الجزء 108 من واش طيبتي اليوم ؟؟ تفاءلو بالخير تجدوه - الصفحة 77

om kamilia · 2015-01-06, 08:19

صباحكم سعيد ومبروووك للمتالقات مزيدا من العطاء

أم ياسين الزهراء · 2015-01-06, 08:20

ام محمد كملي الخير وقوليلي كيفاش تسخني الخبز الصابح سختو ولالي حجرة ولكان غير عندي السنين ههههههههههه وماتنسايش التوقيت راني قريب نكمل الاسئلة هههههههههههههههه

نسيت نقول للباركولي على الميكرووند شكرا ههههههههههههههههه

Omrihem · 2015-01-06, 08:21

صباح الفل والياسمين عليكم حباباتي
الف مبروك مرام عازفة الناي ام اماني الهام والبقية نباركولهم لهيه
ام ياسين شكرا علي الرابط

أم ياسين الزهراء · 2015-01-06, 08:23

ام ريهام قوليلي دخلتيلي الرابط ولا ماقبلكش لاني مسجل فيه

ام محمد انتضر التحريفات ماشي تروحي وتخلينا ياخي عندك الغداء هههههههههههههههه

أم محمد تاج · 2015-01-06, 08:26

كفتة على طريقة ام تاجووو محرفة بجدارة من قناة سميرة ههههههههه
حبيباتي باش نوضح اكثر هي عملت طاجين مرقة بيضاء وانا هزيت فكرة المرقة وطبقتها على الكفتة خرجت روووووعة
حبيباتي نقلي مرقة بيضا غير بنص مغرف صغيرة فلفل اسود ونص مغرف صغيرة كركم هي دارت مغرف صغيرة معمرة انا خفت من الذوق درت نص مغرف ومغرف صغيرة كسبر طبعا وزبت وملح وثوم وبصلة نقلي مليح مع طرف لحم ونعمل كويرات الكفتة تاعي ونحطهم يطيبو ونغلي الزيتون مليح وكي تبدا تخثار المرقة نلوح الزيتون يطيب مع الكفتة وهاذ ﻻستوس اختيارية انا كي يطيبو لي بوﻻت تاع الكفتة نعاود نحمرهم في الزيت ونردهم للمرق وهنا الجد نحي قيس ست مغارف مرقة ونذوب فيهم باطة ياؤورت ناتورال كي تذوب مليح نردها للمرقة ونخليها تخثار صدقوني بنة رووووعة وحموضة مممممممممم والمرقة تجي صفراء من الكركم وذوق مختلف وروووووووعة جربو وماراح تندموووو هدرة حورية المطبخ هههههههههه

قمر 77 · 2015-01-06, 08:26

اصبحنا و اصبح الملك لله
البنات وش اصبحتو نشالله كامل لاباس حقا لبارح كنتو روعة الله ايبارك على كل وش حطيتو راني كنت نتسوق الجاج ب 41الكيلو والبطاطا ب سبعة الالاف للكيلو راني رايحة نهاجر ميزيرية وش ناكلو
نروح نتزنق على راي ام ياسو ونريح العقليةا

ome loudjeine · 2015-01-06, 08:27

اقتباس:

المشاركة الأصلية كتبت بواسطة أم محمد تاج

فطور زوجي ح وعشانا

كفتة تاع الجاج وطريقة جديدة رووووعة شفتها في سميرة خفتها بصح تجرات ودرتها خرجت تحححفة ضرك نكمل الصور ونحطهالكم بالتفصيل

خص نص للروضة الذواقة لي ردوهالي في ماعني تاع المولد شفيتي انت وام الجووووووووووود ههههههههههه

وهذي كريمة جوز الهند محرفة سخفت عليها موووووت وﻻزم نديرها خرجت تووووب الله يعطيك الصحة زنووووووبة

يعطيك الصحة ام تاجو كلشي يشهي يسلم يديك.

اقتباس:

المشاركة الأصلية كتبت بواسطة أم هبوبة

صح عشاكم
و الكل يعطيكم الصحة متعت عينيا بطيابتكم الي تشهي كل طبخة و كل تحلؤة تقول لاختها وخري
فحاات الله يبارك في صحتكم جميعا ما حبيتش ندكر الاسماء خوفا من النسيان
العشى نتاعي درت حنص بالدجاج و بطاطا مشوكة

و هدوا بالعجينة المورقة

و السلاطة

و هي الخبيزة ما نعرفش كفياش تقولولها

و الديسار كان تشينة و البنان و لله الحمد

ام هبوبة بصحتكم لعشاء وكلشي 44444444

اقتباس:

المشاركة الأصلية كتبت بواسطة أم ماجد

ام ماجد الصابلي خرجلك هايل تاكلوه بالصحة.

