وصفات من حراير مطبخ وش طيبتي اليوم

[nokia111]

من فضلكم اخواتي قبل يومين قدمت دقو ماكلتنا لا كرام بالفلان وكريم شنتي من فضلكم من يملك الوصفة او شاهدها يفيدني

[الممتحنة]

المشاركة الأصلية كتبت بواسطة nokia111

من فضلكم اخواتي قبل يومين قدمت دقو ماكلتنا لا كرام بالفلان وكريم شنتي من فضلكم من يملك الوصفة او شاهدها يفيدني

لا كر يم هدا حطاتو الهام اية من قبل ديري 100 غ كريم شانتي+2 علب فلان اي ذوق تفضلين+2كاس حليب خلطي مليح حتى يتكاثف الخليط وضعيه في المجمد ليلة كاملة

[nokia111]

المشاركة الأصلية كتبت بواسطة الممتحنة

لا كر يم هدا حطاتو الهام اية من قبل ديري 100 غ كريم شانتي+2 علب فلان اي ذوق تفضلين+2كاس حليب خلطي مليح حتى يتكاثف الخليط وضعيه في المجمد ليلة كاملة

الله يفرحك واسفة لاني لم ارد بسبب المرض اله يعافيك الضرس راه مهبلني

[وردة الجزائرية1]

روووووووووووووووووووووعة

[فريال88]

السفة للغالية ليزابال


فريااااال سلاااامتك ربي يحفظك و كلامك فرحني بزااااف خاطرش الديكور استوحيته من تزيينك للحلو و بغيت نشكرك مرة اخرى ربي يباركلك في صحتك
بالنسبة للسفة ندير شوية زيت الزيتون فالطعام قبل ما نشمخه و نخلطه مليييح بيديا باش يدخل فيه و نفخه ندير تقريبا 1 لتر ماء في 1 كغ من الطعام و نحركه بيدي غادي يشرب قاع هذاك الماء حتى ينشف و مرة على مرة نحله بيديا باش ما يديرليش الكويرات ،، و في نفس الوقت نكون درت الماء يغلي في قدرة و مين يغلي ندير الطعام يفور و نغطيه بالغطاء تاع الكسكاس مين نعرفه بلي فار مليح نسقيه بنصف لتر ماء و نحيه من فوق النار و نفرغه في قصعة و ندير الملح تقريبا زوج م ص و نزيد نسقيه بنصف لتر ماء و نحله بالملعقة الخشبية حتى يشرب هذاك الماء و نغطيه و نخليه يريح شوية ،، من بعد نعاود نرشه غير بشوية ماء نستعمل يدي و نبدأ نعاود فيه كيما نقولو نعاود الطعام ،، مين نكمل نعاود نفوره للمرة الثانية بلا ما ننسى نغطيه طبعا و مين يفور مليح نفرغه و نديرله الدهان او الزبدة و نحله بالملعقة الخشبية و من بعد بيديا و نكون وجدت طبعا البيض فايض و الزبيب و الديكور لي نستعمله،، انا هنا درت البيض و المشماش طيبته بطريقة الطاجين الحلو و مين طاب صفيته و رميت الزبيب في هاذيك الصلصة و صفيته تاني هو ،، و درت التمر حليته و نحيت له النواة و حشيته بالكاكاو محمص و مطحون مع العسل ،، و اللوز ايفيلي و زينت كيما راكي تشوفي
و العسل لا ما تسقيش بيه حطيه في بول و لي يبغي يسقي ،، انا هنا ما حطيتلهمش العسل خاطرش درته فالتمر كيما قلتلك مع الكاوكاو،، و باش تجي الحطة شابة حطي كاس يكون شباب مثلا لي يكون عنده قاعدة عالية و رقيييييقة كيما la tige في وسط الطبق لي تقدمي فيه الطعام و من بعد حطي الطعام كيما الهرم la pyramide يعني هذاك الكأس يبقى في وسط الطعام كأنك غرستيه فالوسط و القاعدة تاعه خبيها بالطعام بيانسير و من بعد عمري فيه العسل يجي حطططططة

إضغط هنا لرؤية الصورة بحجمها الطبيعي.

