الجزء 82من واش طيبتي اليوم**تحضيرات العيد** - الصفحة 75

om mari · 2014-07-28, 14:12

كل عام و أنتن بألف خير تعيدو و تزيدو

بشرى2008 · 2014-07-28, 14:16

أهلا وسهلا بيك ام ماري وصح عيدك تعيدو بالصحة والهناء ان شاء الله

om mari · 2014-07-28, 14:26

صح عيدك بشرى 2008 و كل عام و انت بألف خير

biba04 · 2014-07-28, 14:41

صحا عيدكم وكل عام وانتم بخير
وتقبل الله منا ومنكم صالح الاعمال

منصفاف · 2014-07-28, 14:44

awladi · 2014-07-28, 14:51

مساء النور صحة عيدكم ربي يتقبل منا صالح الاعمال يارب وينعاد عليكم باليمن والخير والبركات سلامي لكل واحدة واولادها و اهلها وناس الغربة
سلامي للغائبات الكل بدون استثناء يارب يدخلو اطمنونا عليهم

دائمة الحمد *ام ماجد*بشرى*سهى *ليزابل*ريتاج *حنان*فريال*مليحة العرب والكل الي حطو حلوياتهم يعطيكم الصحة راهي روعة
مافطرناش اليوم هههههههههههههه
العشاء درت كيلو جلبانة مع لحم غنمي وعجنت المطلوع طاب وخلاص وسلايط وفواكة وعصائر ومشروبات غازية
راهم جايين عايلات عندي يتعشاو ان شاء الله
شهيتوني بالطعام اممممممممممممممممم راني غير نشم فيه ولا الرشتة حطو نتمتع شوية وناكل

منصفاف · 2014-07-28, 14:52

عيد سعيد للجميع نهال 89 هذا الصحن سبيسيالمو ليك بالصحححححححححححححة راني تعلمت نحمل الصور و اخيرا https://im44.gulfup.com/xemr5w.jpg

فراشة الجنة · 2014-07-28, 14:55

تقبل منا و منكم

awladi · 2014-07-28, 14:58

حلوة منصفاف
امممممممممممممممم راهي تشهي بصحتكم راني اديت حبة

lyzzabel · 2014-07-28, 15:33

السلام عليكن حبيباتي عيدكم مبروك و كل عام و نتوما بألف خير و صحة و عافية بسلامتكم و سلامة أزواجكم و وليداتكم و اهلكم و أحبابكم و ينعاد علينا و على المسلمين بالفرحة و الهنا و السلام يارب

اسمحولي ما غافرتكمش الصباح ما لحقنيش الوقت و زيد منصف ماعلاباليش قاع ماله راه غير يبكي ما بغاش قاع يسكت

هذو حلوياتي لي درتهم للعيد ما كثرتش درت للفال و كان شقا كبيييير مع منصف زعما غير بالسيف و القلب حامي هههههه الحمد لله ربي يحفظلي وليداتي و وليداتكم اميييين

و للفطور درت الرقاق بالجاج و سلاطة و الحمد لله على نعمه حمدا كثيرا طيبا مباركا فيه

اللهم لك الحمد كما ينبغي لجلال وجهك و عظيم سلطانك

Simassim · 2014-07-28, 15:42

مساء الخيرات ربي يدوم أفراح كم شكون لي تجئ تونسني بكأس تاي كيما يحبو الخاطر
لي رآها عند والديها ولا دار شيخها قلها تبوسهم وتسلم لنا عليهم ونقول هم صح عيدكم وماينساوناش يدعي ولنا البركة فيهم ربي يبارك ويطول أعمارهم ويدوم لمتكم بين حبابكم

Simassim · 2014-07-28, 15:49

اقتباس:

المشاركة الأصلية كتبت بواسطة lyzzabel

السلام عليكن حبيباتي عيدكم مبروك و كل عام و نتوما بألف خير و صحة و عافية بسلامتكم و سلامة أزواجكم و وليداتكم و اهلكم و أحبابكم و ينعاد علينا و على المسلمين بالفرحة و الهنا و السلام يارب

اسمحولي ما غافرتكمش الصباح ما لحقنيش الوقت و زيد منصف ماعلاباليش قاع ماله راه غير يبكي ما بغاش قاع يسكت

هذو حلوياتي لي درتهم للعيد ما كثرتش درت للفال و كان شقا كبيييير مع منصف زعما غير بالسيف و القلب حامي هههههه الحمد لله ربي يحفظلي وليداتي و وليداتكم اميييين

و للفطور درت الرقاق بالجاج و سلاطة و الحمد لله على نعمه حمدا كثيرا طيبا مباركا فيه

اللهم لك الحمد كما ينبغي لجلال وجهك و عظيم سلطانك

اممممم كل شي راه يشهي تبارك الله
اقراي على ولدك أية الكرسي والمعونات خطرات غي من الفرحة الكبيرة لي يحسوها مايقدروش يعبروا عليها ان شاء الله يهدأ

lyzzabel · 2014-07-28, 16:01

ميمتي الحبيييييبة ام ريااااض وااااااع حتى لليوم باش بنتي الحمد لله راكي بخير كنت نبعثلك رسائل مي الصندوق تاعك كان معممممر و علااااش ما طمنتينيش و خليتيني نتوحشك قاع هاكا ،،، عيدك مبرووووك و كل عام و نتيا و الاولاد و ابو الاولاد بخير ،،، موااااااح كبيييييرة طوييييييلة و عرييييييضة هههههه ربي يحفظك و يخليك ليا

ام ماجد الله الله على ديك الطاولة تهبل يعطيهم الصحة بنياتك ربي يفرحك بيهم

ميمتي الحنينة ام رحاب و عيدك مبارك و اسعد ينعاد عليكم بالخير و الصحة و الهنا ربي يفرحك ببنياتك ياااارب مواااااااااح

داءمة الحمد الله يبارك الحلويات روعة و الصينية اروع بصحتكم و بصحتهم ضيافك و بلغي سلامي لكل العاءلة

عطوووورة يعطيك الصحة الحلويات فييييلم و سلميلي على الوالدة و قوليلها غريبيتك تشهي و بصحتك الفطور في دارك

اولادي و سيماسيم و سارة و ام انووووستي و ام انس و كل المغتربات صح عيدكم يا الغاليات تعيدو و تزيدو ربي يدوم لمتنا يارب

ام راضية القاتو خرجلك روعة يعطيك الصحة و عيدك مبروك حبيبتي

سبحان الله و الحمد لله ولا اله الا الله و الله اكبر
اللهم ارحم شهداء المسلمين في كل مكان و انصر الاسلام و المسلمين على اليهود و الصهاينة و انتقم منهم شر انتقام

أم ملك · 2014-07-28, 16:19

ليزا صح عيدك و وليداتك و مولا بيتك و كل أحبابك
ما شاء الله كل شيءيشهي من يديك حنونة
راني حطيت القاطو في بالي قاع ما شفتيهش

lyzzabel · 2014-07-28, 16:28

سيماسيم شكرا حبيبتي ،، صح القران خير دواء برك مين يشطني نتلف القراية استغفر الله بصح باباه قرا عليه مي مازال غير كيفكيف ربي يجيب الخير انا لوكان يكمل هاكا نهبل

ام ملك ربي يخليك حبيبتي هذا من ذوقك ،، واه كليكيت على الرابط مين حطيتيه البارح بصح ما شفتش اسمحيلي والله منصف ما خلالي عقل ،، راني ضربت طلة و خليتلك رد ،، يعطيك الصحة و عيدك مبروك