الجزء 85 من واش طيبتي اليوم يامولات الكوزينة

[lyzzabel]

المشاركة الأصلية كتبت بواسطة fadoula fcb

مساء الخير لبنات واش راكم توحشتكم ان شاء الله تكونو بخير

بنت خويا خدمت بوتي فوغ ام أماني وقاتلي حطني في منتدي






[IMG]https://s*******-a-ams.xx.fbcdn.net/hphotos-xaf1/t1.0-9/10622945_318907711624963_8260542075685638132_n.jpg[/IMG]


عمري علي شاطرة

يا عمريييييي ماشاء الله تبارك الرحمن على ذيك العمر ربي يحفظها مووواااااااااح ليها ههههه ،، و أكيد توحشناك حنا تاني فضولة انشالله راكي لاباس ،، ربي يرزقك و يفرحك بلي راكي متمنية امييييين



ام انوستي حبيبتي العزيزة ربي يخليك ليا موااااحتييييين و هاذاك سيقار معسل خفيف و ساهل و بنيييين

سمسومة الله يسلمك حبيبتي ،، واش فطرتي اليوم ؟؟ ما تقوليليش حبة بيض ربي يفرحك حبيبتي


البارح بتنا قاعدين جوارينا دارو عرس حدانا حتى للفجر باش حبسو تقول ال Dj راه عندنا فالدار ،، كاين بين التواقي تاوعي و لا تيغاس لي دارو فيها السهرة 2 متر و لي باف حطوهم حدايا ربي وكيلهم هههه ،، مازال للان راسي راه يسطر و مازال ما شبعوش راهم دايرين الغنا ربي يهديهم

حسنا هاذيك الحية راهي سيقااااار معسل هههه


لا اله الا الله وحده لا شريك له له الملك و له الحمد و هو على كل شيء قدير

[lyzzabel]

ام الهضاب ربي يخليك حبيبتي كلك ذووووق دايما تفرحيني بكلامك العسل موااااااح و القاتو جاتني فكرة وحدخرا يجي فيييييلم مع العصير و لي هي فكرة ام اماني ربي يرجعهالنا بخير ،، رولي و تقسميه دي تخونش و تزيني الوجه بالكرام شانتيي معطرة وووووووو ،، هاااااه واش رايك ههههه ؟؟

حسنا نسيت نقولك بلي التارت روووعة خصووووصااا مين باردة هاذاك ماراني نحوس ،، السيقار درته و ما كليتش خخخخخ

[Simassim]

ربي معاك ليزا منيش عارفة فايق يهديهم ربي ويحبسوا العراس فالليل قاع الناس تشكي منه كي يجي الصح قاع يديرو فالليل

ههههه راني أدخلتها بيتزا هاد اليامات اليوم عاد شبعت قلتله صايي ماتزيدش تجيبلي لول راني نتفخت

كتب لي لاغوسات تاع السيقار نشوف

[Simassim]

ربي معاك ليزا منيش عارفة فايق يهديهم ربي ويحبسوا العراس فالليل قاع الناس تشكي منه كي يجي الصح قاع يديرو فالليل

ههههه راني أدخلتها بيتزا هاد اليامات اليوم عاد شبعت قلتله صايي ماتزيدش تجيبلي لول راني نتفخت

كتب لي لاغوسات تاع السيقار نشوف

[ام الهضاب]

ليزا و الله العظيم غير ماني نجامل فيك و لكن الحقيقة في عمرك بنات ما يعرفوا يديرو لكروكي ههههه في الخدمة نساء كبارات ما يعرفوا يديرو حتى حاجة و الله
الأعراس هنا عندنا منتصف الليل اخلاص الغناء هكذا متفاهمين كااامل حتى قاعات الحفلات

[lyzzabel]

سمسومة الناس بداو يفطنو راهم بداو يحبسو الأعراس تاع الليل و يديروهم فالنهار ،، و كاين لي مازالو ما نهداوش
و السيقار نوغمالمون تكوني تعرفيه
درت زوج حبات بيض و قرصة ملح و ضربتهم زدت اقل من نص كاس سكر عادي و لافاني و زاست الليمون اليوم ما درتش و نزيد نضرب و نضيف نص كاس زيت و زوج مغارف كبار حليب ساءل و نخلط و كيس خميرة الحلويات و نلم بالفرينة حتى تولي عندي عجينة طرية ،، نخليها ترتاح شوية و نسخن مقلة فيها الزيت و نبدأ نشكل لي سيقاغ و ننقص النار كامل و نقلي على الجهتين و نعسل و مرات نرمدهم فالسكر لرطب
و بصحتك البيتزا حبووووبة

[أم إناس]

