وصفات حراير الكوزينة الجزء الثاني - الصفحة 74 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وصفات حراير الكوزينة الجزء الثاني

موضوع مغلق
 
أدوات الموضوع انواع عرض الموضوع
قديم 2015-09-16, 15:52   رقم المشاركة : 1096
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

عصبانتي ام ياسين الزهراء

تحكمي الكرشة والمصارن والرية وشوي كبدة وشوي قلب والطحال وتقطعيهم اطراف صغار وتبليهم مليح وتملحي وبصل مقطع قطع صغيرة مع الثوم والطماطم حب مرابية والدبشة والهريسة وطماطم مصبرة مغرف حمص وشوي زيت التوابل ندير كلش الا الكمون والقرفة يييييييييييييي وتخلطيهم مليح وتحكمي اطراف تاع الدوارة او الكرشة وتخيطيهم انا في داري ندير حسب افراد العائلة والصغار نديرلهم صغار كيما هم وتحميرهم بالحشو وتخيطي الفتحة وندير عليهم بربوشة .








 


قديم 2015-09-16, 16:22   رقم المشاركة : 1097
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

العصبان دائمة الحمد

تغسلي الكرشة مليح وتنحي الحواشي كاين لي يبرشها وكاين لي يحبها خشينة
هزي المصارين واغسليهم مليح بالماء والخل وزيدي اغسليهم بالماء وقطعيهم حطيهم يغلو ماء وملح
وممكن تقطعيهم بعد ماطيبيهم في الماء ويبردو
زيدي معاهم طريف كبدة ما تقطعيشو والقلب اغسليه ثاني مليح من الدم وبوخباي اغسليه جيدا جيدا ههههههه ولي تحب تزيد الرية نحنا ما يوكلوهاش انا تاع العيد نزيد معاه طريف لحم ونقصوقطع صغيرة وخليهم يطيبو
روحي للكرشة وفصليها قطع
حطي 2او3مك فريك يترنخ في الماء كاين لي يعمل الروز انا نحب لفريك ابن

لما يطيبو صفيهم وخليهم يبردو مليح باش يطاوعوك
قطعيهم او ارحيهم انا نفضل المرحي في الروبو يجي حاكم روحو والبنة تاعو تبان +الفريك لي رنختيه بعد لا تصفيه مليح من الماء +نصف م ك طماطم مصبرة+هريسة+فلفل حار مقطع رقيق +1طماطم مقطعة رقيقة +معدنوس ودبشة وكرافس مقطعين رقاق ر+ورقة او2نعناع يابس فتيه خلطي كلش مع بعض +صفار بيضة وخلطي مليح
هزي اطراف الكرشة وخيطيهم وخلي جيهة محلولة وقلبيهم واحشيهم واقفلي الفم واغسليهم ونشفيهم بطورشون واثقبيهم بابرة وحطيهم في لا صوص يطيبو وشهية طيبة.










قديم 2015-09-17, 06:48   رقم المشاركة : 1098
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

النيسلي الكراميليزي ام ملك

حطيت في كسرونة نصف لتر حليب و زدت عليه 300 غ سكر و زدت مغرف كبيرة لحظة و زدت مغرف كبيرة زبدة و نصف باكي خمارة و حطيتو على نار قلييييلة مين رجع لونو بني نحيتو بقالي فوق النار 40 دقيقة حطيتو في الفريجيدار باه نشوف مين يبرد كيفاه يولي مين برد مليح جبدتو لقيتو ما ثقاليش مليح زدتلو مغرف كبيرة مايزينة و رجعتو على النار 5 دقائق و رجع ثقيل و النتيجة كانت رائعة الصراحة هايل بزاااف ننصحك تزيديلو مايزينة مع اﻷول.










قديم 2015-09-17, 09:14   رقم المشاركة : 1099
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

العصبان بطريقة اجدادي touta 2010

الكرشة نوضعوها فالماء يغلي لبرهة ونحوها نخرطو بالسكين المادة السوداء لفوق حتى تولي بيضة
المصارين نفس الشىء نغلوهم ثم نقلبوهم بالشوكة الانهم فيهم مادة لزجة من الداخل نحوها بعد ما نقلبوهم
الرئة ندخلو الانبوب تاعها فالحنفية ونفتحوها نخلوها تمتلا ثم نضغطو عليها حتى تصفى من الدم نغلوها ايضا
نخلوهم ينشفو ملييح
اليوم التالي نقطعوهم قطع صغيرة نضفولهم اللحم الزائد لي فالكبش يعني الجلودة لي فالبطن
نضيف الثوم الملح راس الحانوت زعفران والكرشة نعملها اكياس ونخبي فيها الخليط ونخيط.









