بيتك جنتك ورضاء ربك مبتغاك - الصفحة 74

نافلة · 2013-02-23, 15:50

اقتباس:

المشاركة الأصلية كتبت بواسطة نبض الفؤاد

راني طليت عليكم ورايحة نوجد في القهوة وندير شوي فطير البارح درت gateau au yaourt جاني هايل بصح ما بقاش ما ينفع غير الفطير مع العيال

يعطيك حلومة شهيتيني راهو يبان كيما الرخسيس
تاكلوه بالصحة و الراحة

نافلة · 2013-02-23, 16:04

اقتباس:

المشاركة الأصلية كتبت بواسطة ام باديس

انا فتيحة من ضواحي الجزائر العاصمة ام لاربعة اطفال
زين الدين 15
ياسمين نوران 12
مارية 8
باديس سنة
ماكثة بالبيت نهار كامل وانا نجري مور الاطفال والشغل وملحقتش حبيت ننضم معاكم باش تحمسوني خاصة البرنامج الديني

خيار الناس عزيزتي راكي فتيحة الثاني معانا و ربي يخلليك وليداتك و يحفظهملك و تشوفي برهم

نافلة · 2013-02-23, 16:11

اقتباس:

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته
اخواتي لعزيزات وش راكم وش حوالكم
توحشتكم ياسر ياسر
اختي لعزيزة سليمة راني متبعتكم من بعيد لبعيد و راهي بعثتلي صليحة و وفاء ربي يبارك فيهم يخبروني بالدورة الجديدة
و راني ناوية ندخل معاكم و لكن نص نص راني حابة نشارك معاكم في الديني باش ننشط معاكم و ناخذ معاكم اجر الجماعة فياريت تعطوني رابط تاع الواجبات و كان مازلتو مابديتوش راني نستنى فيكم و نمشي معاكم ان شاء الله

سامحوني على الغيبة رانا شوية لاهيين هاد اليامات علابالكم افمتحانات على الابواب و ثاني عندي من ذاهب للعمرة فشوية مش لاهية باش ندخل ديما

سلامي لكل حباباتي كل واحدة باسمها
و ماتنساونيش من صالح دعائكم

ليلى على سلامتك كيراكي وكيراهم لي فالدار
ياريت نرجعو كايامنا لي فاتو

oummalak · 2013-02-23, 16:14

السلام عليكم ورحمة الله حبيباتي واش راكم سامحوني ما دخلتش كانت عندي جنازة رحت عزيت وهدا وين جيت
قريت المشاركات انتاعكم
مرحبا بكل الاخوات كل وحدة باسمها رايحة نحط برنامج في المساء ان شاء الله[/center][/center]

نافلة · 2013-02-23, 16:14

اقتباس:

المشاركة الأصلية كتبت بواسطة ليلى القسنطينية

مساء الخير عليكم كااامل و نهاركم زين و طيب
اسمحولي عندي بزاف ما شاركتش لكن راني هنا و مانسيتكمش
و ننتظر فقط في البرنامج الجديد و نكون معاكم بإذن الله

مساء النور عزيزتي ليلى راكي مسامحة راهو كل واحد وظروفو
المهم ما تنقطعيش علينا

سمراء الدنيا · 2013-02-23, 16:15

السلام عليكم و رحمة الله و بركاته
مجمعكم زين .... ربي يدومها صحبة طيبة

ام باديس · 2013-02-23, 16:15

اقتباس:

المشاركة الأصلية كتبت بواسطة fati 17

الله يبارك انا ثاني فتيحة

ويبارك فيك الاخت فاتي نتمنى نديرو اليد في اليد باش نشجعو بعضنا

سمراء الدنيا · 2013-02-23, 16:17

راني جيعانة و سخفتني حليمة بهذاك الفطير و ما لقيتش لدين للي يعجنو
حتى الكوزينة نقاتها الضيفة لمدت كلشي و راحت مسكينة
و انا من قبيل راني متكمشة راني نلمد الطاقة لغدوة باذن الله

ام باديس · 2013-02-23, 16:17

اقتباس:

المشاركة الأصلية كتبت بواسطة ماريا205

اهلا بيك معانا الاخت فتيحة
ان شاء الله ما يخصك والو معانا راك مع خواتاتك

شكرا ماريا على الترحيب وان شاء الله نلقى مبتغاي معكن

ام باديس · 2013-02-23, 16:23

اقتباس:

المشاركة الأصلية كتبت بواسطة فاطمة بشار

خيار الناس عزيزتي راكي فتيحة الثاني معانا و ربي يخلليك وليداتك و يحفظهملك و تشوفي برهم

شكرا اختي فاطمة ان شاء الله يحفظ اولادي واولادك وكل اولاد المسلمين يارب

سمراء الدنيا · 2013-02-23, 16:24

كيراكم لبنات
سليمة و فطيمة ووفاء و حليمة و ام باديس و فاتي و ام منيب و ام اريج و ليلى القسنطينية

بقات ميمي و خدوج و ياسمين و الفلوسة نتاعنا منى

ياك ما نسيت كانش حد ؟؟؟

ليلى القسنطينية · 2013-02-23, 17:03

اقتباس:

المشاركة الأصلية كتبت بواسطة فاطمة بشار

مساء النور عزيزتي ليلى راكي مسامحة راهو كل واحد وظروفو
المهم ما تنقطعيش علينا

ماننقطعش باذن الله اهنا نسكن هههه

ام منيب · 2013-02-23, 17:04

مساء الخيرعليكم
يا فاطمة انا ما عنديش بورطابل متطور
لكن المساء كي يدخل الراجل راني نجرب نصورولك
المهم توجديه في المحلات تاع الكنكايري عبارة عن بخاخ وقرعة بيضاء

ام منيب · 2013-02-23, 17:08

سمورة كاش توجاد ....كاش منضفات
وياريت توريلي بالصور لانها راح تشجعينا جميعنا

ليلى القسنطينية · 2013-02-23, 17:09

اقتباس:

المشاركة الأصلية كتبت بواسطة سمراء الدنيا

كيراكم لبنات
سليمة و فطيمة ووفاء و حليمة و ام باديس و فاتي و ام منيب و ام اريج و ليلى القسنطينية

بقات ميمي و خدوج و ياسمين و الفلوسة نتاعنا منى

ياك ما نسيت كانش حد ؟؟؟

الحمد لله اختي سمراء الدنيا لاباس
انا راني نوجد في روحي للبرنامج الجديد