اهلا بكن في الجزء 146 من كوزينتنا .اهلا وسهلا بيكم - الصفحة 74

الرجاء الاماني المجد · 2015-10-02, 08:08

اليوم غديا لوبيا ومخللات ام ساجد

ام و ابنة · 2015-10-02, 08:10

السلام عليكن

ضحكتيني ام جوجو و المفور واو بصحتكم العرضة حنا هنا واحد ما يعرضنا يحوسو انت تعرضيهم برك و حتى دارنا ما يعرضونيش و ما يحبوش نعرضهم خخخ بصح يما البارح عشاتنا الطعام و تهنيت من العشاء

عازفة يعطيك الصحة عالنصيحة و الرابط

زينب بصحتك العرس و القاطو روووووعة و بانتظار باقي الصور

ام امينة وين راكي ماشي عوايدك

سماسم الكبدة شرمليها و ربي يعينك و يشفيلك وليداتك راني مجربة كلامك فعلا صعيب الحال ربي يسجيهملك برك

ام ياسين بصحتك اللوك

الرجاء بصحتك اللوبيا اليوم الجمعة تتعبي شويا في الشغل بصح العشية ارقدي و ريحي

ام ساجد · 2015-10-02, 08:13

صباح الخير ويوم موفق

هاكم باش تفطرو

ام ياسو بانتظار الصور اكيد تجي شابة ونص

الرجاء الاماني صباح الخيرات وبصحتك اللوبيا والمخللات واشهم بنياتك

اللهم صل وسلم وبارك على الحبيب المصطفى

ام و ابنة · 2015-10-02, 08:16

رفيف العرضة تع ختان وليدك هايلة الله يبارك و ربي يحفظو

روضة شكرا عالنصيحة

صباح الخير البحر الصافي الولاد عندهم ذاكرتهم من عند ربي خخخ ما زالت فريشكة علميهم التركيز برك لانو قلة التركيز هو اللي يعاني من الجيل الجديد ذكاءهم لا باس و طاكرتهم كيف كيف و لكن تركيزهم والو

ام ساجد صباح النور بصحتكم الموسكوتشو راااااائع

ام عبودة · 2015-10-02, 08:21

صباح الخير عليكم
الكل يعطيكم الصحة ابدعتم
فطوري باذن الله طعام الجمعة
راني نشمشم كاش من سلكت ولا مازااال. ام تاجو ولا لهونة والبقية ما زالو كيفي

ادعونا اليوم الجمعة ربي يسهلننا ولكن بالمثل

ام سراج وملاك · 2015-10-02, 08:23

ام ساجد · 2015-10-02, 08:25

ام وابنة تبانلي الكتف بزايد لانو يكونو شبعانين من الحفلة ودرتي التارت الثانية ولا مازال

ام ماجد بصحتهم ضيافك ولي ما جوش هوما الخسرانين ومبروك لحفيظ لعقوبة للجامعة ومبروك لماجد الماستير لعقوبة لدكتوراه

رفيف يعطيك الصحة كلشي روعة وراكي فحلة طيبي في لعراس مبروك ولعقوبة لعرسو

زينب بصحتك العرس والقاطو هايل في انتظار الصور

ام هبوبة بصحتك اختي والخبز يشهي

ان جوجو انا تاني مفوري تاجل بلاك في الليل ولا غدوى وبصحتك العرضة

ام عبودة · 2015-10-02, 08:27

ام ياسو بصحتك الوووووووك
ام ساجد الكيكة تهبل. درتيها في مول عادي ولا تاع السيليكون
ام وابنة قولي الحمد لله ههههههههه انا زوجي ما يعجبو العجب والماكلة اللي تفضل ما تتعاودش تتكل ربي يسامحني وخلاص
الرجاء بصحتكم
سماسم شكون راه متفكر الحوت ظرك ههههههه بصحتكم
ام جوجو. داخلة. وخااايفة ههههههه مانيش قادرة نراجع بصح واش درتوو حتى راكم هايبين من ام انووووس ؟؟؟؟؟

