الجزء 63 من واش طيبتي اليوم تزامنا مع عيد المراة - الصفحة 77

lyzzabel · 2014-03-13, 17:54

ام انااااااس الله يخليك إذا تقدري قوليلي كيفاش نحط رابط ياك على بالك بلي نخدم بالآي باد

حقا لهنا كل خطرة نقول مين تدخلي نسقسيك و ننسى شفتك وحد الخطرة حطيتي تحلية و قلتي بلي راها تاعي انا جبتيها من وصفات الحراير بصح بانتلي جااارية ولا راني غالطة جاوبيني حبيبتي باش نعرف

almazalina22 · 2014-03-13, 17:59

وااااااااااااااااااو كيفاش راكم صابرين المنتدى رايح يجيبلي جلطة
فاطيمة الكندية هههههههه طيابك هايل بصح هاتي هذيك التارت علاه رايحة تخبيها ووراش من وصفة علقي على طيابك باش نعرفو الاطباق بصح444444444444444444444444
الامنيات طيابك طبعا ما تستنايش حتى نقولولك ممممممممممممممممممممم
ليزابيل شكرا حبيبتي العقوبة لكل من في ضيق بصح هي كرات برك مابيد تبني او تشري حاجة مليحة
الهام كيفاش راهم يوصلوك الوصفات قبل ما يتحطو مواضيع وااااااااااااااع بيستوات ولا اشهار هههههههههههه
حنان ولا لهنة حطي رابط التارتولات عجبوني وما لقيتهمش

نخله. · 2014-03-13, 18:01

اقتباس:

المشاركة الأصلية كتبت بواسطة lyzzabel

نخلة انا شريته عندي فايت عامين ب زوج ملايين و تسع مئة ألف وفيه ليزاكسسوار تاعه

ام ادومة و ايوتة يبانلي انا لي شريته غالي خخخخخخ بصح ماعليش يستاهل ههههه
افروديت يعطيك الصحة يشهو حتى انا هكا كي نشوف حاجة و نسخف عليها و ما نلقاش الوصفة تاعها نديرها من راسي و تخرجلي شابة هههه بصحتك
ام ميتا بصحتك واش طيبتي كلشي يشهي و بوسيلي الفلوسة و بصحتها السنيييييينة هههههه

لالا ليزابل مانظنش غالي تع الوالده ما معاه والو وحنا رانا فالجنوب كلشي غالي عليكم نشرو من هنا غير محتمين الاغلب

oumadoumawayouta · 2014-03-13, 18:02

المطلوع بل زيت مليحة وخفيفة انا ندير زوج مغارف مش اكثر

الفرق بين المطلوع الي بزيت و الي بلاش ف البنة و حتى كي تصبح ماتوليش تتعلك

انا دير الزيت حتى ف الغرايف البغرير

fatimoncton · 2014-03-13, 18:05

هههههة عجبتني فاطمة الكندية يا ختي أنا هاد لبلاد ماني حملتها ماني قابلتها قليلي فاطمة لغواطية خير هههههة
لا طارت قصدك نتاع شيكولا هديك بلقهوة وشيكولا ادى تحبي نكتبلك لوصفة
أنا راني حشمانة بطيبي غير نحط ونهرب راني مع عمالقة الله يبارك

ام رضوان* · 2014-03-13, 18:06

ربى اخليكم لى حبيباتى عجبتونى كيفاش راكم تحكو ربى اخليكم البعضاكم

R I A D · 2014-03-13, 18:14

مسائكم سعييييد
الف مبروك ام ادومة
عدتي تكتبي بالعربية الحمد لله
هذا وين قريت رد من ردودك اسمحيلي مي ما نركزش مع الكتيبة عربية و مكتوبة فرنسية

نخله. · 2014-03-13, 18:16

قاطمه قطن ههههههههههه راكي صح بنت بلادي ؟؟؟؟

واللي قالت ندير المطلوع بالزيت وريلنا كيفاش باه نجربوه

بصح وش سماك ما قدرتش نقراه

lyzzabel · 2014-03-13, 18:18

المازة ربي يخليك و يفرج على الكل
نخلة شكرا حبيبتي و صح كل منطقة و الأسعار لي فيها
ام ادومة تاعي فيه هاذو لي قلتي عليهم و blinder و لي يخرج les pâtes مع les disques تاوعه و الحس كااااامل يديرو انا تاني حتى نرقد ولدي الصغير باش نعجن بصح نغلق الباب تاع الشمبرة و تاع الكوزينة

fatimoncton · 2014-03-13, 18:18

راح معنديش كلفي عربية لازم نكتبها بكلف فيرتوال ونترجمها ونكوبي ونكل ملة نتفنياً ههههة بصح نحاول نكتب بلعربية انشالله

lahna moka · 2014-03-13, 18:20

ليزابيل خنفوستي الجميلة طبقت وصفتك تاع الكرام باتيسيار و فوقها طامبولة صغيرة و كي بدات تعقد الكريمة درت فيها البسكويت و درتها في أكواب و زدت عليها البسكويت على بيها تبانلك جارية هههههه موااااااااااح
ألمازيتا حبيبتي ليك وحشة تفضلي تارت الشكلاطا لحنان
https://www.djelfa.info/vb/showthread...362108&page=42

fatimoncton · 2014-03-13, 18:21

إيه نخلة أنا أغواطية وكتبتلك شحال من مرة في صفحات لفاتو بصح نضن كي لكتيبة مكتوبة بلفرنسية تعيي في لقرية مشفتيهش أنا أسم فاطمة زهرة وهديك الإسم راح لبلاد لنسكن فيها أسم أعوج بعيد عليك هههههههة

نخله. · 2014-03-13, 18:23

ليزابل مليح زوج ملاين ونص افير انا حابه نشري واحد و خلعوني تع 6 و 7 وزيد ما معاهمش لي اكسيسوار قالنا تكوموندو عليهم

lahna moka · 2014-03-13, 18:25

أم رضوان حبيبتي نسيت نرحب بيك حنونة أكيد بما أنك أخت أم أرحاب شاطرة و فحلة كيفها.نتمنى تنورينا دائما باطلالتك الباهية و تشاركينا أطباقك و حلوياتك موااااح

نخله. · 2014-03-13, 18:28

يا لقواطيه سمحيلي انا ما نراجعش كسووووووووووله وسيرتو الفرنسيه اللي بلعربيه مازال ماقدرتش نفهمها