الجزء 107 من واش طيبتي اليوم ; العين تاكل قبل الفم - الصفحة 76

زينب 83 · 2015-01-01, 20:44

سلامي ليكم كامل

ام نور الهدى واقيلا عرفت سبب الحذف ، اذا لم يكن سبب تقني ، ربما شكل الحلوى هو السبب و الله اعلم ، يعني هذا حسب تفكيري البسيط فقط

عطرالذهب · 2015-01-01, 20:44

ام احمدي لقلاصاج كي جاك ثقيل لازم تزيديلو قطيييييرة حليب وتخلطي لانو لو تزيدي قطرة مش قطييييرة راح يرجع يسيح
اغطسي الحبة باصابع في القلاصاج وانفضيها مليح وحطيها فوق شبك تستقطر

zahra30 · 2015-01-01, 20:45

مساء الخييير عليكم كااامل وان شاء الله تكونو كااامل بخيييير
الله يبارك على واش حطيتوووو من طيابات ربي يدوم النعمة ويسلم اليدين اللي خدموها
اليوم هد حيلي درت عرااام شخشوخة لغدوة ان شاء الله وعندي اضياف ربي يكون بعونا جميعا
شكراااااااا زينب 83 ام سرااج مياسيم ام ايمن ام محمد تاجووووووو ( هيه المول انتاع السيليكون ) ليزاااااااا ( ربي يحفظك على كلامك الحلو والله راكي تطيب في الخاطر وتطلعي المورال ربي يعلي شانك ان شاء الله ) سماسييم ( تفضلي يالغالية ادي واش بغيتي وبصحتك من فوق ) جيادا لهووونة الحبووبة ناهدروون ( ما تلوميش يالحبيبة على الغاشي احنا عندنا مرض يسموه الادمان على القسم هذا لوكان واحد مايسقسيش علينا يحكمنا اكتئااب مالغري حتى احنا ساعة نسقسيو وساعات ننساو ربي يدوم المحبة بيناتنا كااامل وان شاء الله ديما نسمحوو لبعضانا ) وووووو كل من ذكرني ولو بكلمة

بصح راني ميتة على هذا عندي مدة مادرتوش وزيد لالة مياسيم قدماتو في طبسي كيما انتاعي

أم محمد تاج · 2015-01-01, 20:46

ممممم نرجوووسة ممممممممم بصحتكم

رولي

أم هبوبة · 2015-01-01, 20:47

نرجوسة تسلمي و الترات تهبل
ام طيري الجنة عازفة الناي و ام محمد تاج مشكورين حبيباتي و الفضل لكن جميعا رانا نتعلموا منكم

أم محمد تاج · 2015-01-01, 20:48

زنوووووبة راسلي خوووووك قتلني التقرعيج ههههههههههههههه

lyzzabel · 2015-01-01, 20:48

اقتباس:

المشاركة الأصلية كتبت بواسطة أم ملك

مساء الخير عليكم كامل
زينب ربي يرجع زوجك سالما غانما يا رب و يوصل كل مسافر على خير
ليزا أطباقك روعة و أسفة ما تولهتش مليح لوصفة لي غوايال
أم ماجد بصحتو وليدك اللعب مين قولتيلي بكى تفكرت روحي كان عندي 7 سنين و بكيت و بكيت من الثلج و البرد
عازفة شكرا أنت و حنان جاوني ملاح كمحاولة أولى المرة الجاية إن شاء الله أحسن
المهم عجبوه زوجي و قالي خلاص ما نزيدش نشريهم
عشانا إن شاء الله جلبانة بالجاج و لي فريت و ربي يدوم النعم
لبنات لي مجربة عصير برتقال و يخرج شباب تعطيني الوصفة من فضلكم

ام ملك حبيبتي عصير البرتقال و الموز تاع ام رامي رووووووووووووعة
و ما تتأسفيش يا العزيزة رانا هنا باش نعاونو بعضنا موووووووواح

مياسم75 · 2015-01-01, 20:49

صح عشاكم
نبدأ باسم الله عازفة الناي ماقرونتك تشيه لماقارونتي ههههههه والمحاجب بصحتهم انا دائماً يديرهالي زوجي ونحشم نقلو حبس نصور
ام هبوبة حلويات44444 كاشي مناسبة
زينب66 بصحتك المحاجب
ام نور الهدى زيدي صل على النبي

