Mh47 الجزء الــــ84 من واش طيبتي اليوم - الصفحة 77

بشرى2008 · 2014-08-13, 21:05

حنان درتي 200 مل حليب مع 200 مل واش ماء ولا واش

بشرى2008 · 2014-08-13, 21:07

بصحتكم حنان البيتزا أبعتيلي مورسو فى السماء راني رايحة نقعد فى البالكون نعسو كي يجيني طاااااااااااااااااااااير ههههههههههه

بشرى2008 · 2014-08-13, 21:09

أم ياسين الزهراء الشوارما أمممممممم بصحتكم

حبي لأمي · 2014-08-13, 21:10

بصح 200مل شحال تجي بالكاس ما عنديش باه نعبر

malek nour hane · 2014-08-13, 21:11

ادرارية بدلي الاسم انا ملاك نور هان مش أم ملك هههه هيا عاوديلي الدعوة و ربي يعينك على تربيتهم تربية صالحة إن شاء الله
امممم وشي هذا خلوني الكولون دار فيا حالة ماتكملوش عليه مسكين
امممم حنان بيتزا روعة حنا تاني نديروها بالدقيق و شوي فرينة تجي مقرشمة روعة وماتتشبعش ديرها ختي هااايلة بصحتكم
بسمة إكرام ابعثيلي المطلوع كااامل ههه عندي شحااااال ماكليتوش
أم ياسين قريب توجد الشاورما راهو قتلني الشر

بسمة اكرام · 2014-08-13, 21:12

اقتباس:

المشاركة الأصلية كتبت بواسطة yasmalak

هههه اكرام وانا في هديك الساعة كي نلقى مطلوعة سخووونة اممممم بالزيت زيتون واش نقولك
هههه حبي لامي ماعلييه زيدي كولي هههه بصحتتتتتكم
اممممممممم ام ياسيين الشوارمااا تشهيييييي انا تان كنت معولة نديرها اومباعد عجزت هيا نتباادلو والبيزا انا تااان نحبهااا هكاااا
بون هده الوصفة ساااهلة
فالبيتراان تحطي 300 غ فرينة و300غ سمييد
و ملح و زوج مغارف كبار خميرة و 200 ملل حليب تخلطيه مع 200 ملل و تدفيهم شوية
و تخليها تعجن وحد 5 دقاايق
تولي عندك عجينة طرييييييية زيديلها 2 مغارف زيت زيتون و اعجنييها شوية حتى تتلم
و تخليها تخمر
اومباعد خليها على شوية سميد و ما تخشنيهاش بزاااف
و الصوص تومات
انا نقطع حبة بصل شلخات و 4 فصوص توم و 5 حبات والا كتر طوماطيش نقسمهم على زوج و نزيد الملح و مغرف سكر و توابل و عود قرقة و رند و زعيترة وزوج مغارف زيت و كاس ماء و نخليهم يطيبو نص ساعة اومباعد نحي القشور تاع الطوماطيش يتنحى بلخف و الوورقات تاع الرند و نمسكيهاااا تجي بنيييييييييييييييينة
وندهن بيها العجينة و نطيبها في فور سخوووووووووووووووووون اومباعد نحط فوقها واش نحب و الفرماج و نرجعها دقايق برك يدوب الفرمااج

ايااااااااااااااااااااااااااااااااااااااااااااااا شد مد
ههههههه
ان شاء الله غدوة نخدمها بحول الله
اممممممممممممممممممممممممممممممممممممممممممممممممم مممممم

حبي لأمي · 2014-08-13, 21:14

اقتباس:

المشاركة الأصلية كتبت بواسطة أم ياسين الزهراء

ايمان الف مبرووووووووووووووووووووووك لعقوبة للحلوات الكل

حنان تسخف امممممممممممممممممم حطي الوصفة هكى نحبها يعطيك الصحة

ادررية راني يارقدة ياالكوزينا هههههههههههههه

اكرام هاتي لي

تفضلو البنات الكواليس برك كنت راح نبدا نوجد دخلو بسلامتهم ولادي الكبار تقلبت الكوزينا وليت نجري وندير والله ماصورتش غير هدو

هنا في التتبيلة وليدي كيدخل قالي ماما كيما ريحة الشاوارما امممممممممممممم

هنا في المقلة

وخدمت المايوناز تاع ام كوثر وماكانتش عندي لحظة درت مغرف نشاء وجاتني هايلة وطبعا البصل الاحمر مقطع والطماطم والهريسة وجات امممممممممممممم والحمد لله

