دورة خطواتي الواثقة لأصبح ربّة بيت متألّقة - الصفحة 75

ام متين · 2016-10-31, 06:25

ماريا بصحتك الخرجة وننتظر منك الجديد والمتالق ونحن معك حتى وان تعثرنا مرات لكن نقاوم وننهض ونسعى مع بعض لكل ماهوجميل وراق
انا عندي اخوات والفراشات نحسهم كامل كيماخواتاتي لان نلقى الدعم منهم دائما حتى وانا نكتب نحس بالراحة وكاني في حديث شيق بل انا فعلا في حديث شيق ربي يخليكم جميعا كل وحدة باسمها

غزالة1 · 2016-10-31, 06:53

اصبحنا واصبح الملك لله اللهم صل وسلم وبارك على سيدنا وحبيبنا محمد وعلى آله وصحبه أجمعين اللهم اعنا على ذكرك و شكرك و حسن عبادتك

غزالة1 · 2016-10-31, 06:56

صباحكم سعادة و عبادة
ربي يوفق الجميع

~اسيل ريحانتي~ · 2016-10-31, 06:58

اصبحنا واصبح الملك لله لااله الا الله وحده لاشريك له له الملك وله الحمد وهو على كل شيء قدير

ام متين منقدرش نطول عليكم ههه والفتكم حبيباتي فراشاتي

امس خرجت نتسوق شريت للاولاد معاطف للشتاء وشريت غلاف مخدوم بالاليمنيوم بصح متين فيهم اشكال وانواع ماشاء الله تحيري واش تختاري
هدا الغلاف يلسق في الفايونس او الزجاج وحتى تقدري تغلفي بيه الثلاجة وليزيليمو
انا شريت نوعين ممبعد نصورهم تشوفوهم.
انا ماعنديش فايونس في المطبخ كيما قلتلكم ماهيش سكنتي (سكن وظيفي )عندي غير في الحائط لي فوق البوطاجي هداك تاع بكري الابيض. غلفتو وغلفت ليزيليمو والله الكوزينة تبدلت رجعت روووعة هههههههههه

ليوم ماراحش ندخل راح ندير عيد ميلاد بنتي قفلت عامين وراح نعرض جارتي واولادها مع صحاب ولدي وصحابات بنتي ههههههه

نخليكم فراشاتي نحبكم راكم في قلبي

جهينة اليقين · 2016-10-31, 07:13

السلام عليكم اسيل بنتك كل عام وهي بخير الله يكبرها في طاعتو ويحفظها من كل مكروه وكل اولاد وبنات المسلمين

جهينة اليقين · 2016-10-31, 07:16

الروتين الديني تم والحمد لله وراني مع الروتينات اليومية كيم قلت لكم لظروف ما درتش كامل بالخزانة راهي كؤجلة وباقيلي الكوزينة الزوج ربي يعينه ويصنع لي ليطاجار ونخمل كلش ونتهنى

~اسيل ريحانتي~ · 2016-10-31, 07:17

راكم تشوفو هدا لي فيه المربعات مخدوم بالاليمنيوم مايتقطعش تنحيلو الكاغط وتلسقي كيما الاوتوكولو

والابيض والاسود هداك كاغط ماشي اليمنيوم انا غلفت بيه ليزيليمو جاو روعة كي نهنا نصورلكم كوزينتي تشوفوها ان شاء الله

~اسيل ريحانتي~ · 2016-10-31, 07:22

اقتباس:

المشاركة الأصلية كتبت بواسطة جهينة اليقين

السلام عليكم اسيل بنتك كل عام وهي بخير الله يكبرها في طاعتو ويحفظها من كل مكروه وكل اولاد وبنات المسلمين

امين يارب العالمين ربي يحفظك فراشتي جهينة
وربي يعاونك على اعمال البيت حبيبتي

ام شمسو محمد · 2016-10-31, 08:18

ريحانة نهنيك على افكارك المبدعة و اجتهادك الخلاق كل شي تلقايلو حل ،ماشاء الله تقدمي صورة تطبيقية على ربة البيت المتالقة اللي حنا نحوسو نحققوها ،اذا كاين سلم نقيم بيه نشاطك راح نعطيك في هذي المرحلة 10/10
ما تنسايش تقرعجيلنا على الحفلة طبعا كربة منزل باش نديو الافكار

