موضوع مميز هل عندكم مشكل ما ( خاص بالسيارات ) - الصفحة 76

doudou belle · 2013-06-22, 23:50

اولا انا طفلة مانيش طفل ... ثانيا حتى انا مشاركاتي مازال موصلتش 1000 مشاركة و ثالثا خلاص متقلقش روحك هو غدوة كي يدخل يلقى السؤال تاعك هنا و يجاوبك انت فاكر برك تلقى الإجابة بربي ان شاء الله غدوة

شموخ النسر · 2013-06-22, 23:55

عفوا اختي
لم انتبه

doudou belle · 2013-06-22, 23:59

لالا معليش موش مشكل

bounadji83 · 2013-06-23, 08:41

يااخي عبدو زاد المشكل وقع مع خويا لما راح الوادي وجا راجع لاحظ المأشر يتحرك فتوقف ورفع غطاء السيارة وأستبدل غطاء الرادياتور جديد فاستقرت لكني عندما سألت احد أصدقائي قال لي ان المشكل راهو من الردياتور مسدودة قال رنفلي الموتور تلاحظ الماء في الرادياتور لا ينزل بل يصعد تدريجيا رغم دالك انها تمشي بماء القلاسيور (iada) رغم انها ماشية 145000 كم و العام 2010

z.abdo · 2013-06-23, 09:00

اقتباس:

المشاركة الأصلية كتبت بواسطة شموخ النسر

عندي مشكل ارجو نصيحة
سيارة كليو 4 ايصانص اخطأت وعبأتها 16 لتر مازوت
الله لطف لاني مامشيتش باها
عمال لمحطة قالولي غدوة نفرغاها ومايكون والو
هل هناك اضرار على لمحرك او بماذا تنصححوني

هاذي عين ظربتك خويا سلامة الراس

هلا اخي أول شيء اقول لك ماتقلقش روحك وجيد أنك لم تمشي بها وهذا يعني أن المازوت في الخزان فقط

ولم يمر إ‘لى المحرك

كذالك أنصحك ما ديرش المفتاح ودير contacte لإنها تشغل مضخة البنزين وإن عملتها مرة أو إثنين فلا تكرر هذا

الواجب عمله الحين :

1 - توقيف السيارة تماما وعدم السير بها أو تشغيل المحرك
2- عدم إدخال المفتاح أو تعمل كونتاكت
3- عليك ان تنزع خزان الوقود تماما من السيارة وتنظفه بالبنزين جيدا
4- انصحك ان تعمل كل هذا عند ميكانكي تطلب منه يأتي إلى مكان وجود السيارة

أو تديها عندو بشاحنة dépanage

ولاتنسى اخي ان تخبرنا بالنتيجة بعد ان تفعل ما قلت لك اخي

كذالك نصيحة اخرى لا تقلق أو ترتبك في مثل هذ امور فإن المشكل بسيط

z.abdo · 2013-06-23, 09:08

اقتباس:

المشاركة الأصلية كتبت بواسطة doudou belle

آه اوك حسابلي معايا هههههه .لالا راهو خرج ماهوش هنا حتى أنا طرحت المشكل تاعي و مازال ماجاوبنيش يكثر خيرو رانا كثرنا عليه راهو تعب و بالاك راح يرقد بصح أكتب برك السؤال تاعك و غدوة كي يدخل راهو أكيد يجاوبك خويا.

السلام عليكم شكرا اخوتي لكم وعلى ثقتكم في

اظن اختي اني اجبت على جميع الأسئلتك وقلت لك آخر مرة انتظر الجديد من عند السيد اللذي تركتو عندو سيارتكم

وانت قلتي يوم السبت راح يكون الجديد لهذا انا انتظر الجديد الذي قاله لكم الكهربائي

أما بالنسبة للأسئلة فلا يوجد أختي أي مشكل فإني اساعد أي من عنده مشكل بأي وسلية

مذا قال لكم لما رجعتو يوم السبت عن مشكل الطابلو ؟؟؟؟؟؟؟؟؟؟؟

z.abdo · 2013-06-23, 09:19

اقتباس:

