الأخت yarasmin. 26 ترد على تساؤلاتكم هنا - الصفحة 76

yarasmin26 · 2012-10-02, 16:24

طريقتى في صنع الملفاي شوية صعيبة اعليك لانه تاع المحلات ولكن كاين الاخت ام رامي راهي ديرة موضوع تاع الملفاي او ابحثي عنها في قوقل بالصور باه تعرفي الطرق فقط لانه اذا ماشفتيهمش يصعب عليك التطبيق
تحياتي

لمسة حنية · 2012-10-02, 16:59

اختى يار يسمين شوفي الغربية كيما قتلي عليها درتها طلعت هااائلة وتذوب في الفم
في دار كامل عجبتهم يعطيك الصحة اختى

sarra5 · 2012-10-02, 18:03

ana haba na3raf kifeh ndir le glasage heka

bah yji briallant kima heda

3labali k heda fih briant mais haba na3raf kifeh yji mles w yechra9

sarra5 · 2012-10-02, 18:04

ana haba na3raf kifeh ndir le glasage heka

bah yji briallant kima heda

3labali k heda fih briant mais haba na3raf kifeh yji mles w yechra9

milka40 · 2012-10-02, 22:06

مشكورة و ربي يجازيك كل خير
ممكن طريقة حلوة المخبز انا دجيني ناشفة
و ممكن تقوليلي هاذ العجينة هي بات فووييتي ولا بات فيلو و الرباط هاذا نديرو قبل الطياب ولا بعد

بنت مسلمة · 2012-10-03, 05:43

اقتباس:

المشاركة الأصلية كتبت بواسطة yarasmin26

غرفية زبدة صول ذائبة +كاس زيت+غرفية ناقصة منها 2 اصابع سكر قلاصي+احبكيهم مليح 30 د حتى ترجع كريمة والسر اناعها في الحبيك ثم الفرينة حتى تنتلم العجينة
*واخدميها كيما المقروط يد اجيب العجينة ويد تيديها حتى تتداخل الزبدة في الفرينة *ومنبعد جربي حبة واحدة شكليهاوديري القرفة وطيبها *
**اذا صبتيها شادة روحها كملي كامل العجينة وبعدي بينتهم
**واذا شفتي هذيك الحبة هبطت زيدي اخدميها امليح حتى تتداخل فيما بعضها
**اما اذا صبتيها ناشفة العجينة زيدي شوية زيت غير شوية
في كوشة ساخنة من قبل وكي ديري السنوى زيدي نقصي النار

اختي ياراسمين اريد ان اعرف كم محتوى الغرفية هل اقل ام اكثر من الكاس

ام طيب · 2012-10-03, 11:14

السلام عليكم أختي يرا سمين مواضيع مشوقة جداً بارك الله فيك وجعلها الله مغفرة الذنوب لك مني الف شكر وتحياتي

serine alger · 2012-10-03, 16:34

من فضلك حابة نعرف/هل الفوندون هو نفسو عجينة السكر

ام عصام · 2012-10-03, 22:14

سلام يا اجمل معلمة حبيت نسفسيك كي نحب نخلط الكوكاو ونواد كوكو باه ندير بيه لمخبز وشحال ندير الكيل والسكر شحال ندير ربي يجازيك

ام عصام · 2012-10-03, 22:26

اقتباس:

المشاركة الأصلية كتبت بواسطة milka40

مشكورة و ربي يجازيك كل خير
ممكن طريقة حلوة المخبز انا دجيني ناشفة
و ممكن تقوليلي هاذ العجينة هي بات فووييتي ولا بات فيلو و الرباط هاذا نديرو قبل الطياب ولا بعد

الله يبارك ممكن الرابط لقيتي فيه هاد الحلوة

yarasmin26 · 2012-10-04, 09:41

اقتباس:

المشاركة الأصلية كتبت بواسطة لمسة حنية

اختى يار يسمين شوفي الغربية كيما قتلي عليها درتها طلعت هااائلة وتذوب في الفم
في دار كامل عجبتهم يعطيك الصحة اختى

اسفة على التاخير كنت نخدم المهم خرجتلك روعة بصحتكم تاكلوها بالصحة والراحة مزيد من النجاح والتالق
تحياتي

yarasmin26 · 2012-10-04, 09:47

اسفة اخت سارة 5 على التاخير كنت نخدم
هذاك قلاصاج عادي وزيدي لونيه بالون احمر وكي يبدا ينشف رشيه بقارورة تباع عند اصحاب الي بيعو لوازم الحلويات قارورة ملون فضي وكاين ذهبي وكاين الالون التى تستعمل حين صنع ورود بعجينة اللوز
ومنبعد زيدي بالقلاصاج انتاعك اصنعي خطوط لتزين وتروكيها تنشف

yarasmin26 · 2012-10-04, 09:58

اقتباس:

المشاركة الأصلية كتبت بواسطة milka40

مشكورة و ربي يجازيك كل خير
ممكن طريقة حلوة المخبز انا دجيني ناشفة
و ممكن تقوليلي هاذ العجينة هي بات فووييتي ولا بات فيلو و الرباط هاذا نديرو قبل الطياب ولا بعد

هي وصفة عادية تاع المخبز ولكن كي تلمي العجينة
**ديري 2 صفار بيض والباقي بيض كامل ومضرب ولكن لازم العجينة مجيكش جارية لازم تبقى شادة روحها باه تشد لافورم

**وتكوني موجدة السيرو عادي ومعطر بكثرة بعصير الليمون واغطسي كل الحبة في السيرو عند خروج الحلوى من الفرن
** ثم وجدي قلاصاج انتاعك ولونيه بلون وردي فاتح وضعي وردات وكي يبدا ينشف فوني اعليه بالناكخي او اشري من عند اصحاب الي بيعو لوازم الحلويات قارورة تشبه الناكخي قوليلو اجي كي الفشفاشة وفيها عدة الوان وانت اختاري لون الفضي لماع وخليه حتى ينشف فانه جاهز
*** اما بالنسبة لحلوى 2 هي عبارة عن عجينة فيلو وقطعيها مربعات واضغطي اعليها من الجوانب مليح باصابع وضعي العقدة والمكسرات انتاوعك وكي اطيب منبعد عسليها وزيني الحواشي بالسلك الي يحزمو بيه ورق منشف tourchant
تحياتي

yarasmin26 · 2012-10-04, 10:05

اخت بنت مسلمة
الغرفية اكثرمن كاس وهي الصحن تاع الشوربة لشخص واحد

yarasmin26 · 2012-10-04, 10:10

اقتباس:

المشاركة الأصلية كتبت بواسطة serine alger

من فضلك حابة نعرف/هل الفوندون هو نفسو عجينة السكر

لا كل واحد لما يستعمل
الفوندا عبارة عن قلاصاج يستعمل لميلفاي ويضاف لقلاصاج باه يصبح قلاصاج طري
عجينة السكر وتستعمل كا طبقة لتارت لتزين طبعا وتشكل ورود وازهار لتزين الحلويات والتارت