دورة فراشات تزهو بالألوان بيوتهن قمة في النظافة و التنظيم و التدبير و الاتقان

[حبيييبة]

المشاركة الأصلية كتبت بواسطة أم هبوبة

اختي حبيبة راني متأخرة عخليكم لكن الظروف الي كانت عندي منعتني بالتواصل معكم ومع موضوعك القيم و الشيق
فيما يخص الميزانية انا عاملة لكن مشكلتي لا استطيع ان أ أوفر من راتبي مع العلم ان زوجي هو الي متكلف بالمصروف من الخضر و اللحم حتى الغاز و الكهرباء و الماء هو الي يخلصهم
حاولت كثيرا نزير على روحي لكن بدون فائدة نخلص الراتب نتاعي قبل الشهر و المشكلة يروح في حوايج تافهين مين نقعد نشوف واششريت لا اجد شيئا له فائدة

المشاركة الأصلية كتبت بواسطة أم هبوبة

اختي حبيبة انا بيتي صغير متكون من غرفتين و صالة و مطبخ لكن مساحة البيت صغيرة
مثلا في غرفتي كنت عاماة دولاب للملالبس عنده 6 ابواب لكن المشكل انه اخدلي مساحة كبيرة من الغرفة و الداخل ما يرفدش ا و فيها الفراش نتاع عرسي و نموسية نتي مين كانت صغير ة

واش عملت خرجت الدولاب و عملت بلاكار في الحائط وعملتله مساحة واسعة الداخل باش يرفدلي الحوايج و نموسية بنتي فكيتها و خرجتها وقلت كاش واحدة تولدو تحتاجها نمدهالها اما الفرش ففي الغرفة الثانية كنت عاملة lits superposé لاولادي صغار لكن ا ما حبوش يرقدوا فيهم خرجتهم و عملت ثاني بلاكار في الحائط باش نرفد فيه الفراش و نغلق عليه باش ما يبانش و الغرفة تبان منظمة و توساع لانه احيانا يجو عندي ضياف النساء و الرجال لازم تقسمهيم الرجال في الصالة و التساء كنت ندخلهم لهدا الغرفة لكن كانت مضيقة حتى الجماعة ما كانتش تجي مليحة
و عملت بلاكار في البلكان نلم فيه الحوايج الي ما نحتاجهمش
و رايحة نفرز الحوايج ان شاء الله و نخلي غير الي نتحتاجه

اهلا اهلا بالحبيبة أم هبوبة
اهلا و الف مرحبا في ركب الفراشات
ماشاء الله عليك
راكي مرأة مدبرة من الطراز الرفيع
حسن تدبيرك فبيتك ممتااااااز
ماشاء الله عليك
و ان شاء الله رايح سينعكس تميزك هدا على تدبيرك لشهريتك
لازمك فقط تتبعي بعض التعليمات
و النصائح اللي رايح تفيدك للتوفير من راتبك
ابشري حبيبتي

[حبيييبة]

المشاركة الأصلية كتبت بواسطة أم فاطيمة

السلام عليكم فراشات ملونات الله يبارك فحلات كي نحلات ماشاء الله راكم مزهييين الحالة
شي بيبا الله يبارك فيك و في افكارك ربي يخليلك وليداتك
ام سلمى لمادا الاعتذار و الانسحاب يا اختي رانا هنا باش نعاونو بعضانا سالي و ما تحشميش راكي بين خواتاتك
ام صابرين ماكان حتى روتين لولاد الضياف لازم تحمري عيينيك و توصي ولادك باش يعسو صوالحهم و ما يخرجوش لجوي
نتعهم حتى يكون وحدهم على خا طرش كي ولد الدار فبيح يعانده الضيف و العكس صحيح
برنامجي ماشية عليه و الحمد لله برنامج الاكل تغيير على حساب واش يحبو لولاد مع بعض المساعدات
تنظيف و ترتيب غرفتهم و تغيير الديكور كي نكملو نحطلكم الصور هذ الاسبوع عندنا عرس
راكم عارفييين تغيير لون الشعر و تنظيف عميق للوجه
و بعض الخرجات للتسوق كل مرة ندي واحد عندي 3 ربي يخليهم لكبيرة 12 و9و 5 شي بيبا ياريت تعطيني بعض الافكار
و الاشغال اليدوية تناسب اعمارهم
اهما يلعبو مع بعضهم غميضة و كرة اليد و ارجوحة خدمهالهم باباهم االرسم و التلوين
هدا واش تفكرت