اقتباس:

المشاركة الأصلية كتبت بواسطة كاتي حياة

مساء الخير يا البنات
هذي الكيكة اللي درتها العشية تشبه انتاع عازفة الناي مي هذي بزوج بيضات اهه

خرجت خفيييييييفة انتاع الصح من بعد نحطهالكم موضوع

وهذي من الداخل

وش رايكم راجلي هبل عليها اههه سورتوا كي فيها 2 بيضات

كاتي الكيكة روعة ممكن الوصفة.

اقتباس:

المشاركة الأصلية كتبت بواسطة زينب 83

ام ملك حبيبتي شوفي هذه وصفتي في عصير البرتقال يجي هايل كيما فرويكاد

تحكمي كيلو برتقال تقشريه و تقصيه و هبة جزر مقطعة باه تعطيه القوام و قشر برتقال تاع ربع برتقالة او اقل فقط باه مايجيش مر و في نفس الوقت مايمدش لمرورة
طيبيهم في كمية ماء قيسهم و مباعد ترحيهم و من الأحسن في خلاط العصير يجي روعة و مافيه حتى فتفوتة ، و ديري السكر على حساب لحلاوة لي حابتها، مرات نزيدلو عثرات قارص و مرات لالا

والخلاط كيما هذا

زينب بارك الله فيك على الوصفة ان شاء الله نجربها.

اقتباس:

المشاركة الأصلية كتبت بواسطة ناهدوران

مساء الخير وصح عشاكم كااااااااااااامل ويعطيكم الف عافية على واش حطيتو
هاهو العصير انتاع الجزر درتوا انتاع توتة وجا هاااااااااايل قمة ولا اروع بصح انا عملت كيلو جزر مش 2

ناهد بصحتك العصير.

أم ياسين الزهراء · 2015-01-06, 08:28

ام محمد امممممممممممممممممم عطيتيني فكرة نديرها ان شاء الله بصح في بلاصة اليايورت ندير الكرام فراش شكرا عندي اللحم مرحي هدو الايامات ندير الكفتة زوجي ع قالي ديريها كيتاع العراس ههههههههههههههههههه

ome loudjeine · 2015-01-06, 08:29

الف الف الف مبروك للمتوجات تستاهلو فعلا مبدعات وفنانات يسلم يديكم وربي يجازيكم كل خير ان شاء الله في ميزان حساناتكم.

أم محمد تاج · 2015-01-06, 08:30

هههههه يعطيك الربح ام ياسوووووو مصيبة والخبز جربت سخنت فيه رجعلي مطاطي يقتل من ثم مازدتش سخنت فيه الخبز بصح الهمبورغر والتوست يسخنو عادي وخبز الشاوارما عادي والتوقيت انت ودرجة البرودة تاع اكلك
حقة ام الجووووود الصابلي تحفففففة تسلمي حنوووونة وهذاك لقﻻصاج لملون نيستلي لونتيها???????

أم محمد تاج · 2015-01-06, 08:31

ام ياسووو حنوونة حتى انا عندي الكرام فراش بصح بالياؤوورت رووووعة صدقيني كتغييييير ممممممممم

أم ياسين الزهراء · 2015-01-06, 08:33

ام محمد زيدي خيرك وقوليلي على الكراميل تعرفي نموت على التحريف هههههههههههههههههه

ome loudjeine · 2015-01-06, 08:34

اام ريهام شكرا حبيبتي على المساعدة ربي يجازيك كل خير وادربي طلة على موضوعنا بالاك تبدلي رايك وديري بينا لكوراج.
توتة واش احوالك مع الحمل ان شاء الله راكي بخير.
ام اسكندر وتنهنان مرحبا بيكم ومنورين.
ام يس انا الي اسالتك على المدونة شكرا حبيبتي ربي يجازيك كل خير.
ام تاجو شكرا على الوصفة وفكرة الياؤورت عجبتني.
قمر حبيبتي راه لجاج لحق في بعض المناطق 50الف للكيلو ربي يستر وربي يوسع رزقنا ويرحمنا برحمتو.

ome loudjeine · 2015-01-06, 08:35

انا ليوم ثاني صايمة ربي يتقبل وغدايا راهو مودر.
حبيباتي ربي يعينكم على اشغالكم ويباركلكم في صحتكم ووقتكم.

chez biba · 2015-01-06, 08:38

السلام عليكم ورحمة الله وبركاته
صباح النور والفل والياسمين على وجوه الخير واحبتي في الله
دخلت لقيتكم تباركو ما زال ما شافتش أكيد يكون خير
يعطيكم الصحة لبنات واش حطيتو شفت غير الصفحتين الأخيرتين ، نراجع ونرجع
غدايا ان شاء الله مقارونة بالتون وراح ندير ........... حاجة حلوة للعشية