الجزء 96 من واش طيبتي ,,,,ابداع حراير الجلفة تفضلوا غالياتي - الصفحة 76

oum radja · 2014-11-09, 23:25

ام ساجد وزهرة وام سراج يعطيكم الصحة خرج ليكم الخبز روعة

oum radja · 2014-11-09, 23:27

تصبحو على خير وليلة سعيدة
ام تاجو رايحة تنوم روحها طيب في الخبز ههههههههههه

ام سراج وملاك · 2014-11-09, 23:32

لبنات اسمحولي بسيف لطلعولي التصاور من كارت ميموار نتاع الة التصوير هاهم الصور لي وعدتكم نتاع عاشورة خويا هاذم لي لقيتهم لخرين مخرجوليش

لبنات هاذا قاطو كحلوشي الوصفة قديمة نديروه ملي كنت صغيرة وزاكي بزاف طيحلي 90 حبة لي حبت نعطيلها الوصفة والتزين زينتو عادي نتاع زربة

هاذي الحبة مقسومة باش تشوفو الحشوة

وهذا قاطو الشمعة جربوه متندموش يحمر الوجه وبنين وساهل جرباتو اختي وزدت انا

هنا متضحكوش تورتة سروجة درتها بالزربة خطراه التورتة لي شريناهالو مفيهاش اسمو لبزتلو هاذي درت كرام شونتي ذوق البنان خطراه يحبو

ام سراج وملاك · 2014-11-09, 23:35

لبنات نخليكم تصبحون بالف خير من صباح وانا نحاول نحط الصور هاذا وين كتب ربي غدوة ان شاء الله متنساوش التعليق ام رجاء تصبحين بالف خير حبيبتي غدوة اذا كان االمنتدى مليح نراجع واش فاتني

awladi · 2014-11-09, 23:39

اقتباس:

المشاركة الأصلية كتبت بواسطة أم محمد تاج

سلالالام ياغاليات وصح عشاواتكم كامل كامل

ام ياسووو اللومبة تاعك شاعلة واقيلا راكي تستناي في الشماتة اخص اخص ههههههههه
الخبز ماصلحلييييييش خلالالالالالاص ماعرفتش المشكل وين ماطلعش وماتفخش خلالالالالالالالالالالالاص مع انو البنة يهبل يهبل بصح خسارة درتلو التاويل وفرحانة اوووووووووو بصح واااااااااع طيبت اربعة الاوليييين طلعو بصح ماتنفخوووووووش بقات كي شغل عجينة بيتزا وكي دخلت لقيت ام ساجد حطت طريقة الطياب وجربتها في الزوج اللخرين بصح والووو ماتحركووووش
غدوة نحط الصور بصح بدووووون تعليييييييييييييق

معليهش خيرها في غيرهايمكن درتي الماء سخون راه يقتل مفعول الخميرة ولا الخميرة قديمةولا كي خمرو خمرو زيادة زيدي شوفي في مواضيعي على المطلوع يمكن افيد شوية وموفقة مرة اخرى راه اسهل مايكون هو المطلوع

khaoula90 · 2014-11-09, 23:43

اقتباس:

المشاركة الأصلية كتبت بواسطة ام ساجد

الله يسلمك اختي

الخفاف

كاس ماء دافئ + ملعقة طعام خميرة خبز +ملعقة سكر نخلطهم مع بعض ونخليها 10 دقائق ونضيف كاس ونصف فرينة وملح ونخلط بملعقة خشبيةونخليها تخمر ولما تخمر نهبطلها الخمور بمغرفة الخشبونكرر العملية مرتين والثالثة نشكل طول نبلل يدي بالماء ونهز بالشوي عجينة ونحط في الزيت سخون وبالصحة

ربي يحفظك غدوة انشالله نجربووووو يا رب يصلحلي

awladi · 2014-11-10, 00:01

يعطيكم الصحة على الخبز راكم دايريين حالة به ام سراج بارك الله فيه على الصور والوصفة حطي بلاماتشاوري حنونة عيد سعيد لسراج والتارت واش اخصها هايلةام سهام يعطيك الصحة على اطباقك الي ماتتشبعش ام ياسو بصحتكم الخبز راكي شاطرة بسلامتكام تاجو شفتي العجايز واش خرج منهم هذي تكون غير عين وخرجت فيكام رحاب ربي يجيب الشفاء لاختك واطباقك رائعة اممممممممممممممم من صابني عندك مع ام تاجو اليوم رقدت بالقنطة غاضتنيبارك الله فيكم كامل وعلى طيباتكم ام ساجد امممممممممممممممم يعطيك الصحة على الخيراتزهرة بصحتكم شهتني كسرتك قوليلي طريقتك من فضلكاليو م درت اللامونة للقهوة وهذا عشانا الصور ماحبوش يطلعو حشمو منكم