المشاركة الأصلية كتبت بواسطة bounadji83

يااخي عبدو زاد المشكل وقع مع خويا لما راح الوادي وجا راجع لاحظ المأشر يتحرك فتوقف ورفع غطاء السيارة وأستبدل غطاء الرادياتور جديد فاستقرت لكني عندما سألت احد أصدقائي قال لي ان المشكل راهو من الردياتور مسدودة قال رنفلي الموتور تلاحظ الماء في الرادياتور لا ينزل بل يصعد تدريجيا رغم دالك انها تمشي بماء القلاسيور (iada) رغم انها ماشية 145000 كم و العام 2010

هل تقصد لما ترنفلي الموتور يصعد في القارورة لأن الراديتور ما يبانش منها الماء ؟؟؟؟

أخي نحن في الميكانك عند إصلاح الأعطال نبدأ بالإحتمال الصغير حتى نروحو للإحتمال الكبير

أنا انصحك ان تبارجي الهواء من دورة الماء بأي وسلية

بعدها إذا شاك أن المشكل في الراديتور إليك النصيحة أخي

إذهب عند اللي يصلحو الراديتور قم بغسل المحرك من الداخل بآلة غسيل خاصة نظن راك تعرفها

هي تغسل دروة الماء داخل المرحك وفي نفس الوقت تغسل الراديتور من الداخل دون ان تنزعها

جرب ما قلت وشوف النتيجة

اريد ان اعرف حالة حرارة السيارة الآن هل هي مستقرة او مزال هذا المشكل ؟؟؟؟؟؟

bounadji83 · 2013-06-23, 09:40

كيف يمكنني إخراج الهواء علما أن الهيونداي يبرجي روحو؟ مع النصيحة

z.abdo · 2013-06-23, 09:45

اقتباس:

المشاركة الأصلية كتبت بواسطة doudou belle

مساء الخير أخي . راهو خويا رجع عند الراجل لي في عين مليلة اليوم و قالو مازال المهم الطوموبيل صرا فيها مشكل آخر كان ماشي بيها عادي و فجأة بدا يخرج منها دخان أبيض كثيف جداً و رجعت متيريش مليح المهم واش رايك واش السبب تع الدخان الكثيف هذا ؟ ربي يعيشك راني نستنى في الإجابة تاعك.

عذرا الحين فقط رايت السؤال ؟؟؟؟

doudou belle · 2013-06-23, 10:29

شكرا خويا عبدو بصح وين راهو الجواب تاعي راني سألتك انا الاولى راك نسيتيني يعيشك راني نستنى الإجابة الدخان الأبيض لي سقسيتك عليه من واش راهم يقولو turbo و من عرف و انت واش رايك؟ ربي يعيشك راني نستنى.

z.abdo · 2013-06-23, 10:58

اقتباس:

المشاركة الأصلية كتبت بواسطة doudou belle

شكرا خويا عبدو بصح وين راهو الجواب تاعي راني سألتك انا الاولى راك نسيتيني يعيشك راني نستنى الإجابة الدخان الأبيض لي سقسيتك عليه من واش راهم يقولو turbo و من عرف و انت واش رايك؟ ربي يعيشك راني نستنى.

عذرا اختي مرة اخرى

ان مشكل تلف التيربو يطلق دخان اسود ليس ابيض كذالك في نفس الوقت ينقص زيت المحرك يعني لما تجورجي زيت المحرك تلاحظ نقصان فادح

وهذا نتيجة تلف التيربو لأنه يصبح يمرر الزيت إلى الشاطمة

السؤال الآن هل نقص زيت المحرك إذا كان الجواب نعم يعني صح المشكل خو التيربو

إذا كان الجواب لا ننتقل إلى الإحتمال الثاني :

تأكدو من مستوى الماء إذا كان الجواب نعم نقص مستوى الماء يعني أن جوان كيلاس به تسرب

وهو ما يجعل الدخان ابيض نتيجة تبخر الماء

z.abdo · 2013-06-23, 11:05

اقتباس:

المشاركة الأصلية كتبت بواسطة doudou belle

شكرا خويا عبدو بصح وين راهو الجواب تاعي راني سألتك انا الاولى راك نسيتيني يعيشك راني نستنى الإجابة الدخان الأبيض لي سقسيتك عليه من واش راهم يقولو turbo و من عرف و انت واش رايك؟ ربي يعيشك راني نستنى.

