الجزء 122 مرحبابيكم عندي نتمنالكم اقامة طيبة - الصفحة 74

*وردة الشرق* · 2015-03-19, 17:40

مساء النور لبنات امممممم على الاطايب اللي تحطو اولادي الله يبارك الكيكة تشهي .امنيات البريوش اممممم الله يبارك
ام ماجد على السلامة عطلة سعيدة
وهيبة بصحتك القيلولة اتنعمي قليلا
اوراسيا ربي يشفيك وبصحتكم الجلبانة
ام يسرى مساء الانوار
ام سهام سلمت يداك كل شئ ما شاء الله

لبنات حبيت نوصيكم وصاية فقط ربي يعيشكم لما تحط الاخت ام كوثر تاريخ المسابقة ابعتولي التاريخفي رسالة ربي يعيشكم لانو النات رايحة تروح اليوم وما نعرف لاكان نخلصوها درك او حتى تجوز العطلة انا رايحة نوصي اختي تدخل وتفتح وتقرا الرسالة
اني وصتكم لي تشوفها تبعتلى ولها دعوة خير
ممكن اليوم ما نقدرش ندخل بزاف تهلاو في رواحكم واستمتعو بالعطلة اموووووواح كبيرة حباباتي

om hind · 2015-03-19, 17:42

اقتباس:

المشاركة الأصلية كتبت بواسطة ام سهام 02

السلام عليكم حبيباتي
عطلة سعيدة للجميع
غذانا كان مسفوف وللقهوة درت بريوش للقهوة والبارح ما دخلتش كنت كنت نلبز للحفلة تع بناتي والحمد لله

ام سهام راكي سخفتيني بها ذاك المسفووف يهبل j aime bienتاعكم يجي بطريفة اخرى حنا نديروه بالزبيب برك

ام سهام 02 · 2015-03-19, 17:49

اختي ام ياسين يعطيك الصحة

ام زينب شكرا غاليتي هذا من لطفك

ام هند بارك الله فيك مام احنا انديره بالزبيب هذا المسفوق تع الربيع

om hind · 2015-03-19, 17:52

اقتباس:

المشاركة الأصلية كتبت بواسطة ام سهام 02

اختي ام ياسين يعطيك الصحة

ام زينب شكرا غاليتي هذا من لطفك

ام هند بارك الله فيك مام احنا انديره بالزبيب هذا المسفوق تع الربيع

ما تغدرش حبوبة تقوليلي كفاه ديروه

أم ياسين الزهراء · 2015-03-19, 17:54

كنت نراجع وقتلتوني الله يباك كلش يسخف

واللي كانو راح يسرقولي الحوت تاع حبيبتي وليدي نقلهم راني جيت دوق تشوفو ههههههههههههههههههه وليدي الله يخليك دايما تتفكرينا ياحلوة

الامنيات ماشاء الله فنانة

ام علاء بالشفاء على بنتك ديريلها تيزانة تاع الشيح مليحة للمكرب والطاجين طيبي فيه عادي المطلوع والرخساس

لبنات ندخل ونخرج على بالكم عطلة والميكرو واحد والاولاد الله يبارك

أم ياسين الزهراء · 2015-03-19, 17:58

ام سهام انا مانحبش المسفوف دارنا يموت عليه بصحتكم وبالتوفيق للبنات

بصحتكم العشاء

um alaa · 2015-03-19, 17:59

سكوربي شكرا على النصيحة
زينوبة راني غير نعس فيها مسكينة راهي مدبالة
الامنيات بصحتك البريوش جاك يهبل
توبة حبيبتي دلرتها بلاكرام فريش
ام يسرا اليقرية شهيتيني يعطيك الصحة
ام هبوبة بصحتك الكرواسون
وهيبة شكرا على الدعاء و النصيحة
ام لجين بصحتكم الخيرات
اولادي اممممممممم التارت تجنن
ام الجود انا جامي درت المطلوع ما تضحكيش عليا بصح بادن الله اول حاجة نجربها بيه
يا ام يا ام سهام نقطة ضعفي المسفوف خرجلك فيلم على قول ليزا يعطيك الصحة
ام ياسو بصحتك الزيراوي بصح ممكن تفهميني كاش يديروه جامي دقتو و شكرا على النصيحة يا غالية

ام سهام 02 · 2015-03-19, 18:00

ام ريهام عظم الله اجركم

مياسم الف لاباس للوالد الكريم ربي يشافيه ويعافيه ااااااامين

ام الاء ربي بالشفى على بنتك وما تشوف ضر اااامين يارب والطاجين خاليه يسخن مليح امنبعد نقصي وحطي الفطيرة ولا الخبز واذا ما خليتش اسخن مليح تلصق

wahibaazel · 2015-03-19, 18:00

ام لجين يعطيك الصحة ،اولادي كيكة الفلان قلشتيها تعيشي الطبقة الاولى واش عملتيها تبان خفيفة .
ام سهااام ماشاء الله عليك كلشي روعة سخفتيني في المسفوف منلي ماتت عجوزتي ربي يرحمها ما زدت عملتو ،.بصحتهم بنياتك .
ام ياسين الشخشوخة نموت عليها بصح كي نطيب الفطير ناكلو هكذاك يعني وجوه ،يسمى خليلي لاشتة طبيس صغير .بصحتكم .
زينب ما طوليش الغيبة .

wahibaazel · 2015-03-19, 18:03

ما تقوليليش ام علاء فخلة كيما انت جامي دارت المطلوع ،كيفاه هذا هيا المنتدى معمر بوصفات المطلوع واكل ناجحين .
مياسبم ربي يشفي الوالد ،اسمهااان وين غطستي اكيد راكي مقلبة الدار تنفظي فيها هيا كاش تحلية او طبق من اطباقك الجميلة.

