منح العطب و التقاعد بعد المصادقة على قانون المالية 2013

[el3adra]

الاخ نيزار

انا كنت جندي متعاقد خرجت معطوب ودروك راه عندي عجز 10% وراني نتقاضى منحة العطب 14000دج بعد التعديل سؤالي هو: هل لدي الحق في التقاعد ام ماذا لاني سالت شخص يقربلي قالي عندك سميق ؟ هل توضحلي اخي وانت مشكور

[el3adra]

المشاركة الأصلية كتبت بواسطة nizar10

نتا راك منسوب للخدمة 10/100 دائمة معناها عندك الحق في تقاعد ارجع اقرا الجريدة الرسمية ....شكراا

شكرا لك اخي دمت وفيا لنا

[mimou1993]

يا نيزار انا رتبة عريف احتياطي ماهو تقاعده الحالي و هل الرابال حسب التقاعد الحالي 2013 او حسب التقاعد الجديد المتوقع بدية من جوان حسب البيان

[nizar10]

المشاركة الأصلية كتبت بواسطة el3adra

الاخ نيزار

انا كنت جندي متعاقد خرجت معطوب ودروك راه عندي عجز 10% وراني نتقاضى منحة العطب 14000دج بعد التعديل سؤالي هو: هل لدي الحق في التقاعد ام ماذا لاني سالت شخص يقربلي قالي عندك سميق ؟ هل توضحلي اخي وانت مشكور

نتا كونت جندي متعاقد نضن خرجت مرة لولى غير منسوب للخدمة فصلي واش صرالك ....؟؟؟

[el3adra]

اخواني اتهلاو في روحكم في امان الله وسلامي لكل الغائبين والحاضرين

[mimou1993]

مع احترامي لتوضيحاتك انا فهمت يكون رابال 29 شهر ما يسمى بالتسوية حسب الرتبة ثم الزيادة للجميع بدون استثناء في جوان 2013 و الله اعلم

[هشام مادي]

السلام على من التبع الهدى =========== صلوا على المصطفى ايها الاخوة الافاظل=========================الى متى سيبقونا تحت تاثير مخضرهم هدا يا اخواني وكتاش نفيقوا من النيستزياللي راهم داروهنا يا جماعة لحد الان واحد فينا مافطن من الغيبوبة ولا كفاه هدا التساؤل دائما اطرحه للنقاش لكن لحد الان لم اجد له اي تفسير كفاه يا جماعة كل ما يكثر كلامنا على المعاشات يسكتونا بكلمة وحدة راهم يخدموا فيه لوكان يا جماعة جاءت الخلصة للشعب تاع الصين الشعبية لا كانت تخدمت والناس الدات حقها وسكتت التعداد التع المتقاعدين بصفة عامة يعد على اطراف الاصابع ولا راني غالط كل شهر يقولونا راهم يخدمو فيها سبحان الله وبحمدهعلاش جماعة البرلمان غير صرحوا بالزيادة التاعهم قالو لهم ياخدوها في نفس الشهر علاش المعلمين غير يتكلمو برك يسكتوهم بالمفيد وعلى دكر المعلمين بودي ان اقول للاخ اللي تاثر بكلام داك المعلم الجاهل بالنسبة لي ماديرش عليه لان الحقد والحسد عامينوا وما يرضاش الخير لغيرو اكيد دراهمو راهم حرام وماراهش يحس بهم ويتنعم بهم لانهم رايحين لو غير عن الطبة وغيرهم لانومايساهلش يكون معلم اجيال حاشا اللي مايستهلش من المعلمين طبعا لان الناس موش كامل كيفكيف واش دخلو فينا وفي قضيتنا ياك كل واحد وزارتو المهم لا عليك يا اخي كاين ربي وهو ادرا بنا المهم اعود الى مشكلتنا ادا يا جماعة صدقوني بلي هدا كله استهتار بقضيتنا وبفئتنا المهمشة تحوسوا على ليكري اي قرار صب المخلفات في نظري راه كاين من يوم بداو في المعطوبين يظهر لي هداك هو ليكري موش كل مرة ولا كل واحد يديرلو قرار خاص بيه هدا حسب ظني وفهمي المهم يا جماعة لو ماندوش حقنا في الشهر هدا انقولكم راه ماكان والو وهدا موش تشاؤم كما يظن البعض بل هي الحقيقة اللي واحد فينا ما قدر يستوعبها خلاص بزاف تمسخرو بنا بزاف شهر يجيب شهر حتى نهار ننساو ونسكتوا هدا كل ما في الامركل شيئ واضح وضوح الشمس يا جماعة ارجوا قليلا الى الخلف وشوفوا كل الناس كل من هب ودب تكلم علينا وقال الشهر تاع ماي بل كاين حتى اللي حدد اليوم او المهلة تاع صب المخلفات وغيرها لكن كل باء بالفشل وما زلتوا بل مازلنا مافقناش هدا الخبر الباهي حتى الفاتح من جوان يعني شهر اخر وبعدين يقولونا الظروف تاع البلاد موش مليحة ومن بعد العمال خرجوا في عطلة والعام هدا 28 يوم يعني شهر اخر ومن بعد رمضان الناس دايخة يخافوا يغلطونا في الخلصة الى اخره............شايفين كيف رايحة تكون الاحداث يا جماعة اه نسيت حاجة يقولونا انتضروا الدخول الاجتماعي الجديد ههههههههههه سبحان الله وكتاش رايحين انفيقووووووووووووووا سلاممممممممممممممممممممممم