ام شمسو محمد · 2016-10-31, 08:44

بالمناسبة الموقف اللي قدماتو ريحانة بحاجة للتحليل
يعني احنا كربات بيوت من ضمن ادوارنا المقدسة ادارة الظروف المعاشة وفق الامكانيات المتاحة للحصول على اروع النتائج على كل الصعد
احد المعايير الاجتماعية عندنا لقياس المراة الناجحة هو عدد الوجبات اللي ممكن تعدها بحبة طماطم وحدة
وهدفنا بالتاكيد هو اسقاط هذي النظرية على كل مناحي حياتنا ...يعني كيفاش نلقى طرق باش نقدر ننجح ابني المتوسط الكفاءة في دراستو مثلا...او كيفاش نجد طرق لمعاملة الزوج اللي طباعو صعبة..او اضفاء بعض الاتساع على االبيت الضيق بحيل الديكور....
باختصار نصنع اسباب لجعل حياتي و اسرتي سعيدة مهما كانت صعبة

ام تينة · 2016-10-31, 11:24

حياكن الله اخواتي

صلاة الضحى صلاة الاوااااااااااااابين

ام هزار · 2016-10-31, 11:36

نهاركم مبروك و زييييييين
انا اليوم صبحت مع طبيب العيون . وصفلي نظارات طبية و عملت فحص بالراديو فون دوي للعين و الحمد لله الشبكية سليمة
الروتينات ماشية ما شاء الله
حبيت نقول حاجة مهمة و هي على الاقل نعملو فحص دوري لصحتنا . مش لازم حتان نمرضو لا قدر الله . على الاقل كل 6 اشهر فحص عام للاسنان للعينين ......الخ
الغقل السليم في الجسم السليم. ربي يسلمنا يا رب و يحفظنا و يعطينا صحتنا . امين

ام تينة · 2016-10-31, 11:37

اختي الحبيبة
ليكن في يومك رصيد من ذكر الله بتلاوة القرآن الكريم والمحافظة على الاذكار اليومية والأدعية ... فهو المدخر لك في آخرتك

ليكن خلقكِ حسنًا واعلمي أن خير ما تتزينين به هو الخلق الحسن
(أكمل المؤمنين إيمانًا أحسنهم خلقًا)

كوني ناصحة معوانة،وأعيني أخواتكِ في الله إن احتجن المساعدة وأرشديهن إن أحتجن النصيحة !!

كوني متفائلة وانشري التفاؤل فيمن حولكِ تتحول دنياكِ ودنياهم إلى جنة خضراء قطوفها السعادة ووعبيرها الحب

انظري وتفكري وراجعي قبل أن تنشري،أمعصية هو أم طاعة؟؟
"ما يلفظ من قول إلا لديه رقيب عتي

لاتعصين الله بجوالك ولا تجعلي الله أهون الناظرين إليكِ فحواسكِ مسئولة وعليكِ ستشهد

يقول ابن القيم:
من ألهمه الله التسبيح قبل شروق الشمس وقبل الغروب فغالباًما يجعل الله له من كل هم فرجًا ويرزقه من حيث لا يحتسب

في كلّ لحظات حياتك أنتَ بحاجة إلى الله
فإن لم ترجع إليه اختياراً ، رجعتَ إليه
اضطراراً ..! سبحانه🍃💛

ام تينة · 2016-10-31, 11:47

سبقكي اخوااااااتك الى صلاة الضحى فالحقي بهن

صلاة_الضحى
“
قال النبيﷺ
“
لا يحافظ على صلاة الضحى إلا أوَّابٌ ، وهي صلاة الأوَّابين
“
صحيح الجامع ٧٦٢٨
“
الأوَّابُ : كثير الرجوع إلى الله”

جهينة اليقين · 2016-10-31, 13:17

شكرا اسيل لو كان تقولي شحال للماتر تاع الالمنيوب حابة نديرو وراء البلاك باه الدهون ما تتراكمش فوق الفايونس ويتعبني الحكان