*توبــــة* · 2015-03-19, 18:03

عقروبة حبيبتي اسمحيلي طولت عليك.........ماما راهي تقولي ازربي روحي اكتبيلها الوصفة
بلاك حابة اديرها للعشا هههههههههه

أرز في الكوكوط

المرقة: طراف لحم أو دجاج + حبة بصل متوسطة مرحية + 5 سنينات ثوم هرسيهم مع 1/2 م ك ملح + 1 م ك كسبر مرحي +
1/2 م ك راس الحانوت + شوية فلفل أسود و فلفل أحمر و كمون ويمكن تزيدي ورقة رند + 3 م ك زيت + اذا حبيتي زيدي حمص +
حبة فلفل .. حسب الذوق...و حبات من الجزر ......يتقلاو مليح مع فنجان ماء على نار هادئة زيدي حبة طماطم مرحية +
2 م ك طماطم مصبرة + 1 م ك هريسة .......خليهم يتقلاو ومرقي و زيدي حبات من البطاطا و الجريوات و الجلبانة .... وخلي المرقة اطيب على نار متوسطة

الأرز انا نستعمل SUP طيبيه ف الماء مع شوية زيت مبعدا فوريه مرتين أو ثلاث و بعد ما يفور المرة الولى زيديلو شوي ملح
وكي يتفور كامل زيديلو شوي زبدة و نحرك وخليه بجهة حتى اطيب المرقة

في كوكوط حطي مثلا 3 كيلات أرز + كيلة مرقة ......متهمش الكيلة المهم الرز اكثر من المرقة وخلطي وحطيها على نار هائة
كي تبدا تغلي اقفلي الكوكوط لمدة حوالي 15 دقيقة

حطي منو في صحن التقديم و زيدي حسب رغبتك المرقة و زيني كيما حبيتي بالخضرة

تليتلي في الفرن

التليتلي نستعمل عمر بن عمر...كيفكيف طيبيه ف الماء مع الزيت مبعدا فوريه مرتين او ثلاث و زيديلو ملح و زبدة

المرقة نفسها تاع الأرز......حطي كمية من التليتلي ف المول وسقيه بشوي مرقة غطيه بالألمنيوم ودخليه للفرن سخون
حوالي 15 دقيقة .....نحيلو الالمنيوم وخليه يتحمر شوي من فوق غير دقيقتين و خرجيه...... مبعدا حطيه في صحن التقديم مع دجاج محمر اممممممممممممم

بصحتييييييييييييين وهنا مرت عمي خخخخخخخخخخخخخخ

ام سهام 02 · 2015-03-19, 18:07

اقتباس:

المشاركة الأصلية كتبت بواسطة om hind

ما تغدرش حبوبة تقوليلي كفاه ديروه

ديري الطعام كما اموالف

والفول والجلبانةاوالفول وحدو او الجلبانة وحدها المتوفر بعد ما تنقهيم شليهم مليح وديريهم ايفورو و في نص الفوار ذري شوي ملح وكتشوفهم طراو يعني طابو ضيفيهم لطعام بعد التكوني ادهنتيهو وخلطيهم مع بعض

ام سهام 02 · 2015-03-19, 18:10

ام الاء وهيبة شكرا الله يخليكم حبيباتي هذا من ذوقكن

توبة الفحلة ماشاء الله عليك ربي يوفقك

om hind · 2015-03-19, 18:16

اقتباس:

المشاركة الأصلية كتبت بواسطة ام سهام 02

ديري الطعام كما اموالف

والفول والجلبانةاوالفول وحدو او الجلبانة وحدها المتوفر بعد ما تنقهيم شليهم مليح وديريهم ايفورو و في نص الفوار ذري شوي ملح وكتشوفهم طراو يعني طابو ضيفيهم لطعام بعد التكوني ادهنتيهو وخلطيهم مع بعض

الله يعطيك الصحة علا بالك نروح و نولي الصورة تاعو راح يخرج فيا
ضربة لا عدت نتوحم الحصلة فيك و كون تخرج في البيبي ًش عندي فيك ذنبك على جنبك

um alaa · 2015-03-19, 18:18

اقتباس:

المشاركة الأصلية كتبت بواسطة wahibaazel

ما تقوليليش ام علاء فخلة كيما انت جامي دارت المطلوع ،كيفاه هذا هيا المنتدى معمر بوصفات المطلوع واكل ناجحين .
مياسبم ربي يشفي الوالد ،اسمهااان وين غطستي اكيد راكي مقلبة الدار تنفظي فيها هيا كاش تحلية او طبق من اطباقك الجميلة.

هههههههه حبيبتي ما درتوش في بالي بصح باذن الله نجربو