وصفات حراير الكوزينة الجزء الثاني - الصفحة 75

idron0 · 2015-09-18, 17:32

المشوك المعسل سوسو المغتربة

250غ زبدة كاس سكرارطب كاس كوكاومحمص و مرحي شوية خشين مغرف صغيرة خميرة ولا فاني
2صفار بيض وتلمي بالفرينة و تشكلي كويرات صغار شوية وتمرغيهم في البياض وتمرمدي في كوكاو مرحي وتحطي في لي كيسات صغار وتطبيهم 180درجة و توجديلهم لعسل يكون خاثر كيف تاع البقلاوة تسقي كل حبة بالمغرف مباشرة كي تخرجيهم من الفرن وتخليهم يتشربو وباعد تبدليلهم لي كيسات شهية طيبة
بالمناسبة انا ندير نصف كاس سكر ارطب باش نتفادى لحلاوة بزاف لانو راح يتعسل.

idron0 · 2015-09-18, 20:43

sicilienne sfincioneالخبز لايطاليmoka lahna

في 450 ملل ماء دافئ ضعي 2 ملاعق صغيرة خميرة الخبز الفورية و ملعقة صغيرة سكر و اخلطي قليلا و خليها ربع ساعة حتى تطلع
في اناء ضعي 6 كؤوس فرينة مع شوية ملح و 4 ملاعق زيت زيتون و حكي قليلا ثم زيدي الماء الي درتي فيه الخميرة و اعجني باليد و رايحة تكون العجينة شوية قاسية ثم زيدي 2 ملاعق ماء دافئ و اعجني لغاية الحصول على عجينة طرية و ليست جارية و تحسيها ناعمة و تصدر فقاعات هواء, هنا غطيها و أتركيها ساعة الى ساعة و نصف تخمر جيدا
بعد أن تخمر اشعلي الفرن على أقصى درجة ممكنة و ادهني الصينية و دخليها للفرن (لاااازم الصينية تكون سخونة)
لهذه المقادير رايحة تجيك 8 حبات خبز يعني ممكن تنقصي المقادير اذا ما حبيتيش تكثري
قسمي العجينة الى 8 كرات و أبسطيها مباشرة على الصينية الساخنة (بالاكي تتحرقي)

إضغط هنا لرؤية الصورة بحجمها الطبيعي.

ادهني الوجه بخليط زيت زيتون مع فص ثوم مبشور مممممممم يهبل, ثم ادهني الجوانب بصفار البيض هكذا

إضغط هنا لرؤية الصورة بحجمها الطبيعي.

ديري عليها طماطم مقطعة مربعات و أيضا بصل مقطع مربعات و فوقها جبن مبشور الي يكون متوفر عندك و زيدي عليه زعتر يابس مرحي
(أريغانو) و ريحان يابس مرحي

إضغط هنا لرؤية الصورة بحجمها الطبيعي.

دخلي الصينية للفرن الي يكون ساااااااااااااااااااخن و ما تخذش وقت يعني 10 دقايق من التحت و 7 دقايق تقريبا من الفوق هاذا اذا كان الفرن تاعك قاوي
يطلعلك أشهى خبز و الريحة مممممممممم رووووعة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-09-19, 11:53

كيكة ام محمد اسلام الله

المقادير
اربع بيضات كاس فلون القو لي تحبي انا دارت بانان تخبطيهم مليح مليح حتى يطلعو من بعد اتزيدي نصف كاس اتاي زيت وخلطي مليح من بعد زيدي كاس لبن وخلطي وواحدة خميرة كيمائية والفرينة حتى توالي كيما خليط الماسكوتشو خلوها خفيفة شوية ودخليها اطيب كي تخرجيها زينيها بالنيسلي ان زادت عليها لوز مدشش راهي تجي روعة تحسيها من الدخل مشمخة.