فراشتي الرشيقة أم فاطمة
واش راكي حبيبتي ان شاء الله بخير
كلامك راائع و صحيح 100%
و انا اضم صوتي الى صوتك في هذا الامر
شكرا على نصائحك حبيبتي
ربي يخليك لينا ياارب
تعجبني النصائح اللي تكون نابعة عن تجربة محضة و خبرة

الله الله على الاناقة و التفحفيح
احم احم سيدة الحسن و الدلال راهي منورتنا
ماشاء الله لا قوة الا بالله
بصحتك العرس غاليتي
استمتعي بوقتك و بثقتك بنفسك حبيبتي
و ربي يخليلك وليداتك و يفرحك بيهم ان شاء الله
افكارك في تربيتهم ماشاء الله تعجبني

[دائمة الشكر]

السلام عليكم راني متبعة معاكم اهدافي هذا الأسبوع راني نحفظ فالقران الكريم فالدورة فالمنتدى هنا وبالنسبة للأولاد حابة نخرجهم في نزهات للجبال وين الخضرة والحشيش الله الله والهواء النقي ويديروا نشاطات بنتي الكبرى تحب تكتب الخواطر ومينذاك شعر ، للعلم حافظة تسعة احزاب من القران الكريم ربي يقدرها وتكمل الصغرى تحب الأشغال اليدوية والرسم ، اختي شي بيبا بناتي الصغار ثلاث سنوات كي كنت نقرا قصة قبل النوم تاع سيدنا محمد يقعدوا يسمعوا وغدوة من ذاك يقولولي ماما احكينا كان يامكان سيدنا محمد والله غير والفوا الحكاية فرحت بيهم نتمنى تعطونا افكار على نشطات تقوموا بيها مع ولادكم ولكم جزيل الشكر ، اختي حبيبة راني الحمد لله مانسيتش الواجبات نتاوعي الصلاة في وقتها التجمل تلميع الحوض الاستغفار الأماكن الساخنة بدات تبرد الحمد لله ولكن جزيل الشكر

[أم ضياء عبد الرحيم]

مساء الانوار حبيبات قلبي اعتذر حبيباتي على الغياب
كان عند ولدي حفلة حضرتلو شوية حلويات الايام الي فاتو و البارح رحت معاه
ما زلت ما رجعتش كلش لكن باذن الله نقرى كل الردود
البارح صرى شوية نقاش بيني و بين زوجي لكن كي تفكرت نصائح حبيبة
اليوم قتلو خرجني حابة نشري حاجة رحت شريتلو عطر فرح و عجبلو الحال بزاف و الحمد لله
شكرا ليك حبيبتي حبيبة
صورتلكم العطر

[بعيدة المنال]

حبيبتي أم سلمى آسفة على ما حصل لم أقصد الاساءة وأذا لم تتسع لك الأرض فقلبي وعيني يسعوك والله يشهد أنني أعتبركن جميعا أخواتي الصغيرة صغيرة والكبيرة كبيرة
وليدك ما زال صغير على تنويع الأكل وكان هذا رأي الطبيب لي نتابع عندو لولادي رأيه أن الأكل يبدأ بعد 6 أشهر وما عليك الآن الا اختيار حبة برتقال حلوة وتعصريلو منها ملعقة بدون سكر واحذري تذوقيه السكر في أي حاجة خليه يكبر بذوق طبيعي وحتى الملح ما لازمش يدخل في اكله وهو صغير بعد 6 أشهر أبداي ذوقيه بالحاجة كل يوم يعني يوم تذوقية الجزر المهروس وغدوة تذوقيه الروز المهروس أو ارحيه قبل ما تطيبيه يجيك ساهل ويساعدو ......وهكذا. واستعيني بالدفتر الصحي تاعو