تاكلو بالصحة ان شاء الله اذا ممكن الوصفة على خاطر مالفة نخدمها عادي نديرها تتبيلة ونقليها

Simassim · 2014-08-13, 21:22

بصحتكم واش طيبتو امممم على ديك البيتزا yssalmak رآها حابة تخرج وتجي عندي نكملها وحدي
أنا عشاتي حليب برك

melissat · 2014-08-13, 21:29

[SIZE="5"][/SIZE]
السلام عليكم
توحششششششششششششششششششششتكم عسولات

بغيت نفرحكم معايا ونقولكم
........ربحت في مسابقة توظيف اساتذة التعليم الابتدائي........
بعد سنوات من الغبينة والتشومير
ربي فتح عليا ونجحت فالحمد لله حمدا كثيرا
منعرف يلا كاين معانا هنا اللي شاركت فهذ المسابقة ولا لا باش نتواصلوا
عقوبة للباقيين انشاء الله

yasmalak · 2014-08-13, 21:35

هههه بشرى شفتي التطروييش راني صححتها
ههههه وي اكراااام مي المطلوع نحبو سخوووون انا
ياخاااه سيمااسم علاه عليك ما تجوعيييييييييش
وييييي ملاك انا اول مرة نديرها ومع الاول حرت كي شفت فيها السميد مي كي سييتها عجبتنيييييييييييييييي تقرمض مي من داخل طريييية
melissat اللللللللف مبروووووووووووك

oum anas 69 · 2014-08-13, 21:38

السلام علوكم خياتي
يعطيكم الصحة على الأكلات ربي يباركلكم
هذا وين طيشتني الكوزينة أف تعيي
أم ياسو ههههههه يعطيك الربح على لوكان جيتي من الأولاد ههههه قولي لوكان جيتي جارتي و الله نديرهم على جالك حبيبتي
ملاك نورهان ربي يخلف عليك عاجلا غير آجلا و ربي يحفظك و يعزك هنا رانا أخواتك لي ثقيلة عليك خفيفة علينا بصح ياختي راكم معزولين بزاف وعلاه ماترحلوش لبلاصة لي فيها ريحة العرب
أدرارية عزيزتي ربي يعينك و يشفيلك وليدك و الله كل يوم نقول لزوجي التربية واعرة خاصة مع هذا الجيل مايهاب حتى من واحد ربي يعينا جميعا وضرك نكتبلك وصفة البينيي
حنان بصحتك البيتزا خرجتلك ممممممممم
سعيدة 8888 الدوارة أو الكمونية هذيك وصفة عطورة الزينة أعطاتهالي في رسالة ضرك بإذن الله نحطهالك
مولات المطلوع بصحتك و لي تخطبت مبروك عليك ربي يتمملك على خير
حقى أم ياسو الشورما ممممممممم و الله تشهي بصحتهم وليداتهم
شكون تاني ههههههههه آي من الذاكرة

sirina_angel · 2014-08-13, 21:40

سلااااااااااااااااااااام
واش راكم لبنات ؟؟؟؟

أنا حاكمني واحد ديقوطاااااااااااااااااااااااااااااااج ملياااااااااااار
ما نافحتلي لا على طياب لا على ماكلة لا عراس لا والو
القراية خير من قعدت الدار

و أنتوما واش راكم ؟؟؟؟؟

malek nour hane · 2014-08-13, 21:44

اااامين يارب شكرا ليك يا احلى و أعز أم انس الله غالب الستاج لي طيشو هنا انا مش حانعيش هنا ديما بقالنا شهرين ونرجعو لبلاد إن شاء الله... هيا قوليلي وش عشيتيهم... وتاني القاطو لي فصحن سميهولي حبة بحبة و ذوقيلي شوي ههه..سؤال انا ندير هنا البربوشة ماتجينيش كيما مالفة نديرها فالبلاد فرايك كيعاد نطيب على كوكر الكتريك ولا الطماطم تاع لباط و جريوات تاعهم كيعاد مبدلة؟؟؟

yasmalak · 2014-08-13, 21:45

ام انس لي بينيي تاعك راح يخرجو فياااا ما تطولييش علينا بالوصفة و عندك مني اسرع تطبييق ههه

حقااا نسيت قاتلكم طير الرحمة بلي ماقدرتش تدخل المنتدى راه يحاوز فيها ههه

malek nour hane · 2014-08-13, 21:47

وعليكم السلام سيرين شهدي واستغفري يامات و يفوتو كامل هاك ساعات طيح وحد ضيقة الروح للعبد يقول نسويسيدي هههه و الحمدلله على كل حال... وش تعشيتي الالة؟؟