الجزء149 من واش طيبتي اليوم كوزينة التجديد والتنويع في الاطباق - الصفحة 77

ام ساجد · 2015-10-17, 13:58

بصحتك حبيبتي كي يكون عندك الوقت حطيلنا وصفة الخبز

انا نقلكم تبقاو على خير

سلام

دائمة الحمد · 2015-10-17, 14:01

دخلت على خيرات ام حبوبة وام ساجد
فحلات وفحلات
ماكلتكم تشهي وتحمس للتصنيف
ام ساجد نطيبلك البروكلو وغدوة الصباح نجي نفطر عندك بالفطاير تهبل وتهبل ريقي سال
سخفة الكبارات واعرة
وعندي سي السيد ما يحبش يشريها يقلي زيتها قديم

دائمة الحمد · 2015-10-17, 14:02

ام ساجد اقعدي تشوفي خبز ك
واش نقلك ربي يصلحلك في ولاداتك روعة روعة

دائمة الحمد · 2015-10-17, 14:03

غدانا اليوم والف حمد لله

لوبيا حارررة بالكرشة
خبز ام ساجد التحفة اللذيذ
فلفلمشوي وهو حار يشويييييييييييي
شرمولة سنارية واكيد حاررررة

ام محمد اسلام الله · 2015-10-17, 14:09

دائمة الحمد فطوراك يشهي روعة نموت على اللويا جوعتيني

ام محمد اسلام الله · 2015-10-17, 14:14

ام ساجد ام ماجد الرجاء الاماني المعتزة بديني ام هبوبة واللي نسيتها تسمحلي راسي ميشد والو كل شيء توب يعطيكم الصحة انا راني رونت لخفاف راهو يخمر لقهوة لعشية

دائمة الحمد · 2015-10-17, 14:14

ام ماجد عزيزتي والله عندك الحق الصحة راحت بقى غير القلب حار ونحنا جماعة الفلفل حاااااااارههههههههه
سجى بصحتك اللوبيا راهي خاثرة كيما نحبوها
الرجاء المدلان خرجلك هيل يعطيك الصحة
ام محمد اسلام يا الحبيبة كون جيتي قريبة نبعثلك راهي كوكوط للسنين تاع لوبيا

Oum Habouba · 2015-10-17, 14:16

دائمة الحمد الله يدوم عليك النعمة والله يديمك لعائلتك والله روععععععععة ماشاء الله لاقوة بالله والخبز والله تقول بريوش نتاع لبولونجي
قوليلي بواش حمرتي الخبزوما معنى شرمولة سنارية بصحححححتك ومن الظرة نقولك طيابك بنين
ام محمد اسلام سلامي اليك

ام ساجد · 2015-10-17, 14:17

اامممممم دائمة الحمد رجعتيني نجري هههههه بصحتكم حبيبتي الله يبارك

كلشي روعة ويشهي ويعطيك الصحة عالخبز خرجلك روعة حبيبتي تسلم ايدك

الفطاير جربتهم اليون عجبوني حتى الاولاد كلاوهم جربتهم من الفايس حتى زوجي
ما يحبش يشريهم ناكلهم في دارنا يروح بابا يصلي الفجر ويجيبهم سخونين يمي يمي

ام ساجد · 2015-10-17, 14:19

ام محمد اسلام عسلامتك حبيبتي وعيد سعيد لوليدك
والتارت تاع سبونج بوب هايلة

دائمة الحمد · 2015-10-17, 14:22

تعيشي ام حبوبة الغالية والخبز راني ندهنو بصفار البض مع شوي نسكافي غبرة نذوبها في البيض
والشرمولة
هي سلاطة تاع سنارية او زرودية نطيبها في الماء
ثم نعمل ليه ماريناد الي هي زيت زيتون وعصرة قارص وثوم مدروس وكرافس مقطعة رقيقة وشوي ملح وشوي طماطم كونسنتري وهريسة وكمون نقليهم مع بعض مع ربع فنجان ماء ولما يعقدو نزيد ليهم السنارية مقطعة ونخليها تتشرب على نار قليلة وحد 5 دقائق ونطفي
ولما يكون وقت البصل تاع الشتلة نقطع معاه المنطقة الخضرء ونقليها مع الخليط

دائمة الحمد · 2015-10-17, 14:24

ام ساجد الخبز فعلا راهو تحفة
يا حسرة على دار الوالدين حتى انا نوكلهم كي نروح لدارنا
ذرك ملي كبر ولدي ما عدتش نبات في دارنا
كان في المناسبات الكبيرة
ربي يخليهم ويحفظهم

دائمة الحمد · 2015-10-17, 14:38

الحمد لله روضة راهي بنينة وتقدري تخدمي كمية مليحة وتحطيها في الثلاجة مغطية
وين تسحقي تجبدي منها وتسخني برك تبقى حتى سمانة في الثلاجة
نروح نريح شوي بعد العصر نروح نطل على عجوزتي مريضة وحابة نجيبها معايا تقعد ايامات من رمضان ما جتنيش بالصح انو المشكل انو نهار على نهار نصبح في حالة من لانيمي ما نقدرش نوقف وهي مرى كبيرة لازمها رعاية وما نحبش نقصر معاها
والله راني نخمم وما نعرف

آيات سرمدية · 2015-10-17, 14:39

السلام عليكم ورحمة الله وبركاته

واش راكم.....ناس الكوزينة؟؟؟؟؟؟....

لبارح فوت عرس....ماشاء الله.....بصح صبحت في حالة....كلش يسطر عليا...بصح من القعاد....سبحان الله...
لصقت في الكرسي...كان غاشي عظيم الله يبارك...حتى التبدال ...مقدرتش نوض...رحت بوحدة ثقيلة شوي تاع الدخلة....ونحيتها لبست وحدة خفيفة رقبة وذفار...تسمة كررت الفاليزة باطل..

ام حبوبة....لكانك هنا كنت خليتلك رد فالهمزة.....وقيلا مشفتيهش

شفت غير...مائدة...عزيزتي دائمة الحمد.....ماشاء الله...تقول عليها لوحة فنية...تناسق في الوان الطعام...تشهي

انا ليوم مطيبتش غداء كلينا حواضر تاع اليومين الي فاتو.....ونصبت عشاء...بطاطا فالكوشة....والحمد لله.....

أم ماجد · 2015-10-17, 14:44

غدانا اليوم ولله الحمد وهادي صلاة طبقتها