[YASMINE SILA]

مسااااااااااء الانوار
تحية عطرة لكل فراشة حاضرة معانا فالبستان
راني قريت كل المشتركات و هاذوك الالعاب حتى انا لعبتهم فكيت المتاهة و الاخطاء السبعة ماصبتهمش كامل -ناقصني شوية ذكاء خخخ-
حبوبتنا حبيبة راني نستنا فيك توريلنا اشغالك و الله من قلبي حابة نشوفهم
بالنسبة لاهدافي لهاذ الاسبوع
ان اتقرب من المولى عز وجل من خلال اداء صلاة الفجر و المحافظة عليها و حفظ سورة الملك بمعدل ثلاث ايات يوميا
شرب لتر من الماء خلال اليوم -باش ترطاب بشرتي لانها جافة -
و العديد من الاهداف مقسمتها على اسابيع باش نتمكن من تطبيقها و ماتجينيش صعيبة

[حسناء القمر]

]الله يسلمك عزيزتي حبيبه يشتاق اليكي الخير وتسلمي على العبارات الحلوه مشكوره .

[Om-Mehdi]

Omselma ans ibni 3omro 5mois et 19 jour tbiba ta3o gatli bday daxkih fi laghda les légumes w gel goûter les fruit lkhodar taybihom mlih w mixihom mlih Lara la la tmadilou ghir moghorfa sghira w choufi bâ dirloy lhasasiya Walla lala w kol youm zidilou moghorfa Walla zouj la 3ad wlidak man lui yhabo yaklo mandat naksi f lahli Kolyoum dirilou naw ana ndirlo youm zroudiya w youm batata m3a jriwette khtrakach mhabach jriwette wahadha gel gouter KIF KIF bdaylo moghorfa sghira les fruit lazem ykouno ndhjine w taybine mlih sois f la valeurs sois taybine gel ma w mikxihom mlih ans bni nmaflou tafah w youm anjad w youm tafah MAA jus d'Orange tbiba gatli madilou banane MAA chwiya jus d'orange bassah wlidi ma habouch évité la farine dork khaliha hâta 6 ch'hor

[Om-Mehdi]

المشاركة الأصلية كتبت بواسطة omselma

مسااااء الخير اختي حبيبة شكرا على دعوة الخير اللي دعيتيهالي معلبليش شحال في عمرك لكني نحسك امي انا راني في العشرينات اذا كنت اكثر من هكدا سامحيني نقولك ماما انا تطبيقي لنهار اليوم هو تنظيف البيت يعني تسياق مليح الغداء عندي الاكل دوش ا
مليح سيشوار للشعر ماكياج كامل رحت لدارنا حمدت السلامة لزوجة اخي ولدت ليوم خرجت تعشينا في دارنا انا وزوجي روحت درت لشيخي تعشى هدا واش. درت ليوم حبيت نمد معلومة عالاستغفار.اقوى و احسن علاج لتاخر الانجاب هو الاستغفار وادا اراد المسلم شيءا ما عليه بالاكثار بالاستغفار ماما حبيبة هل تقدرو تفيدوني باسلوب معين نبدا بيه الماكلة لوليدي بديتلو غير الفرينة وراني حابة نزيدلو حساء الخضر بما انو كاين معانا امهات الله يبارك عندهم خبرة ممكن يفيدوي من فضلكن حابة نعرف واش نديرلو في الغداء واش نديرلو في العشاء. تصبحو اخواتي عى الف خير بااااي

inchallah tastafidi man wach ktabtlak salem

[chez biba]

الف شكر حبيبة الكل على هاذ الهدية الرائعة ، يودلك الخير ان شاء الله

وزادو بلوني المفضل اكيييييد نقبلهم

مبصح ما نكذبش عليك عجبتني الفراشة اللي هداتهالك نافلة اكثر لآني نحب البساطة شفتي حتى انا رجعت شريرة
ربي يرزقك من واسع ابوابو ، حقا انا اكثر منك بعام
وبنتي في عمرها خمس سنين ونصف
واليوم اكتشفت فيك صفة جديدة وهي انك مرحة انا ثاني ننتظر أعمالك بفارغ الصبر
قبلاتي من عند أختك بيبوووووشة ، بنتي شريرة ما تحبش اللي يبوسها والله تبخس بيا تبقا تمسح في خدها حتى يحمار

