الجزء 95 ** من واش طيبتي اليوم ** - الصفحة 77

لينا11 · 2014-10-31, 10:01

صباحو قمورات
ام ماجد اليوم عيد ميلاد امي ربي يرحمها

ندير صدقة نخرجها عليها ان شاء الله ناوية على الخفاف (سفنج)

هذا خبز درتو بارح ممكن تزيدو كمية سكر ويجيكم بريوش مممممممممممم

أم ماجد · 2014-10-31, 10:07

ههههههههههه ام تاجو وحدك هات المودا ل لا عندك
صح ام ياسو حكمت طريق جزائر ربي يردهابخير

لينا ايه صدقي حنونة الوالدين غاليين
والخبز اممممممممممممم يبان يشهي وخفيف

أم محمد تاج · 2014-10-31, 10:07

لينا حنونتي قلبتي عليا المواجع

أم ماجد · 2014-10-31, 10:09

اقتباس:

المشاركة الأصلية كتبت بواسطة أم محمد تاج

لينا حنونتي قلبتي عليا المواجع

اصبحي

لانخرج ليك ضرك

ام تاجو الرمان في المسفوف ديكور برك عمري درتو فهموني هههههههههه

أم محمد تاج · 2014-10-31, 10:11

هههههه ام الجوووووووود ماتخافيش بردت قلبي البارح مع الثورة
والرمان كي تكملي المسفوف خلالالاص وتزبديه وديريلو السكر ديري داخلو الرمان وزيدي زيني بيه من فوووق

lyzzabel · 2014-10-31, 10:13

يا حبيبتي يا ام ماجد ملي فريت الرد تاعك و القصيدة على بلدي الحبيب راني نبكي و ما بغاتش الدمعة تحبسلي حتى انا حب و طني ساكنلي في دمي ،، اللهم احفظ بلدنا الجزائر من كل شر و من كيد الكاءدين و ارحم شهدانا الأبرار يا ارحم الراحين ،، بارك الله فيك يا الغالية

ام هبوبة راه عندي نفس الشعور بفضل لمتنا ربي يدوم المحبة و يجمعنا في بيته الحرام و يلاقينا مع بعض امين

قمر تسلميلي يا قمر و اليوم لاكان رحت ما نطولش بإذن الله هههه موووواح

سكرتي الحلوة يادرا خرجتي يامس ولا لا ؟؟؟ و سلميلي على ام ياسونتي غادي نتوحشها ،، انشالله ترجعلنا بخير و سلامة و تشوف والديها و تشبعهم راهي من مدة طويلة تهدر عليهم مسكينة

أرزاق و نهولتي المدللة و ام سهام و زهرتي صباحكن ورد و مسك يا أغلى الأحباب

زهرة شكون هديك المجاهدة ؟؟ اللهم انصر الاسلام و المسلمين في كل مكان امين يا رب العالمين

راني زدت عصبانة فالبركوكس مع الخليع ممممم

حقا نسيت نقوللكم بلي يامس خرجنا انا و ن ع و الاولاد و حوسنا و رحنا ل palais d'or و شريت شوية لوازم للدار او بالأحرى للكوزينة ههههه ،، خسارة ما رانيش نقدر نحط الصور باش نوريهملكم ،، الله يهدي لي كان السبب خخخخ

lyzzabel · 2014-10-31, 10:17

لينا صباح النور غاليتي يعطيك الصحة الخبز روووعة و ربي يرحم ميمتك و يوسع عليها و يسكنها فسيح الجنان امييييين ،،
وااااااع واش تسالوني اليوم قضيتو عليا بالصور و القصائد ،، يا الله ارحم امي و اختي و ارحم موتانا و موتى المسلمين جميعا وسعت رحمتك كل شيء يا ارحم الراحمين امين

لينا ربي يجعلها صدقة مقبولة

اللهم صل و سلم على سيدنا محمد

أم محمد تاج · 2014-10-31, 10:23

عسلايتي الحلوة احلى صباح وربي يرحم موتانا يارب والبارح خرجت زنقت وشريت روب مونطو والله بسيييف مالقيت لاطاي تاعي ياخاه حطينهم غير للي مانكا وزعمة انا مانيش سمينة بزاف احم احم والله بسيف مالقيت

om wassim · 2014-10-31, 10:27

ربي يرحم شهدائنا الابرار حتى انا نموت على بلادي ربي يحفظها من كيد الاعداء يارب
ربي يرحم جميع موتانا و يسكنهم فسيح جنانه
و ربي يغفرلنا و يلاقينا بيهم في الفردوس الاعلى

lyzzabel · 2014-10-31, 10:28

صح سكرتي الحلوة باش تلقي تاي فوق 40 ولا 42 حتى راسك يشيب ،، بصحتك من بعد صوريها و حطيلي نشوف هيهيهيهيييي