قديم 2015-09-17, 12:22   رقم المشاركة : 1100
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

اليويو ام اسحاقو


للامانة درتها من كتاب مطبخ سلام راهو في قسم الكتب
درت حبة بيض ضربتها مع نصف كاس شاي سكر ثم نصيف نصف كاس شاي حليب ونصف كاس شاي زيت خلطوهم مليح ثم اضفت رشة فانيليا وطميتهم بالفرينة حوالي 12 ملعقة كبيرة يكونو معمرين ونديرو مع الفرينة نصف ملعقة صغيرة خميرة كيميائية من بعد نديرهم كويرات و ندير ثقب في الوسط بالاصبع ونشكلهم مليح ونقليهم في زيت تكون متوسطة بلش يطيبو الداخل من بعد نعسلهم بعسل خفيفة ونقدمهم.

إضغط هنا لرؤية الصورة بحجمها الطبيعي.











قديم 2015-09-17, 16:07   رقم المشاركة : 1101
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

المايوناز لام كوثر ام ياسين الزهراء

في الروبو عادي شوفي الطريقة رفدتها من عند ام كوثر

حبة بيض وفرماج حسب واش عندك وديري سنة ثوم وشوي فلفل اسود وتبداي تدوري الروبو تاع البصل فهمتي وتبداي بشوي تطلقي عليه الزيت والله روعة روعة.









قديم 2015-09-17, 19:14   رقم المشاركة : 1102
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

تشاراك بالكوكاو oum ibrahim


250غ مرغرين
3ملاعق كبيرة مملوءة سكر ناعم
لفاني
كيس خميرة كيميائية
400 غ فرينة
2ملاعق كبيرة ماء الزهر
الحشو
كوكاو محمص مرحي
كمية من حلوة الترك
تلميهم بالمعجون و ملعقة صغيرة ماء الزهر
تحضري العجينة تخلطي المرغرين مع السكر و الفاني ثم تضيفي الفرينة 400 غ بالتمام و تلميها ب 2 مغرف ماء الزهر تحصلي على عجينة طرية متماسكة خليها تريح
حضري الحشو
اوزني كريات من العجين 25 غ و الحشو 10 غ انا درت هذا الوزن دارلي 31 حبة مليحة ماهي صغيرة ماهي كبيرة
شكلي كرية العجين حربوش و ديري وسطها حربوش الحشو و اغلقي و شكلي الهلالات نتاعك و طيبيهم على نار هادية مايطولوش 10 الى 15 د في فرن 150 درجة
لما تخرجيهم خليهم يبردو تماما باه تقدري تنحيهم من البلاتو
اغطسيهم الوجه في المعجون و رمديه في الكوكاو
ذوبي الشكولا و اعملي خطوط من فوق و خليها تنشف
في الاخير بالصفاية ديري رشة خفيفة سكر ناعم و الف صحة و هنا.

إضغط هنا لرؤية الصورة بحجمها الطبيعي.












قديم 2015-09-17, 19:15   رقم المشاركة : 1103
معلومات العضو
houda2003
عضو مشارك
 
الصورة الرمزية houda2003
 

 

 
إحصائية العضو










افتراضي

روعة شكرا جزيييييييلا










قديم 2015-09-17, 19:43   رقم المشاركة : 1104
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

خبز الهمبرقر ام محمد اسلام الله

ديرو كاس حليب دافىء ونصف كاس ماء دافيء وزوج ملاعق اكل سكر وملعقة ونصف خميرة تاع الخبز وخليهم يخمرو حتى يديرو فقاعات من بعد زيديلهم نصف كاس اتاي زيت ولا زبدة لي عندك وقرصة ملح وقرصة بيكاربونات وم صغيرة خل وتلمي بالفرينة حتى تتحصلي على عجينة طرية اعجنيها وخليها تخمر مليح من بعد شكليها و ادهنيها بصفار بيضة وشوية قهوة ورشي جلجلان وزيدي خليها تخمر مليح مليح مليح السر تاعها في التخمار من بعد طيبيها عادي كي تخرجيهم غطيهم بطرشونة باش يطرو وبصحتكم.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.