[زينب2000]

و عندي سؤال فقط للاستفادة
متى تقومين بهواياتك
و لو اردت تعلم مجال ما و تطوير ذاتك فيه
فكيف تبرمجيه حبيبتي؟؟

*********
منذ سنين و انا اخطط و اخطط منذ ان عرفت ان المرء عليه ان يخطط لحياته من الدكتور إبراهيم الفقي و صلاح الراشد في قناة سمارتس واي في 2004 إذا كنت تذكرينها-
و منذ تلك السنوات و انا احاول أن أغير من نفسي للأحسن ، والحمد لله غيرت كثير من سلبياتي و لحد الان ما زلت احاول، غير أنني في مجالات كثيرة من هواياتي اعمل و اتوقف ثم أجد في نفسي حماسا مرة أخرى فأمارس هواية ما ثم اتوقف...و.. و اتوقف ، وكثير من هواياتي ماتت بين لحظات التسويف و في وسط ظروف منها الصداع الذي كان ينتابني*ليس من حقي أن الوم الظروف و لا الصداع كما تعلمت * ولكن أردت ان اعطيك صورة فقط حتى تعلمين بأحوال فراشة تحاول أن تحلق و لو لمسافة ....و أعود لهواياتي،فقد توقفت حتى لا اقول ماتت، لأقل توقفت مؤقتا، وحتى أن أني أبدا اشياء و لا اكملها،وهواية القراءة عندي لها الأولوية، فأسترقها في اي وقت،لو كلمتك عن ما خططته و رأيت أوراق و كراساتي لقلت انني ماهرة وشاطرة ولكن -صدقيني - أتكلم كثيرا عن ما اريد ان افعل و لا افعل إلا اليسير اليسير ، و حتى لا أخفيك شيئا في البيت ليست لي المسؤولية الرئيسية و لكن احاول قدر استطاعتي أن انظم أموري و أمور أخرى بالبيت قدرحريتي، حتى لا أخترق حدود الآخرين و احيان هي أعمال في فائدة الجميع، -أحب الترتيب كثيرا حتى أنني لا أجد راحة إلا عندما ارتب أموري.
طولت عليك أختي حبيبة ووالله عندي ما اقوله و اقوله ..
والآن و باختصار أود ان اقول لك بأنني أمارس هواية المطالعة والقراءة ليلا -لأني أجد الهدوء وبالنسبة لأوقات تخطيطي فأنا أصطحب معي كراساتي في اي وقت وخاصة ليلا عندما ينام الجميع اركز احسن و أنا الان في طور تقييم وتعديل لجوانب حياتي، اكملت و الحمد لله هذه الأيام الجانب الروحي
وإن شاء الله سأرتب جوانب حياتي الأخرى، وقد اطلعت على دورتك هذه في اوانها ولازلت أتـابع هذه الصفحات الذهبية.
إن شاء الله ارسل خططي واعطيني رايك فيها-
نشالله منكونش قلقتك برك -كلام طويل-وراهو مازال مخلصش
ربي يحفظك ويوفقكأختي الكريمة، واليوم نشاالله نكمل الصفحات حتى 60، ندمت لمدخلتش المنتدى قبل
سوف أفتح الصفحات العشر التي ساقرأها اليوم إن شاء الله حتى إذا راح الإتصال نقدر نكمل نقراهم ، إن شاء الله ميطفاش الحاسوب برك ههههههههههه
سلام

[chez biba]

الاخت نجاة ، راني كنت حطيت موضوع قبل
احلى ديكور لغرفة أطفالك بلمستك وهذا الرابط تاعو ممكن يفيدك لانها أفكار بسيطة لكنها رائعة

https://www.djelfa.info/vb/showthread.php?t=1735993

ياسمين وحبيبة ضحكتوني على الأخطاء السبعة والله ما زال ما حليتهمش حطيتهم فقط كمثال هههههه