ام الهضاب حبوبتي. وشراكي امممممممواح الجهد حبس في القاطو وماحبش يدير العشاء
حسناء التارت تهبل اممممممممم وتشهي
سمسومه. الحمدولله والله يسلكك على خير حنونه
فضيله ماشاء الله لى بنت أخيك الله يحفضها
اليزبال تحفه كيفلش درتيه سهل ولا لالالالالا
يوم السبت ران خرجين كامل العاءلة تاع زوجي ريحين للبارك للولاد. ولازم نوجدو سندوتشات. دبرو عليا وش نقدر. ندير حاجه تقعد للغداء
قلت لامي ريح نسمي ان شاء الله بنتي سلمي وش زعقو عليا وأختي قاتلي كي تقلقك بنتك قليلها يعطيك سالمى تعرفي سمطولي الاسم
دبرو عليا اسم مايتغيرش بالفرنسيه

[lyzzabel]

ام انوستي العزيزة ديري فريكاسي راه ساهل و يشبع و السيقار راني كتبت الوصفة طلعي راسك شوية ،، ساهل ماهل و بلخف يوجد ما يدي لا جهد لا وقت ههههه،، و الاسم درك نرسلك بعض لي يعجبوني و بصحتكم التحويسة مسبقاااا يا العميرة ربي يهنيك
ام الهضاب الله يسلمك حبيبتي

[ام الهضاب]

ههههههه ام اناس و الله غير ضحكتيني أملا وفري الجهد للعشاء و خلي القهوة عريانة كما يقولو هههههه
ديري سوندويتشات ما فيهمش حوايج يفسدو كما المايونيز و الكاتشب و البيض ..........الخ و ديري فيهم سلاطة و طماطم و سكالوپ و فرماج راپي مثلا و إدي بتي فور ولا بينيي راهي حطتهم ام سهام يهبلو في الصفحات الي فاتو وشوي فاكهة و يكفي اسم سلمى امليييح

[مرام 1987]

المشاركة الأصلية كتبت بواسطة أم إناس

ام الهضاب حبوبتي. وشراكي امممممممواح الجهد حبس في القاطو وماحبش يدير العشاء
حسناء التارت تهبل اممممممممم وتشهي
سمسومه. الحمدولله والله يسلكك على خير حنونه
فضيله ماشاء الله لى بنت أخيك الله يحفضها
اليزبال تحفه كيفلش درتيه سهل ولا لالالالالا
يوم السبت ران خرجين كامل العاءلة تاع زوجي ريحين للبارك للولاد. ولازم نوجدو سندوتشات. دبرو عليا وش نقدر. ندير حاجه تقعد للغداء
قلت لامي ريح نسمي ان شاء الله بنتي سلمي وش زعقو عليا وأختي قاتلي كي تقلقك بنتك قليلها يعطيك سالمى تعرفي سمطولي الاسم
دبرو عليا اسم مايتغيرش بالفرنسيه

السلام عليكم
سميها سااارة sara
Asma

[**وحدها غريبة **]

السلام عليكم البنات
يعطيكم الصحة
ليزا قوليلي ليسقار مايجوش معجنين ؟؟؟؟
شهاوني حابة نديرهم اذا يجو يقرمشو هههه
ام اناس اسم نسمة ملييح ومايتبدلش بالفرنسية

[Simassim]

أمنم كيما لي تخدمه ماما بصح مازالت مشوكية من نهار كليت شباكية سخونة وليت نخاف من هاد الصوالح المقليين ندوق حبة ولازوج برك

[lyzzabel]

المشاركة الأصلية كتبت بواسطة ابتسام23

السلام عليكم البنات
يعطيكم الصحة
ليزا قوليلي ليسقار مايجوش معجنين ؟؟؟؟
شهاوني حابة نديرهم اذا يجو يقرمشو هههه
ام اناس اسم نسمة ملييح ومايتبدلش بالفرنسية

لا ما يجوش معجنين ،، لازم تنقصي لهم النار خلاص باش يتنفخو ،، راهم يجو خفااااف و هشوشين ،، بصحتك مسبقا حبيبتي ،، حقا واش من شهر راكي ؟؟ ربي يسهلك و لكل الحوامل يارب

المشاركة الأصلية كتبت بواسطة simassim

أمنم كيما لي تخدمه ماما بصح مازالت مشوكية من نهار كليت شباكية سخونة وليت نخاف من هاد الصوالح المقليين ندوق حبة ولازوج برك

وعععععع واش داك تاكليها حامية ،، هاذو الصوالح تاع العجين عمرك ما تاكليهم حاميين ،،، مكراشة هههههه

[ام سهام 02]

السلام عليكم ورحمة الله تعالى وبركاته

ليزا بصجتكم السيقار ممممم وشكرا لك على النقل الوصفات

[إلهام07]

بناااااااااااااااات ربي يخليكم جاوبوني 2 م ص بيكاربونات كي نعوضها بالخميرة ندير وحدة ولا زوج بسررررررررررعة