع خلل في الهرمونات وحتى حبوب الحمل مانعها على الراة جسمها راه معمر هرمونات وتزيد حبوب الحمل كذلك هرمونات والله كارثة كلو جاج عرب وكل شيء راه فيه المضافات الكيمياوية الله يجيب الخير وخلاص

[omelbanin]

الله يسلمك حبيبتي حياتي كلها امل،راني نفطر ،شربة خلاص كليتها والسردين هاهو

[حياتي كلها امل]

بصحتك ام البنين والله شهيتني بهذك السردين

[loudjaine]

السلام عليكم انا اليوم صمت و الحمد لله درت شربة طاجين حلو و سلطة الخيار بالزبادي ...بعثت الفطور لجارتي راح ترحل والله ضرني قلبي عشرة 6 سنين مليحة فيا بزاف ...ربي هنيها كملت دارها تهنات من البطيمة ...اليوم لا ريجيم لا والو درت بسبوسة بالنستلي لام اماني هااااايلة ...
كسرت صبامي و نستنا الزوج المصون يروح ...
انا نقولكم اللحم الغنمي غالي ...الحوت غالي ...الدجاج كي يهديهم ربي يهبطولو .. دجاج عرب وين تلقايه ... والله ربي اللي مع الشعب ... الاكل الصحي يحب واحد عندو فيرما ههه يغرس بيدو و يربي وحدو
حنا نحاولو نبتعدو على الحاجة اللي فيها التوسويس و ربي يسترنا و اولادنا

[hanamohamed]

صح فطوركن احبابي صومكم انشاء الله في الجنة

[فراشات العمر]

[فراشات العمر]

هاو ليكم الخبز تاع ام اماني واقيل رققتو بزاف عليه ماتطلعش مليح بصح البنة والهشاشة تقول ميرانغ

[سرور2]

سلام لبنات صحا فطور الصيمات وعشا الفطرات

اليوم انا ثاني صايمة ربي يقبل مني ومنكم ان شاء الله

نضت تسحرت على 2 ورجعت رقدة فطنت على الخمسة ونص درت سبور على30دومن بعد دوش خفيف

ومن بعد فرزت خفافي ا لصالة والشنرة لانو البارح نضفتهم والكرولات زوج والحوش

رحت للبيت هزيت لفراش ونفصة شوي ومحت الغبرة وفي هذا الوقت كنت راني من البارح مشمخ عجين الشخشوخة ونحيت خيط الثباجة

غسلت ماعن الفطور ورحت لعجنتيبدتها 8.30 كملتها 12

ومن بعد بديت في الثلاجة درتلها غسلة مناحسن ميكون ودرت طريقة الاخت لهنا نضن الاخت سمرى نقلها بارك الله فيك والله فكرة روعة كنتمنلقاش ويننخبي والمجمد اليوم ولا واسع وكفاني لكلش المصروف لفيه وحتى بقلي الفراغ بارك الله فيك مرة اخرى ويحفضلك كل عزيز وغالي

وككملت كلش غسلتلماعن لبقاولي وانتاع لوجدت فيهم لغدى ودرت مسحة خفيفة للبوطاجي وسيقت الكوزينة والحوش وهدون كامل بديت من 12 حتان 3باش كملت بصح في الاخيرفرحت مزالي الاوانيوالبيت والزورراه الحال باردمنقدرش نغسلهم بصح ان شاء الله قبل رمضان نكمل كلش

ياريت الاخوات يفدوني بفريزتحت البوطاجي ودكورات لفوق باش نقص الاواني من فوق ويبقالي واسع


لبنات لهدرو على الدجاج راني هدون النهاراتطايحةناكل غير الاجنحة هههههههههههههههه والرقةوالصدر ههههه كل ماهو مضر

ربي يجيب الخير

نقلكم شكرا ليكم كامل راني ستفدت منكم ويعطكم ويرزقكم على قلوبكم الطيبة



لبنات نسقسيكم عندي الكوزنيار الزجاج انتاع الباب نغسل فيه من داخل ومن برى بصح راني نشوف ميوليش نضيف لانو توسخ دخلاني وش ندير باش ينضاف

وشكرا ليكم

[ام صفصف]

رب يتقبل صيام الصائمات ماشاء الله عليكم ماتنسوناش من الدعاء
اخت سرور ماشاء الله عليك راكي مرا ونص ياسعد اللي راكي في دارو
اخت ام لينا بصحتك الخبز شهيتيني نجربو
ام البنين بصحتك السردين باين بنين
جهينة اليقين بارك الله في على التنبيه انشاء الله في مزان الحسنات

[ام صفصف]

صباح الخير والفرح السرور
صباح جميل مليء بالطاعات والاستغفار والعبادت
صباح مشرق معطر برائحة الورد
ويوم رائع كروعتكم ايتها الفراشات

[ام متين]

[حياتي كلها امل]

السلام عليكم اصبحنا واصبح الملك لله والحمد لله ولا اله الا الله اللهم انى اسالك خير هذا اليوم وخير ما بعده واعوذ بك من شر هذا اليوم وشر ما بعده.
اللهم اني اسالك الهدى والعفاف. التقى.

[حياتي كلها امل]