ام هبوبة مرحبا بيك منورة، واش راهم بناتك؟ وهبة كبرت شوي؟ نعطيك فكرة للفراش انا تاعي كامل حاطاتو في des banquettes بالغطاء coffre يستوعبو كمية كبيرة وفي نفس الوقت تحافظي على النظام وكلش مفروز

جيادا الطيوبة خير ما درتي وبصحتو زوجك ، ربي يبقي عليكم الستر ويدوم لمحبة والعشرة بيناتكم

ما فهمتش واش قصتكم مع الماء !!!! في اليوم تشربو لتر واحد ؟؟؟؟؟ انا نكملها غير مع نوض هههههه، الحمد لله غير الماء اللي ما نستغناش عليه

ام مهدي بارك الله فيك على النصائح حبيت فقط نعقب على الفواكه لازم يكونو طايبين يعني compote والموز من الأحسن نديروه للبيبي كي يكمل 6 شهر لأنو ثقيل
وla farine تقدر تمدلو مبصح sans gluten
وكاين ثاني فكرة تقدر ديرها الام للطفل اللي ما يحبش ياكل الخضر ~ طيبي الخضر عادي في الماء فقط دون اي إضافات مبعد ميكسيهم (تحبي ديري بالنوع ولا تخلطيهم) وصفيهم خلي غير الماء وديريه في بيبرون مع الحليب تاعو في مكان الماء العادي هكذا تكوني ضربتي عصفورين بحجر واحد
ونفس الشيء تقدري ديريه مع la farine باش يتعود على المغرف والأكل

[oum sabrin]

الى حبيبتي و الغالية على قلبي حبيبة
تشتاق لك الجنة حنونة شكرا لك على الكلمات الدافئة التي تثلج الصدور و تشفي الجروح فانا بحاجة ماسة لها هده الايام
بارك الله فيك على الدعاء و على تشجعك لي فهدا يزيدني همة و نشاطا
ما شاء الله القلوب عند بعضاها حتى في الاهداف لقد شرفني دلك و كلما اسعى لتحقيق هدف اتدكر ان حبيبتي تسعى لنفس الهدف فما اروع دلك

بالنسبة لروتين الضيوف حاليا ساحاول العمل بنصائح اخي ام فاطمة جزاها الله كل خير في انتظار افكارك حبيبتي فالسر كله في تلك الكلمة السحرية ابشري ربي يبشرك غير بالخير يا احلى بشرى لنا جميعا ربي يخليك لينا و يدوم هده اللمة صدقيني قد ما راني سعيدة بهده الدورة قد ما راني اتمنى انها ما تكونش محدودة يعني نبقاو دائما مطمومين على تعلم كل ما فيه خير ديننا و دنيانا
راني سهرت اليوم
ليلة سعيدة لكل الفراشات

[omselma]

شكرا لكن حبيباتي على نصائحكم لوليدي وكل واحدة فادتني وهكدا هزيت فكرة عامة كيفاش نديرلو نظام . اختي حبيبة والله غير ما تتصوريش قدماش دخلتي قلبي على فكرة عمرك راهو كيما عمر اختي الكبيرة حنا غير زوج بنات وقدرك راهو كبير عندي و ان شاء الله راح تشوفي تطبيقاتي . اختي بعيدة المنال انا لم المكما تحسيش بالدنب من جيهتي انا قصدت بانسحابي لاني شغل كي قريت رسالتك و فهمتها يانتلي بالي منقدرش نزيد نكمل المهم انا راني نحبك بزاف وشكرا على المعلومة اللي عطيتيهالي

[فراشات العمر]

السلام عليكم
بسم الله وما شاء الله اللهم ارزقناالهدوء والوقار وثبتنا على الخير وابعد عنا الاشرار واحشرنامع عبادك الاخيار
امين يارب العالمين
تحية الاسلام لكل فراشة تجابه الرياح بجناحين رقيقتين لتبقى في مكانها من جمال ورقة
الفراشة التي اذاحطت على شيئ تنفعه لا تؤذيه رغم كبر الاشياء من حولها نجدها ترفرف بكل ثبات