لاكان ما رحتش لدارنا اليوم بالاك ندير شوية سفنج نعاند لينا و ندير لاتاي لصحاب ن ع بإذن الله البارح ما درتلهمش ما دخلناش بكري ننويه صدقة على ميمتي و اختي الله يرحمهم

لينا جزاك الله خيرا راكي فكرتيني حبيبتي

أم محمد تاج · 2014-10-31, 10:35

من عيوني عسلايتي مبعد نلبسو ونقول لمحمد يصورني
هههه وضحكتيني كي قلتي 42 44 انا اضربي في 50 خخخخخخخخخخخخخخ بصح قد لغزال هههههههههه سقسيو ام الجوووووود وام ياسووو خسارة غايبة ههههههههه

أم ماجد · 2014-10-31, 10:41

ههههههههههه ام تاجو غزالة صحياو انا مالقاوليش لاطاي طول ههههههههههههههه قالولي انت حبة واحدة في جزائر احم احم ماكانش كيفي
بعثت شريت الزبيب وقلت نديرو مع الرمان خفت ماياكلوهش بلا زبيب لمشنوعين

ام سراج وملاك · 2014-10-31, 10:41

راني كتبت جريدة كالعادة جمعة مباركة حبيباتي يعطيكم الصحة واش طيتو البارح اسمحولي مراجعتش مليح اليوم معنديش الوقت بزاف راني مع قضيان نتاع الصباح كالعادة ولعشية ورا الصلاة رايحين لعروسة اخي خطراه نهار السبت والاحد لاقارد نتاعها في الخدمة يعني متقعدش هي واحنا لازم نروحولها ليوم كي نقعد نحطلكم الصور درتلها قاطو كحلوشي بصح الوصفة نتاعي وقاطو الشمعة وتورتة الاناناس دينالها رجل نتاع اللحم وديسار وقضيان ولبسة شراتلها اختي بيجامة مليحة مع ريحة وصابون وبزايد عليها المهم درنا الواجب معاها وخلاص

ام هبوبة شفت تصويرة سمية ربي يحفظهالك هي وهبة واتهلاي فيها بزاف والله راهي دخلت قلبي بوسيهالي وقلها هاذي من عند طاطاك ام سراج وعيد ميلاد سعيد لهبة وكل عام وهي بالف خير

ام اماني حبيبتي باروكك انك دخلتي كوزيني وسمعنا خبر الخير عليك متزيديش طولي الغيبة علينا رانا والفنا حلوياتك واطباقك الرائعة المنتدى راهو هبلنا كامل

لينا حبيبتي ربي يرحم امك ويرحم جميع الاموات ويرحم والديا ويرحم جميع موتى المسلمين ماصعب فراق اعز الناس راني حاسة بيك حبيبتي ادعيلها بالرحمة

ام ساجد + رفيف + قمر 77 + ام محمد تاج + ليزا + المازة +ام اناس + طوكيو + ارزاق + ام سهام + ام رحاب + ام ماجد + ام ياسو + ام عبودة + ام رحاب + مرام 1987 + ام امينة + ام وسيم + دائمة الحمد + ايمان 75 + زهرة + ام هديل + نهال + بشرى + ام انس + حنان + ام مصعب + ام ابراهيم و القائمة طويلة ان شاء الله منكون نسيت حتى وحدة ولي نسيتها متزعفش مني برك راني نحبكم كامل والفتكم بزاااف راكم عائلتي الثانية صباح الخير عليكم كامل ونهار موفق للجميع

أم هبوبة · 2014-10-31, 10:46

لينا الله يرحم امك و يسكنها فسيح جناته و الله يرحم جميع موتانا و عاونيها بالدعاء و الصدقات الله يجعلها صدقة مقبولة ان شاء الله
ام تاج بصحة عليك لا غو ب مونتو

أم هبوبة · 2014-10-31, 10:50

ربي يخيلك ام سراج و سلامك يوصل ان شاء الله
غدايا اليو م سفوف باللبن