إضغط هنا لرؤية الصورة بحجمها الطبيعي.

idron0 · 2015-09-19, 11:56

قاطو النستلي ام ساجد

500غ زبدة +200غ سكر ناعم نخلطهم جيدا ونضيف 2بيضاة ومغرفة فاني وفرينة وقرصة ملح وقرصة خميرة حلويات
نتحصل على عجينة طرية نشكل كور ونحلهم في لمول تاع الحديد ونثقبهم بالشوكة وندخلهم للفرن
يطيبو ونخليهم يبردو
الحشو : نستلي كراميليزي ونصب ملعقة شوكولا ذائبة والتزيين حسب الرغبة.

إضغط هنا لرؤية الصورة بحجمها الطبيعي.

idron0 · 2015-09-19, 15:45

صابلي بالفلان روضة 88

المقادير
250غ لابل 2 باكيات فلان فاني كاس سكر رطب فاني 2 خميرة 3بيضات فرينة.
طريقة التحضير
في وعاء نضع زبدة و السكر نخدمهم مليح باليد ثم نضيف الفلان و نخدم مليييييييييييييح حتى يمتزج الفلان و ميبقاش حبيبات نضيف الفاني والبيض واخيرا نضيف الخميرة والفرينة حتى نتحصل على عجينة طرية .
نطرحها بالحلالة انا ديما نضح العجينة بين النيلو في الوسط و نطرح العجينة هكذا لانعدام تشقق العجينة هذي نستعملها مع جميع الحلويات .
ثم نطبعها مربعات مش مثقوبة وندخلها تطيب .
المرحلة النهائية
نلصق كل 2 بالمعجون ومن فوق ندير نصف شيكولا ذائبة و نصف معجون و كوكاو مرحي طبعا التزيين بالمائل .

idron0 · 2015-09-19, 17:57

الكتف lyzzabel

انا تتبييلتي سهلة و بسييييطة ،، شوفيي بوااسطة مووس يكوون pointu ثقبي الكتف من كل الجهااات و وجدي سنااات ثووم صحااح يعني مشي مقطعيين ،، دخلييهم في هدووك الثقب لي درتييهم و من جهة أخرى وجدي التتبييلة لي هي كمية من المارغريين او الزبدة و حطي فييها الملح حسب حجم الكتف و زيدي فلفل أسود و بسسسسسس ،، خلطي التتبييلة ملييييح بالمغرف و ادهني الكتف من كل النوااحيي ريكتو فارسوو خخخخ و حطييها فالبلاا و ديري كمية قليييييلة من المااء و كيما قلتلك مقصي كيس الشوااء و غطيهاا و زييدي بورق الألمنيوووم و دخلييها لفرن سخوووون ،، كي تبدي تشمي في رييحة شااابة و بنيينة نقصيي شوية هههه و خلييها تطييب و ساعة ساعة طلي علييها لااكاان تنحرق ،، ديرييها تطييب بكريي على حراارة هاادية شوية باش ما تزيدييش الماء و تطييب زبدة مممممممم ،، و كااين لي يكتروو التواابل فاللحم ،، انا هادي تكفييييني و نصصص اللحم بنييييين وحححده و التواابل يدرقو البنة تااع اللحم خااااصة المحمر او المشويي في الفرن و تنجمي حتى الثووم و ما تديريييهش رااه يجي بنيييييين قلتلكم هههه.

idron0 · 2015-09-19, 20:25

معمول ام محمد اسلام الله

250غ مارغرين مع نصف كاس سكر قلاصي واخدميهم مليح بيدك من بعد زيدي ملعقة كبيرة فاني واربع ملاعق كبار مايزينة وخلطي مليح وكاس اتايي حليب نورمال ومبشور قارص ولمي بالفرينة من بعد اتشكيل راكي تعرفيه ديري كويرة حليها واحشيها بكويرة تاع غراس مدوي وديريها في مول المعمول وكي تخرجيها من الفور هيا سخونة رشيها بالسكر قلاصي اتجي اوب في الفم
نصيحة ختي طيبي الحبة الاولة وشوفيها ادا هبطة زيدي الفرينة للعجينة هههههههه ديري تاست للعجينة باش متحشيهالكش.