[el3adra]

الاخ نيزاار راني عملتلك توضيح وقلتلك اني الان اتقاضى فقط منحة العطب وسالتك هل لدي الحق في التقاعد

[nizar10]

المشاركة الأصلية كتبت بواسطة mimou1993

يا نيزار انا رتبة عريف احتياطي ماهو تقاعده الحالي و هل الرابال حسب التقاعد الحالي 2013 او حسب التقاعد الجديد المتوقع بدية من جوان حسب البيان

ههههههههههه....نتا راك عريف احتياطي وخرجت من جيش بمرض منسوب للخدمة .....نتا عندك الحق في تقاعد ضرك تولي تخلص كيما عريف متقاعد 2013....

كيفاه تحسب الربال تاعك .....انا معلباليش شحال راه يدي عريف متقاعد في 2013 المهم نديرو مثلا يخلص 30000

نتا هاك كونت تدي في 18000 ساهلا 30000_18000 ضرب عدد الاشهر من جانفي 2011...مفيهاش علم كبير


اسمع واش دخل جوااااااااااااااااااااااان و1جوااااااااااااااااااااااان هذا البيان تاع وزارة الدفاع لا علاقة له بالربال او الزيادة ...قالك 1 جوان يطبقو الزيادااااااااااااااااااااااااات وكيما قال الاخ محفوض حتان 14 يصبووووووووووووها هذا مكان يا خويا

[nizar10]

المشاركة الأصلية كتبت بواسطة el3adra

الاخ نيزاار راني عملتلك توضيح وقلتلك اني الان اتقاضى فقط منحة العطب وسالتك هل لدي الحق في التقاعد

يا خويا احكيلي واش صرالك ونوع الحادث منقدرش نجاوبك على نص سؤاااااااااااااااااال .....شكرااا

[نونو 50]

السلام على الجميع الاخ نيزار ممكن لو تكرمت واجبتني على سوال اريد ان اعالج في المستشفى العسكري ولاكن لا اعرف كيف اريد منك ان تشرح لي كيف

[mahfoudh12]

عسكريو الخدمة الوطنية وكذا العسكريون المعاد إستدعائهم والمعترف بهم غير مؤهلين بسبب عجز بدني أو مرض منسوب للخدمة أو تفاقم من جراْ الخدمة , يستفيدون من منحة التقاعد تحتسب على أساس الراتب العسكريين العاملين من نفس الرتبة حيث ان احتساب هذه المنحة التي تضاف إليها منحة العجز سيمكن من رفع دخل الفئات المعنية بهذا الاجراء


احد العاملين ببلكور شرح لي هذا القانون الذي يخص عسكريو الخدمة الوطني وهي تتمثل في نقطتين فقط اذا نبدأ با الشرح

اولا النقطة الاولى- القانون واضح بانسبة لعسكريو الخدمة الوطنية يستفيدون من منحة التقاعد تحتسب على أساس الراتب العسكريين العاملين من نفس الرتبة يعني القصد هنا في الاستفادة من الاجر القاعدي فقط لا غير الذي يتحصل عليه العاملين


النقطة الثانية - حيث ان احتساب هذه المنحة التي تضاف إليها منحة العجز سيمكن من رفع دخل الفئات المعنية بهذا الاجراء
يعني هنا في النقطة الثانة القصد في ذلك ان الوزارة اخذت منحة العجز بعين الاعتبار مع منحة التقاعد والتي انصت عليه بانه احتساب منحة العجز تصاف اليها منحة التقاعد وهي الاجر القاعدي فقط سيمكن من رفع دخل هذه الفئات المعنية

وفي الاخير نستنتج مايلي بعد هذا الشهر ان با النسبة لعسكريو الخدمة الوطنية لهم الحق في السميك فقط ومنحة العجز هي التي ترفع من المعاش يعني اي زيادة في منحة التقاعد تمس فقط المتقاعدين والمعطوبين الذين كانو متعاقدين با الجيش الوطني الشعبي وعملو حت تقاعدو من النظام اما عسكريو الخدمة الوطني تتغير منحة السميك حسب ما يتم رفعها مستقبلا
هذا الشرح اخبرني به احد الافراد المستخدمين يعمل في بلكور ولله أعلم .

[nizar10]

المشاركة الأصلية كتبت بواسطة نونو 50

السلام على الجميع الاخ نيزار ممكن لو تكرمت واجبتني على سوال اريد ان اعالج في المستشفى العسكري ولاكن لا اعرف كيف اريد منك ان تشرح لي كيف

عرف بروحك نتا عسكري ...ولا باباك عسكري وضحلي

[نونو 50]

ارجو الاجابة من فضلكم

[نونو 50]

انا عسكري سابق