[عازفة الناي]

وصفة الخبز الدار لام سهام

اولا ديري 1مك خميرة خبز + 1 مك سكر + كاس حليب دافئ +خليهم 10 دقائق بعدها زيدي 1/2 كاس سميد ر طب + حبة بيض + 4 مك زيت + 1/2 باكي خميرة حلوة + 1/2 مك ملح و كملي بالفرينة حتى تتحصلي على عجينة تلصق شوية شكليها و ديريها في السنيوة تخمر 20 دقيقة و من بعد ادهنيها بصفار بيض مخلوطة بالحليب و ذري فوقها السانوج و ديريها اطيب
_ هذه المقادير ديرلك 4 خبيزات

[براءة سامية]

روعة جزاكم الله خيرا

[مونيا غنية]

4444444444444444

[idron0]

معمول بالفرينة ام محمد تاج
تخبطي 250غ مارغارين طرية مع 100 غ سكر قلاصي وبرش ليمووونة ولافاني رشة مليحة وزوج بيضات ومغرف صغيرة خميرة والفرينة حتان تتلم وتجي طرية عندك تيبسيها
الحشو:
غرس مرحي وطري بالزبدة وجووووز مرحي كمية بزاف واعملي كويرات من الحشو واخدمي في مول المعمول وطيبيه لازم يجي اصفر مايحمارش لوكان يحمار ييبس الغرس وكي يطيب رشي عليه السكر قلاصي بالصفاية

[idron0]

غربية شكل جديد ام محمد تاج


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


الوصفة كيما وصفة ام كوثر ومانبدلهاش ابدا بصح انا الفرينة نقليها على طريقة الحبيبة لايدي يعني هاذوك الثلاث كيلات نحطهم في بلاطو وفي الفور حتان تتشقق من فوووق
والتحريف كاتالي زدتلها ملون ابيض مدلها لون يهبل يهبل شفتها مرة عند وحدة وعاندت وماحسدتش هههههههههه بصح هي كثرت الملون خرجت تحححفة وانا خفت نكثرو وتفسدلي العجينة كيعاد اول مرة

[شاوية حرة 05]

وصفة حبيبتي yasmalak جربتها اليوم وخرجت 444444444444444444444444 ويي شاوية شفتي شعال هايلين انا ما دهنتهمش خدمت بيهم ديراكت هه
و الحلوى تديري 500 غ مارغرين و خلطيها مع 2 حبات بيض و زيدي كاس سكر قلاصي و باكي خميرة تاع الحلوى و شوية فاني و كاس مايزينة ولميها بالفرينة و تجي ناشفة شوية كيما الغريبية جربي حبة و شوفيها ادا ما هبطتلكش فالطياب
تديري كريات على حساب قدمن تديريهم انا حبيتهم صغار و تديري فيهم تقبة من فوق و تطيبيهم و تخليهم بيوضا كيما الغريبية كي تطيب رشيهم فالسكر قلاصي و ديري شوكولا دايبة فالتقبة هديك و فوقها حبة لوز و تقدري تان تشبحيهم بالمعجون
ايه حقا انا الحبات وزنتهم 33 غ خرجولي 50 حبة

[idron0]

بطاطا دائمة الحمد
البطاطة تنقيها وتقطعيها عادي وتحطيها في غميقة وتعمليلها الثوم مرابي الملح التوابل الي عندك عصرة قارس والموتارد كمية زيت وتخلطيها وتغطيها وتخليها وحدنص ساعة تشرب هذوكالتوابل
من بعد حطي فنجان ماء فالكوكوكط وفنجان زيت وخليهم يسخنو وارمي البطاطا بكلها بلي معاهاوقلبيها مليح وفطعي فوقها حبة والا 2طماطم واغلقي عليها الكوكوط ونقصي النار ربع ساعة وحلي عليها ا ومسيها اذاكان طابت طفي النار والا ما طابتش رجعيها تكمل ماتحركيهاش كي تطيب صبيها طول من الكوكوط للصحن يعني اقلبي الكوكوط راهي تعود زبدة باش ما تتفتتش وزينيها بالمعدنوس


إضغط هنا لرؤية الصورة بحجمها الطبيعي.

[idron0]

براسليات الليمون oum radja
درت 250غ زبدة مع كاس سكر عادي و4حبات بيض
وكثرت قشور القارص و1خمارة ولمي بالفرينة
من بعد شكلت براسليات رقاق على خاطر يتنفخو في الطياب
جبت عصير 4حبات ليمون كبار
وبديت نزيد في السكر الناعم وكل مرة نذوق حتى ولا كيما السيرو ثقيل وحلو ماشي غلاصاج
غطست البراسليات ورمدتهم في النوادكوكو من الاحسن ديري الاصفر ولا لونيه وحدك وخليهم ينشفو شوية وزينت بالورود بعجينة التزيين
هاذا ماكان وهاذ العبر قطعلي 70حبة

إضغط هنا لرؤية الصورة بحجمها الطبيعي.

[ام رزان]

ماشاء الله بارك الله فيكم

[ام رزان]

ممكن نطلب قاطو الكابريس والشكولا الي ما يطيبش منكن الي تعرف