om kamilia · 2015-09-19, 22:20

ربي يجازييك كل خير ايدرونو

idron0 · 2015-09-20, 09:29

اللحم المفور ام ياسين الزهراء

ديري اطراف اللحم اللي حابتهم في حاجة وتبليهم الفاح الفلفل الاسود الزنجبيل بودرة الثوم العكري الهريسة والطماطم حب مقطعة والبصل والثوم وطماطم البواطة والرند والملح والزيت والزعيترة والكركم واكليل الجبل والموطاردالمهم كل التوابل اللي عندك الا الكمون والقرفة مايعجبونيش يييييييييييي وخلطيهم مليح مليح بيدك وخليهم يطولو يعني ديري في الليل وحطيهم طبعا في فرجيدار وفي الصباح احكمي طرف اللحم مع التتبيلة وحطي في ورق الالمينوم واقفلي وهكى حتى تكملي الكل ودا تحبي كيما راهم ينبهونا ديري في ورق النيلو تاع الطبخ ومنبعد في اللا ليمنيوم وحطي في كسكاس وغطيه بمغلاق وخليه يتفور المهم كثري الماء في القدرة راهو ياخد ساعتين ولا 3 طياب وديري معاه روز ولا فريت .

idron0 · 2015-09-20, 12:54

الخشخاش ام ساجد

4كيلات فرينة بكيله سمن انا ندير مارغرين ذايبة وذرة ملح ونجمع بماء الزهر كيما عجينة البقلاوة
نقرصها ونخليها ترتاح مليح
نحل بالقرصة ونقطع شرايط ونقلي نرمي راس الشريط في الزيت ونحكم بالشوكة ونقلي
وبعد ما تبرد نعسلها انا نصب عليها مانحبش نغطسها ونذرذر جلجلان

idron0 · 2015-09-20, 13:09

الغريبية لم سراج و ملاك

الوصفة نتاعها تجي بالابال 500 غ بصح طريقة التحضير زي تذوب لابال وتخليها تبرد ومبعد تهز الزبدة ترجعها في لباط الفارغ بصح تهز من فوق باش لتحت متهزوش الماء هذاك لي يبقا في الزبدة ومبعد تحطو الباط نتاع الزبدة في المجمد يبات وكي تجيو تخدمو لغروبية اقليو الفرينة وخليوها تبرد وزيدو الكاوكاو مرحي غبرة الكمية لي حبيتوها نص رطل او رطل والسكر الارطب تكيلو باط مارغرين فارغ ناقص زوج صباع منو يعني حوالي 400غ كي تخرجوزبدة من المجمد طلعوها بالباتار مع سكر الارطب زيدو الكاوكاو والفرينة المقلية بشوي حتان تتلم لعجين بالنسبة للفرينة متقليوش كيلو كامل خطراه قادر الكمية نتاع الزبدة متجيش فيها كيلو فرينة كامل ومبعد اطبعوها عادي بالطابع ومن الاحسن كي تجيو تطبعو لغروبية اطبعوها فوق صاشي نيلو يعني ضاشي نيلو ومبعد لعجين وفوقها صاشي وتحلوها بالحلال وتطبعو اي شكل قلوب او مربعات خير باش تتهزلكم بسهولة او ديروها مقروطات او في طابع المعمول ولا اي طابع يكون مليح ماشي مشكل الغروبية لي في الصورة طبعتها في طابع دائري وفي الوسط دارت وردات صغار حطتهم ودارت حبات حلوة صغار ملونين شفتو واش نحبكم حطيتلكم الوصفة خطراه عجبتني بزاف لتحب لغروبية ديرها انا عجبتني مع ذقتها لقيتها تذوب في الفم وبنية