قديم 2015-09-17, 19:52   رقم المشاركة : 1105
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

البطاطا في الفور yasmalak


اول حاجة اشعلي الفور على نار قااااوية وخليه يسخن مليييح
قطعي حبات البطاطا اللي يكونو صغار على 4 اغسلييهم وقطرييهم اومباعد ديريي شوية زيت زيتون و ليزيبيس انا درت مغرف كمون شوية كركم فلفل اكحل فلفل عكري ,وادا تحبيها حارة ديري فلفل حار تان و شوية زعيترة و معدنوس يابس و توم بودرة و رشة تاع les herbes de provence وخلطي ملييح بيديك و ستفيييهم فالسنيوة و دخلييهم يطيبو ادا الكوشة تاعك تشعل غير من جهة اشعليلهم من تجت و كي يطيبو اشعليلهم يتحمرو من فوق.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.









قديم 2015-09-18, 09:27   رقم المشاركة : 1106
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

صابلي اسيا 27

500 مرقرين طرية - 4صفار بيض - 2 فنجال زيت صغار - 10 ملاعق كبيرة سكر - حوالي كاس مايزينة - 2 خميرة كيميائية - فرينة -مربى - كاوكاو مقشر و مرحى خشن و بياض بيض نلصقو بيه الكاوكاو قبل ما نطيبوه
خلي العجينة طرية شوية و بعد ما تطيبي الحلوة خليها حتى تبرد باه ترفديها من البلا تاع الفور باه ما تتفتتش
صحيح فيه الزيت مي ما يجيش كيما الصابلي اللي بالزيت.










قديم 2015-09-18, 09:34   رقم المشاركة : 1107
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

مربعاات الكاوكااو بذوق الليموووون lyzzabel


هي في الحقييقة الوصفة تنداار باللوووز و انا درتهاا بالكاوكاااو بصح مدااقه جا كيما اللوووز درك نقووللكم علاااش
كاان عنديي الكاوكااو فالمجمد جبدته و مباااااشرة للروبوو طحنته و درت زااست الليموون فالعجيينة و زدت العصيير فالقلااساااج ،، طبعاا الوصفة لي عندي ما فيهااش الليموون أصلاااا
المقاديير

300 غ كاوكااو مطحوون رقييق ،، 250 غ سكر رطب ،، 250 غ مارغريين داايبة و باردة ،، خمس حباات بيض مفصوليين الصفاار عن البيااض .. زااست حبة ليموون اصفر .. 120 غ فريينة .. رشة صغييرة ملح ..م ص ﻻافاانيي ،،قرصة ملح .. م ص خمييرة الحلوياات

للقلاسااج سكر رطب و 5 صفاار البيض .. م ك ﻻافااني و عصيير نصف ليموونة و ملون اصفر
في بوول نحط المارغريين الداايبة و السكر ال طب و الكاوكااو و الزااست و الفريينة خمييرة الحلوى و نخلط الكل جيييدااا .. من جهة اخرى نطلع بيااض البييض مع رشة الملح حتى يتمااسك ملييييح و نضييفه للخلييط اﻷول و نخلط من فووق للتحت انا استعملت الفويي و لي تخااف تستعمل ملعقة او سباتووﻻا حتى يمتزج جييداااا .. نفرغه في بﻻا داائريي مدهوون و مرشووش بالف يينة و نطيبه على 180 درجة حتى ياخد اللون الدهبي .. نخرجه و نخلييه يبرد
نوجد القﻻاسااج بخلط صفاار البييض و ﻻ فااني و عصيير الليموون و الملون طبعااا .. نبدا نضييف السكر الرطب حتى يتقااال .. نغطي كااامل وجه القااتوو و نزين حسب الرغبة .. انا درت خطوووط بالقﻻاسااج بعدما ضفتله شوية كاكااو و درت آلي غوتووغ بعوود اﻷسنااان خخخخ .. و نخلييه ينشف ملييييح و نقطعه مربعاااات .
يجي خفييييف و هشوووش و البنة تقوول باللووز و طبعاا لي عندهاا اللوز تااني يجيي روووووعة بدوون تعليييق
نجمو ندييرو ملون حسب الر غبة مع العطر لي يواالمه.
















