استفسار حول استدعاء المعفين 2008/2009 - الصفحة 74

الصادق الناصح · 2012-03-26, 23:33

هل هناك من كان لديه ارجاء التجنيد حتى مارس 2011 و وصله الاستدعاء في مارس 2011 و اعطوه الاعفاء

فيصل لعلامي · 2012-03-27, 12:15

يا الخاوة انا لوردابال الاخير جاني في مارس 2011 ومع امر بالالتحاق ما رحتش
في الصيف خرج قانون الاعفاء قبل ما يخرجلي بيي دو روشارش ديت ملف قبلوه اعطاولي ريسيبيس على 5 اشهر باش نروح نهزها في نوفمبر زعما فرحنا ووو
كي رحت نهزها ما اعطاوهاليش قالك ولي بعد 15 يوم وليت لقيتي روحي روشااااااااااااااااااااارش في البلدية وعند الدرك ؟ وليت لسطيف سالت قالك جا مدير جديد قالنا اعلاه تمدوا للي عندهم 3 اوردابال : اسما اعتبرونا عصاة ولو لم يخرج البيي بعد
المهم اعطاولي برية نشارع بيها في المحكمة العسكرية قسنطينة رحت وديت معايا ملف كفالة احكموه واعطاولي استدعاء على 3 اشهر باه يديرو التحقيق
درت التحقيق مع الدرك قالولي رانا عاوناك زعما ؟ والبارح 26 مارس رحت لتانه الموعد اعطاولي في المحكمة برية اخرى نديها لمركز الخدمة باش يفصلوا في قضيتي لكن قبل ما يدخل الوثيقة في البرية ويسكر عليها شفتها : امر بالالتحاااااااااق (ههههههههه) ربي يستر
معناها نروح لسطيف يدوني مباشرة ؟
فالسؤال ماذا تنصحوني وكيف تفسرون ما حدث واش رايكم نروح ما نروحش كفاه ؟

saber bba · 2012-03-27, 13:00

أخ فيصل لا تقلق انا ايضا كنت في المحكمة العسكرية وصراتلي كيفك شفتها من بعيد مكتوب أمر بالتحاق خلعت مع الاول قلت ضرك يهزونا مباشرة ثم عطاونا رسالة نديوها لمركز الخدمة الوطنية وفيها كان الخبر سارا وهو الاعفاء من الخدمة الوطنية
اما انت مات قرأته أمر بالتحاق فهو لي تلتحق بمركز الخدمة الوطنية ليعطوك الاعفاء ان شاء الله أو يبرمجوك تمشي في سبتمبر الجاي لقدر الله

saber bba · 2012-03-27, 13:01

الاخ فيصل من هذه اللحظة نقوالك الف مبررررررررررررروك على رقبتي ههههههه

فيصل لعلامي · 2012-03-27, 23:11

يا ودي كان تصرا تسالني غداء في مروانة هههههه
اعطيني برك رقمك ماتخممش مي زيد فهمني انا درت كفالة ؟ ورجعولي ورقة تاع الكفالة مع الرسالة ؟
وزيد قولي لازم نروح غدوة او معليش نخلي للاسبوع القادم تفوت الامطار هههه

saber bba · 2012-03-27, 23:37

اقتباس:

المشاركة الأصلية كتبت بواسطة فيصل لعلامي

يا ودي كان تصرا تسالني غداء في مروانة هههههه
اعطيني برك رقمك ماتخممش مي زيد فهمني انا درت كفالة ؟ ورجعولي ورقة تاع الكفالة مع الرسالة ؟
وزيد قولي لازم نروح غدوة او معليش نخلي للاسبوع القادم تفوت الامطار هههه

الله يعيشك خويا هات نفرحولك وتتهنى منها تقدر تروح الاسبوع القادم الى حبيت تأجل الفرحة تاعك للأسبوع القادم هههه
ومادام رجعولك ورقة الكفالة في الرسالة هذا أكيد انها قبلوها في المحكمة وبالتالي لازم يشوفها قائد مركز الخدمة بسطيف الاشرار الله لا تربحهم يعني فيها موافقة الف مبرووووووووك خويا فيصل

hichame47 · 2012-03-28, 12:11

السلام عليكم يا لحباب
البارح رحت للمحكمة العسكرلاية بوهران ف النرسى الكبير
و قد جرى كل شئ بصفة عادية
دخلونا بعد التفتيش و الاجراءات تالروتينية
و من ثم دخلق عند قاضي الضبط و قلتلو عندي ملف كفالة و بدون اي عراقيل و بلاما يطولو علينا حوالي نصف ساعة فقط
قالي روح لقاعة الانتظار و درك ناديلك
منبعد عيطلي و قالي هاك الملف ديرلو نسخة طبق الاصل و جيبولي
كي رجعت اعطيتلو النسخة و الاصل و اعطاني رسالة موجهة الى الدرك و سورسي فيه شهرين و قالي بعد ما توصلنا التحقيق رانا نرسلولك استدعاء و رجعت للبيت العجيب لله الحمد
للعلم خاوتي كاين ناس لقيتهم تم عندهم خاوتهم كبار و ماشي متزوجين و ما عندهمش انفصال و كاين لي عندهم الكفالة لي يخدموها بالشهود و حكمو عليهم الملف و كل شئ عادي
المهيم لي يروح يدي اكبر عدد من الاوراق ممكن و الله ولي التوفيق و اذا كان عندكم اسئلة راني نخبر خاوتي
شكر كبير الى كل الاخوة و خاصة الاخ هاني و الخ محمد و الاخ صابر

kamalb · 2012-04-03, 07:23

يارب وفق كل خاوتي ويدو الاعفاء ان شاء الله

عبدالرحمان7 · 2012-04-04, 10:47

يــــا جماعة هل القضية كيف كيف مع الأطباء خريجي 2009ـ أنا قبلوا مني الملف في جوان و عطاوني سورسي حتى أكتوبر ثم جددوه لنوفمبر ومن بعد قالولي انتظر نخدمولك الاعفاء و نعيطولك، و في جانفي جاني الاستدعاء الأخير ، هل من أمل علما أني 29 سنة

mooon · 2012-04-04, 22:10

السلام عليكم
هل من جديد عن الناحية العسكرية 4
" بسكـــــــــــــــــــرة "
لأني رحت ليهم 3 مرات وهوما يديرولي تأجبل كان أخرها 12 مارس ؟؟؟
الخاص بإعفاء 2009
شكـــــــــــــــــــــراً

H@liM · 2012-04-05, 08:44

بالتوفيق لكم

hichame47 · 2012-04-05, 12:12

اقتباس:

المشاركة الأصلية كتبت بواسطة فيصل لعلامي

يا الخاوة انا لوردابال الاخير جاني في مارس 2011 ومع امر بالالتحاق ما رحتش
في الصيف خرج قانون الاعفاء قبل ما يخرجلي بيي دو روشارش ديت ملف قبلوه اعطاولي ريسيبيس على 5 اشهر باش نروح نهزها في نوفمبر زعما فرحنا ووو
كي رحت نهزها ما اعطاوهاليش قالك ولي بعد 15 يوم وليت لقيتي روحي روشااااااااااااااااااااارش في البلدية وعند الدرك ؟ وليت لسطيف سالت قالك جا مدير جديد قالنا اعلاه تمدوا للي عندهم 3 اوردابال : اسما اعتبرونا عصاة ولو لم يخرج البيي بعد
المهم اعطاولي برية نشارع بيها في المحكمة العسكرية قسنطينة رحت وديت معايا ملف كفالة احكموه واعطاولي استدعاء على 3 اشهر باه يديرو التحقيق
درت التحقيق مع الدرك قالولي رانا عاوناك زعما ؟ والبارح 26 مارس رحت لتانه الموعد اعطاولي في المحكمة برية اخرى نديها لمركز الخدمة باش يفصلوا في قضيتي لكن قبل ما يدخل الوثيقة في البرية ويسكر عليها شفتها : امر بالالتحاااااااااق (ههههههههه) ربي يستر
معناها نروح لسطيف يدوني مباشرة ؟
فالسؤال ماذا تنصحوني وكيف تفسرون ما حدث واش رايكم نروح ما نروحش كفاه ؟

ما تخافش اخي فيصل
واحد صاحبي تاني اعطاوه رسالة كيما تاعك و فيها امر التحاق و هذيك كيما قال الاخ هي امر التحاق بمكتب التجنيد
و كي اعطاهالهم قالولو بصحتك لامارت

brasport · 2012-04-07, 12:54

السلام عليكم ورحمة الله وبراكاته
اريف ان توضحوا لي الامر لقد تم منح بطاقة الاعفاء الخاصة بخرجي 2008 و 2009 هده الايام يوم 4و 5 افريل لدي صديقين تحصلا عليها لكن انا عندما ذهبت اليهم يوم 30 مارس مددو لي الاستدعاء الى29 افريل ما معنى هذا مع العلم ان حالتي مثل حالتهم وقد مدد لي منذ دفع الملف 6 مرات هل من توضيح ارجزكم .

سعيد*الاغواطي* · 2012-04-07, 22:17

اخي انا رحت اليهم يوم 17مارس و اعطونييييييييييي
الإعفاء(الريفورم)
العاقبة ليكم.

yacyou3 · 2012-04-10, 03:42

بسم الله الرحمان الرحيم
أود أن أطرح قصتي مع الخدمة الوطنية
أنا من مواليد 1983 لم اقم لا بتسجيل ولا الفحص الطبي أكملت تكويني في 2009 ماي بعدها في سبتمبر 2009 ارسل الي orde apelle الاول استلمته وقعت لكني لم أتقدم الى المركز في 05/04/2012 تقدمت الى مركز التجنيد الناحية العسكرية الاولى لمعرفة وظعيتي عند التقدم اعطيته بطاقة التعريف فقال لي أنه تم ارسال ordre aplle فقلت له لم يصلني فكتب لي في ورقة بيضاء خارجية رقم تسجيلي و 04/2010 ورمز p15 وطلب مني احظار ملف يتضمن الشهادة الدراسية وشهادة الميلاد وصورتان بعد يومين لم اريد أن ادهب لاني احسست ان 04/2010 هو استدعاء ثاني وبعدها جاءتني فكرة أن أسال رجل متقاعد كان يعمل في مكتب التجنيد لما رأى الرمز p15 قال لي أنه تم ارسال اليك ordre apelle et ordre de route فقلت في نفسي هدا قضاء وقدر لامفر دهبت اعطيتهم الملف وانتظرت لساعات طويلة والاخير اعطوني استدعاء في 06/10/2012 استدعاء 1500 وعبارة في الاسفل يرجى الحظور مرفوق بصوتين هل من أمل ؟