ام ساجد · 2015-10-02, 08:27

الله يسلمك ام وابنة هزي طرف افطري بيه ولا راكي قاهمة مت لتارت عجبتها اختك

ام سراج وملاك صباح الانوار

ام عبودة صباح الخير وربي يفرج عليك وعلينا ويرزقنا حسن الخاتمه امين يا رب

ام باسم وبيسان صباح الخير واش قررتي للعرضة

سيماسيم الكبدة دريها كمونية يمي يمي وربي يشفيلك وليداتك

ام ساجد · 2015-10-02, 08:31

ام عبودة طيبتها في مول السيليكون

ام سراج وملاك · 2015-10-02, 08:33

يعطيكم الصحة كامل واش حطيتو من الخيرات عازفة ربي يبارك واش تعجبني شاطرة ماشاء الله عليك
رفيف قطواتك هايلين وباشفا لولدك
راني انتفكرواش شفت شفت اقتباس فيه تصويرة حفيظ ربي يبارك
خموس عليه ام ماجد وينهو الباروك نتاع لمدلل نتاعك كي قبل يروح لروضة باين عمرتيه سقايط باش قبل
ام ساجد بصحتكم الكيكة
لبنات هذا واش راجعت لي نسيتها تسمحلي
ام جوجو قتلتني بالضحك على ام انس كي حطيتي كواليسك بصحتكم وضحكت عليها بزاف كي شفتها لحقتنا لهيه ربي يحفظها عندها الحق كل بلاصة وبلاصتها باش متزعفش مني رايحة نحط شوي نصائح بلاكش تفيدكم انا غدايا ليوم شربة فريك مالفة ندير بربوشة مدرتهاش خطراه معنديش بزاف ملي درتهالهم سخفو عليها

هيا قولو واش رايحين طيبو ليوم ليجيكم

نروح نبدا الاشغال الشاقة مبعد انش اء الله سلام لي تدخل من ورايا

Oum Habouba · 2015-10-02, 08:47

صباح الخيرات والمسرات يومكم مباااارك وشهي
ام ساجد ها بن عمي ها خليني نريح شوية ديجا مازلت مصروعة منالفطور نتاع البارح زدتيني الكيك ربي يحفظك
ام وابنة عيد سعيد لبنتك ها ديري سفة طعام وصايي ولا كولو القاطو وضربي النح غي تكملي اعطيها للباب قولي بنتي مسكينة مستمرضة ووصي بنتك تزيد فيها شوية خخخخخخ شريرة
ام الجوج بصحتك يا العميرة العرضة فرحتيني مين شفتيني في منامك ربي يخلينا خواتات
زينب الله يبارك على هداك القاطو والله يعطيك الصحة على الخياطة بصح شتا خيطتي كي تدخلي قوليلي بالنسبة ليا شاريا لي بوليرو نتاع الفيلور ابيض واسود سوكور نتاع الشتا نلبس حوايجي ونزيد البوليرو من الفوق
ام ياسين غيرتيني على العرس وحاجة شابة عندكم يابنات بلادي تلبسو لبسة خفيفة وما تقووش الذهب صدقوني حنا الذهب والله تحسبي بيجوتري راهي قاعدة حداك ويقيسو مكانتك بكمية الدهب الي دايرتها انا عن نفسي من نهار ولا يطيحلي في العروسات وزيد شفتكم عندكم اناقة سامبل وشابة وليت ندير كيفكم
ام عبودة البحر الصافي ام بيسان والجميع صبااااااح الفل
على فكرة فطوري نتاع الابد الكسكس ليوم الجمعة

ليال 22 · 2015-10-02, 08:52

صباح النور للجميع منورين ام سراج صباحو ختي وشكرا على الترحيب في قسم الدردشة.

ام عبدو و ملاك · 2015-10-02, 08:53

صباح الخير يا وجوه الخير ام سراج ام حبوبة الاخت ليال
ام وابنة شكرا حبيتي على الدعاء و نوعية الاكل بصح ما فهمتش وش يعني نمنعو عليها الفرينة
ام جوجو واش نقلك يا اختي و الله راها في حالة و قالنا الطبيب النوع اللي حكمها ربي يحفظ المؤمنين من النوع الاصعب و ما كانش علاج يعني ندعيو ربي يخفف عليها و خلاص
اليوم انا اللي نبعثلها الغدا خاطر دار شيخي يسكنو بعاد على المستشفى ب 90 كم وانا شوي قريبة 48 كم
درت بطاطا في الفور و لحم محمر في الكوكوت بطريقة ام انس و كسرة وسلاطة

x ام رحاب x · 2015-10-02, 09:03

السلام عليكم ورحمة الله وبركاته
واش اصبحتو
ام عبدو وملاك ربي يخفف عليها يارب وربي قادر على كل شيئ ربي يشفيها ويعافيها ويشفي جميع المرضى المسلمين
الله ايعافينا ويعلفي جميع المسلمين يارب