إضغط هنا لرؤية الصورة بحجمها الطبيعي.

idron0 · 2015-09-20, 15:47

حلوى بالنواد كوكو دائمة الشكر

ثلاثة حبات بيض كاس سكر كاس زيت لفاني ولا قشور القارص
باكي ونصف خمارة الحلوة وتلمي بالفرينة العجينة أجي كيما الصابلي طرية
شكلتها كرات درتهم 28 غ وكي يطيبو
غطستهم في معجون مخفف بماء الزهر ورمدتهم في نواد كوكو
هي غطست الوجه فقط فالمعجون ورمدت فالنواد كوكو.

إضغط هنا لرؤية الصورة بحجمها الطبيعي.

idron0 · 2015-09-20, 18:46

الاكلير بالزيت oum ibrahim

هذه الوصفة انت الي تتحكمي فيها يعني اذا حبيتي كمية كبيرة ديري كيلة كبيرة و اذا حبيتي كمية صغيرة صغري الكيلة
كيلة ماء
كيلة حليب
كيلة زيت
الفرينة حسب الحاجة
باكي خميرة هذه انا ضفتها تعلمتها من وصفة فلة
البيض حسب الكيلة اذا كبرتي الكيلة تحتاجي البيض بزاف و اذا صغرتي اقل
في كاسرونة فوق النار نحط الزيت والماء و الحليب لما يغليو ننزعهم من النار و نضيف الفرينة مع باكي الخميرة بالتدريج حتى نحصل على عجينة طرية و متماسكة كتلة واحدة ماشي ناشفة بزاف و اذا لقيتيها ناشفة تقدري تزيديلها شوية ماء دافئ
نبدا نضيف البيض بالواحدة انا كبلت بكاس 125 ملل استعملت 3بيض
ندير العجينة في لابوش ادوي و نشكل اصابع او وردات في صينية فرن مفرشة بورق الطهي و ندخلها لفرن مسخن مسبقا 180 درجة و نخليها تطيب و ما نحلش عليها الفرن ابداااااااااا حتى نشوفها انتفخت و تحمرت 25 دقيقة او اكثر حسب الفرن
نخرجها و نخليها تبرد ثم نفتحها و نحشيها بالكريمة حسب الدوق ممكن كريم شانتيي او كريم باتيسيير او كريم موسلين و نزيناها من فوق بالشكولا او الفوندون او نرش السكر الناعم و شهية طيبة.

إضغط هنا لرؤية الصورة بحجمها الطبيعي.

أم هنيدة · 2015-09-20, 19:04

صور الاكلير بالزيت oum ibrahim

idron0 · 2015-09-20, 19:36

مخبز الكاوكاو و النوادكوكو yasmalak

هي الوصفة تاع حرة الاغواطيات و القلاصاج انا ندير تاع اماني
كيلو كاوكاو مرحي رقيق و مغربل خلطيه مع زوج حبات بيض و كاس سكر و كاس حليب و تلت ارباع كاس زيت و وحدة خميرة تاع الحلوى و فاني و زاست تاع حبة قارص و 200 غ زبدة دايبة و لاغوم تاع اللوز مر و لمي ب 500 غ نوادكوكو مرحي و اعجنيييه ملييييح بيدك باش يدوب السكرو خليه على الاقل زوج سوايع باش تبداي تخدمي فيه و شكلي الشكل اللي تحبي و طيبيه بين10 و 15 دقيقة
القلاصاج كيما قتلك ندير هدا قدمااا يبقعد ما ييبسش و يجي يبرق بلا ناكحي كيما هنا مادرتش الناكخي ديري كيلة صغيييييييييييرة تاع قارص مصفي و نفس الكيلة حليب و كيلة زيت و كيلة ماء زهر وزيدي معاهم الكولوغون اللي تحبي و زيديلهم السكر مغربل وخلطي بالمغرف حت يتقاال ما لازمش يكون خفيييييف باش ما تتعراش الحبة.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.