قديم 2015-09-18, 10:29   رقم المشاركة : 1108
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

وصفة الكريم باتيسيير و الكريم ديبلومات oum ibrahim

2بيضات
100 غ سكر او ما يعادل نصف كاس نتاع 250 ملل
نصف لتر حليب
2 ملاعق كبيرة مملوءة و نصف نشاء
فانيليا
نحط الحليب في كاسرونة على النار يسخن
نضرب البيض مع السكر و النشاء بالخلاط اليدوي نفرغ الحليب فوق خليط البيض بالشوية و نخلط باه ما يطيبش البيض ثم نرجع الخليط كامل في الكاسرونة فوق النار متوسطة و نبقى نحرك بملعقة خشب حتى تشقال الكريمة وتتماسك و لما تغلي الغلية الاولى نطفي عليها و نحيها من النار لوكان تزيدي تخليها تكمل فوق النار رايحة تولي جارية و تخسر
نفرغها في اناء و نغطيها بورق غذائي شفاف لازم يلامس سطحها و ندخلها للثلاجة تبرد مليح
من جهة اخرى نطلع كريم شانتيي انا نطلعها بالماء البارد تجي متماسكة و بنتها روعة
ندير كاس ماء بارد و4 الى 5 ملاعق كبيرة مملوءةغبرة الشانتيي و نبدا نطلع بالباتور حتى تتماسك ممكن نزيد الشانتيي لانو هناك انواع شانتتي تتماسك بكمية قليلة و هناك انواع لالا و ندخلها تبرد هي كذلك
في الاخير نجيب الكريم باتيسيير ونبدا نضيف عليه الكريم شانتيي بلشوية و نخلط من فوق لتحت باه ما تهبطش ونحصل على كريمة خفيفة نعمر بيها التارتولات و الف صحة و هنا.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.









قديم 2015-09-18, 10:34   رقم المشاركة : 1109
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

قاطو مول السيليكون و المشيمشة ام ساجد


كاس ونص زيت وكاس حليب و4حبات فرماج تاع المثلثات نخلطهم ونزيد 4مغارف سكر ناعم ومغرفة فاني و4مغارف نشاءو1خميرة حلويات ونجمع بالفرينة نتحصل على عجينة طرية.


قاطو مول السيليكون

عملت كور وحشيتهم بحشو كاوكاو ومعجون وبريك لي هي جنواز تتباع خلطهم مع بعض ونهز شوي عجين نحلها ونحط في الوسط الحشو ونغلق ونحط في مول السيليكون اي شكل ونطيب وبعدما تبرد ناخذ نفس المول نطليه بشوكولا ذائبة من غير اضافات انا استعملت شوكولا منى ونحط حبة القاطو فوق الشوكولا الطرية ونخليها تنشف ومن بعد ندهنها بالملمع الذهبي.

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

المشيمشة

تشكلي كريات صغار وطيبيهم ومن بعد تلصقي كل زوج حبات بالمعجون وتحضري معجون مخفف بشوي عصير وتقسميه على زوج قسم تضيفيلو ملون اصفر وقسم تضيفيلو ملون احمر القليل برك وتغطسي نصف الحبة في الاصفر والنصف لاخر في الاحمر ومن بعد ترمديه في السكر العادي او نوادكوكو وتزينيه بورقة من عجينة السكر.


إضغط هنا لرؤية الصورة بحجمها الطبيعي.











قديم 2015-09-18, 17:18   رقم المشاركة : 1110
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

التليتلي ام رحاب

ديري الجاج في الكوكوط ديري البصل مرحي و2 حبات طوماطيش ترحيهم وشية فلفل اكحل وشوية قرفة واملح وخليهم يتقلاو مليح ومرقيهم وير حبيتي ديري حبة زروديوة وحبة بطاطا وقطعيهم صغار وديريهم ايطيبو ويلا ماحبيتيش تقدري تستغناي عليهو وكي ايطيب الجاج ارمي لحميصة تاعك وكي اطيب المرقة لازم اتكون عندك المرقة بزيادة على خاطرش تسحقيها
التليتلي تحكمي قدرة عمريها بالماء وخليها تغلي
وتحطي التليتلي في المقلة وديريلو شوية زيت واقليه حتان يدي لون واحطيه ايطيب مليح في القدرة وصفيه وخليه يقطر وديريلو 2 مغارف زبدة وارجعيه للفور كي اتشوفيهم دابو عاودي خرجيهم وديري لاصوص الي طيبتيها وديري الجاج من فوق باه يحمار وكي ينشف من لاصوص خرجيه وسقيه وديري الجاج من فوق والبيض مغلي براج وحطي لاصوص قدامو الي يحب ايزيد لاصوص.










موضوع مغلق

الكلمات الدلالية (Tags)
الثاني, الجسم, الكوزينة, حراير, وصفات


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 22:52

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc