مساء الخير حبيباتي الكوزينة راهي ناشطة الله يبارك يعطيكم الصحة لحراير
ليزا بسبوستك فتلتني يعطيك الصحة يا حنونة
الاخوات لي عجبهم معجون التباسا شكرا حبيباتي عيونكم الحلوين ولي طلبو الوصفة راني جبتهالهم الوصفة لحبيبتنا ام سهام المبدعة ربي يخليها وهذا الكلام على لسانها
خذي السفرجل اغسليه و قشريه و نقيه من النواة حكيه بالقارس ة قطعيه و فوريه . كيطرى ارحيه بالميكسور و لي معندهاش دير الرحايا اليدوية من الجهة الرقيقة. امبعد عبري 1كيلة سفرجل بيري ب 2كيلات سكر حجرة و لي معندهاش دير سكر عادي و لكن الحجرة احسن و ديريهم في اناء و غطيه و ديريه يبات في الثلاجة حتى يذوب السكر . غدوى منذاك فرغي الخليط في كوكوت ثقيلة على نار متوسطة مع التحريك بدون انقطاع بواسطة ملعقة خشب حتى تجمد و يبدا الخليط ينفك من قاغ الكوكت . فرغيها في ليمول تع سيلسكون مدهونين او في صينية مدهونة و اتركيها لمدة من 3 الى 4 ايام . انزعيها من ليمول مرريها في سكر ممزوج بكيسين فانيليا نوارة و عمري الثقوب بلجولي تاع السفرجل . و الى في الصينية قطعيها مربعات او مقروطات و مرريها في السكر و الفانيليا كذلك .
لاجولي:
غلي البذور و قشور السفرجل مدة 20 الى 25 دقيقة . بعدها صفيه و عبري كاس ماء مصفى مع كاس سكر و عصير الليمون على نار حركي شوية في الاول باه يذوب السكر خليه حتى يثقل و يرجع للنصف طفي و كيبرد ضعيه في بلارة
اختي ام يسرى القاورية كوزينتك ماشاء الله ربي يسعدك فيها حبيبتي وهذا تطبيقي للكوزينة قراتان الشوفلور بالكرام فراش امممممممممم لام تاجو ربي يخليها
والبسبوسة مازال ماطبقتهاش
[IMG]
[/url][/IMG]
[IMG]
[/url][/IMG]
( تقرير عن مشاركة سيئة )، و الموجودة أسفل كل مشاركة .
2015-11-09, 17:59
العرض العادي
