الجزء 98 من واش طيبتي اليوم كوزينة المحبة والتاخي والكلمة الطيبة

[zahra30]

سلمى الصور ماشي واضحين منين وكيفاش راكي تهزي نعاونوك وزيد سميهوملنا وبصحتكم
ام سراااج اكيييد اللي عندها طريقة مليحة لاي وصفة محطوطة تحطها واكيييد الكل يستفاد وتربحو اجر ههههه
وبالنسبة للغايبات راهم بزاف ربي يرجعهم بخييير ... يحشم الواحد يذكر الاسماء من النسيان بصح راهم في القلب

[YAKMISSOU]

[selmatitta]

المشاركة الأصلية كتبت بواسطة ام سراج وملاك

بصحتكم ويعطيكم الصحة وتيراميسو نموت عليه وشمن وصفة درتيها

ام سراج و ملاك شكرا تيراميسو كلاسيكية ايطاليا

[Oum yousra]

المشاركة الأصلية كتبت بواسطة selmatitta

و هذا لغدا
[img][/img]
و هذا لحوت فل فور
[img][/img]

اممممممممممم يا سلام الحوت يشهي بصحتكم

[ام سراج وملاك]

المشاركة الأصلية كتبت بواسطة selmatitta

ام سراج و ملاك شكرا تيراميسو كلاسيكية ايطاليا

نتي لي درتيها ولا هزيتيها من كشما موقع اذا درتيها نتي حطيلي الطريقة اذا امكن

[أم ماجد]

المشاركة الأصلية كتبت بواسطة YAKMISSOU

عاش من شاف كتبتك توحشناك واش احوالك مع الكوزينة والتعليم والتربية ؟؟؟؟؟؟

[أم ماجد]

لبنات عندي لحم مرحي وحابة ندير طبق جديد للغدا اقترحزا عليا طبق لذيذ اممممممممممممم
ليلة سعيدة الى الغد بحول الله
ان شاء الله نلقى دائمة الحمد حاطة القهوة وام تاجو القاطو ههههههههههه

[زينب 83]

شوفي سلمى تيتا ديري مركز المخزن راهو هايل البورتابل و تقدري تحملي شحال من صورة مع بعضاهم هاو الرابط و
https://www.m5zn.com
زيدي شوفي هنا بالاك كشما تستفادي و لا عندك كشما سؤال قوليلي اذا عرفت نجاوبك
https://www.djelfa.info/vb/showthread...post3992115089

[zahra30]

اكييييد فهمت عليك حبيبتي ام طيري الجنة وبارك الله فيك وتبان بنينة من الوصفة بعد ان شاء الله نسيييهالهم ونقولك الرد
سلمى ذرك خرجو الصور امممم بصحتك انا مديلي الحوت لولادي يموتو عليه واهنا قليل وين يجيبوه
يعطيك الربح يكاميسووو جبتيها هي بالذات بصح انسيتي الوالدين مساكن قريب نهبلو نورمالمو احنا نروحو نعقبو في بلايصهم ههههه
نخليكم على خيييير وربي يشفي كل مريض و يفرج على كل مهموم و يجيب وقفة ساهلة لكل حامل وربي يسمعنا بالاخبار الطيبة كل يوم يااارب

[selmatitta]

المشاركة الأصلية كتبت بواسطة zahra30

سلمى الصور ماشي واضحين منين وكيفاش راكي تهزي نعاونوك وزيد سميهوملنا وبصحتكم
ام سراااج اكيييد اللي عندها طريقة مليحة لاي وصفة محطوطة تحطها واكيييد الكل يستفاد وتربحو اجر ههههه
وبالنسبة للغايبات راهم بزاف ربي يرجعهم بخييير ... يحشم الواحد يذكر الاسماء من النسيان بصح راهم في القلب

من الموبيل و مركز الخليج

[ام سراج وملاك]

زهرة انا طريقتي ساهلة ساعات كي نسخف عليها نكيل غير بكاس تجيني كمية مليحة انا نحطلك المقادير ونتي كيلي بحاجة قليلة وجربي
كيلة فرينة + رشة ملح +كيلة مخلطة نصف زبدة ذائبة ونصف زيت وتحركيها بيدك وتزيدي تلميها بما زهر خليها تريح ربع ساعة مبعد شدي حليها بالحلال دائرة رقيقة ورشي النشاء ورولي حربوش لازم النشاء مبعد قطعي دوائر متوسطين وزيدي شدي كل دائرة من الدوائر لي قطعتيهم قلبيهم على العكس رشيهم بالوحدة بالنشاء وحليهم بالحلال نفس الشكل لي عندك ومبعد اقليهم في زيت يكون سخون وعسليهم وذري جيلاجلانية عليهم من فوق ان شاء الله تكوني فهمتيني

[زينب 83]

Yakhmissou الصور راهم كبار

[Oum yousra]

تصبحون على خير

[عازفة الناي]

الف الحمد لله على سلامة دائمة الحمد وربي يشفي كل مريض
راكم قايمين بالكوزينة و الامور تجري على احسن مايرام طبعا تربية الاستاذة دائمة الحمد
ماراجعتش كلشي وانا متاكدة انكم حطيتو مالذ وطاب تسلم اياديكم

[selmatitta]

المشاركة الأصلية كتبت بواسطة ام سراج وملاك

نتي لي درتيها ولا هزيتيها من كشما موقع اذا درتيها نتي حطيلي الطريقة اذا امكن

انا لي درتها شوفي هذا الباكي تاع اقاطو ليدرت به [IMG][/IMG]
6عضمات و كاس سكر وقهوة طايب ولا نيسكافي
البيضات تخبطي بياض البيض وحدوا حتان يولي حاكم روحوا و مبعدا تخبطي صفار مع كاس سكر ومبعد كي يتخلط صفار و سكر ديري 500غ فرماج ابيض تقدري ديري بتيسويس في بلاصة فرماج تزيدي تخبطهم مليح ولا مبعد تضيفيلهم بياض وتخلطي و مبعد تغمسي قاطو فل قهوة وتحطي فوقها لاكرام و ديري نيسكافي بودرة هادا ماكان