عذرا اختي مرة اخرى

ان مشكل تلف التيربو يطلق دخان اسود ليس ابيض كذالك في نفس الوقت ينقص زيت المحرك يعني لما تجورجي زيت المحرك تلاحظ نقصان فادح

وهذا نتيجة تلف التيربو لأنه يصبح يمرر الزيت إلى الشاطمة

السؤال الآن هل نقص زيت المحرك إذا كان الجواب نعم يعني صح المشكل خو التيربو

إذا كان الجواب لا ننتقل إلى الإحتمال الثاني :

تأكدو من مستوى الماء إذا كان الجواب نعم نقص مستوى الماء يعني أن جوان كيلاس به تسرب

وهو ما يجعل الدخان ابيض نتيجة تبخر الماء

z.abdo · 2013-06-23, 11:14

اقتباس:

المشاركة الأصلية كتبت بواسطة bounadji83

كيف يمكنني إخراج الهواء علما أن الهيونداي يبرجي روحو؟ مع النصيحة

كاين حالات اللي ما يباريجيش روحو وهذا لما الهواء يلصق في منطاق ضيقة داخل دورة المحرك

حسنا اخي افتح أي انبوب من الماء la dirite مثلا الذي بين الراديتور والمحرك افتحه ولا تتردد افتح brid الذي يمسك انبوب الماء la dirite جيدا

افتحه قليلا يعني يضيع الماء منه قليللا كأنه تسرب وفي نفس الوقت يجب ان يكون هناك شخص يضيف الماء للقارورة

واكسيليري قليللا من جهة المحرك cabel csérateaure بعدها ثبت انونب الماء la dirite الذي يخرج من الراديتور او من المحرك في مكانه وارجع له brid أو اسمه colé إلى مكانه

وراقب سيارتك ودرجة الحرارة و المروجة هل فيه تحسن اولا

ملاحظة : يمكنك ان تخرج الهواء يعني bargé من اي انبوب ماء la dirite شئت انت وليس من مكان معين كما يعتقد البعض

doudou belle · 2013-06-23, 11:58

اقتباس:

المشاركة الأصلية كتبت بواسطة z.abdo

عذرا اختي مرة اخرى

ان مشكل تلف التيربو يطلق دخان اسود ليس ابيض كذالك في نفس الوقت ينقص زيت المحرك يعني لما تجورجي زيت المحرك تلاحظ نقصان فادح

وهذا نتيجة تلف التيربو لأنه يصبح يمرر الزيت إلى الشاطمة

السؤال الآن هل نقص زيت المحرك إذا كان الجواب نعم يعني صح المشكل خو التيربو

إذا كان الجواب لا ننتقل إلى الإحتمال الثاني :

تأكدو من مستوى الماء إذا كان الجواب نعم نقص مستوى الماء يعني أن جوان كيلاس به تسرب

وهو ما يجعل الدخان ابيض نتيجة تبخر الماء

شكرا ليك خويا عبدو راهو قالي بابا الزيت صح راهو نقص بزاف و الطوموبيل عادت متتيريش مليح يعني السرعة انخفضت بزاااااااااااف بصح الدخان يخرج أبيض و دخان كثيف بزاف يعني الطوموبيل من لاريار قريب متشوفهاش من كثرة الدخان لي يخرج منها .
و راهو قالي ثاني أنو لاحظ على chapment (الشابمون) أنو مبلل بالزيت. يعني أنت واش رايك؟

z.abdo · 2013-06-23, 13:35

اقتباس:

المشاركة الأصلية كتبت بواسطة doudou belle

شكرا ليك خويا عبدو راهو قالي بابا الزيت صح راهو نقص بزاف و الطوموبيل عادت متتيريش مليح يعني السرعة انخفضت بزاااااااااااف بصح الدخان يخرج أبيض و دخان كثيف بزاف يعني الطوموبيل من لاريار قريب متشوفهاش من كثرة الدخان لي يخرج منها .
و راهو قالي ثاني أنو لاحظ على chapment (الشابمون) أنو مبلل بالزيت. يعني أنت واش رايك؟

للأسف تلف التيربو ..................

يوجد في عين مليلة قطع الغيار المستعمل وسعره مابين 3 او 4 ملايين

هناك حل مؤت للسير بالسيارة هو غلاق أنبوب الزيت الذي يؤدي إلى التيربو وتسمى هذه العملية

suprimé turbo وهي تعني غلق الزيت الذي يمر عبره

اي استفسار آخر انا اهنا