النرجووسة · 2015-01-01, 20:50

اقتباس:

المشاركة الأصلية كتبت بواسطة أم محمد تاج

ممممم نرجوووسة ممممممممم بصحتكم

رولي

ام محمد الله يسلمك
الرولي خرجلك يهبللللللللللللللل

اقتباس:

المشاركة الأصلية كتبت بواسطة أم هبوبة

نرجوسة تسلمي و الترات تهبل
ام طيري الجنة عازفة الناي و ام محمد تاج مشكورين حبيباتي و الفضل لكن جميعا رانا نتعلموا منكم

شكرا هبوبة

touta2010 · 2015-01-01, 20:51

اقتباس:

المشاركة الأصلية كتبت بواسطة أم ماجد

ام ملك انا بكيت وانا كبيرة هههههههههه من الثلج
ليزا بصحتك البيض المقلي
عشانا طون على طريقة ام كوثر امممممم ولا اروع ربي يخليلها حمدان
وبيري دراتها صلاة ومرقاز في الصوص
من بعد نجيبلكم الصور
ام نسرين رحنا لباجة وللعاصمة
لبنات جاني الان كمية قليلة من الزيتون الاسود حابة نخدمو شفت لبنات هنا حطوا الطريقة اللي شافتها تعطيهالي هههههههههههه فضلا لا امرا

اهلين ام ماجد
الاخت moslih 29راهي عاملة موضوع هايل عن الزيتون الاسود بحثي في وصفاتها توجديها
نختصرلك الطريقة بصح لازم تشوفيها احسن

في كيس تاع السميد تاع عشرة كيلو تعملي طبقة زيتون وطبقة ملح قفليها مليح ووضعي عليها حاجة ثقيلة مدة عشر ار خمسة عشر يوم ومن بعد بقي تخلطي في الكيس وذوقي

مياسم75 · 2015-01-01, 20:52

النرجوسة بصحتك البطاطا القصبية كيفاه الذوق نتاعو جامي ذقتها والكيكة تشبه لنتاع أليسون ممممم

عطرالذهب · 2015-01-01, 20:53

اسمحولي والله مزعوجة شوي حتى الردود نقراهم من ننساهم من
ام هبوبة يعطيك الصحة على الخيرات كامل
نرجوسية يعطيك الصحة
ليزابيل راني ضربت طلة على الهدايا ولماعن نتاوعك يهبلو تتهني بيهم ان شاءالله
ويعطيك الصحة على كرم الضيافة اللي جدتي بيه لحماواتك

النرجووسة · 2015-01-01, 20:55

اقتباس:

المشاركة الأصلية كتبت بواسطة مياسم75

النرجوسة بصحتك البطاطا القصبية كيفاه الذوق نتاعو جامي ذقتها والكيكة تشبه لنتاع أليسون ممممم

مياسيم البطاطا دوقها بنين حتى وهي تطيب تطلق ريحة شهية وترت نتاع السون مشفتهاش

اقتباس:

المشاركة الأصلية كتبت بواسطة عطرالذهب

اسمحولي والله مزعوجة شوي حتى الردود نقراهم من ننساهم من
ام هبوبة يعطيك الصحة على الخيرات كامل
نرجوسية يعطيك الصحة
ليزابيل راني ضربت طلة على الهدايا ولماعن نتاوعك يهبلو تتهني بيهم ان شاءالله
ويعطيك الصحة على كرم الضيافة اللي جدتي بيه لحماواتك

الله يسلمك عطورة

مياسم75 · 2015-01-01, 20:56

ام محمد تاج اممم وامممممم وامممممم

kaouka · 2015-01-01, 20:58

النرجوسة تارت خرجت تهبل هتي نلحس كيما تقول ام تاجو ور رولي خرج مممممممممم وشمن وصفا درتي حب نديرو نشاء الله مياسم وعﻻه نتي مديريشهم تقرعيج برك ام تاجو بصحتك شربو وﻻخميرة ممممممم مع ﻻبرد لي ركم فبه هدا ميليق
ليزا الحبوبة وشراكي ﻻباس كنت نقرعج في صلون بصحتك حنونة كلش فور عجبوني عندك ذوق رائع