أم ريمة* · 2014-11-10, 00:01

ام رجا وام سراج وزهرة وام ساجد وام ابراهم وام ياسين وام سهام الكل جاكم الخبز هايل يعطيكم الصحة
ام سراج يعطيك الصحة كلش يشهى والتورتة ثانى هايلة يعطيك الصحة والوصفة حطيهامن فظلك ام محمد انا نظن لخميرة ما هيش مليحة اشرى وحدة اخرى وعاوديه قبل ما تدى 0وترسبى مجموعة الصبايات لعزايز رانى نشوف فيهم الكل 20ههههههههههه
دائمة الحمد غايبة ان شاء الله يكون المانع خير

awladi · 2014-11-10, 00:14

باقي الصور حاجة خفيفة تصبحون على خير وخلونا بلاصة لغدوة باه ندخلو ماتعمرولوش كشرو للمنتدى واحنا احاوزنا حتى لليلام رجا امممممممممممممممممممم الخبز جاك روعة بصحتكم

ام سهام 02 · 2014-11-10, 05:39

اصبحناواصبح الملك لله

ام سراج الله يبارك كلشي هااااااايل والتورتة تشهي

ام ساجد وام رجا وزهرة وام سراج يعطيكم الف الف عافية على الخبز جاكم كامل شباب فرحتو اسرتكم

اولادي الحبيبة طيابك كعادة مشهي ومرتب يسلموووووو

ام ياسو بارك الله فيك على فكرة الخبز يطيب فوق الطاجين جاك روووووعة بصحتكم

الاخت هاجر اطباقك راااااااائعة تسلم ايدك
ام تاجو الحبوبة الفحلة انظن خالتيه فاتو الخمور وتصرى كامل معنا

ام سهام 02 · 2014-11-10, 06:01

اختي التوام ام رحاب انا ثاني توحشتك ركي عارفة المنتدى كل مرة ايجي حالو ما يخالنا ش ندخلو

ام ساجد خبزك جاك خير من خبزي وراني سرقت من عنذك الفكرة هههه

عازفة الناي ربي يعطيك ما تتمناي على ردودك الطيبة

مرام الغالية ربي يشافيك ويعافيك وينولك لفي بالك ويجازيك خير على المجهودات والمساعدات لراكي تقومي بها

زهرة خموس على الامورة ربي يحفظها غيرتني باينة شابه كما ماماها

بشورة العزيزة دايما تفرحني بتطبيقاتك وكلامك الزين كما انت ربي يفرحك دنيا واخرة يااااارب

دائمة الحمد · 2014-11-10, 06:12

اسعد الله صباح كم
الإنترنيت كانت مقطوعة كي نضت الصبح لقيتها كائنة لبارح في الليل راجعت شوي بالصح الردود ماحبوش يفوتو
ماشاءالله على تطبيقاتكم للخبز راهي روعة طيباتكم تشهي أنا اليوم بحول الله معولة عليه
أم تاج واقيلا راكي تبعدي في العين أنا نظن رآه جاك تحفة وراكي شايخة بينا
كروكو أم ماجد رأوه عامل حالة أنا كنت راح نقترحه للكوزينة الجاية بحول الله
أولادي ليك وحشة كبيرة عزيزةي وتسلم الأيادي
عطورة ما شفتههاش كي راجعت ان شاء الله خير
أن شاء الله يفوت الرد راني نكتب ونزرب لا تروح النت
ام سهام أحلى صباح عزيزتي

ام سهام 02 · 2014-11-10, 06:21

صباحك فل وياسمين اختي دائمة الحمد ليك وحشة عزيزتي

الأمنيات · 2014-11-10, 06:55

السلام عليكم واسعد الله يومكم
عن أبي هريرة - رضي الله عنه - أن رسول الله ﷺ قال : « من قال لا إله إلا الله وحده لا شريك له ، له الملك وله الحمد ، وهو على كل شيء قدير في يوم مائة مرة ، كانت له عدل عشر رقاب ، وكتبت له مائة حسنة ، ومحيت عنه مائة سيئة ، وكانت له حرزاً من الشيطان يومه ذلك حتى يمسي ، ولم يأت أحد بأفضل مما جاء إلا رجل عمل أكثر منه

أم ياسين الزهراء · 2014-11-10, 07:40

لا إله إلا الله وحده لا شريك له ، له الملك وله الحمد