الجزء88 من واش طيبتي؟ مبروووك لكل العرسان والعاقبة اللي مزالو - الصفحة 77

عطرالذهب · 2014-09-13, 00:01

حقا واش تقصدي بطاي سبونج بوب راكي تمعني اااااااااااه ردي بالك السمينات رانا واعرات هاي عيني

malek nour hane · 2014-09-13, 00:06

إن شاء الله عطورة ربي يخليك و يفرحك يالعزيزة.... هههه علاه نمعني هذا ههه...لالا راجلي نهار خرجنا انا وهو وحد سمينة جات فايتة و تزخر فيا وحد الخزرة يا ميمتي اااااا قلتلو واااع والله حتى خوفتني قالي ماتخافيش سمان مايقدرو يديرو والو ههههه

عطرالذهب · 2014-09-13, 00:13

اقتباس:

المشاركة الأصلية كتبت بواسطة malek nour hane

إن شاء الله عطورة ربي يخليك و يفرحك يالعزيزة.... هههه علاه نمعني هذا ههه...لالا راجلي نهار خرجنا انا وهو وحد سمينة جات فايتة و تزخر فيا وحد الخزرة يا ميمتي اااااا قلتلو واااع والله حتى خوفتني قالي ماتخافيش سمان مايقدرو يديرو والو ههههه

هههههههههههه صار هكا جيتي تكحليها عميتيها هيا مالا فاشي ماتزيديش تكلميني ياوحد الرقيقة والنحيفة هههههههههه
راني غضبت منك صح ومانقولكش تصبحي على خير هه

malek nour hane · 2014-09-13, 00:21

ههههه علابالي كيعاد توحشتيني ماتقدريش تقوليلي تصبحي على خير.... عطورة كاش دي غوسات بناااان اني قريب نروح و تروح النت وقبل مانروح إن شاء الله بيامات مديلي نيميرو تاعك لاخاطر ماعنديش النت فدار شيخي.... باغية نخلعهم بكاش مأكولات بنينين كيما تاع الكرشة و الكبدة هديك امممم راني هزيتها مالقري مانحبش الكرشة بصح تاااعك تهبل

SS86 · 2014-09-13, 02:55

اقتباس:

المشاركة الأصلية كتبت بواسطة malek nour hane

عطورة ابعثي ابعثي مع نوصل إن شاء الله نفوتو ندى 10 كيلو و نروح لدار شيخي ههه عجوزتي تموووت عالسمانات بزااااف قالتلي كون غير وصلتي لا 80كيلو برك ههه قلتلها كاش،مابقا فوق 80 ههه مع انا متر و ستين نولي طاي سبونج بوب....ضرك يدخلو للكوزينة يحاوزونا ضاربينها بشياخة عالاخر هههه
والله سخفت عالبقلاوة بزاااف بزااف و المرقاز و السردين و كسرة تاع لميمة و شخشوختها ياااااه فوق ماتتصوري... قوليلي كشما خليتي ههه كثرمن المرأة لي تتوحم

ياه يا ملك نورهان حطيتي يدك على الجرح السخفة جي على أكلات داركم تاع الميمة و المرقاز و السردين。المرقاز سبيسياليتي جزايرين خاطي الشعوب الأخرى。
لطاي تاعك كيما تاعي وقيلة و منهار جاو خطبوني و عجوزتي تمعني باه نسمان و المشكل منلي تزوجت و نروح عندهم و أنا نشيان。 نهز روحي شوي نقرب نهبط نولي نشيان كل منرجعلها تشوفني زدت شينت عادت متهدرش ضك طول على السمانة

SS86 · 2014-09-13, 04:01

مبروك أم أنس و الحمد لله عل السلامة

kaouka · 2014-09-13, 07:55

السلام عليكم ورحمة الله وبركاته صباح الخير وشراكم ﻻباس نوضو ركم رقدين نوم الهناء والعافية نهركم مبروك ام انس مبروك عليك هديل تتربه في عزك انشاء الله ممممممممممممممممممممممممببببببببببببببببرررررررررر ررررروووووووووك

عطرالذهب · 2014-09-13, 08:09

صباح الخير

Simassim · 2014-09-13, 08:23

صباح الخير ونهاركم مبروك ان شاء الله
ام أنس بالبراكة عليك هديل تتربى في عزكم وربي يقر عينكم بيها وان شاء الله تفرحي بيها وتشوفي ها عروس يارب

أم إناس · 2014-09-13, 08:26

السلام عليكم
صباح النور عطر وشراكي والوالدة ان شاء الله لاباس. والوالد راه لاباس تعرفي جدتي ثاني كي تسمع وأحد مات من صديقاتها او عاءلته تخزن وتكون مش مليحه الله يرحمها
كوكا صباح الفل وشراكي
ام ريمه ماشاء الله عليك وتوحشناك
سمسيم صباحك عسل راكي توجدي تروحي وترجعي بالصحه والعافيه
ام ياسين يالحنينه الله يخفضك ونشكر كل واحد دعاتلي اللازمة يرزقها.
مبروك على ام انس هديل والحمدولله على سلامتها
اليوم رانا خارجين كامل العاءلة تاع زوجي يدو الاولاد. للبارك ان شاء الله

عطرالذهب · 2014-09-13, 08:42

صباح الخير ام اناس ونتمنى تكوني مليحة بديتي توجدي في حوايج النفاس والا مازال المهم ربي يجيبلك وقفة ساهلة ويفرحك بولد صالح ويحفظك لاطفالك

أم هبوبة · 2014-09-13, 08:44

صباح الخير على الحبيبات نهاركم مبروك ان شاء الله
ام انس مبروك عليك البنوتة و ان شاء تكوني مريحة و ما يكونش فيك الوجع الي يجي من بعد السيساغيان ياخي يقتل انا نتحمل كل شيئ و هاداك الوجع ما نتحملوهش لاني ولادتي للثلاتة نتاع ولادي بالسيزاغيان يعني راه فايتة عليا الله يكون في عونك و تهالاي في روحك و حافظي عليها و حافظي على الجرح
ملك نور هان غير ما تهدريش على النحافة حتى رقيقة و ين ما نمشي عند عجوزتي هدي الاغنية كل يوم علاش ما ديريش حاجة تسمني بيها ياخي تموت على السمانات و انا حتى حاجة ما نفعت فيا باه نسمن سيرتو انا بخف نرد لقلبي بزاف ويزيدو الناس مين تتلاقاي بهم هديك الخلعة الي يركبوهالك اه مالكي وليت هاك مالاكي نقصت و رققيتي يزيدو يكلوا عليك و رودلك المورال في الزيرو

Oum yousra · 2014-09-13, 08:48

صباح الخير واش راكم انا هاذا وين فطرت و الغداء رآه جابلي ظرك الحوت روح نقيه باه نطيبو الغداء و العشية خارجا نتلاقاكم من بعد إنشاء الله.

Oum yousra · 2014-09-13, 08:55

Oum annas ألف ألف مبروك الحبيبة الحمود للاه على سلامتك إنشاء الله تتربى في عزك و ربي يحفظك و إنشاء الله كي تخرجي للدار ديريلنا طمينة

x ام رحاب x · 2014-09-13, 09:11

اقتباس:

المشاركة الأصلية كتبت بواسطة oum anas 69

salem hanounatt
rani wladtt w jabtt hadil sghayrouuuuuuna hhhhh 2 kg
wrahi 3andi godami w lhamdoullah
ma3raftach khlass n3abar w nachkorkom 3la wakfatkom w do3akom liya
wallah d3italkom kamal w ana 3la tabla
inchallah ki nrayah w nakhraj nadkhol m3akom
rani ta3bana
nkhalikom 3la khir khayati

الف الف مليون مبروك حبيبتي تتربى في عزك وعز باباها والله غير فرحتلك بزاف حنونة
ولعقوبة ام ملك وام اناس والي ملزالو يارب